好開心,囝囝派左成續表,全級考......

小妮子

好開心,囝囝派左成績表,全級考第一,仲有獎學金攞,辛苦左全年,終於有回報,希望囝囝能夠keep住

SGG

Wow!! 恭喜哂！ 繼續努力！ 我都想知點可以考得咁勁！我女女只係全級第9...上年全級38，我唔識跟，全靠請左個小學Miss私補，今年簡直進步神速！連班主任都嚇一跳

Crabtree

好戥你高興! 希望我仔會係嚟緊一年緊張番自己啲成績, 如果唔係, 深信都好難追到了.

mickeywinnie3

真係好叻!!

原文章由 小妮子 於 08-7-9 12:30 發表
好開心,囝囝派左成績表,全級考第一,仲有獎學金攞,辛苦左全年,終於有回報,希望囝囝能夠keep住

Mickey27

hi, 你的case 同我差不多, 比科中文激壞, 中文人大, 係test, exam, 都係比科中文拉底晒. 好煩呀....

原文章由 小傑媽媽 於 08-7-11 11:29 發表
小妮子,
你真係一個好好既媽咪，你囝囝真幸福！
可唔可以教下我點幫個仔溫中文呀？佢今次考試科科都九十分以上，但中文就只得六十幾分，平均分比佢拉低晒…
我個仔唔鍾意做中文練習，遇到唔識做或者做錯左既題 ...

sword

原文章由 小妮子 於 08-7-12 10:35 發表
以我個人意見，我認為唔係小一個底要打得好，而係成個小學都要打好個底升中，因為升到中學係要靠小朋友自己架，我地做媽咪既根本幫唔到D嘜，只係可以當朋友咁鼓勵佢。

你講到你個仔小一成績一般，我唔知道你所指係邊科，定係科科 ...

Thanks very much.
We will work hard in this summer.

KCL2000

真係恭喜哂
我個囝囝全級考第五
進步好多
希望下年可以學你囝囝
衝擊全級第一名

BabyHippo

多謝你的分享,我睇到你放了不少心機及時間,所以才有這份成績,恭喜您!

小妮子

以我個人意見，我認為唔係小一個底要打得好，而係成個小學都要打好個底升中，因為升到中學係要靠小朋友自己架，我地做媽咪既根本幫唔到D嘜，只係可以當朋友咁鼓勵佢。

你講到你個仔小一成績一般，我唔知道你所指係邊科，定係科科都一般。我自己囝囝以前間幼稚園程度比較深，所以升上小一時都唔係咁大問題，不過係囝囝讀小一時，見班主任果時同佢傾開，先知原來好多小朋友係唔識得解題目，更加唔知道份卷要佢地做乜（例如：小朋友唔知乜野叫選詞填充，重組句子：把詞語排成通順的句子……），因為讀幼稚園時老師會解比同學仔知，要佢地做乜，但係上到小一（老師都會解返），但係過左一排（其實時間好短，我自己稱為蜜月期），就要小朋友攞到份卷，自己做架啦，我講咁多，係想講係唔係你小朋友都遇到呢個問題呢？如果係呢個問題，就容易解決，平時做練習時，叫小朋友讀埋（例如：擴張句子：把括號內的詞語內加入句子內），要小朋友讀一次再解釋一次，久而久之，小朋友就會識得自己睇題目啦。

當然由P1到P2再到P3，課文係深左（廢話） ，但係唔會一下子就深晒架，係慢慢黎，所以我覺得不如趁呢個暑假同小朋友重溫一下小一既課本，買一本包涵中英數常既練習比小朋友做，睇下小朋友有乜唔識（做到啱時，要贊下佢，小朋友會好開心架，等佢唔會怕左做練習），再慢慢解返比佢聽（要有耐性，唔好一步登天），等你知道究竟小朋友遇到乜野唔識，你同佢一齊解決，記住呀，考試時老師出既題來來去去都係果D，如果小朋友咁啱唔識或者唔明，只係抄返個答案返黎，咁下一次再出返同類型既題目，都係一樣會錯架。

最後，遇到一D要特別留意既，用螢光筆畫起佢，要小朋友特別留意，好似我自己咁，我好長氣架，成日都會提住囝囝，囝囝可能就係怕左我咁長氣，所以都會同我合作。

舉個例：例如小一既英文，He, She, It動詞要加s，我就成日提住囝囝。

其實小朋友考試,我係會同小朋友溫晒所有內容,再睇返小朋友比較差既,同佢做多D呢方面既練習,溫習既取向就會專攻囝囝比較弱黎教,好似我小朋友,作文比較弱,因為我知道升上小四,中文作文係好重要,所以我要趁呢個暑假,我叫囝囝睇多D課外書,自己再叫佢作多D文,任囝囝點寫都好,我只係想知道佢可以寫D乜`我,我再修改返,等佢知道自己既程度。

講講下，我好似越講越亂 ，希望可以幫到你，遇到乜野問題，大家再係呢度分享下。

原文章由 sword 於 08-7-11 17:18 發表
恭喜樓主!
小兒現正P.1將升P.2，成績一般。
想請教你的過來人經驗，
就以考試內容重點和溫習取向，
P1至P2至P3有何轉變?
是否P.1的底好重要?否則到P.3谷唔上。
謝謝你的寶貴分享。 ...

mayto

I can image you will be super happy.

sword

恭喜樓主!
小兒現正P.1將升P.2，成績一般。
想請教你的過來人經驗，
就以考試內容重點和溫習取向，
P1至P2至P3有何轉變?
是否P.1的底好重要?否則到P.3谷唔上。
謝謝你的寶貴分享。

小妮子

小傑媽媽:

你囝囝緊唔緊張自己成績架,呢樣係好重要既,如果佢緊張自己成績或者名次,你可以同佢講媽咪都係想幫你,你睇下,你科科都九十幾分,剩係中文差少少,幾唔抵呀,如果你肯跟住媽咪教你既方法,我相信一定會有回報架!

另外,你囝囝唔鍾意做中文練習,又唔睇課外書,不如咁啦,你冇要佢睇,係你自己講故事比佢聽,遇到D生字,你同佢解釋返,當然故事書既內容係你囝囝鍾意果D,久而久之,等佢冇咁抗拒,先至要佢自己睇,再講返比你聽.

中文練習你可以比佢做一D簡單既,佢做得啱時,你可以贊下佢,等佢有返自信心!

最後,bk有d媽咪post左一d網址,係有一d中文遊戲都幾好玩,又可以學到既,你可以搵一搵,如果我搵得返,我再係呢度post出黎!

小妮子

多謝你,唔好咁擔心啦,下次再努力過啦,我囝囝都試過中文攞72分,果時都嚇死我,唔知道出左乜問題,不過我後尾改左溫習既方法,中文先進步左好多,所以一次既失敗唔係代表永遠既,只要努力,一定會成功既(好似好老土)!

你可以同囝囝講,成功兩個字係有腳仔架,你唔努力去追住佢,佢會走架,呢句說話係我成日同囝囝講既

原文章由 小傑媽媽 於 08-7-10 21:31 發表
congratulations! 你囝囝真係好叻呀，三年級既課程好深，考到咁既成績真係得來不易呀！來年繼續努力，一定可以keep住攞好成績架！
我個仔仲未派成績表呀，仲有一個星期先派，佢最叻都只係考全班第一咋，全級都未試過入到三甲…今次考 ...

小妮子

Thanks All！

其實我開呢個Topic都驚比人話晒命，因為而家既bk有少少唔同左，好多時人身攻擊，唔係咁好，不過都唔理得咁多，因為我真係好開心，好想同其他bk媽咪分享，如果你地留意下我註冊既日子，係囝囝小一派位的日子，當時自己乜都唔識，好彩多得bk媽咪們幫手，先至冇咁徬徨。


至於囝囝間學校係邊間，係呢度唔係咁方便講，如果你地有留意我開既topic（雖然唔係好多），就會知道啦！囝囝係小二插班生（下學期），開頭都驚囝囝唔適應，好彩囝囝都好鍾意新學校，你地一定會問點解要轉校，因為呢間小學有聯擊中學（band 1英中），而我覺得要同小朋友轉校越細個越好（唔係舊校唔好）


囝囝學校一共有四次考試（上下學期），而每次考完試學校都會排名次，囝囝一共有三次全級第一，而最尾一次考試雖然分數高左，但就排全級第六，我問返囝囝，囝囝話份卷好容易，我諗係囝囝唔小心做（佢有時就係過份自信 ），所以其他同學攞到高分，咁四次既分數加埋，囝囝就攞到全級第一。

有媽咪講會唔會好大壓力，冇就係呃你，不過我唔會比囝囝知道，我只係同佢講，如果你有乜野唔識，媽咪會教你，但係如果媽咪教過你既，而你唔小心做又或者唔識做，媽咪就會好失望，囝囝都算乖，都好少令我失望，遇到唔識或者唔明既，我會同佢解釋，自己再出D囝囝比較弱既題目比佢做，做多左，自然會有進步。

以後大家有乜教小朋友既心得，一齊係呢度分享下，一齊努力呀！


[ 本文章最後由 小妮子 於 08-7-11 10:53 編輯 ]

Fayme

原文章由 小妮子 於 08-7-9 15:47 發表
多好謝大家祝賀！我其實真係好開心！

唔好話請教，言重啦，當然可以分享下心得，希望各位唔好見笑。

練習一路都有做開（由囝囝幼稚園開始做），唔可以話監，平時做完功課就會做一、兩頁（包括中、英、數 ...

恭喜哂!!!!!真是要向你多多學習!!多些上來分享啊!!!

vet

does it matter to you

原文章由 基仔囡囡 於 08-7-10 21:21 發表
方便透露讀邊間學校嗎？

基仔囡囡

方便透露讀邊間學校嗎？