唔知有冇媽咪d小朋友在依家幼稚園讀緊

seeci

我住調景嶺, 小朋友兩歲, 開始搵學校啦, 你地會唔會搵返依區既幼稚園, 我新搬入依區, 我上網睇到一間學校個名係天主教聖安德肋幼稚園, 在坑口站, 上網睇d環境好似幾好, 唔知有冇媽咪d小朋友在依家幼稚園讀緊, 我想知好唔好, 教學方式係點, 請你地話我知, 謝謝!

seeci

原文章由 foggyao 於 08-4-10 22:47 發表
我只係聽過話學校對老師，職員都有嚴格要求，
所以學校職員，老師都受到好好評! 小朋友都會讀得好開心!!

但聽聞課程真係比較淺，所以睇你想點。

以下只係個人感受，如有得罪任何家長，請不要見怪。

我住tko，女女未出世前(即係 ...

多謝你地回應, 咁附近有邊間好幼稚園可以介紹比我, 誇區但又可太遠都可以, 我真係唔知邊間好

foggyao

我只係聽過話學校對老師，職員都有嚴格要求，
所以學校職員，老師都受到好好評! 小朋友都會讀得好開心!!

但聽聞課程真係比較淺，所以睇你想點。

以下只係個人感受，如有得罪任何家長，請不要見怪。

我住tko，女女未出世前(即係未搜集資料前)，我都係好鐘意呢間學校，因見到小朋友真係返得好開心咁。

但我知道課程算淺後，我都會放棄揀它。

聽聞，佢有小學係聖安德肋小學 ~ 都好似話tko區，係好好學校之一。有教無類。

[ 本文章最後由 foggyao 於 08-4-10 22:49 編輯 ]

moonychan

ＹＥＳ，ｓｔ．ａｎｄｒｅｗ最正就係環境靚

至於教學，佢地用定期評估，因為用學卷，唔可以測驗考試！！

總之，佢係區內就唔錯，但如果你對小朋友有要求，就要誇區喇．

Federica

睇你想唔想谷小朋友英文啦！因為佢係中文幼稚園, 沒有外籍老師教英文, 如果想谷佢英文就唔掂, 但如果你諗住讀一般中文幼稚園, 呢間算係區內較出名, 因為環境好, 所以好多人爭讀, 好難入, 但師資及教學質素, 就唔覺有人讚。
你試吓click入幼稚園一覽, 西貢區, 就會找到這幼稚園的討論區