報了翁X固的"全腦英文串字及基礎記憶課程"成肚火

Bluecat

真係唔上來呻都唔得!!!

其實我打算幫孩子找一些記憶課程!
咁我朋友聽完ah翁生的講座叫我一齊報這個課程,我又冇去聽過佢講座唔知buy唔buy佢果套ma???!
唯有上網看些資料,看似也頗有經驗便報了!$1100 /連續5堂 每堂1.5hrs!我新界西去到港島上搭車來回3-4hrs!如果好就乜都值!

Monday 第一堂我見到佢西裝骨骨打晒bow呔已經覺得好"特別"!
我跟他打個招呼問他其實係咪親子班咁上會好D呢?
佢話"我教了很多年!呢度有D家長課程ga!
落堂時佢好開心充滿笑容咁同我個fd講:你小朋友玩得好開心好投入呀!Very good!

跟住就好凝重咁問我:你小朋友係咪成日俾佢睇電視?我話屋企唔開電視,有時睇下教材!打機?我話Never!!!
佢R晒頭話"佢專注力好差ah!!!個個都表現得好開心好投入!佢好快就表現得好悶咁!另外佢係咪唔鍾意寫字?我話下唔係wor!!呢個summer佢仲自己發掘響字典度找字來抄tim!
佢話"但係上堂我叫佢寫圖像佢寫完個圖字就畫隻象!幻想力又唔肯寫!我反而覺得好可愛但Sir似乎唔接受!
佢叫我俾囝囝做多D運動!打千秋!tumtum轉!
我話係ah????可能佢真係覺得悶la!!

於是我問囝囝你覺得點?
佢話"可能今日係第一堂所以都冇乜野學!來來去去都係做果個心理生理學習技巧個動作!少少悶la!都唔係幾悶姐!我諗聽日會多D野學!"

[ 本文章最後由 Bluecat 於 07-8-30 22:25 編輯 ]

Bluecat

多謝你地入來聽我呻!
熊仔仔媽咪我完全認同你既講法!
如果我有聽佢個噴口水講座我實絕對唔會報佢D垃圾course!

最搞笑我個fd囝囝上晒5堂,我問下佢點?
佢答我"翁生讚我個囝專注力好好,佢好開心!"
咁學gor D乜?咁細你想佢學到乜ah???開心咪得law!

姐姐 想個囝開心我播隻碟佢睇or帶佢落樓踩單車去公園玩佢都可以好開心ga!

龍馬媽媽

雖然我無聽過又唔知道翁先生的理論, 但我都好認同你的理論

原文章由 熊仔仔媽咪 於 07-8-31 11:39 硐表
我都聽過呢位翁先生的講座, 但我本人唔太 buy 佢的理論同所謂的 "成果".  佢的而且確係好強調小朋友要多 d 運動, 例如要爬多 d, 跳多 d 彈床等等, 令小朋友的左右腦都可以同時得到刺激, 呢個就係所謂的 "全腦教育".  ...

熊仔仔媽咪

我都聽過呢位翁先生的講座, 但我本人唔太 buy 佢的理論同所謂的 "成果".  佢的而且確係好強調小朋友要多 d 運動, 例如要爬多 d, 跳多 d 彈床等等, 令小朋友的左右腦都可以同時得到刺激, 呢個就係所謂的 "全腦教育".  後來佢又叫咗佢個女做示範, 就係喺好短的時間內讀完一本佢之前未睇過的書.  佢囡囡大概用幾十秒至一兩分鐘的時間就可以 "揭" 完一本書, 然後講番本書的大意出嚟.  OK, 當時好多人好驚訝呢種 "速讀" 的成果, 但係我的感覺係:

1.  睇書有時唔係快就得, 如果係文學或哲學類, 更需要慢慢咀嚼, 慢慢思考.  快唔一定係好.

2.  好, 睇得快當然唔係壞事, 但係快得嚟內容唔連貫都唔值得自豪.  佢個囡囡睇完 d 書後, 係用斷斷續續+猶豫的語氣覆述本書的內容.  呢點令我覺得佢只係睇咗大概, 分分鐘有誤解並唔出奇.

3. 我本人好鍾意睇書, 亦都覺得睇書係一種享受.  點解要 "速讀" 快到咁的地步?  對小朋友真係好咩?  翁先生話:  小朋友腦袋發育空間大, 由細個開始培養, 先可以達到速讀的境界.  佢又話, 呢個技巧等如一個短跑好手, 可以10 秒跑 100 米, 但係唔代時時刻刻都要跑.  好了, 我的問題係, 睇得咁快, 有樂趣嗎?  返到學校, 大家都用正常速度睇書, 識得 "速讀" 的小朋友點呢?  1 分鐘已經睇哂所有內容, 其他時間做咩好? 點同其他人溝通?  

學習係一個過程, 係需要時間去培養, 去發酵, 去鑽研, 先可以得到樂趣同成果.  下下得個快字, 唔一定係好, 我亦唔覺得有咁的需要.  正如我相信大部分人可能會覺得小林尊食得咁快咁多幾有趣, 但係內心深處可能都覺得佢頗無謂, 亦唔會羨慕佢呢 d 所謂的 "異能".

以上純屬我的個人意見.

jeanreno

真係R曬頭喎！！！

原文章由 tsyefung 於 07-8-31 08:33 硐表
點解又要畫畫，又要體能，同個course名好似唔係好配合咁o既。

tsyefung

點解又要畫畫，又要體能，同個course名好似唔係好配合咁o既。

原文章由 Bluecat 於 07-8-30 22:25 硐表
Tuesday第二堂
落堂時ah 翁生就叫晒D家長入房!大大聲話"你地D小朋友全部欠缺運動!手腳協調好有問題!跟住就示範沿地行一個8字來回最少每天20次"你地睇下我做得幾輕鬆!"有難度ga!大人都未必得!
今日學了這個健腦運動一 ...

Bluecat

Tuesday第二堂
落堂時ah 翁生就叫晒D家長入房!大大聲話"你地D小朋友全部欠缺運動!手腳協調好有問題!跟住就示範沿地行一個8字來回最少每天20次"你地睇下我做得幾輕鬆!"有難度ga!大人都未必得!
今日學了這個健腦運動一生受用!對個腦好有幫助!多D做運動,唔係俾佢游水打波!果D冇幫助係要做健腦運動!

跟住佢單對單同我講"X太,我勸你唔好俾咁多學術性既野俾小朋友學,咁樣害gor佢,對佢一D幫助都冇!你最好搞掂佢D基礎野先la!專注力對佢來講好有挑戰性!另外你要加強/培育佢幻想力!佢話係咁叫我囝囝幻想d野佢就話諗唔到!又好唔專注!記性又差!
我真係好嬲!
我話真係好奇怪!從來都冇人俾D咁既comment囝囝!

落堂我囝囝主動拍齊全部chair同收好所有蠟筆佢冇say thank you and 讚賞!只係說"得lah!得lah!你俾我la!

囝囝同另一個小朋友問佢取多張A4紙!佢問拎來做乜?
囝囝話畫畫!佢話頭先已畫了2幅,唔好畫lah!
囝囝話摺飛機!佢話要環保D唔好咁浪費!~

佢由細到大都好有創意,接觸過的人都讚他有創意!
佢記性好好!小小例子~如一個3mins的英文故事聽一至兩次就可以完全講返出來!全頁A4印滿莎士比亞英詩佢上完幾堂老師教晒佢便能完全朗讀出來!
發生乜野事???我沒好氣同佢爭辯!我決定唔再上!我唔buy佢!

我問囝囝開唔開心!佢仲俾了兩幅畫我睇學什麼層疊記憶~他一五一十的告訴我課堂的事!