囡囡"一言九頂",唔之點算好?

808280

囡囡今年三年級,無論做中/英作/查詞典.....都唔係用腦,
只話"唔識"要媽媽教. 做錯事又唔係認錯,明明係錯
都話無,還 "一言九頂" 頂都 "我" 發火.
問佢問題都一定答 "唔知" , 永遠唔會比答案 "我"
我真唔至點教佢!就比佢激死!

808280

依家d"細路"好惡教,我個女已經係人版,
駁嘴更是強項,懶也一絕.

ylf1428

原文章由 baby00 於 08-3-4 23:29 發表
有時我都好想知道, 點解啲小朋友教佢哋就等於罵佢哋, 我個仔仲話我, 點解佢講一句我就講十句喎, 但因有啲問題一定要解釋比佢知應該及唔應該, 但佢就覺得我是罵佢, 可能我個樣一向都好嚴肅, 佢有時真的好怕我看著他,  ...

你個仔D對應幾叻! 真是唔適答。 我都試過同亞仔"講"完話之後, 入洗手間, 看下自己, 原本個樣是 , 真是嚇人。

現在做父母的唯有調教自己, 不要事事要求他們依循, 保持大家良好的關係。 否則, 你想他和你"一言九頂", 佢都費事採你。

hkparents

以前我們的父母那有咁多時間和心情教我們,都是我們自動自覺的,到現在我們的子女,絕大部份得到父母關懷,反而得不出理想的效果,這是否叫做社會進步呢?

baby00

有時我都好想知道, 點解啲小朋友教佢哋就等於罵佢哋, 我個仔仲話我, 點解佢講一句我就講十句喎, 但因有啲問題一定要解釋比佢知應該及唔應該, 但佢就覺得我是罵佢, 可能我個樣一向都好嚴肅, 佢有時真的好怕我看著他, 有時會問我, 點解我要碌大隻眼望住佢,我就告訴佢我隻眼本來就大, 佢就很生氣地告訴我, 那我都可以碌大隻眼望妳啦! 時時問點解我可以做的佢唔可以, 氣死我了.

PansyMummy

原文章由 叮鈴 於 08-3-3 00:01 發表


每個小朋友除了家庭環境，天生氣質都有很大影響。同一個家庭 ，兩個小朋友的性格可以分別好大，這在出世後不久，敏感的父母都可以留意得到呢﹗

所以，不同性格的孩子，用同一技巧教養，未必有同一效果。聽過有些父母唔得閒理個 ...

如果我個女係咁我就發達啦 !
我個女响大約一歲剛剛學行階段嘅時候, 佢已經識用佢自己先聽得明嘅BB話駁咀, 重要係我話完一句, 佢行前2步駁一句, 跟住我再話佢, 佢就退後2步"呢"响工人背脊後面等我話完佢, 佢又再行前2步又用BB話再駁咀, 如是者5-6次, 我當時就緊係覺得個女好可愛&得意啦, 但係而家諗起就覺得呢個女係好難教同埋要俾好多心机&時間先至可以, 唉.....
而家個女快6歲啦, 佢亦成日駁DADDY 咀, DADDY就話我教成個女咁樣, 唉....我都唔知點教啦.....

P-Ma

Totally agreed with 叮鈴。

叮鈴

原文章由 彤媽媽 於 08-3-2 18:39 發表
其實想溝通得好,
用多些時間同佢玩,就可以了,
你肯放多些時間陪佢,
子女自然會跟你

陪佢玩=關心佢=有溝通

我成日都同個女玩,
玩玩具,玩咭,玩串字遊戲,打波,打機,講故事......
我地好多時間相處,好多一齊的快樂時光 ...

每個小朋友除了家庭環境，天生氣質都有很大影響。同一個家庭 ，兩個小朋友的性格可以分別好大，這在出世後不久，敏感的父母都可以留意得到呢﹗

所以，不同性格的孩子，用同一技巧教養，未必有同一效果。聽過有些父母唔得閒理個細路，佢小一已經好識得自己照顧自己，自己溫習讀書，自己返學放學，成績很好架。有時，生左個乖寶寶出來，不用花很多功夫，父母無情白事都可以變成模範父母呢﹗。

叮鈴

原文章由 YuYuMother 於 08-2-23 21:49 發表

四年級算遲啦!! 我囡囡而家一年級, 點只九頂, 簡直句句頂到應!!

我覺得唔係教唔教既問題, 而係佢聽唔聽~~~~ 咁大個又唔打得, 佢唔聽你講都無符. 我而家唯有用"唔睬佢"呢一招: 如果話佢唔聽, 我會唔睬/理佢, 到佢認 ...

一年級都算遲喇﹗我囝囝由未識講野開始，已經同所有人 "頂撞"、唱反調；未識講野時用非語言，識講野時加埋語言，至加下7歲，"爭戰"都仍未結束，這源於不肯苟同、抗拒權威兼自尊心極強之故，故此，"同志" (父母、老師)實在仍需努力，不要放棄 。

baby00

原文章由 彤媽媽 於 08-3-2 18:39 發表
其實想溝通得好,
用多些時間同佢玩,就可以了,
你肯放多些時間陪佢,
子女自然會跟你

陪佢玩=關心佢=有溝通

我成日都同個女玩,
玩玩具,玩咭,玩串字遊戲,打波,打機,講故事......
我地好多時間相處,好多一齊的快樂時光 ...

嘩! 十二歲都沒有駁咀, 真少有, 我個仔雖然好多嘢都唔識, 但都會有時駁咀氣一下我, 妳個女都好乖喎, 而妳都好有耐性, 如果要我同佢玩, 真的好難呀, 佢亞爸仲差過我, 叫佢倍佢, 佢就訓覺, 佢係仔, 有好多嘢我倍唔到佢玩架, 唉!

彤媽媽

其實想溝通得好,
用多些時間同佢玩,就可以了,
你肯放多些時間陪佢,
子女自然會跟你

陪佢玩=關心佢=有溝通

我成日都同個女玩,
玩玩具,玩咭,玩串字遊戲,打波,打機,講故事......
我地好多時間相處,好多一齊的快樂時光,
佢好喜歡我,所以無駁咀問題,
佢就妮十二歲啦,都唔會咁

對小朋友要以身作則,未肯定做唔做到,
就唔好講出妮,除非你一定做得到,
要講道理,唔可以做父母就好似大晒咁

見過好多父母話小朋友讀書點唔好,
話小朋友懶,
係人都想玩架啦,
做父母又唔想放時間去教佢(做人及讀書),
但係又要求佢好叻??

我見過一些家長,
求其小朋友做完功課,就唔理佢,
唔係去打痳雀,就去左睇碟,打機..
都無真係去關心下個小朋友
大家的關係好先奇

baby00

原文章由 808280 於 08-2-27 12:58 發表
我昨天送女返學時去搵佢訓導主任講囡囡
學習及駁嘴的問題.  回家後收到佢
校長電話約我再談.校長話我太緊張個女,
要我對個女放手不要再理佢功課,只簽手冊
便可以,功課由得佢自己做,對錯有老師跟進.
可能一 ...

我個仔個班主任都叫過我哋咁做, 不過真的好難堅持, 總知唔小心看到佢有嘢錯就忍唔住要 ,現在只是隻眼掃下便算, 睇到就叫佢改, 睇唔到就算, 等老師叫佢自己改囉. 唔睇佢, 佢又話我唔理佢, 那就=唔疼佢喎. 咪睇下算囉, 返正佢一向都覺得我唔叻架, 咪叫佢自己找書及查字典找答案囉.

Berry_luk

原文章由 丸媽媽 於 08-2-27 01:26 發表

我既方法就係盡量唔會畀有"一言一頂"既開始,堅持到既話就會推遲"一言九頂"情況出現

大仔而家12歲,呢期都開始頂多左,話佢乜都話冇/唔係,好多野都拗一餐,通常我會停一停同佢講(內容都幾老套): "你唔駛講咁多, ...

贊成!!!!

808280

我昨天送女返學時去搵佢訓導主任講囡囡
學習及駁嘴的問題.  回家後收到佢
校長電話約我再談.校長話我太緊張個女,
要我對個女放手不要再理佢功課,只簽手冊
便可以,功課由得佢自己做,對錯有老師跟進.
可能一時成績會差D,但長遠看是要佢學識
學業是自己不是父母的.最重要係我要堅持
不理佢一段時間才可成效.我要堅持到底呀!

Chole

但係放學後時間已經好緊迫，如果唔理佢兩個鐘可能乜都未做........   我急佢唔急！

原文章由 baby00 於 08-2-26 18:55 發表


嘩! 你個女都係好忍得喎! 佢唔理你超過2小時, 咁佢忍幾耐你們才理返對方呀?

YuYuMother

原文章由 丸媽媽 於 08-2-27 01:26 發表

我既方法就係盡量唔會畀有"一言一頂"既開始,堅持到既話就會推遲"一言九頂"情況出現

大仔而家12歲,呢期都開始頂多左,話佢乜都話冇/唔係,好多野都拗一餐,通常我會停一停同佢講(內容都幾老套): "你唔駛講咁多, ...

制止到就梗係好啦, 問題係佢根本唔聽你講, 學你話齋, 唯有即時停止對話.....再講只會傷感情~~~

YuYuMother

原文章由 baby00 於 08-2-26 21:58 發表


那你同返佢講嘢佢會否立即哭起來呢? 我個仔會架, 如果我哋鬥氣,   我唔理佢, 佢都會唔出聲唔理我, 但後來我同返佢講嘢, 佢會立即哭起來 , 好似好委屈咁架, 跟住佢會話:你唔係唔睬我架咩!跟住便哭了 ...

我囡唔會喊架, 佢受軟唔受硬, 我同佢講番野佢最多睬番我.......

其實佢好眼淺, 同佢講道理or講d touching d既野佢就會喊!!

丸媽媽

原文章由 Fayme 於 08-2-23 22:39 發表
有無媽咪可分享應付 "一言九頂"的方法,我都好想學野:idea:

我既方法就係盡量唔會畀有"一言一頂"既開始,堅持到既話就會推遲"一言九頂"情況出現

大仔而家12歲,呢期都開始頂多左,話佢乜都話冇/唔係,好多野都拗一餐,通常我會停一停同佢講(內容都幾老套): "你唔駛講咁多,剩係講一句,到底你仲想唔想聽我教你,想聽就剩係用耳仔聽就夠,請你收埋把口!"

可能你地會問,如果佢頂番話唔想聽咁又點,我個仔雖然未試過咁夠薑,但都諗定答番佢,唔想聽我都冇野好講,大家唔好講野~~~do~~~~~~

我覺得雖然而家做父母要持開放態度,畀仔女表達意見係岩,但點都要做仔女明白"長幼有序"既道理,當仔女一開始頂咀時就要制止,我經常見好多父母真係畀仔女頂都'咕'聲吞左就算,可能佢地唔覺得果d係頂,只係覺得仔女講野都有道理,但我就覺得一言九頂就係由仔女呢d所謂小道理開始

總之一句講晒,無論同仔女對話內容有冇道理都好,態度係最重要,如果態度唔好話之佢有天大道理都要制止

[ 本文章最後由 丸媽媽 於 08-2-27 01:38 編輯 ]

baby00

原文章由 YuYuMother 於 08-2-26 20:36 發表

Hmm....都唔會太耐既........始終都要其中一個開聲先嘛!! 之後我會同佢傾番件事, 問佢知唔知錯囉~~~~

其實小朋友好多時都知咩野岩可以做, 咩唔岩唔可以做, 問題係知易行難嘛........所以有時都要比番個 ...

那你同返佢講嘢佢會否立即哭起來呢? 我個仔會架, 如果我哋鬥氣,   我唔理佢, 佢都會唔出聲唔理我, 但後來我同返佢講嘢, 佢會立即哭起來 , 好似好委屈咁架, 跟住佢會話:你唔係唔睬我架咩!跟住便哭了!

YuYuMother

原文章由 baby00 於 08-2-26 18:55 發表


嘩! 你個女都係好忍得喎! 佢唔理你超過2小時, 咁佢忍幾耐你們才理返對方呀?

Hmm....都唔會太耐既........始終都要其中一個開聲先嘛!! 之後我會同佢傾番件事, 問佢知唔知錯囉~~~~

其實小朋友好多時都知咩野岩可以做, 咩唔岩唔可以做, 問題係知易行難嘛........所以有時都要比番個下台階佢落台既!!