家有菲傭 子女英語更好

id00288

家有菲傭 子女英語更好
港大研究 顯示成績差距顯著 2007年7月27日


【明報專訊】子女學好英語是不少家長的心願，有效方法除了補習、遊學，原來有菲傭在家，小朋友學英文會事半功倍。香港大學研究顯示，有菲傭照顧的小學生，英語閱讀理解、聽、講、讀的水準平均較高，而且菲傭對小朋友學習英語的影響力，比父母還要顯著。

港大教育學院副院長謝錫金剛完成有關菲律賓傭工對小學生學習英語的影響，安排逾4300名小四學生參與中、英文閱讀理解測驗，評定學生語文水平，並以問卷形式收集學生的家庭背景。受訪家庭中，超過四成有僱用家庭傭工，當中一半聘請菲傭。總體受訪者之中，42%家長認為菲傭對小朋友改善英語有正面影響。研究結果顯示，家中有僱用菲傭與沒有顧用菲傭的整體學生英語成績有明顯差異，家中有聘請菲傭的英文測驗成績，比沒有菲傭的學生理想。

研究亦發現，超過四成家傭透過英語與小朋友溝通，以英語溝通的家傭之中，絕大部分是菲傭。菲傭每周和小朋友講英文的時間，平均為12.92小時，菲傭陪伴看英文電視節目及教導小朋友英語，則分別為5.78和4.39小時。子女與父母以英語溝通，相比菲傭少得多，受訪者中分別僅得4.5%的父親和6.6%母親，會與小朋友用英語溝通。

有助創造英語環境

負責研究的教授謝錫金指出，有菲傭的小朋友英文成績較優秀，最重要因素是菲傭為小朋友創造英語環境。他說﹕「小朋友從小和菲傭說話、生活，令他們明白香港是一個雙語環境，亦讓他們知道不同族裔的人，以不同語言溝通，小時候習慣了，長大後便不怕！」

0-9歲學習關鍵期

謝錫金解釋，菲傭可幫助小朋友學習英文的聽、講、讀，有明顯效果。他表示家長若希望子女透過與菲傭溝通，從而學好英語，「一出世便要聘請，從小陪他講故事、讀書，10歲後才開始便會太遲」。他強調，0至9歲階段，叫learn to read(學會閱讀)，是學習關鍵時刻。

菲傭英語差 會有反效果

不過，他特別提醒家長，若菲傭英語水平低，則會對小朋友學英語產生反效果。他建議，若家庭經濟許可，「聘請菲傭不應嫌貴，僱用一個英文水平高的菲傭，多給一點人工亦值得」。

孫方中小學上午校英文科主任潘子健表示，不覺得家中有聘用菲傭的學生英語水平特別理想，但他同意，低年級小朋友若長時期以英語與菲傭溝通，講英文會較有信心，而年級較高的學生，家中有否聘用菲傭，影響則不見得特別明顯。他又指出，一些學生也許受到菲傭影響，英語口音略怪，需要教師糾正。

明報記者 曾媚、謝凱瑩、鄔詠恩

tswpig

路過,發覺大家對此話題都好有見地,並不是一般潑婦罵街或低俗意見,很好!所以亦在此講兩句.
請菲傭傘,唔係請英文老師!想佢D英文點勁呀?英文老師成幾百蚊一個鐘,工人只是三仟幾,仲係全天候服務,兩者不可混談.
其實子女英語好,發音好,文法好,直接原因是父母學識都不差,自己敎的.
對唔住先,請不要在以下看法有誤會.
觀察所見,聽過很多小朋友和他們的姐姐對話,我會警愓自己和小朋友不要這樣說英語,真的很難聽!
可以說所謂流利的英語,並不是英語好,只是對方理解能力強,和說英語的人大胆D.學語言,首要大胆,不怕錯,就已經是成功一大步,阿毛都得,其實小朋友語言能力很強的,父母只須多加提示,犧性時間,和子女一起學習語言,大家都有進步,點解一定要靠工人呢?
如果"神打"都可以醫好人,D正統醫生仲有存在價值?
如果覺得只需識說英語就是好的話,就唔駛大拿拿攞仟幾銀請私人補習學英語,請個賓賓未算囉!校際朗誦節,叫個工人敎小朋友出去英語朗誦比賽,實攞奬?

woody_lui

最緊要菲傭的英語發音準確，句子文法正確。許多菲傭英語帶有鄉音，小心小心。

原文章由 stccmc 於 07-8-1 22:00 發表
TWMa,

對，有很多重要因素要考慮才有可靠牲高的結論。 謝錫金等人有不少教育研究，這次留有很多問號。  不知報張章有否曲解他們呢。

不過，常理推段，菲傭應對低英語水平的孩子幫助較大。

NichoB

Lst two years , our old maid spoke a philipine english and my son's native english teacher said" Are you speaking Japaness?" So funny.   Now I asked the agent that I must need a well english speaking with u-grad helper.

He knew what I need and introduce 3 for me.  One is no experience and other with 12 yrs exp.in same family  For my son, he has to go many places for extra-activities.  I cannot choose no exp. maid.   

During a month, my kid changed his old japaness english into British English.  Thanks God!

When I review my maid's colledge, Grad. in St.Mary .
Wor! We must concern the quaification of their study.  It is so difference.

Now I am so free and she help me to do all the things.

原文章由 Annie123 於 07-8-1 13:47 發表
家有傭工，家務有人代勞，媽媽自然多了時間跟仔女的功課，
如果用這個作為 "推銷" 傭工的 "賣點"，我不反對；
但如果話，菲傭對孩子說她們那些 "很爛" 的英文，可以令孩子英文更好，我就一定唔同意。

對呀 ...

TWMa

原文章由 stccmc 於 07-8-1 00:18 發表
Judy,

看 Yahoo News 沒有提到將家庭收入分類及分兩組。  如果有分兩組，可信性便提高不少。  看明報網要俾錢，我看不到。可轉載部份數據嗎？

令我想起有研究說家裹藏書量多的家庭，孩子學業較好。  這並 ...

stccmc:
即使這個研究將研究對象的家庭收入劃分了3組 (14,000 / 14,001~28,000 / 28,001 以上), 我還是看不出用菲傭及子女英語好的必然性.
因為
1.沒列出不同家庭收入的家長, 每月用於加強孩子英文能力的平均費用. 又, 如有額外的英語課程, 屬何種項目.
2.孩子有閱讀英文書籍的習慣嗎? 如有, 小時候, 主要是父母伴讀還是菲傭?
3.父母和孩子的溝通語言.
4.平日的英文功課誰指導? 父母, 菲傭, 還是其他?
5.就讀學校的學習英語環境

以上因素, 我認為都會影響這個結果的客觀性.

菲傭的主要工作是幫僱主打理家務及照顧小孩, 如果運氣絕佳, 請到一個勤力又有良好英文能力, 肯常和孩子一起閱讀和溝通的菲傭, Bonus 來的.

[ 本文章最後由 TWMa 於 07-8-1 10:38 編輯 ]

JennyL

聲明一下，我家的傭工，都係菲律賓人，我亦依足法例付工錢。

其實，調查本身個 "目的" 都好影響 "結果"，
我好想知邊個 sponsor 個調查，
係唔係菲傭介紹所？定係菲傭團體？

因為，報導最後提及，"聘請菲傭不應嫌貴，僱用一個英文水平高的菲傭，多給一點人工亦值得" ，我覺得個調查根本同佣工的工資冇關，佢咁樣講，比人有個感覺係個調查係衝著印傭而來 ( 雖然大家都知係不合法，但事實係好多印傭都願意少收工錢 )。

如果本身個 "目的" 就係想證明 "家有菲傭 子女英語更好"，咁個調查本身，無論係採集樣本，設計問卷，甚至數據結果的詮釋都會有影響。

其實家長的教育程度，家庭背景及生活習慣，孩子讀的學校的水平，孩子有冇補習，甚至孩子有冇兄姊等，都一定會對孩子英語水平有影響。

點解唔可以話孩子英語好，英語有進步，係學校老師，補習老師，甚至家長督促，孩子自己努力的成果？將全部的功勞，就咁就歸晒菲傭，難免有令人懷疑其調查背後的目的。

[ 本文章最後由 JennyL 於 07-8-1 10:13 編輯 ]

leschelems

可惜看不到家庭收入分類。

再者，正如之前的一位家長指出，研究是指出有相關關係，即是correlation，而不是因果關係causation，大家切勿把請菲傭當成一種提高小朋友英語的途徑。

原文章由 stccmc 於 07-8-1 00:18 發表
Judy,

看 Yahoo News 沒有提到將家庭收入分類及分兩組。  如果有分兩組，可信性便提高不少。  看明報網要俾錢，我看不到。可轉載部份數據嗎？

令我想起有研究說家裹藏書量多的家庭，孩子學業較好。  這並 ...

麟媽媽

Yongxin,

我個賓姐真係好好笑架！
不過佢好勤力，佢攪掂D 野我都OK 架喇，
佢自己知自己事，英文又唔好，佢又有兔唇的，
佢個老公又斷左隻手，所以佢話唔可以無左份工架，
你知啦，中國人點會比BB 比兔唇者揍吖，
D 老人家又話咩對得多，似左佢個樣咁。
有一次又係笑到我地死，又係我地4 個人，
咁叫賓姐整D 多士黎食吓喇，
亞Sir 又話Butter + jam，
亞mum 又話peanut butter + milk，
叫佢寫又話唔使，朋友話︰I don't want, thanks!
點知佢整左塊齋多士出黎比人！
亞sir 變左peanut butter + jam，
我嗰件又變左butter + milk，我地咪照食囉….  

原文章由 YongXin 於 07-7-31 16:08 發表
呵呵呵呵! 好好笑呀!

YongXin

呵呵呵呵! 好好笑呀!

所以好多時, 香港人都係抱著用到盡既心態, 仲以為自己著數0左.

菲菲令小朋友英文好? "好"既定義係甚麼? 如果菲菲都得, 咁收幾百蚊一個鐘教英語既外國朋友咪要食風?

[quote]原文章由 麟媽媽 於 07-7-31 15:21 發表
我個工人英文水平不高，呢點我明白，
所以我覺得佢唔可以提升到亞仔既語文能力。
我老公成日話如果佢萬能，就唔使同我地打工，
所以佢聽教聽話，又勤力便可，而家唔係搵教師

麟媽媽

我個工人英文水平不高，呢點我明白，
所以我覺得佢唔可以提升到亞仔既語文能力。
我老公成日話如果佢萬能，就唔使同我地打工，
所以佢聽教聽話，又勤力便可，而家唔係搵教師吖嘛。
我講英文好快，佢成日聽唔到我講咩既，我要迎合佢架！
好似有一次我朋友係我屋企同我賓姐講︰
「Mary, it would be very nice if you can get me a coffee.」
我工人眼定定望住我朋友無反應…之後我出手︰
「Mary – coffee – 4 cups – milk one sugar – thank you！」
亞Mary 即刻醒晒，快快手入左廚房煲咖啡。

JennyL

菲傭口音，我覺得唔係問題，
不過佢地 d 句法錯，文法錯，詞彙用錯，就係大問題，
最慘係好多父母本身英文都麻麻，根本唔知孩子係學緊 d 錯的英文。
而且，菲傭只係幫手做家務，總之佢可以做掂份內工作就好了，
千祈唔好諗住可以對孩子英文有幫助。

[ 本文章最後由 JennyL 於 07-7-31 16:43 編輯 ]

問

想對仔女英文好, 於是我搵個賓姐姐操下, 個姐姐係video都o.k. 做過星加坡. 真人來左, 原來英文好有限.  姐姐英文口語十分嚇人.
e.g. I already go to Singapore.
e.g. open the light.  i open her jacket already.
e.g.  the food is broken, cannot eat already.
e.g. why ah?  No go there la.  he go, you go?

個姐姐10月滿約, 想再請個英文好d, 但去返agent睇, 似乎麻麻, 有冇人可以pm我邊間agent d 賓姐姐英文好?  有次係圖書館見人地個姐姐英文好好, 教小朋友閱讀發音又唔錯, 原來個媽媽完全唔識英文, 是但請,  唉! 而我就好有心想搵個英文好d, 都未搵到!又係要講緣份!

[ 本文章最後由 問 於 07-7-31 11:34 編輯 ]

YWWong

Totally agree........

家有老人家請菲姐 - 溝通唔到, 印姐 - 唔可以用英文同小朋友溝通, 眼見亞仔D同學仔可以用英語同菲姐傾計, 但亞仔唔得, 自己真的有點唔開心, 但想到老人家 + 菲姐......重煩~~~~~

我都覺得有菲姐, 對小朋友的英文是有些幫助, 起碼小朋友唔怕講 & 佢地認識的生字 & 名詞都會比較多.

原文章由 freddielau 於 07-7-30 23:37 發表
My personal experience :
自從小兒出生，我便請了個菲姐，一用是四年，兒子英語都吾錯，点知因與老人家相处有問題，唯有再請印姐，看video覺得英文吾錯，又曾在星州打工，以为○Ｋ，୅ ...

DarrenKennice

會唔會是有些字出不到, 特別是一些口語化的字, 故此連之後的字都會出不到。

原文章由 stccmc 於 07-7-30 21:43 發表
有冇人知點解我的留言最多只有一行?

freddielau

My personal experience :
自從小兒出生，我便請了個菲姐，一用是四年，兒子英語都吾錯，点知因與老人家相处有問題，唯有再請印姐，看video覺得英文吾錯，又曾在星州打工，以为○Ｋ，点知就中了招，小兒跟她常用廣東話，而且她連英文字母都不是十分董，口講Ｊ，但原來是Ｇ ，搞到小兒這兩年英語退步晒，所以奉英各位請工人時，先想清楚你的第一目的何在，如果是为下一代的英文，就非菲姐莫屬，但如果有老人家，就較麻煩了。