大家覺得小朋友曳, 學校責任大定父母責任大?

des1971

同學仔曳, 小朋友係咪好易受影響?

Berry_luk

原文章由 kimberleych 於 08-5-14 08:55 發表
你真係講中哂！

我平時好多野都唔出聲，算數，但蝦我個女就唔得！有d大人，見有小朋友既人就以為好蝦d，其實係大錯特錯，如果我咁樣都保護唔到我既小朋友，我仲有乜資格做佢阿媽呀． ...

kimberleych

你真係講中哂！

我平時好多野都唔出聲，算數，但蝦我個女就唔得！有d大人，見有小朋友既人就以為好蝦d，其實係大錯特錯，如果我咁樣都保護唔到我既小朋友，我仲有乜資格做佢阿媽呀．

Berry_luk

原文章由 kimberleych 於 08-5-13 17:33 發表
算喇，我都係嗰句，比人閙完，就同個女解釋，呢個世界咩人都有架．

我地都試過３次比人無辜辜閙，次次我都問下個女有乜感受，點知，真係好好笑，頭２次佢話唔知發生乜事（太細，一次３歲，一次５歲），第３次（６歲）佢話，唔嬲，閙你之痳，又唔係閙我．

咁你呢句真喎，我 ...

所以, 我覺得我地做女人真係好掂, 為了自己啲仔女, 自己本身幾細擔又怕事, 但啲仔女一有事, 就會變成一隻獅子. 要上班的, 就算幾累, 一放工就幫啲仔女睇功課及溫習, 放假都想休息啦, 但就要帶啲小朋友去這去那學嘢, 或帶佢地去玩, 好偉大呀!!!!!

kimberleych

算喇，我都係嗰句，比人閙完，就同個女解釋，呢個世界咩人都有架．

我地都試過３次比人無辜辜閙，次次我都問下個女有乜感受，點知，真係好好笑，頭２次佢話唔知發生乜事（太細，一次３歲，一次５歲），第３次（６歲）佢話，唔嬲，閙你之痳，又唔係閙我．

咁你呢句真喎，我次次同人撐，唔係因為自己，係因為覺得點解佢咁細個要蝦佢，要同一個幾歲大既計較．

上次係書局個女點到前面女人就係，一味咬住佢唔放，我都有反搏個女人，就係你成５０歲人同一個７歲計，佢就算唔能夠一秒內講對唔住，都唔洗比你閙成咁姐，係馬．

Berry_luk

原文章由 kimberleych 於 08-5-13 13:18 發表
我個女成個”暗春”咁，係學校個個老師都話佢乖，又攞操行獎，都試過幾次係街比人閙無家教喇．

閙人無家教嗰d人，我相信，大部份都係無仔女，根本唔明乜野叫家教，有次我咪搏咗一個女人，你話我無家教，你阿媽又有咩？

小朋友，小小碰撞，就 ...

有時真的無計架, 為有叫自己個小朋友小心啲, 妳知啦, 其實比人話無家教時, 唔開心的唔係比人話我無家教, 而是傷害了我哋啲仔女的心, 佢地咁細, 又唔知咩事就比人閙, 個心會好難受, 而我哋唔開心的原因, 就是看見自己啲仔女難受. 個心好痛呀!!!!

kimberleych

我個女成個”暗春”咁，係學校個個老師都話佢乖，又攞操行獎，都試過幾次係街比人閙無家教喇．

閙人無家教嗰d人，我相信，大部份都係無仔女，根本唔明乜野叫家教，有次我咪搏咗一個女人，你話我無家教，你阿媽又有咩？

小朋友，小小碰撞，就閙人無家教，咁係邊個先無家教呀？就算佢直畢立咁企，行得慢，你都可以話佢無家教架喇．bullshit.

細蚊仔純，唔係壞事嚟架，好似我個女，家下都同佢d同學有少少距離，因為我覺得佢地都好醒，換句話說係”世故”，好識講野，但，係咪好呢？見仁見智．

Berry_luk

原文章由 kimberleych 於 08-5-13 12:14 發表
我無去過呀!聽你咁講,佢地又幾有"教育".

仲有呀,講開又講呀,你覺唔覺香港好多人都好燥, 成日少少事就想殺人咁, 你知架喇, 我地帶住細路, 有時都好論盡, 上車落車, 有時試過嚴我地行得慢, 推我個女添呀!  又有時, 有 ...

多謝妳的安慰, 但純與頓只差一線, 個字都好似.
我覺架, 我覺香港人愈來愈燥狂了, 都唔知掂好, 有時都幾驚, 驚要是不小心遇著這類人, 我就頂得一兩拳, 但我個仔頂唔到架, 一個不小心真的會中招. 妳知啦, 小朋友點會明白什麼是燥狂, 佢地只是一個小朋友, 一定會跳來跳去, 一個不小心就撞到. 唉! 比人罵第一句咪就係無家教囉!

kimberleych

我無去過呀!聽你咁講,佢地又幾有"教育".

仲有呀,講開又講呀,你覺唔覺香港好多人都好燥, 成日少少事就想殺人咁, 你知架喇, 我地帶住細路, 有時都好論盡, 上車落車, 有時試過嚴我地行得慢, 推我個女添呀!  又有時, 有些大人, 自己都拖住個細路, 顏係唔知點解, 小朋友小小hi親佢，都可以發火閙人，哎，都唔知係咪個社會有病！

至於，你個仔，千其唔好覺得佢頓呀，佢係純，知無？

Berry_luk

原文章由 kimberleych 於 08-5-13 10:56 發表
我試過比個男人閙到我顛呀! 真係無辜辜!

嗰次又係拖住個女,去搭車,嗰個男人,唔知有2條隊可以排, 我日日搭開我知, 點知, 嗰個男人一開口就閙我做乜打尖,大陸雞.

嘩,個死佬呀,一味閙閙閙, 個女當時又細,又唔敢同佢對 ...

嘩! 咁呢件case妳又真係好慘喎, 真係唔知啲香港人諗嘜, 見到有人帶住個小朋友, 都咁樣, 話現在啲小朋友又點會唔有樣學樣呀, 妳話嗰個男人點教仔女, 想都想到呢! 所以現在啲小朋友咪咁野蠻囉. 唉
妳有沒有去過台灣, 我去過一次, 比我的印象真的加了很多分, 我也是自由行去的, 所以我們時時帶住啲小朋友乘地鐵, 真的是差不多每一次上車, 啲人一見到我們帶住個小朋友, 不論是年青男女或成人, 都會立即起身, 而且仲係兩個人一起起身, 因佢地係想個亞媽同個仔女一起坐. 有次真的有點耐久, 我地上車, 見到有兩個染到全個頭都係黃色的頭髮, 我地個心就有啲驚驚地, 妳知啦, 如果是香港咁既頭有8成會以為佢地是壞人, 點知佢地一看見我們帶住啲小朋友, 立即起身, 笑住咁叫我地坐, 嘩! 當時個心都幾耐久, 仲以為人家是壞人. 起碼佢地個心是地善良的. 真的是人不可以貌相.

kimberleych

我試過比個男人閙到我顛呀! 真係無辜辜!

嗰次又係拖住個女,去搭車,嗰個男人,唔知有2條隊可以排, 我日日搭開我知, 點知, 嗰個男人一開口就閙我做乜打尖,大陸雞.

嘩,個死佬呀,一味閙閙閙, 個女當時又細,又唔敢同佢對罵; 只有同欺文方法同佢講道理, 我話呢條隊我日日返工排咗十年, 有2個龍頭然後再聚埋一個頭上車, 你無搭過你唔知姐.

點知, 佢仲好似有燥狂症咁, 死都唔收口, 一味指住我, 話我打尖, 真係又嬲, 又無辜.

最慘就係, 香港人, 大部份人都唔識抱不平, 無一個人夠膽出聲.

Berry_luk

原文章由 kimberleych 於 08-5-11 08:04 發表
唔好話小朋友既世界喇, 就算係大人, 講句俗d，幾賤既人都有喇．

我試過有一次，係書局排隊比錢，個女腳仔”hi”到前面個人腳爭，我都嚟唔切講對唔住，梗係即刻拉開個女先，再同佢講你整親人，諗住教佢同人講對唔住，已經比個女人閙到 ...

其實真架, 出面好多人都有精神問題, 所以就算唔係自己錯, 都會比人閙到癲, 有時真的唔知點同個仔講好. 為有盡量保護個仔啦. 不過有時小朋友都唔知自己要做什麼, 或應做什麼, 只有不停的提佢 地, 不過, 有時真的提到自己都有啲.

kimberleych

唔好話小朋友既世界喇, 就算係大人, 講句俗d，幾賤既人都有喇．

我試過有一次，係書局排隊比錢，個女腳仔”hi”到前面個人腳爭，我都嚟唔切講對唔住，梗係即刻拉開個女先，再同佢講你整親人，諗住教佢同人講對唔住，已經比個女人閙到我同個女飛起，話：你無家教架？個女整到人，唔識講對唔住．

我心諗，有無攪錯呀？我地企佢後面，點踩到佢呀，只不過當時排隊，又迫，你知好易點到，點知就係咁閙我個女，無教養呀，乜都出齊．

我梗係好嬲喇，無儀態都係咁話，我搏佢，你話我點教女，你阿媽又點教你呀？佢一直死纏住我地，成個顛婆咁，要求我道歉，講真，佢未閙我前，我會；閙完我，我仲同佢講，傻架；況且，我根本唔覺得我地有錯，正如係街點到人，我都會禮貌講對唔住，唔理邊個錯，呢種係禮貌，但佢一開波就閙我，我係唔會就犯．

後來，佢做同店長講要報警，我話你咪報囉，同警察講，比個６歲女，踩破咗隻腳呀，彩你既都傻喇．

事後，我都有用呢件事教個女，我話：我同你講咗好多次，同人要保持安全距離，你睇，比人閙喇，幾唔抵！因為我平時真係時時提佢，唔好企咁埋，唔好點，唔好點，但你地知，細路女，梗係活潑跳跳窄架馬．．．．

仲有，我都有教佢，無論邊個對與錯，發生pang撞，要第一時間講對唔住，就可以小好多爭執；個女即刻問，佢話：明明係條隊行，個女人無行，我先點到佢腳爭；我就話：我知，我知囡囡你無錯，但呢個世界乜人都有，我地唔好同人咬交，除非佢太過份，好似後先個女人咁，我都忍不住，我會搏佢，當然，我都覺得佢好小器，我都時時係街到比小朋友兜腳踩埋嚟，係鞋面個隻，咁又點呀，我都覺無野，出街都預咗架喇．．．．

Berry_luk

原文章由 kimberleych 於 08-5-10 18:26 發表
講真個句, 邊個唔想自己小朋友係無風無雨的環境下長大,生活,但實際係,可以嗎?  當佢同我講乜野乜野點時, 我時時都同我個女講(洗腦), 你可能改變呢個人或環境嗎? 如果唔可以, 我建議你用另一個角度去睇, 當然說易行難 ...

好同意, 就算是在我們眼裏他們應該是幸福的家庭, 為什麼他們的小孩子都會如果雙面, 在我個仔的同學這個case我知道了, 是信任, 因他一向都得不到他媽媽的信任, 但在我個仔的case裏, 他的媽媽突然非常地信住他及關心他, 使他很開心, 所以有完沒完有的繼續投訴下去, 使我和他的媽媽都好煩.
每天放學都聽到他的媽媽問他, 有沒有曳, 有沒有比老師罵, 有沒有比老師罰, 每一天他都要答他的媽媽同一個答案, 無! 妳如果是那小孩, 妳又會如何?!
所以妳說得對, 一定有一些東西是缺少了. 我也擔心, 我個仔那麼頓, 是不欠缺了什麼.

kimberleych

講真個句, 邊個唔想自己小朋友係無風無雨的環境下長大,生活,但實際係,可以嗎?  當佢同我講乜野乜野點時, 我時時都同我個女講(洗腦), 你可能改變呢個人或環境嗎? 如果唔可以, 我建議你用另一個角度去睇, 當然說易行難, 但久而久之, 10件事都有3-4件, 佢會接受.

仲有, 我深信, 有問題既大人好, 小朋友好, 一定係某程度上有欠缺, 至於欠缺乜, 當然人人唔同, (可能係愛, 親人給予既時間, 金錢, 自信心.......) 好多野真係唔可以睇表面, 亦都沒有呎去量度, 因為甲可以承受既野, 乙未必頂得順; 正如同一件事, 點解有人歡天喜地, 有人卻以死去了結. (打個譬如, 好似知道自己懷孕咁).

Berry_luk

原文章由 kimberleych 於 08-5-10 07:06 發表
續:

嗰件事都發生咗成年, 我最近問個女, 那個同學點, 真係正如我預計, 佢既問題一路一路浮現, 家下仲做咗問題學生, 學校要比多十陪既時間去教佢, 除咗佢情緒有問題, 成績唔得, 時時講大話比人踢爆(你知細路講大話有 ...

吓! , 個女孩攪成咁呀, 真係好慘呀! 講大話同情緒有問題真的好難攪架, 真的唔知佢幾時講真幾時講假, 又幾時會發脾氣, 其實每一個人都會講下大話, 這是好難避免, 因每一個人都會保護自己. 但如果時時都講就真的變成習慣, 到時連自己都唔知自己講的是真是假了.
出現問題小孩的學校都唔好得去邊, 間學校的老師同社工都會好慘同好辛苦, 要揾好多配套才能幫到這個小孩, 留這個孩子又不是, 要她走又不是, 真煩架.

Berry_luk

原文章由 kimberleych 於 08-5-10 07:00 發表
係呀,你講得啱呀,我起初打比老師,都係想問,點解無人通知我,佢整親隻手; 班主任解釋就話啱啱發生係轉堂,而跟住又無佢堂,又臨近放學,所以佢都係放咗學, 由另一個老師講先知.

雖然牽強, 我又可以點? 咪收貨囉.

梗係 ...

好同意妳所講, 而且深切體會到. 人家的小朋友真的是不在我們控制範圍內, 只有教好自己的小孩才重要.

kimberleych

續:

嗰件事都發生咗成年, 我最近問個女, 那個同學點, 真係正如我預計, 佢既問題一路一路浮現, 家下仲做咗問題學生, 學校要比多十陪既時間去教佢, 除咗佢情緒有問題, 成績唔得, 時時講大話比人踢爆(你知細路講大話有幾叻架喇, 講得又屎 ), 最近好似話有社工跟進, 日日放學要留係學校補習, 連校長同訓導都熟哂佢.

咁,你話做佢呀媽慘唔慘?

kimberleych

係呀,你講得啱呀,我起初打比老師,都係想問,點解無人通知我,佢整親隻手; 班主任解釋就話啱啱發生係轉堂,而跟住又無佢堂,又臨近放學,所以佢都係放咗學, 由另一個老師講先知.

雖然牽強, 我又可以點? 咪收貨囉.

梗係心痛, 我都同老師講, 如果比我發現, 那個女仔係有心, 我會報警, 咩, 家下小朋友傷人唔洗負責呀, 起碼都警司警戎喇.

不過, 係呢件事, 我都發現咗一樣野, 同學識咗一樣野, 發現既, 就係個女心地好善良, 下下都幫住那個女仔, 仲幫佢說話, 佢地不嬲都唔熟, 但都話算喇, 佢都無心嘅.......算喇......之類既說話...

學識既就係原諒, 係那個女仔係好有問題, 但, 從而之另我發覺自己同個女有幾幸福, 咁, 點解, 我試下去原諒佢.

講真個句, 如果你覺得那個小朋友係乜問題都無, 你咪當同情下佢媽媽, 將來點教呀? 無問題都咁, 有咪仲死? 況且, 你睇得到哂人地既問題咩, 我地唔係X光機, 人地有問題都唔會展現比你睇, 有些人係好識收藏.

再講, 我都成日教個女, 自己蝕底少少唔緊要, 有人蝦你唔緊要, 你可以嬲, 可以出聲, 但之後, 那個人唔改, 你算數, 因為真正損失係"他", 而不是你, 因為無人會真心對佢, 喜歡佢.

起初, 個女咁細, 梗係唔明, 講下講下, 佢都明喇, 有時仲會講, 佢咪拽囉, 睇下第2時佢點會有朋友, 點搵工做........　

Berry_luk

原文章由 kimberleych 於 08-5-9 16:30 發表
係，任何人都無可能無時無刻同學校有聯絡；但，今時唔同往日，２０年前既學校，可能要等家長日，先見到班主任，但家下既學校，一年總會有３幾次主動聯絡家長，尤其是負責任既老師，係會好關心小朋友；而做家長既，亦可主動問老師，放咗學之後打比佢地 ...

真奇怪, 理應老師要打電話告訴個家長, 妳個女受傷架. 嘩, 好心痛呀, 如果是我, 一定心痛到暈. 因為想到都知道會很痛.
妳都好呀, 起碼那女孩都有理據証明真的是佢做, 但我的case就沒有了, 家庭完整, 幸福家庭, 媽媽全職照顧, 那裏會查到呢?! 那有證據呢?! 老師唔會問佢, 又唔想挑起事端. 因如果一定要佢認, 佢死都唔認, 奈何?! 因我見過佢媽媽問佢, 佢想都不會想就會答:無, 我無. 而事實真的有, 但佢都會說沒有, 佢媽媽就放棄問, (不像我會引我個仔說真話, 我個仔不懂說謊, 問兩問就忍不住) 而佢媽媽知道是有的. 可是佢媽媽都由他, 不想逼他. 怕傷到他. 唉! 又如何可以教呢?!