我囝囝派了兼收位啦

garytai

06年9月入紙申請, 今年9月已經可以入讀兼收位的學位, 真係好高興, 希望囝囝用左兼收位後佢真係可以有進步啦!

其實呢一年黎囝囝都進步左好多, 排兼收位同時都有安排早期訓練俾佢(自費), 見佢理解力同埋表達都進步左, 洗咁多錢都值得的

不過唔知係咪之前過份著重佢的整體發展, 忽略左佢的性格, 依家佢的發展都可以話慢慢上軌道, 現在又要執佢d脾氣, 佢一唔鍾意就打人, 拎玩具丟人, 而且好牛黃, 都有少少覺得樣樣要兼顧真係唔容易, 做一個盡責的媽咪更加困難, 不過當發現佢有少少進步我就好開心, 以前佢打完人就走左去, 到依家佢打人後就話呵番, 當然我都唔准佢用呢種表達方式, 但係要執佢打人真係好大張力, 教極, 勸極佢都仲係咁, 有時真係好忟, 希望未來可以同兼收老師一齊執埋佢呢種性格, 咁就very good啦

PoohBB

原文章由 bb12345 於 08-1-23 01:05 發表
我囡囡(4.5歲) 評估佢"專注力不足及過動症" (轉介去兒童精神科), 另外排"職業治療"(因寫字力度不足).

請問大家點樣入兼收位?  我問過社工佢話要有多方面問題先可以轉去兼收. ...

攪一大餐, 好似我地排到都要升小學.. 我仔係5歲360日仲可以讀, 過6歲就冇得讀. 要留班才可學一年.

labuser

Garytai,

你好！我的囝囝被評為有自閉症傾向。他在兩歲時讀司務道的BB斑。08/2007轉讀茵怡幼兒學校N1。我們排不到茵怡幼兒學校的 I 位。但09/2008囝囝將會被派往保良局彩明幼兒園讀兼收位K1。我想知道你的囝囝是否仍在保良局彩明幼兒園讀書呢﹖你可否給我一些你對這學校的評價呢﹖(如環境、老師的愛及囝囝的心情)
謝謝你！打擾之處，敬請原諒。

Labuser

chrisfungsy

情緒組係幼兒導師介紹給我

教小朋友表達開心, 生氣 恐懼 etc.
與人分享

問下你的幼兒導師, 她應有資料給你.

原文章由 ccfj 於 08-1-24 10:42 發表
Hi chrisfungsy,
我仔仔都係協康上緊兩星期一堂嘅幼兒導師，想問下協康情緒組係上點咩㗎？協康嘅網頁內唔覺有此課程，是否要問導師先知，Thank you.

ccfj

Hi chrisfungsy,
我仔仔都係協康上緊兩星期一堂嘅幼兒導師，想問下協康情緒組係上點咩㗎？協康嘅網頁內唔覺有此課程，是否要問導師先知，Thank you.

原文章由 chrisfungsy 於 08-1-23 18:49 發表
我放棄了協康幼兒訓練$400/堂, 轉參加協康情緒組, 都不錯.

3-4歲
$90一堂
一期10堂
6人

問下你現時訓練的協康

chrisfungsy

約見評估中心醫生作轉介, 但不知可否安排今年9月入兼收位. 排左先算

原文章由 bb12345 於 08-1-23 01:05 發表
我囡囡(4.5歲) 評估佢"專注力不足及過動症" (轉介去兒童精神科), 另外排"職業治療"(因寫字力度不足).

請問大家點樣入兼收位?  我問過社工佢話要有多方面問題先可以轉去兼收. ...

chrisfungsy

我放棄了協康幼兒訓練$400/堂, 轉參加協康情緒組, 都不錯.

3-4歲
$90一堂
一期10堂
6人

問下你現時訓練的協康

原文章由 kikiboy 於 08-1-18 16:10 發表
我個仔07年9月開始入 I 位, 我都一直有同佢去協康做言語治療, 係呀真係好貴$600/堂, 上咗一年啦, 我都有諗過退出協康, 但又心大心細, 其實我唔係想完全放棄出面的訓練, 我好想同佢搵D小組活動, 但又無乜頭緒, 唔知 ...

[ 本文章最後由 chrisfungsy 於 08-1-23 19:05 編輯 ]

bb12345

我囡囡(4.5歲) 評估佢"專注力不足及過動症" (轉介去兒童精神科), 另外排"職業治療"(因寫字力度不足).

請問大家點樣入兼收位?  我問過社工佢話要有多方面問題先可以轉去兼收.

kikiboy

原文章由 garytai 於 08-1-18 15:27 發表


係呀, 我地現在每星期都有一次自費的早期訓練, 雖然好貴, 但係我覺得為左囝囝我寧願慳d都俾佢做訓練, 所以我話經濟許可囉, 不過我知唔係人人都負擔得起 ...

我個仔07年9月開始入 I 位, 我都一直有同佢去協康做言語治療, 係呀真係好貴$600/堂, 上咗一年啦, 我都有諗過退出協康, 但又心大心細, 其實我唔係想完全放棄出面的訓練, 我好想同佢搵D小組活動, 但又無乜頭緒, 唔知邊度有合適的活動,  上過協康的音樂小跳豆但我覺得麻麻哋, 有冇媽咪可以分享吓呀? 或者有冇訓練, 活動或課程介紹吓呀?

garytai

原文章由 kikiboy 於 08-1-17 13:44 發表
仲有我覺得派到兼收位都唔好放棄早期訓練,我覺得經濟許可雙管齊下會事半功倍!
>>>入咗兼收位就冇得讀早期訓練o架啦喎, 你係咪指自己俾錢嗰D(e.g.協康, 私家) 呀? ...

係呀, 我地現在每星期都有一次自費的早期訓練, 雖然好貴, 但係我覺得為左囝囝我寧願慳d都俾佢做訓練, 所以我話經濟許可囉, 不過我知唔係人人都負擔得起

kikiboy

仲有我覺得派到兼收位都唔好放棄早期訓練,我覺得經濟許可雙管齊下會事半功倍!
>>>入咗兼收位就冇得讀早期訓練o架啦喎, 你係咪指自己俾錢嗰D(e.g.協康, 私家) 呀?

garytai

好耐冇入黎啦, 星期一終於在容鳳書健康院同囝囝測三歲後的智力測驗, 結果評佢為自閉症傾向, 我地兩公婆都有哂心理準備, 我仲識得問醫生我地仲有冇咩資料可以攞, 最後可以排埋聯合醫院的精神科......

其實點解我地兩公婆冇太大反應? 係因為囝囝在兼收位中的進步好明顯, 所以我地覺得囝囝仲可以有得進步, 所以如果繼續train佢我相信佢可以同普通小朋友冇分別, 不過當醫生話佢有少少傾向時我都即刻問囝囝可唔可以讀到主流小學? 醫生話以佢進步的步度黎睇係可以既, 不過要在升讀小一時那年再做一個 IQ test, 睇下佢最後的情況, 而且囝囝係10月出世, 醫生都建議我地俾囝囝遲一年讀小一, 咁樣對佢黎講可能會好少少...醫生仲讚我地咁快可以攞哂政府d資源, 仲話我地可以做既都做哂, 所以我地都唔太擔心

至於其他媽咪, 未派到兼收位既要追社工追緊d呀, 因為兼收位對於我囝囝呢類型小朋友好重要, 仲有我覺得派到兼收位都唔好放棄早期訓練,我覺得經濟許可雙管齊下會事半功倍! 我囝囝呢類型的小朋友最大敵人係時間, 如果我地可以盡早train 佢地, 佢地就越大進步, 到六歲時可能一d 跡象都冇添! 加油呀, 各位媽咪!:

yammiepang

去呢個網頁可知道你們心儀的幼稚園兼收位最後收果個學生的排期日係幾時！

http://www.swd.gov.hk/tc/index/site_pubsvc/page_rehab/sub_admissiont/id_crsrehabwa/

click -->
殘疾兒童學前服務幼稚園暨幼兒中心兼收弱能兒童計劃

原文章由 軒軒媽 於 07-8-21 14:24 發表
我亞仔都排左好耐(11/06),而家都未有任何通知!

kikiboy

Quote
回想一年前見健康院醫生, 真的不好受.
Unquote

我的感覺同你一樣, 永遠不會忘記. 很記得當時個醫生問我在家點樣叫囝囝的, 我告訴她叫"BB", 她即用蔑視的語氣說"啍, 叫BB", 她那副嘴臉令我非常難受, 她配做一個兒科醫生嗎? 永遠不會忘記.

llcathy2004

christina,check pm pls.

原文章由 chrisfungsy 於 07-11-20 01:03 硐表
今日到油麻地兒童精神科見心理學家, 感覺不錯.
9:30到達-登記
9:45-10:30 見心理學家 Dr. Chan
他仔細地觀察&問了很多我們的背景, 測試囝囝, 過程中沒有令你感到難受, 態度友善. 回想一年前見健康院醫生, 真的不好受 ...

chrisfungsy

今日到油麻地兒童精神科見心理學家, 感覺不錯.
9:30到達-登記
9:45-10:30 見心理學家 Dr. Chan
他仔細地觀察&問了很多我們的背景, 測試囝囝, 過程中沒有令你感到難受, 態度友善. 回想一年前見健康院醫生, 真的不好受.
他問我們想知/問什麼? 當然想知他仍有自閉傾向嗎? 他說囝囝仍有自閉痕跡.  心早知答案,  但 . 心想實在囝囝已進步許多.
他為囝囝安排小組訓練(不知排幾耐) & 定期見他到6歲 (下次是一月底, 30分鐘).
起初, 評估中心醫生問我們去不去兒童精神科時, 心諗自閉傾向=精神病 不過有服務排左先, 去到唔"arm"聽就唔要. 政府的服務至少排一年半載.
只想share一下今天的感受.
大家要一起努力同我們的小天使走前路

garytai

囝囝讀左兼收位2個半月, 感覺好好, 可能老師係一對六的關係, 佢d問題行為都少左, 因為佢一想百厭已經有個老師提佢或者stop佢, 所以佢d行為冇變本加厲, 而且自己心理上都覺得好d, 因為知道一對六, 囝囝一定有老師關顧佢, 同埋日日都有training, 佢識野都多好多, 認知同埋講野都進步左, 紀律同埋守秩序都好左....呢間幼稚園唔係我心儀的, 不過因為呢間學校有兼收位, 所以為左囝囝快d讀到兼收位, 結果揀一間有位的學校, 意外地囝囝可以得到適當的訓練同埋關顧, 所有野都進步左, 一個月有兩次言語治療, 二個月有一次物理治療, 感覺好多人幫我及囝囝, 成個人都開懷左, 唔再覺得無助....

以上係我對呢間學校的兼收位的一d感受!

[ 本文章最後由 garytai 於 07-11-17 15:20 編輯 ]

軒軒媽

今早去完沙田聽第一堂talk, ok wor!

chrisfungsy

下星期一要去油麻地兒童精神科見e生, 有沒有人知道會check怎麼

chrisfungsy

只要是i位小朋友, 不論N / K 班日日都有訓練, 有時個別, 有時小組

原文章由 LokLok95 於 07-11-13 15:31 硐表
May I ask is there any 日日個別訓練 in N class ? Or it is only provided started from K class.  Thanks !!!