P.5 呈分試壓力好大，大家一齊分享吓

HELRON

原帖由 tingchichi 於 10-6-15 13:18 發表
大家的小朋友都應該考完試. yeah ~

我想請問學校會唔會因為係呈分試, 考試內容會出得深D or 淺D ?

我都唔知深左定淺左呀,除左亞仔自己退步左外,但好多同學

都進步左,可以取到100分喎,五年級取100分真係好勁的,

所以我都唔知深左定淺左羅.今次亞仔全級排名係定out單

位數啦.我同亞仔講叫佢下次再努力D,唔好再做龜兔賽跑故

事裡的兔仔啦,佢D同學分分已超越左你啦,佢淨係話得啦,得

啦噤答我呀.唉 考的是他我都無辦法了.

tingchichi

大家的小朋友都應該考完試. yeah ~

我想請問學校會唔會因為係呈分試, 考試內容會出得深D or 淺D ?

super11mum

終於考完試 Yeah

雖然都好擔心

黃巴士

真係放唔開, 最怕小朋友"放棄"咋!!

happyvalley

要 band-1，小六要谷到中一程度成績，因為 Band-1 中學會中二程度開始教，一樣讀到爆。

所以辛苦到就當開始，不然就不如放開心情，讀 Band-2 中。

黃巴士

原帖由 亞菊 於 10-6-14 12:18 發表
我個囝中文唔合格，仲係欠十幾分先合格。英文合格多少少，數學ok。
我勁唔開心，鬧足佢成日，最后自己頂唔順，喊左出黎。
真係唔知點算!? ...

明白你感受.  我試過對住佢"嬲"都講唔到嘢.

HELRON

亞仔今天已派晒試卷啦,除了英文KEEP到上次的成績一樣分數外,其餘都是少了分的.中文好似少了5分,常識&數學各少1分,但我已覺得好滿意啦.
現希望亞仔六年級的兩次呈分試都一樣繼續KEEP住噤的分數已好好啦.
大家媽咪一齊努力,加油,加油呀

Lovely媽咪

原帖由 亞菊 於 10-6-14 12:18 發表
我個囝中文唔合格，仲係欠十幾分先合格。英文合格多少少，數學ok。
我勁唔開心，鬧足佢成日，最后自己頂唔順，喊左出黎。
真係唔知點算!? ...

都冇辦法,但真係唔好鬧得太緊要,一陣鬧到佢完全冇哂心機就仲死多啲,只可以同佢講下次一定要攞番啲分番嚟
講真俾著我都會好唔開心,但真係冇辦法,供家只可以見步行步,所以唔可以一早諗定選咩學校,因為有太多既"未知"會發生

亞菊

原帖由 LWLM0804 於 10-6-14 12:29 發表


唔好咁呢! 其實中文真係好難溫, 我仔仔一樣, 佢考完中文番來已經講左好深, 我已估佢唔合格啦, 平時佢乜都話識, 最後得6字頭, 現在已比左心理準備我... ,仔仔仲係今年呈分 ...

我個囝都係呈分呀!
佢中文係比較差，之前都試過唔合格，都和你一樣唔會有什麼期望。但係英數都差，相對是全部都跌哂，加上是呈分試，所以我真係好傷心。之前考得唔好，我最多鵝佢兩句，但係今次我真係頂唔順!這兩三天都情緒低落。

LWLM0804

原帖由 亞菊 於 10-6-14 12:18 發表
我個囝中文唔合格，仲係欠十幾分先合格。英文合格多少少，數學ok。
我勁唔開心，鬧足佢成日，最后自己頂唔順，喊左出黎。
真係唔知點算!? ...

唔好咁呢! 其實中文真係好難溫, 我仔仔一樣, 佢考完中文番來已經講左好深, 我已估佢唔合格啦, 平時佢乜都話識, 最後得6字頭, 現在已比左心理準備我... ,仔仔仲係今年呈分

亞菊

我個囝中文唔合格，仲係欠十幾分先合格。英文合格多少少，數學ok。
我勁唔開心，鬧足佢成日，最后自己頂唔順，喊左出黎。
真係唔知點算!?

黃巴士

依家小朋友除了要應付校內測驗,考試, 補課, 課外活動.. 又要校外考試証書, 比賽.....

家長為生活奔波不特以, 仲要擔心小朋友成績. 唉!! 一生之中, 都是圍繞競爭, 點會唔大壓力.

無壓力果個都唔係"香港人".

LWLM0804

原帖由 littlecat 於 10-6-14 11:05 發表
我今日心情好緊張, 囡囡上星期五剛考完呈分試, 今日&聽日都係覆卷日, 我都好驚囡囡失手, 皆因佢中文&英文都係麻麻地, 我而家個心卜卜跳, 仲好擔憂添. 但昨日我問囡囡派卷驚唔驚, 佢話唔驚喎, 佢睇嚟好似冇乜野咁, 希 ...

係呀, 話唔驚就假(係我) , 仔仔明天派卷, 佢科科都係差小小就唔合格, 所以今次希望佢唔好見紅....出年再努力追

littlecat

我今日心情好緊張, 囡囡上星期五剛考完呈分試, 今日&聽日都係覆卷日, 我都好驚囡囡失手, 皆因佢中文&英文都係麻麻地, 我而家個心卜卜跳, 仲好擔憂添. 但昨日我問囡囡派卷驚唔驚, 佢話唔驚喎, 佢睇嚟好似冇乜野咁, 希望佢今次會有好成績啦. 今次大家都已經盡咗力, 如果真係唔得, 只好寄望下次, Good Luck!

Lovely媽咪

仲有2日,捱埋聽日就可以鬆一鬆.....其實陪佢溫書都唔算辛苦,最慘係有種無形既心理壓力,始終呢個試係影響佢之後既6年中學生涯

Lovely媽咪

原帖由 roseblingbling 於 10-6-12 11:50 發表
囡囡之前都好好地,今次呈分試突然跌落來,都唔知係今次份卷深,定係佢差咗,定係發燒影響佢,真係好擔心,好想早啲知道問題係邊,幫佢搵人惡補,希望下年小6可以追番..
...

可能佢太緊張,我朋友個女都係,一到考試就失準,所以上學期老師同佢講,試吓俾佢自己溫,唔好放假陪住佢溫,出嚟真係好啲.

VeryHappyMum

原帖由 WCSR 於 10-6-12 23:45 發表
唉....個個做阿媽嘅都緊張,但做老豆嘅就一於好少理, ...

仲要遇啱世界盃，好似阻住佢睇電視咁。

有 d 屋企冇有綫，老豆就大安旨意出去睇，你哋温書呀，我唔阻你哋喇。

型男卓培

雖然我個仔只係小一, 但對你地O既遭遇好有同感, 我請埋假同佢溫, 佢唔係話攰, 就係咁打喊路, 講呢講路, 溫唔夠十分鐘, 又問幾時休息, 真係慘過我自己讀, 不過我好同意O係佢地未識諗之前, 為有做得幾多得幾多, 等大家都唔好後悔, 做阿媽就係咁, 生得佢出, 盡力而為...你地努力呀!!

WCSR

唉....個個做阿媽嘅都緊張,但做老豆嘅就一於好少理,我直頭打開佢本英文都唔知温乜,惟有坐喺隔離陪佢温當支持,不過我好彩佢英數都有9字頭,喺三次考試最好嘅一次,不過喺考試前我經常解釋比佢知呢次呈分試有幾重要,所以佢落力咗。祝大家好運！加油！

lmonstor

看到你的訊息, 都可說是"天下烏鴉一樣黑的道理". 我個仔還未考完, 要考到下星期二. 但這一段日子真的對家長不易過...... 你地的小朋友開曉未? 未開曉真的會更吐血....現在先開始,想到下一年更加刺激....我唯有不時提醒他, 將來讀什麼類別中學是可以選擇的. 勞氣完又要再和小朋友講道理;或者這是遊戲的規則, 大家努力吧!