為孩子升中抓爆頭的媽咪們~請多指教!!

bunnycatcat99

各位媽咪大家好啊!  我係新來的, 請多多指教啊!!

睇左大家好多篇有關升中討論, 真係獲益良多!  小兒都係出年9月升中一啦, 但我呢幾日睇資料睇到抓爆頭囉

囝囝嚮北區讀小學, 嚮網上係咁搵資料, 見佢學校呢幾年都被 [納入] band 1, 升中成績唔錯.  

呢兩日, 係咁睇 [教搜社] 出果套 CD 書, 真係越睇越心煩...

因為呢, 北區唔係冇好中學, 但大部份都係中中, 而我地心儀中學都係嚮大埔 (band 1 頭同中), 咁只好嚮 [自行分配] 同 [統一派位 - 甲部] 時選啦.  

但見大家講過自行分配階段, 除非本身成績好標青, 否則多數都唔得.  我囝囝唔係標青果隻 (五年級下學期平均係B+級, 但佢學校係唔會公佈名次).  到而家又未有家長會, 都未知囝囝自己成績是否入 band 1 喎, 所以我而家做呢份 [升中功課] 都幾惆悵!!!  都唔知係唔係應該 [放棄] 自行分配學位!!!  

不過佢操行都幾好, 連續三年做風紀, 亦有參與校方一d活動例如戲劇之類, 亦有參加義工活動.

如果[甲部] 同佢選晒外區band 1 中學, 係唔係太冒險呢?

我而家對住 [乙部], 真係唔知點選呀!!   因為要我排到30間真唔易, 就算連埋 [他區借調學位], 我好夾硬至排到20間.  點算???  

仲有呀, 都仲未知今年d他區學位有冇變, 同埋唔知同上一屆仲有咩分別!

註: 其實我同囝囝一直傾開, 佢都想入band 1, 但我地亦唔係想入一d一定成績超好嘅學校, 目標係校風好, 而且唔係太傳統嚴格嘅學校 (例如迦密柏雨, check過呢間係非常好但亦相當嚴, 精英制, 我都唔想呢種氣氛會逼到 [弄巧反拙]), 而且我地都係基督徒, 都想盡量入番基督教學校, 但而家睇晒d資料, 就要作出一些犧牲!!

始終唔想囝囝將來果六年讀得唔開心啊!!

請各位媽咪多多分享啊!!  多謝晒!!

[ 本文章最後由 bunnycatcat99 於 07-10-1 17:22 編輯 ]

bunnycatcat99

謝謝你啊, 好清楚呀!!  多謝賜教!!

ONETHIRD

原文章由 daisykkqq 於 07-10-9 11:37 硐表
唔好意思，我想問班主任是否一定知道學生在區內或全港所屬banding？當需要選校時，學校老師是否會建議家長一些適合的中學？抑或一般都係大路意見？現在學校還未有升中講座聽 唉...擔心
...

每間學校的政策都不同。

我個仔間小學就會好大概說學校能取得的全港band 1位約佔本校小六生的百分之幾，取得的本區band 1位約佔本校小六生的百分之幾。跟住咪自己心中有數囉。

daisykkqq

唔好意思，我想問班主任是否一定知道學生在區內或全港所屬banding？當需要選校時，學校老師是否會建議家長一些適合的中學？抑或一般都係大路意見？現在學校還未有升中講座聽 唉...擔心

原文章由 ONETHIRD 於 07-10-9 09:12 硐表


不一定，因為甲部需看全港所屬BANDING。

甲部是看全港所屬BANDING，可能於本區屬ＢＡＮＤ　２，但全港小六生一比併下，可能屬ＢＡＮＤ　１。例如灣仔區便是一個典型例子，因為灣仔區在全港小六生來看，是最多ＢＡＮＤ　１生（全港比較），但在本區，可能有部份學生便 ...

ONETHIRD

原文章由 Terry280905 於 07-10-5 14:52 硐表


多謝報料!

不一定，因為甲部需看全港所屬BANDING。

甲部是看全港所屬BANDING，可能於本區屬ＢＡＮＤ　２，但全港小六生一比併下，可能屬ＢＡＮＤ　１。例如灣仔區便是一個典型例子，因為灣仔區在全港小六生來看，是最多ＢＡＮＤ　１生（全港比較），但在本區，可能有部份學生便要歸納為ＢＡＮＤ　２（受本區生按成績平均分為三部份的影響），故此類學生的選擇應是：

甲部： 三間都是最心儀的ＢＡＮＤ　１中學。
乙部： 是最心儀的ＢＡＮＤ　2中學。(如真的屬ＢＡＮＤ　2生)

khmama

原文章由 ChowOY 於 07-10-4 00:12 硐表
我兒屬於band 1 尾 band 2 頭 小學介於九龍城和油尖旺.他當了三年童子軍,曾經學過非洲鼓,現在學長笛.今年當風紀和參加英詩獨誦.運動方面: 跆拳道綠帶和學游泳,有些少義工經驗.  如果選陳瑞祺,會否冒險呢?九龍城定油 ...

如果係自行分配學位,係唔受地區限制架.如果係大抽獎,你間學校屬於九龍城定尖旺油唔到你選擇既,亦唔理小朋友既課外活動,純粹睇運氣.

bunnycatcat99

原文章由 ONETHIRD 於 07-10-5 11:10 硐表 做好成績才是最重要的事項。 趁現在還有兩次呈分的機會，妳要好好把握，要幫他做好成績、名次，因為不論在第一階段、第二階段或最終可能要「叩門」，都要成績好。 妳要幫妳的孩子做到BAND 1就是BAND 1(BAND 1頭、中都 ...

謝謝指教!!照咁睇, 假如係band 2 成績, 甲部都應該選晒三間band 2 中學, 是嗎?

Terry280905

原文章由 ONETHIRD 於 07-10-4 09:07 硐表


教育局規定呈分科目為中英數常、視覺藝術及音樂這幾科。
所以各位媽咪必須熟讀遊戲規則，才可以百戰百勝。

中英數 ___權重各是9
常識_____權重是6
視覺藝術__權重是3
音樂_____權重是2
以上是報教育局規定的權重各 ...

多謝報料!

ONETHIRD

原文章由 bunnycatcat99 於 07-10-4 14:17 硐表


但我仔仔學校, 由第一次呈分試開始, 已經唔報分數, 連卷都唔派番俾學生, 所以我都唔知點計到呢個加權數呀!  

做好成績才是最重要的事項。

趁現在還有兩次呈分的機會，妳要好好把握，要幫他做好成績、名次，因為不論在第一階段、第二階段或最終可能要「叩門」，都要成績好。

妳要幫妳的孩子做到BAND 1就是BAND 1(BAND 1頭、中都可以，但不能BAND 1尾BAND2頭)。組別一定要清晰。

因為很多媽咪以為自己的孩子是BAND 1尾BAND2頭，就去博BAND 1 中學(但原來真的是BAND2生)，根據派位原則，派完所有BAND 1生的志願才派BAND2生，後果可想而知，非常慘烈。

bunnycatcat99

原文章由 ONETHIRD 於 07-10-4 09:07 硐表


教育局規定呈分科目為中英數常、視覺藝術及音樂這幾科。
所以各位媽咪必須熟讀遊戲規則，才可以百戰百勝。

中英數 ___權重各是9
常識_____權重是6
視覺藝術__權重是3
音樂_____權重是2
以上是報教育局規定的權重各 ...

但我仔仔學校, 由第一次呈分試開始, 已經唔報分數, 連卷都唔派番俾學生, 所以我都唔知點計到呢個加權數呀!

el1008

原文章由 ChowOY 於 07-10-4 00:12 硐表
我兒屬於band 1 尾 band 2 頭 小學介於九龍城和油尖旺.他當了三年童子軍,曾經學過非洲鼓,現在學長笛.今年當風紀和參加英詩獨誦.運動方面: 跆拳道綠帶和學游泳,有些少義工經驗.  如果選陳瑞祺,會否冒險呢?九龍城定油 ...

如果你個仔係band 1 尾band 2 頭, 九龍城好過油尖旺, 因為油尖旺係兩極化, 一係好勁嘅band 1 老名校, band 1 尾嘅中學得銘基同循道, 但循道有小學, 抽珠位少, band 2 嘅得信義中學, 所以區內band 2 學生只好選他區學額, 但位少. band 3 就多d

九龍城比較平均d, band 1 中學比較多, 同很多都無直屬小學, 如果選band 1 中至尾, 可以選陳瑞祺, 丘佐南, 旅港.......很多選擇, 學校質素平均d

el1008

原文章由 Terry280905 於 07-10-3 14:54 硐表


可不可以告訴我共有幾多科要呈分.

我大概記得中英數3科分數 x 9 倍
常識 x 6 倍, art x 2 倍 (好似係 ), 音樂, p.e. (1倍啩), 唔多記得tim

ONETHIRD

原文章由 jennyc8218 於 07-10-3 16:14 硐表
每間學校呈分科目和分數的比例都不同，有宗教學校可能要呈宗教分，有些學校數學科分數比例會多D，有些學校連視覺藝術都計，最好問清楚老師。

教育局規定呈分科目為中英數常、視覺藝術及音樂這幾科。
所以各位媽咪必須熟讀遊戲規則，才可以百戰百勝。

中英數 ___權重各是9
常識_____權重是6
視覺藝術__權重是3
音樂_____權重是2
以上是報教育局規定的權重各科目，來排列呈分名次(即BANDING)，需三次呈分成績加總，得出本校總名次排名，再按該校過去兩年師兄姐的中一分班試為該校爭取了多少個BAND 1 位(有分全港及本區兩類)，再決定妳子女的BANDING。

至於，有些學校要計宗教或其他科目的分數，這只是該校成績表的排名，但若在第一階段----自行收生階段，成績表的名次亦會有影響。

要記住三次呈分總成績，得出本校總名次排名才是中央大抽獎的依據。(因計算的權重不同，成績表的名次與呈分總名次有一定的差異)

ChowOY

我兒屬於band 1 尾 band 2 頭 小學介於九龍城和油尖旺.他當了三年童子軍,曾經學過非洲鼓,現在學長笛.今年當風紀和參加英詩獨誦.運動方面: 跆拳道綠帶和學游泳,有些少義工經驗.  如果選陳瑞祺,會否冒險呢?九龍城定油尖旺的學校大些機會呢?請各位媽媽給些意見!我的頭髮白左好多啦!

bunnycatcat99

原文章由 bkfans123 於 07-10-3 10:58 硐表


hi el1008
吾該晒你的回覆先.
原來乙部係可以填他區的學校, 咁都好d, 因阿仔果區d好學校好少, 可以選他區就好好多了.
thank you.

北區都係呀, 可以選得落手嘅唔多, 好彩可以選他區咋~ 但他區都係得4~5間可以選....

仔仔又話一定要入英中, 而家真係要等第二次呈分試點啦
仍在抓頭中...

bunnycatcat99

原文章由 irenewan 於 07-10-2 23:40 硐表
bunnycatcat99,
妳已經做了好多資料喎！咁我咪要努力d先得！

係喎, 小魔怪係小五定小六呀?

jennyc8218

每間學校呈分科目和分數的比例都不同，有宗教學校可能要呈宗教分，有些學校數學科分數比例會多D，有些學校連視覺藝術都計，最好問清楚老師。

Terry280905

原文章由 ONETHIRD 於 07-10-3 13:35 硐表


最緊要是先做好成績才有選擇的機會

各位媽咪，我好明白妳們的心情，但要緊記當務之急是要做好呈分試的成績才有選擇的機會。要儘量做到是BAND 1 就是BAND 1 ，是BAND 2 就要因應形勢選校。組別要清晰！

另外，要提提大家，不 ...

可不可以告訴我共有幾多科要呈分.

judywan

原文章由 ONETHIRD 於 07-10-3 13:35 硐表


最緊要是先做好成績才有選擇的機會

各位媽咪，我好明白妳們的心情，但要緊記當務之急是要做好呈分試的成績才有選擇的機會。要儘量做到是BAND 1 就是BAND 1 ，是BAND 2 就要因應形勢選校。組別要清晰！

另外，要提提大家，不 ...

X 2。

ONETHIRD

原文章由 bkfans123 於 07-10-3 10:58 硐表


hi el1008
吾該晒你的回覆先.
原來乙部係可以填他區的學校, 咁都好d, 因阿仔果區d好學校好少, 可以選他區就好好多了.
thank you.

最緊要是先做好成績才有選擇的機會

各位媽咪，我好明白妳們的心情，但要緊記當務之急是要做好呈分試的成績才有選擇的機會。要儘量做到是BAND 1 就是BAND 1 ，是BAND 2 就要因應形勢選校。組別要清晰！

另外，要提提大家，不要忽視「視覺藝術」及「音樂」這兩科，因為都要呈分，要小心！隨時上落很多個名次。