真人真事~ 對海洋公園血的控訴

noeyesee2007

我們在12月2日帶我6歲的兒子到海洋公園玩, 他在玩其中一個叫” 太空摩天輪” 時, 從坐位中掉了下來, 撞得頭破血流,滿面傷痕 .

在玩那機動遊戲前, 我們已先問那工作人員我兒子是否適合玩, 當時工作人員清楚告訴我 “ 可以, 因小孩的身高已過122cm.” 我們當時再問,需要大人倍他嗎? 因那機動遊戲是沒有 ”安全帶” 的, 但他們說 “ 不需要”. 我們唯有相信他們的專業, 這是很錯,很錯的決定.
事後海洋公園當值主管不但沒有即時停機, 測試是否機件有問題, 只不停地告訴我們海洋公園的所有機動遊戲已通過所有政府的安全測試, 是很安全的.
如果真的那麼安全, 那我兒子為什麽會受傷呢?
我兒子在海洋公園受了傷, 我們要自行乘救護車離去 (自費), 他們從不關心小孩的傷, 還在當我在醫院時, 打電話給我叫我 ” 快點駛走我那停泊在海洋公園停車場的車, 因他們八時半收工, 車是不可在停車場過夜的.”
已去信海洋公園投訴, 回愎仍然是他們沒有錯, 已PASS 給保險公司跟進.
相信事情亦會”不了了之” .:cry:
當然海洋公園沒有錯, 有錯的是機動遊戲生產商的錯, 因機動遊戲安全有問題, 有錯的是政府給他們通過安全測試, 及父母錯信海洋公園.
所謂人微言輕, 我真的不知什樣做才可幫我兒子討回公道, 請各位家長給我一些意見.

健朗媽咪

呢個機動遊戲我上個月都帶過個仔去玩過, 我個仔啱啱好夠1.22米,6歲, 不過我有陪佢一齊玩, 工作一員撿查d門係唔係已經鎖好時, 有提醒我小朋友要雙手捉實欄杆, 對腳要"燦"實前面或側邊,基本上亞仔玩時都有d驚, 但係有照足工作人員指示去做, 所以平安咁玩完呢個遊戲

樓主呢件事, 可能呢個高度玩係無問題, 但係小朋友有無照足指示去做, 家長就算一個湊幾個, 都無可能比小朋友自己去玩, 仲要係之前未玩過, 我覺得呢件事上, 家長都要負最大責任

cello147

原文章由 sundaymorning 於 07-12-8 12:36 發表
其實有什麼好得過推過於人, 一旦發生了意外,就是他人的錯, 但是作為家長要教導子女什麼是承擔, 自己作出的決定就要自己承擔責任.  一個幾歲大的小朋友要玩, 家長就要自己衡量小朋友的能力,  聲稱相信他們的專業, 他 ...

樓主自己都有好大責任, 個仔跌成咁, 唔可以全部懶海洋公園既錯,
仲話要投訴? 咁你家人有冇投訴你, 怪你好俾個仔去玩?
自己決定錯左就要承認, 唔好將所有錯歸對方

sundaymorning

我今年四十歲, 1.23米高, 要有大人陪, 你係唔係陪我 Y.

我唔知你有沒有玩過, 由於離心力的關係, 就算你唔扶都不會跌下的, 不要好似那些廿零歲的所謂記者用腦去做新聞地寫出來笑壞人.  反而好多人因為緊張而過度用力與地心吸力對抗而受傷, 正常去玩都不知幾安全, 安全帶 - 不如裝在巴士罷啦.

你以為海洋公園沒有檢討嗎?  我唔相信, 如果佢真係對意外不聞不問, 佢一早已經執苙啦, 仲駛等到今日咩.

好多野唔駛大鑼大鼓去話過你知我有檢討架.

原文章由 木土土 於 07-12-17 00:18 發表
從之前既post都有很多人小孩時玩過也認為危險, 有些更受了輕傷, 明顯現在set的高度限制不適當.

改善可以從很多方面著手, 不一定是限制歲數, 可以加安全帶, 檢討高度限制, 例如某高度以下需有成年人陪同 (像冒險樂 ...

木土土

從之前既post都有很多人小孩時玩過也認為危險, 有些更受了輕傷, 明顯現在set的高度限制不適當.

改善可以從很多方面著手, 不一定是限制歲數, 可以加安全帶, 檢討高度限制, 例如某高度以下需有成年人陪同 (像冒險樂園踫踫車) , 做mug都好,起碼海洋公園應該去研究可改善的地方, 而不是發生意外後只refer 去保險跟!

原文章由 sundaymorning 於 07-12-16 21:26 發表
一個有趣的問題, 你會帶同你小朋友的身分證出街嗎, 不過身分證都沒有照片, 難以證明歲數, 當你要執行, 職員要睇歲數證明才可以玩的話, 就問題多多, 亦都是他們或很多機構用高度而不用歲數的原因.  遊客又怎麼樣去叫 ...

[ 本文章最後由 木土土 於 07-12-17 00:37 編輯 ]

sundaymorning

一個有趣的問題, 你會帶同你小朋友的身分證出街嗎, 不過身分證都沒有照片, 難以證明歲數, 當你要執行, 職員要睇歲數證明才可以玩的話, 就問題多多, 亦都是他們或很多機構用高度而不用歲數的原因.  遊客又怎麼樣去叫他們證明呢?仲有唔見身分證又點算, 要取回很煩呢?

好多人都話自己去過好多地方, 而事實香港人出外旅行是很普通, 咁你地有無見到其他遊樂場都係用高度去介定小朋友可不可以玩, 不相信, 取出照片看看吧, 你無, 上網找找吧!!

所以就由家長去認真看管小朋友吧!

原文章由 木土土 於 07-12-16 20:54 發表
我無話個阿媽無錯!

我個post係針對阿judy話有腦都唔會俾六歲小朋友玩, 但點解d人只是怪阿媽而唔認為海洋公園需要改善!

條線點 set 是一個問題, 但main point 係而家 set 六歲, 玩過既人應該同意set 六歲是唔適當,  ...

木土土

我無話個阿媽無錯!

我個post係針對阿judy話有腦都唔會俾六歲小朋友玩, 但點解d人只是怪阿媽而唔認為海洋公園需要改善!

條線點 set 是一個問題, 但main point 係無set 年齡限制, 玩過既人應該同意現在六歲都可以獨自玩是唔適當, 現在已有小朋友受傷, 難道要等下次再有疏忽大意家長做成有幼童死亡才改善嗎 ?

你話六歲都可以入大學, 但在安全的事項上, 不是應該用比較保守的標準嗎?

原文章由 sundaymorning 於 07-12-16 13:01 發表
六歲可以入大學, 可以排緊隊去弱能學校, 六歲可能已經可以游一個直池, 六歲可能跑得快過亞媽.....

你話應該點 set 呢??

但係佢亞媽或亞爸 (如果佢平常有經常照顧亞仔或亞女) 應該知道佢個小朋友的能力, 並由此去決 ...

[ 本文章最後由 木土土 於 07-12-16 21:16 編輯 ]

sundaymorning

六歲可以入大學, 可以排緊隊去弱能學校, 六歲可能已經可以游一個直池, 六歲可能跑得快過亞媽.....

你話應該點 set 呢??

但係佢亞媽或亞爸 (如果佢平常有經常照顧亞仔或亞女) 應該知道佢個小朋友的能力, 並由此去決定由佢小朋友自己玩或者陪佢玩.

共實就算小朋友係公園玩滑梯你都要睇住佢啦, 有睇開小朋友的家長都知道小朋友永不守規矩, 第一二次玩滑梯就會戰戰兢兢, 第三四次就開始玩花式, 你唔睇住佢, 佢一定會受傷, 你睇住佢都有機會受傷, 不過可能無咁大餐, 撫心自問, 小朋友係公園玩, 有無試過受傷呢, 做父母唔睇住仲話人, 有錯就一定係人地錯, 自己永遠是對的, 好野!!!

人地海洋公園開業咁多年, 安唔安全應該有目共睹, 未經了解就話人無腦, 不如你去做啦.

利益申報, 我唔係海洋公園員工, 亦與這事件無關, 純粹路人甲, 不過我曾經去過好多次海洋公園, 亦買過二次全年入場證, 我只係覺得海洋公園的員工很友善, 設施亦都保養得很好而已.  

原文章由 木土土 於 07-12-14 20:57 發表
既然無用腦都知唔arm 6歲小朋友玩, 點解 "海洋公園負責人" 唔將這個機動遊戲set年齡限制呢? 海洋公園提供機動遊戲給公眾人士是否無須用腦呢 ?

認為海洋公園無錯, 責任全在阿媽的人都唔知咩心態!

海洋公園實在應該 ...

A+BJ

原文章由 木土土 於 07-12-14 20:57 發表
既然無用腦都知唔arm 6歲小朋友玩, 點解 "海洋公園負責人" 唔將這個機動遊戲set年齡限制呢? 海洋公園提供機動遊戲給公眾人士是否無須用腦呢 ?

認為海洋公園無錯, 責任全在阿媽的人都唔知咩心態!

海洋公園實在應該 ...

我唸要估一個人幾多歲係好難嘅,佢阿媽都話自己個仔大件啦,正常人都會唸得6歲梗係去隔離個兒童場玩啦,我自問成日都去海洋公園玩,呢類機動遊戲通常都係d情侶呀,學生哥呀,大叔大嬸呀,邊會唸有個小dd玩,更何況玩時你作為家長嘅都睇到個輪係點轉,點可能將責任推晌人哋到 ,我曾去玩海盜船自己就親眼見到有個阿婆走去玩,架船遲遲未開,工作人員再三問阿婆怕唔怕才開,老人家唔知遊戲刺激唔識字就要人提,個仔咁細,你都有家人一起玩咁點解唔分兩轉玩呢? 等你弟弟一家玩完再同你睇住個細,你再陪個仔玩都得啦 相信你平時照顧小孩嘅責任梗係比工人,小孩有事時就將錯推給別人,相信你上網都機於此吧

木土土

既然無用腦都知唔arm 6歲小朋友玩, 點解 "海洋公園負責人" 唔將這個機動遊戲set年齡限制呢? 海洋公園提供機動遊戲給公眾人士是否無須用腦呢 ?

認為海洋公園無錯, 責任全在阿媽的人都唔知咩心態!

海洋公園實在應該好好檢討機動遊戲的限制及研究是否應佩安全帶, 世上總有疏忽大意的父母 (**judy話個阿媽無良實在太涼薄, 令人反感**), 真唔希望再見到有小朋友因此受傷!

原文章由 judy 於 07-12-13 14:55 發表


唔一定要玩過才唔会俾6歲小朋友玩，坦白啲講，用吓腦都知啦！

依家啲人都唔知咩心態。

youma

睇見都驚, 打死都唔玩!


:

judy

原文章由 Haileyyu 於 07-12-12 21:37 發表
我估你無玩過那個摩天輪
如果有玩過, 相信你唔會俾你個仔自己一個玩
有冇安全帶唔係大問題,因為坐好d, 唔大動作應該幾安全
我玩既時候,腳都提不起,全身唔yuk得,貼住張凳
但係起開始玩的時候向前,離心力會張人大力推 ...

唔一定要玩過才唔会俾6歲小朋友玩，坦白啲講，用吓腦都知啦！

依家啲人都唔知咩心態。

Haileyyu

我估你無玩過那個摩天輪
如果有玩過, 相信你唔會俾你個仔自己一個玩
有冇安全帶唔係大問題,因為坐好d, 唔大動作應該幾安全
我玩既時候,腳都提不起,全身唔yuk得,貼住張凳
但係起開始玩的時候向前,離心力會張人大力推向凳底
會容易撞傷
所以自己先要玩個,才決定俾唔俾小朋友玩

fannyyu

hi - compared to what had happened to your boy, i was kind of lucky :(

i had a very bad expereince there at the racing track. i had complained right away over there, but, as you could tell, they tried to not taking care of the issue, only offered you to play 1 more time, it's ridiculous.  i went straight to their customer relations to made the complaint, asked them to get me an accurate answer asap, after that, they had a so-called reps from the 'racing track' to call me for follow-up, it was another time-wasting to talk with them, (i heard a background of TV from my phone!  would you believe a proper customer relation's staff would watch TV during their working hours?)  i had insisted to get a response from ocean park's customer relations or i'll call whatever magazines to make a big noise to it.  eventually, a nice girl from ocean park had called.........

Please please make a noise to it, it's so important to have all parents alert to it!!

if you need any supporting, i could stand up for you right away!  as i had such bad experience with Ocean Park, i want to alert parents in HK as well!

at last, wishing all the best to your boy!
fannyyu

寶貝豬的媽咪

一口氣睇晒所有回應, 講起o個個摩天輪...我讀中學時同d同學第1次自已去海洋公園玩, 玩完呢個90度直角嘅摩天輪之後, 落地第1時間係頭暈想嘔 兼嚇餐死, 仲發誓唔會再玩第2次.  玩過o個d人先知個種feel, 無安全帶, 座位"扇"到九彩, 仲要係裡面係咁轉係咁轉, 簡直想死.  仲要係我當時好瘦, 轉轉下有一隻手捉唔實條柱, 甩手...咁我當時梗係係咁抓...點知隻手仲咗出條隙度, 個心即時嚇到跳出黎 ...心諗千其唔好係條隙度跌鬼咗出去, 死得人嫁....

所以我從來唔比我d小朋友玩太激的機動遊戲, 因為佢地未玩過真係唔知會發生咩事, 13歲以下小朋友係無危險意識.  做父母的要保護小朋友, 盡量避免發生意外, 所謂意外即是意料之外, 無人知道意外係幾時發生同埋點樣發生, 只能盡人事避免, 有時能力阻止唔到都無辦法, 但可以做的就應盡量做, 父母亦都要對自己所作出的決定承擔後果.

我個人認為海洋公園見有意外發生而唔作出檢討同改善亦都唔啱, 規矩係人定所以應該可以修改, 唔應該等到發生大意外先黎改善. 但樓主你呢個case都好難追到d咩, 只希望可以比多人知道呢件事, 等海洋公園受到壓力後能作出改變.

祝你兒子早日康復, 沒有心理陰影.

noeyesee2007

首先, 多謝各位家長對小兒的關心及好多謝各位的意見.
但我相信有部份家長對這事件有些誤解, 希望在此作以下補充:

l我是四個小孩的媽媽, 我那受傷的兒子, 不是最大,也不是最小的一個
我在小孩子們考試其間對他們說: “只要他們現在努力讀書, 考完試我會帶他們到海洋公園玩.”
l那天我老公有急事, 不能和我們一起去, 我也有對他們說:” 不如下次先啦 ?” 但他們不停地說他們會乖的, 會聽話的, 我又怎忍心令他們失望呢? 結果是和我弟弟一家四口一齊去..
l出事時我不是不想陪他玩, 是不能, 因我最小的孩子還不到 3歲, 我不能將其他的孩子留下, 只好在地面上看着他玩
l我家的小孩對花花草草及動物沒有什麽大興趣, 只一心想到海洋公園玩的是他們其待已久的機動遊戲.
l我那受傷的兒子, 雖然只有六歲, 但好鬼大隻, 他差不多有成 65磅, 出事前他也有玩其他機動遊戲. 我們也常常帶孩子們到外國玩其他機動遊戲, 他次次都玩得好鬼開心
l對我來說, 機動遊戲當然是給孩子玩的, 唔通比我哋呢D 幾十歲的師奶玩嗎?
l所以我覺得我那受傷的兒子, 在沒有做錯任何情况下玩海洋公園的機動遊戲而受傷, 海洋公園是應付責任的.
l我由始至終claim海洋公園的都不是錢, 我一亳子都無
claim 佢哋.
lD小朋友攪到好唔開心同好驚. 我剩係想海洋公園唔好咁過份一副唔負責任及根本唔使理你的態度.
l我將件事post 出嚟, 主要目的是想多啲人知道呢件事,而令海洋公園正視呢件事,希望唔會再有這種事發生.
另外, 我想補充的是打電話叫我駛走架車的人是海洋公園
on duty 主管, 不是 停車場的員工.

最後, 我要再次多謝各位家長支持, 正面或負面意見對我來說都是關心的一種.
多謝!

原文章由 judy 於 07-12-10 18:08 發表
我想，題目改為:"真人真事，對無良母親血的控訴"較合適。

任何機動遊戲，都要通過一系列之安全指引オ能推出，而且安全指引，有一定之標準存在。但誰都知道，再嚴再緊之條例和測試程序，並不能保障不会不出意外(特別是不按正常操作 ...

[ 本文章最後由 noeyesee2007 於 07-12-10 20:56 編輯 ]

恩禧媽

原文章由 77777 於 07-12-8 21:02 發表
我諗唔係錢的問題, 但起碼海洋公園應道歉, 個摩天輪咁勁, 無安全蒂, 大人一定不會受傷嗎??  

從前港鐵有跳軌自殺事件, 人地都識加玻璃門, 雖然后知后覺, 總好過唔知唔覺, 摩天輪既然係發生左意外, 就證明有危險存在 ...

港鐵的玻璃幕門，不是因要防止有人跳入路軌自殺，而是節約能源，將位處地底的站內冷氣困住，不致流出路軌範圍。請留意在地面的月台是沒有幕門呀!

sundaymorning

原文章由 77777 於 07-12-9 16:20 發表
如果我當時發生的事/眼見的事 = "提供任何他明知或相信是虛假的消息"

我無野好講, 你可以信, 可以唔信.....

為何突然變成眼見的事, 由始至終, 伍柒見到什麼呢?
見到吊車跌下 - 無;
見到吊車殘骸 - 無;
見到屍體 - 無;
見到什麼呢???
就讓我們看看造謠者說過什麼吧...........

你知唔知道海洋公園在二十多年前發生個跌纜車意外, 整家人死了, 個日岩岩我有去, 但等了很久也沒有纜車, 才知道發生意外, 當時井沒有下山巴士, 坐纜車下山時有幾驚, 我之后很多年也不敢去, 但報張井沒有報導, 密封了整件事件.......所以我覺得發生了意外, 它還推了責任是絕對天理不容.....
呢件事係因為我當日有去, 所以先知,  如果好似我個日有去d人, 一定會知.....
在跌纜車時, 我們剛在等纜車, 在等候的人都議論紛紛說纜車跌死人.....
我當年只是讀小學五, 六年級, 當在班房和老師一起提及這件事時, 更有一位同學指出他的舅父便是負責"汁一家人屍"的工作....
我無必要講大話, 我只係將我所經歷的野寫出來, 你係可以唔信架......始終唔係親身在埸係好難信......
如果你是當天有在場等纜車的而很久也沒有纜車搭, 而周圍的人都議論紛紛說跌死了人, 而后來在課室和老師及同學談論起這件事, 而你的同學又力證佢舅父負責"汁成家人屍", 你就會相信......
如果我當時發生的事/眼見的事 = "提供任何他明知或相信是虛假的消息"
我無野好講, 你可以信, 可以唔信.....

江湖本無事, 庸人自擾之.

話說剛剛下樓接女女放學, 見到幾個家長在閒話家常, 其中一位話點解伍柒今日咁遲呀?

張太就細細聲話見到伍柒偷食 (佢見到伍柒係東海堂靜雞雞擺左個面包入口),
黃太就講佢唔似係禁播(黃太以為伍柒偷情),
李太就加鹽加醋的講, 唔係呀, 我個親戚做執房架, 真架真架.(佢話佢親戚真係做執房),
哩個時候, 伍柒來到, 大家收口.
但係黃太就四處講見到伍柒偷情, 仲話係親身經歷,
謠言就好似沙士一般由旺角一間酒店的電梯內開始, 散佈全港, 個個都話見到伍柒偷情.

記住 : 眼見到的叫親身經歷, 四處聽回來的叫道聽塗說.

judy

我想，題目改為:"真人真事，對無良母親血的控訴"較合適。

任何機動遊戲，都要通過一系列之安全指引オ能推出，而且安全指引，有一定之標準存在。但誰都知道，再嚴再緊之條例和測試程序，並不能保障不会不出意外(特別是不按正常操作那些)。海洋公園能做到保障機件安全，但到底遊客適不適合玩，身體有無問題，只能够問遊客自己了。

小朋友發生意外，阿媽當然係天大件事，但在其時之操作員眼中，可能並不是大意外。所以，海洋公園只為其處理傷口，再帮呼叫救护車。至於催駕走車一事更和事件無關，負責停車場的員工，怎會知道意外事件，而我相信阿媽在送院途中，也不会將停車一事交代給海洋公園吧？

有网友話以前曾見纜車跌死一家人，我打死都唔信！

木土土

似乎大部份玩過的人都話這款機動遊戲不適合6歲及這種高度限制 (唔夠腳長去頂住), 海洋公園應檢討限制或加上安全帶!

大家怪個阿媽無陪小朋友一起玩, 如果真要有家長陪同至安全 (小於某個歲數), 海洋公園應硬性規定, 而不是由個阿媽決定!

我覺得海洋公園責任很大, 機動遊戲是否安全, 應有專業判斷, 要對所有公眾人士負責, 無理由要rely on 個別阿媽既判斷!

[ 本文章最後由 木土土 於 07-12-10 16:36 編輯 ]