有無人知沙田體藝中學 ~ 考 "藝" 會考咩呀？

Marco-ma

如果有小朋友想考藝術果方面，面試會考咩呢？
係咪小朋友畫畫一定要好叻？
有無媽咪知道？

chanms

我個仔非常藝術家脾氣，即畫畫/設計好靚，好特別，不過參加比賽一定無獎，因不夠商業！
所以，無mug profile。只不過試過得d無厘頭獎。
聽人講，部份公開藝術比賽都有內定，咁主觀既野好難作準。

體藝art老師都會明白，所以得唔得獎都唔係咁緊要。

我個人認為，入學條件：
1. 最緊要係成績，band1名小學，應很有機會。尤其是英文！
2. 然後，才是才華

我估計的收生程序
a. 經首輪成績挑選後，就會出面試/考畫試名單
b. 由校長/副校長親自面試，全部用英文
c. 才華考試：體育 / art

因此，小五小六成績表好緊要，唔合要求者，根本入唔到面試！

<小兒現況>
經幾個月的適應，大部份okay！
他很喜歡畫畫，藝術，所以十分enjoy!

預先話你知，收art的班別，女多男少。收體育的，就男多女少。
要先有心理準備！

最初我都怕兒子唔慣，不過經細心評估，他終於ok！
因大部份出名的設計師/畫家都是男性，現時女多男少，即代表他將來大把前途！

BB200200

唔好怪我直說,

體藝上年都有成千人交表, 佢地會先選3百幾人面試及體能測試/畫畫, 所以問甘多都無用, 你要等佢地選左入面試才諗。

因為我上年個女係用體入, 所以知道過程。

eric0507

我自己個人就返返覆覆先至入到去,是中三插入的,我小學的時候,我突然好想入體藝,甘就問我個art阿sir意見,佢都吾係甘建議我入,因為佢觀察我的基本功不好wor,但我又好想入,甘佢就話叫我操番好d先,因為佢都知道我平時d功課都係有人幫手,我老師當時都幾好人,小息教我基本功,但我個時又嫌日日都係畫線好悶,最後都沒有找阿sir,甘q,我又有得in,口才我一向都ok,加上我名媽日日強迫我中英背講稿,我自己都覺得ok啊,但到即場畫畫時就死哂,自己都覺得樣衰..之後我到咗一間和尚學校讀中一,她唔甘心,於是我又番小學叫我阿sir好好的操我art,佢都好人,放工操我,我又讀另外一d美術班,總之我咩都學d,profoilio好厚,中二暑假時,我叫我阿sir,和尚學校的美術老師寫推薦信,今次我勁有信心,終於都入了b班..不過..而家又不想讀了...你都是好自為之啦

Marco-ma

原文章由 chanms 於 07-11-23 11:36 硐表
小兒現就讀體藝「art」中一。
考入學「art」有兩part:
1. 素描
2. 老師會即時給一個題目，學生們即場發揮。

畫具自備，無指定技術。

chanms, 唔該哂呀！
想問下你仔仔係咪畫畫好叻，有無攞過獎架？

如果小朋友係 band 1 中至尾，只係學過D興趣班，
無參加過比賽，但係好有想入，你覺得有無機會？

最後 ~ 仲想問下你仔仔讀得開心嗎？覺得學校好唔好？

chanms

小兒現就讀體藝「art」中一。
考入學「art」有兩part:
1. 素描
2. 老師會即時給一個題目，學生們即場發揮。

畫具自備，無指定技術。

Marco-ma

唔該哂呀！

咁知唔知要畫一幅咩類型嘅畫？
會唔會限住個主題，或者一定要用某種畫畫技巧？

fitceo

原文章由 Marco-ma 於 07-11-21 19:00 硐表
如果有小朋友想考藝術果方面，面試會考咩呢？
係咪小朋友畫畫一定要好叻？
有無媽咪知道？

早兩年我就知面試當日要帶以往作品，另加即場畫一幅畫，而家唔知有無改變．