下大雨的日子 – 被人拿走的雨傘

edea

最近不少日子都下著大雨, 今天早上更是傾盆大雨.

上星期下著雨時, 小墨魚進校門不慎滑倒, 一時間我地都忙著扶她起來, 順手把雨傘放在校間的傘桶, 讓小墨魚坐在長椅上, 確認她沒有受傷後讓她自行上樓, 回頭時我先生的雨傘已經失去. 前後不過兩分鐘. 由於曹校長和翠姐一直在校門附近, 應該不會是街外人拿去了. 我們想或者是有家長錯手拿了, 或者應該第二天會歸還, 但最後也沒有還給學校.

今天早上真的非常大雨, 我把長傘放在桶內上樓, 下樓時和另一位媽咪閒聊幾句, 她說因為今天非常大雨,她用了一把超大的雨傘遮仔仔回校, 我們去到校門, 又不見了….曹校長和翠姐都記得那把大傘, 因為它和一般雨傘不同, 很大, 所以被錯拿的機會很微. 看著外雨如倒水般下雨, 那位媽咪一時手足無措, 幸好我有一把縮骨遮借了給她, 她也要趕著上班.

我覺得很不滿是為什麼有人要這樣做, 不知是家長還是工人姐姐, 但你拿去別人的雨傘, 那別人怎麼辦? 雨天裡曹校長和翠姐忙著照顧小朋友進校, 尤其是坐校車的小朋友, 更何況他們不可能認得那一把雨傘屬於誰, 全靠大家自律.

一把 雨傘不值什麼錢, 但在下雨的日子, 沒有了雨傘就非常不便, 尤其好像今早黃雨下, 難道叫人衝去地鐵站嗎?一定渾身濕透! 我忍不住生氣, 覺得這種人很自私!

ngkf

我地明天就放假同佢玩. 會睇戲同行街.

鬢毛"吹"係好其本既野. 連我中文程度咁差既都知. 應該校對個位仁兄既責任.

明天可能會去循道睇下有冇Arm 佢既course, 因為黃主任都有介紹了幾個.

edea

原文章由 ngkf 於 08-6-29 11:19 發表
阿女話佢自己麻麻地.不過要我地買玩具時又話考得幾好. 吹漲.

我都女考完就買左兩本老夫子俾佢睇.

仲買左一盒cd俾佢聽, 係唐詩朗誦, 由譚玉瑛朗誦, 可惜佢都係讀錯"鬢毛衰" 衰字個音, 盒入面既書本都有寫讀"催", 但譚玉瑛都係讀左做"須", 似乎監製不力. 其餘詩都好易上口, 自從學校教左詩詞後,小墨魚好鍾意唸詩, 所以買俾佢聽下, 佢好鍾意"金鏤衣", 我都鍾意呢首詩.

ngkf

阿女話佢自己麻麻地.不過要我地買玩具時又話考得幾好. 吹漲.

edea

原文章由 ngkf 於 08-6-27 21:35 發表
佢地成績出了,滿意嗎?

係咪指對卷? 我問個女成績點,佢話有d滿分,有d減一分, 有d減多d...唔記得咁多.

講左等於冇講.

ngkf

佢地成績出了,滿意嗎?

edea

原文章由 ngkf 於 08-6-27 15:31 發表
我自從貼了阿女個名上把遮度就未比人攞錯遮. 比人攞錯就有,比人偷真係未發生過.

不過我係阿女跳舞班度真係見過有姐姐無帶遮攞人地d遮(不過個度長期有幾把無人認領樣衰遮, 個姐姐會攞䚍遮). ...

如果係問過翠姐係冇人既遮都ok, 如果隨手拎人地d遮好有問題.

今朝打左鐘校車岩岩到, 我幫手遮班小可愛入學校, 睇住佢地一個個真係開心. 你囡囡落車時都係笑容滿面, 好開心咁.

快d下星期二就好啦, 好耐冇去玩!

ngkf

我自從貼了阿女個名上把遮度就未比人攞錯遮. 比人攞錯就有,比人偷真係未發生過.

不過我係阿女跳舞班度真係見過有姐姐無帶遮攞人地d遮(不過個度長期有幾把無人認領樣衰遮, 個姐姐會攞䚍遮).

[ 本文章最後由 ngkf 於 08-6-27 15:33 編輯 ]

edea

原文章由 ngkf 於 08-6-26 22:48 發表
之前係chai wan返工, 食飯時聽到個工人話成日比人偷遮. 好火.

另一個工人話比佢聽佢都有呢個經驗,又係好火. 最後屋企無遮拿了老婆把粉紅色遮番工.... 佢發覺無人偷佢把遮了.

從此之後佢就一直用女人遮 ...

真慘, 男人之家逼住用女人遮.

ngkf

之前係chai wan返工, 食飯時聽到個工人話成日比人偷遮. 好火.

另一個工人話比佢聽佢都有呢個經驗,又係好火. 最後屋企無遮拿了老婆把粉紅色遮番工.... 佢發覺無人偷佢把遮了.

從此之後佢就一直用女人遮

[ 本文章最後由 ngkf 於 08-6-26 22:49 編輯 ]

edea

落得太多雨啦, 我前日放左一盒車厘子o係公司密實盒, 估唔到尋日八號風球冇返工, 今日返黎發晒毛.
連蟑螂都出動, 前幾日屋企有一隻, 頭先做做下野秘書入黎, 跟住冇耐尖叫, 原來文件架上面又一隻, 我又驚, 佢又驚, 蟑螂爬入我一個空花盆, 我拎個膠袋, 秘書快手掉入個袋我紮起, 九秒九拎去後樓梯掉左佢, 討厭呀!

軍魁星

唔見左既野永遠都搵唔返, 維有笑下補返數.

meimeilam

原文章由 軍魁星 於 08-6-26 12:57 發表



再搵第二部DV錄住第一部DV, 然後再搵第三部DV錄住第二部, 咁得lu 掛.

dabbycheung

原文章由 軍魁星 於 08-6-26 12:57 發表



再搵第二部DV錄住第一部DV, 然後再搵第三部DV錄住第二部, 咁得lu 掛.

比你笑死!

其實會唔會係D呀賓呀印?

edea

原文章由 軍魁星 於 08-6-26 12:57 發表



再搵第二部DV錄住第一部DV, 然後再搵第三部DV錄住第二部, 咁得lu 掛.

唔得啦, 笑到反肚!

軍魁星

原文章由 edea 於 08-6-26 12:52 發表


DV喎, 機會仲大, 值N咁多把遮

再搵第二部DV錄住第一部DV, 然後再搵第三部DV錄住第二部, 咁得lu 掛.

edea

原文章由 軍魁星 於 08-6-26 12:46 發表


擺部DV係個counter度錄住佢.  (不過會唔會DV都俾人摞走呢? )

DV喎, 機會仲大, 值N咁多把遮

軍魁星

原文章由 edea 於 08-6-26 12:42 發表


好難喎, 十幾二十把遮, 又唔知邊把會被人睇中.

都唔知乜野心態.

擺部DV係個counter度錄住佢.  (不過會唔會DV都俾人摞走呢? )

edea

原文章由 軍魁星 於 08-6-26 12:38 發表



裝佢彈弓.

好難喎, 十幾二十把遮, 又唔知邊把會被人睇中.

都唔知乜野心態.