早教

little_yolky

simonwan 發表於 17-9-5 00:29
阿仔中英數無早教。

不過佢一年級時，我要求佢學識綁鞋帶，著綁帶鞋返學。我以爲好正常。有一日，我去佢 ...

係囉, 家事呢家嘢, 唔學真係唔識架, 你唔好話小學生, 幾十歲人都未必識。話說阿細好鐘意煮嘢食, 佢志願係做廚師。咁, 就緊係俾佢實踐啦, 星期日姐姐放假丫嘛。有一次, 我想偷懶, 叫佢幫我洗米煮飯。咁佢緊係好開心啦。一個鐘頭之後, C6去廚房睇下煲飯點樣...............佢好尷尬咁行出嚟, 細細聲同我講：妹妹可能洗完米之後唔記得落水.............點算? 係咪要丟晒去。


我相信做好多事情都係要從失敗中學習。C6細細聲當然係唔想傷咗妹妹既自信心。但係我更無奈C6咁大個人都唔識執生, 居然話丟咗D米去。我好肯定99以前無早教, 所以C6連飯都唔識煮。


後來, 教返阿細洗米要加水(我以為佢識, 因為佢睇過好多次, 但原來依家D小朋友同以前唔一樣, 唔可以齋睇就學識嘢, 一定要講既。頓然發覺自己真係好聰明添) 第二個禮拜日再接再勵, 佢已經煮到一煲靚飯了。

simonwan

阿仔中英數無早教。

不過佢一年級時，我要求佢學識綁鞋帶，著綁帶鞋返學。我以爲好正常。有一日，我去佢學校，發覺原來全班同學得佢一個人系著綁帶鞋。原來我早教左佢綁鞋帶。

又，七歲起要佢每天洗碗，學做不同家務。到四年級已經識洗碗、洗衫、吸塵、煮飯等等；普通家常菜如蒸魚炒菜無問題，味道當然仲有好大改進空間。在我細個時候，十歲人仔識煮飯系好普通的事。前幾個月睇電視，原來大部分細路，到了六年級都唔識開罐頭。原來我又早教了！

點解而家甘多父母，會唔底得細路小學仲未識微積分，但12歲唔識開罐頭就唔覺得系問題？

jadenhayden

little_yolky 發表於 17-9-4 11:43
拿, 你要學我咁, 神經要大條D。最緊要唔係早唔早學, 係你小朋友有無掌握好該學期既課程, 只要佢考到第一,  ...

你講得啱！我太容易被觸動了！搞到自己好神經質！

little_yolky

jadenhayden 發表於 17-9-4 00:04
本身係冇諗過早教！不過見到其他人咁上進！就唔多唔少會諗，要不要逐波逐流呢⋯⋯
...

拿, 你要學我咁, 神經要大條D。最緊要唔係早唔早學, 係你小朋友有無掌握好該學期既課程, 只要佢考到第一, 實在無需要早學D乜。明白無?

suzuki12

jadenhayden 發表於 17-9-4 00:04
本身係冇諗過早教！不過見到其他人咁上進！就唔多唔少會諗，要不要逐波逐流呢⋯⋯
...

暫時經驗係：中英要早教，我指係要識字和培養語感，之後對小學課程很有利；但數學方面，我則認為不用早教，即使早也不用早太多（如k3已識乘除，無咩需要囉，一般學校要到2年級才教，幼稚園已識背乘數表，小朋友又未明個概念，到2年級時咪又唔記得，盞搞）（利申：家有小學生，暫時成績都算好）

jadenhayden

IloveJJ 發表於 17-9-3 21:44
好多幼稚園時期已出去學數既小朋友都有「早教」的。我識人係幼稚園已學到乘除。你自己無早教，應該有自己 ...

本身係冇諗過早教！不過見到其他人咁上進！就唔多唔少會諗，要不要逐波逐流呢⋯⋯

jadenhayden

201097 發表於 17-9-3 23:42
你屋企有小二下嘅書同練習，都代表你都有預早教學校課程

學校買左二下嘅書啦！

201097

jadenhayden 發表於 17-9-2 19:31
阿仔今年升小二
昨天開學，阿仔番黎問我乜嘢叫除數
佢同我講，隔離位已經學識左除數

你屋企有小二下嘅書同練習，都代表你都有預早教學校課程

靖空

比D小朋友休息下啦

Cheeselover

最重要是保持冷靜，左邊二年級學除法，右邊唐詩鎯鎯上口，前面又Gone with the wind, 你如何看待，還是看看孩子本身發展，恰到好處，不要令他失去上學的熱情才是致勝之道。

HaYi

小二如小一summer 前己背左乘數表, 識乘即係除, 而乘數表是念口"王",
好多幼稚園的都可以背, 我覺得同數感冇咩關係.   所以識乘數不見得是代表數感強.  早識的只是早些開始念口王, 類似背唐詩. 反而見過好多初小的朋友仔, 對A比B多, B比A少一些好似好簡單的,  但有點推理的好難掌握,  如果小朋友需要時間去了解接受, 早教點, 多點時間去掌握亦是件好事.  

mcl203

若果係日常學習仲未用得著，早教係無乜著數。我小朋友讀小學果陣，有同學仔係6年內，不停告知他人佢係學先他人最少一年，但成績去到P2後，都唔多覺有佢影子～～～

RunningPig

如小朋友有興趣，自已教多點都無問題，但無必要同人比而感壓力。始終天外有天，人外有人。如果你擔心校內考試亦無需要，以我觀察早學不一定考得好。我小朋友小二，身邊有人識分數，有人睇完 Harry Porter，平常心啦。

小曳人

的確有d小朋友學習能力較強，數感較好，其實P2識除法唔係特別快，亦唔見得有太多好處

有時教，只係為滿足渴求學習既心靈，而且唔教，都可以自學

我相信跟到學校課程，成績好就夠，如果孩子無主動要求，我覺得唔需要特意早教

利申：家有一個極端餓既自學數學人，同一個普通孩子

Jane1983

你小朋友想學，佢又學得識，學吓無壞。

但唔早過學校教，都無問題，最緊要係適當的時候學識，考試show到出來。

CALVEN

視乎小朋友能力及需要
我小朋友由小至現在都無早教，無補習，我自小要求佢專心上課，佢一直名列前茅。

1998Ruby1998

早教要視乎仔女資質。我有做補習，除非個學生夠班，否則我都係打好基礎，鞏固知識。

我有補習妹妹資質高，成日想寫故事，升小二個暑假已經教佢 Past tense。佢都因為考插班，間學校英文深，所以剛剛呢個暑假已經教埋部份 P5 要學嘅文法，就算我同家長都覺得真係有 d 「拉牛上樹」嘅感覺。

有另一個 P1 就讀神校中嘅神校，佢成績中上，其他同學都好叻已經學完  P4 甚至 P5 嘅野，我都冇特別要佢追上，人比人，比死人。只要佢追到學校進度就 OK。

有另一個連 P1 英文都未必搞得掂，我同佢補底同埋預習一下出年 P2 嘅文法，等佢 9 月上堂唔好一舊雲就算。

如果係讀神校／谷校的話，早教係難免發生嘅事，不過如果你唔係要求考得名列前茅、準備插班，冇必要早教，都係等學校教。

jadenhayden

QQpa 發表於 17-9-2 22:02
人比人，比死人。如果小朋友有興趣又有能力應付，即使學早或學快又何妨？

讀官津，學校一般都會跟足教育 ...

其實唔係比唔比！只是唔多唔少，都難免會有點心理壓力......會驚自己個小朋友技不如人！