讀漢華小學家長請進~

issac

點解d人唔見哂~~~~~!!!!
我今日問過自己幼稚園的校長,佢話其實漢華很好,不比港大差,我想可能未有口碑~
遲d去開放日看看...

Charlotte_mom

你中計了! (哎, 機大招風掛, 每年總有d人唔知咩居心, up得就up )
港同而家個校長已經係第3年, 係之前既副校長, 並無行政大混亂, 校長係一個好勤力同好有心既人, 我地唔覺有咩大混亂過
港同呢類新思維學校, staff turnover係會較傳統學校高, 因為傳統學校易教, 而且p-fund好勁, d老師唔會走, 新思維學校就教材新, 教法新, 老師用既時間多好多, 傳統學校功課, arm就arm, 唔arm就唔arm, 老師快快手就改完, 新思維學校樣樣都open question俾小朋友寫, 成篇都要改, 你話邊樣舒服d...........而且新學校較多合約老師, 非編制老師等, 佢地一走自己拉高條curve, 根據校長說法, 其實舊年真係遞信辭職的老師, 不多過5個
至於師生比例, 根據小學概覽, 港同768學生60老師, 漢華94學生7老師, 其實大家師生比例差唔多(呢個係舊年資料了, 漢華而家有埋p3, 應該又請左新老師)
其實我自己都有參觀過漢華的, 亦有聽過家長feedback, 漢華d校長老師應該係幾有心, 唔錯的, 語言環境亦好(3日普通話日, 2日英文日?), 又小班
相對下, 港同staff team較多人, 可以安排更多類型既課外活動/延伸活動/單元, 下午活動就比較afford到編排得多姿多采(我女已試過mini tennis, 水墨畫, rugby, 戲劇等)
功課方面, 港同功課係真正活動的, 好多有趣既工作紙, 小朋友要成日動腦筋, 又有project, 要求小朋友活學活用, 我自己覺得似大學既學習模式, 你都講得arm, 係要求父母一齊參與的, 無可能expect一個低小學生識去圖書館自己揀書, 讀完再寫返出黎吧! 至於漢華功課設計係點, 我都想知, 上次簡介會上得唔到有關資料

原帖由 jj825fung 於 08-10-10 12:34 PM 發表
我都有考慮過港大同學會，但網上得知港大行政混亂，教師流入率高，而且需要家長大量投放時間以協助學生。漢華是新學校，競爭比較小，而且小班教學，老師對學生的比例比較高。

...

jj825fung

我都有考慮過港大同學會，但網上得知港大行政混亂，教師流入率高，而且需要家長大量投放時間以協助學生。漢華是新學校，競爭比較小，而且小班教學，老師對學生的比例比較高。

原帖由 minmin 於 08-10-9 21:55 發表
請問各位媽咪, 當初你地有無諗過讀港大同學會?
如有, 請問點佢比較港大同學會和漢華呢?
或者點解唔簡港大同學會呢?

minmin

請問各位媽咪, 當初你地有無諗過讀港大同學會?
如有, 請問點佢比較港大同學會和漢華呢?
或者點解唔簡港大同學會呢?

jj825fung

星期二四的課外活動是不需要額外付款，而且包括在上課時間，不需要多留在學校。

原帖由 Carol88Chan 於 08-8-11 13:23 發表
孔澄，你好。 請問馮二四的課外戶動是否需要額外交學費呢?
星期二四 有eca
星期二係音樂 可選琵琶 柳琴 笛子 非洲鼓
星期四可選舞蹈 跆拳道 體操




...

jj825fung

漢華小學是活動教學。

原帖由 曳人 於 08-9-1 18:06 發表
新手上路, 我個仔今年K2, 我諗今年我應該開始睇定小學資料, 我想問漢華小學係屬於傳統的學校定係較活動教學式的學校?

曳人

新手上路, 我個仔今年K2, 我諗今年我應該開始睇定小學資料, 我想問漢華小學係屬於傳統的學校定係較活動教學式的學校?

Carol88Chan

孔澄，你好。 請問馮二四的課外戶動是否需要額外交學費呢?
星期二四 有eca
星期二係音樂 可選琵琶 柳琴 笛子 非洲鼓
星期四可選舞蹈 跆拳道 體操

原文章由 孔澄 於 08-8-4 09:37 發表
中文用普通話 英文用英文 只有數學同體育用廣東話

課本用longman
中文呢 都係跟書教
英文呢 有時唔係好跟書教
我成日問我姪女 老師教咩 佢又講唔出
不過佢返學校跳舞 老師用英文問佢 玩得開唔開心 佢又識答:lover ...

TIN821

原文章由 issac 於 08-8-3 12:26 發表
E.........佢地話會有人帶住小朋友架喎~
仲叫我要帶埋小朋友架~
佢地冇同你講咩?

哈哈哈..佢又無講wor, 我又無問, 咁我帶埋個女去啦

孔澄

中文用普通話 英文用英文 只有數學同體育用廣東話

課本用longman
中文呢 都係跟書教
英文呢 有時唔係好跟書教
我成日問我姪女 老師教咩 佢又講唔出
不過佢返學校跳舞 老師用英文問佢 玩得開唔開心 佢又識答

仲有呢 佢雙班主任制
而老師個個都好親切
與家長溝通除了有寫手冊 仲會打電話比家長

功課都平均都有5樣
不過多數功課時間就做完
星期二四 有eca
星期二係音樂 可選琵琶 柳琴 笛子 非洲鼓
星期四可選舞蹈 跆拳道 體操

其實 最重要 係個姪女同佢既同學 仲有同學家長 都覺得間學校幾好 d小朋友都好乖 好開心
而且係小班教學 對小朋友既關注足夠
間學校仲好乾淨
廁所都好乾淨

所以真係唔錯既

issac

E.........佢地話會有人帶住小朋友架喎~
仲叫我要帶埋小朋友架~
佢地冇同你講咩?

TIN821

原文章由 issac 於 08-8-1 23:45 發表
interview應該冇關係~
我今年8月會去小一簡介會.
你會唔會去?
我今年先面試,唔知佢問咩.
知左再上黎講~
^^

我會去呀, 已經 fax 左去留位, 不過仲唸緊帶5帶個女去, 因我問過有段時間係答問環節, 小朋友可能好悶

issac

interview應該冇關係~
我今年8月會去小一簡介會.
你會唔會去?
我今年先面試,唔知佢問咩.
知左再上黎講~
^^

TIN821

想請問下是否在統一派位前, 無論是私立或是管校都只可揀一間 INTERVIEW 的呢?  及請問漢華 IN 時會問什麼呢?  謝謝各位幫忙

issac

孔澄


可以講多d學校d野嗎?
課程如何?
thx~

孔澄

我是小學部的一個家長

其實中學d學生都好純樸
雖然學校比較嚴
但係總好過有d學校愛理不理

其實學校同家長是應該有緊密溝通
先可以幫到個小朋友
盡早知道個小朋友 有咩問題 就可以更早幫佢解決

petunia

原文章由 ?? 於 08-7-13 21:41 發表
有無人知中學校風如何？

老師話佢哋會管得好嚴，點解佢哋得３班是否收生不足？

我同事有個女在呢間讀書，(我都係教書的)，佢話呢間學校一開始就係級級三班，中一到中五都係三班。佢考入去時係鐘意佢提出小班教學，35人一班，但係就有太多學生報名所以佢果班有成40人。個朋友話個女成日都覺得間學校有好多同學，多度d男同學話有四五個球場都唔夠玩。

校風呢...我同事就無講，但係就成日話個女要留堂，遲到要留堂，無帶功課又要留堂，上堂唔知點樣又留堂，總之個個星期都聽佢收到電話通知佢個女留堂，聽到我都感覺到佢覺得煩。間學校又容易記學生缺點，上堂傾計又記一個，無帶書又記一個，攪到佢好鬼死緊張。佢話個女成日都話唔鐘意，又話壓力大要轉校，我又見佢爸爸幾受落咁。

講真，我教左咁多年書，都未試過打咁多次電話俾同一個學生的家長，我會覺得呢間學校都幾煩d家長的。

??

有無人知中學校風如何？

老師話佢哋會管得好嚴，點解佢哋得３班是否收生不足？

Little_Wing_Mom

Yes, I have received their call today to confirm the acceptance of my daughter.  

I will get one more interview for my daughter at Chai Wan SKH St. Michael's on coming Monday.  St. Michael is my first choice.  But my daughter likes Hon Wan more than St. Michael.   My hubby told me to let our daughter choose her own.  

Both of my hubby and I like the education methods and langauge environment of Hon Wan.  Although we need to pay school fee and misc. fee for studying there + taking risk (this school is quite new in Chai Wan and hasn't gained any reputation yet), we think Hon Wah is suitable for our daughter in comparing with those traditional school.

Looking forward to meeting you and your kids there.

原文章由 hoichun 於 08-6-13 23:47 發表


漢華......應該好快會覆你!

Shaukiwan Tsung Tsin School --> sorry, 呢間學校唔識 答唔到你.

希望你好快搵到學校啦!!!!!

hoichun

原文章由 Little_Wing_Mom 於 08-6-12 20:51 發表
My daughter has just attended the interview by the school.  Don't know the result yet.

I still have a bit hesitation on whether I should let my daughter study Hon Wah or not.  I felt not satisfy with ...

漢華......應該好快會覆你!

Shaukiwan Tsung Tsin School --> sorry, 呢間學校唔識 答唔到你.

希望你好快搵到學校啦!!!!!