到今日仲未有offer喺手 ---> 請進

miutang

支持吳官, 在水深火熱期間, 為家長們帶來爛GAGS!!

jimling502

用粗言穢語的眼睛看吳生的言論,當然就覺佢粗言穢語,我地都係成年人,當你用道地草根的眼光看吳生的言論,一會晦心一笑,如何

橫風王道

借問板主，吳生邊句屬粗言穢語？在下讀得書少，搵來搵去都搵唔到有粗言穢語，難道在下既中文程度跟板主有好大距離？

原帖由 abioole 於 11-11-4 13:18 發表
其實呀吳生都冇咩粗言穢語姐, 可能佢用詞較為草根一些, 佢既post可以為大家洩洩怒氣, 佢都好似冇咩過激既言論啦, 係衣到既大家都係成年人, 大家都有分析能力.  不過冇計啦,  各下係版主.  你係最高權力核心, 我一定 ...

abioole

其實呀吳生都冇咩粗言穢語姐, 可能佢用詞較為草根一些, 佢既post可以為大家洩洩怒氣, 佢都好似冇咩過激既言論啦, 係衣到既大家都係成年人, 大家都有分析能力.  不過冇計啦,  各下係版主.  你係最高權力核心, 我一定支持你既決定.

iantsang

本討論區禁止：

12) 內容含有淫褻、不雅、粗言穢語、人身攻擊、誹謗內容成份之帖子。有關文章，不論誰是誰非，均會被管理員及版主刪除。

重複違規者，可被禁止發言。

多謝大家合作!

超版 iantsang

AQ47

吳生啲post去咗邊，我好掛住你吖，攪到我lunch都食唔落.....你喺咪做錯嘢比老師罰，又收rejection呀

abioole

似乎吳廣得已被版主河蟹了.   從此又少了一個勇敢既人發聲,  香港真的容不下正義既聲音了.  請各位為吳廣得祈禱.

原帖由 ngkwongtak 於 11-11-4 11:56 發表
*** 作者被禁止或刪除 內容自動屏蔽 ***

palmchristy

有時孩子的學習能力是足以接受更大的挑戰, 只是要看家長有多了解孩子的變化. "催谷"可能令人感覺負面, 換成"及早幫助孩子有效學習較好".

試想, 如果孩子準備不足, 上到小學面對默書測考和一堆功課而應付不來時, 到時就真是要"催谷"了.

反之如果孩子基本中英文能力優秀, 喜歡閱讀, 有良好學習習慣, 他到時就會有更多時間做喜歡的活動了.

原帖由 無氣同你講 於 11-11-4 11:48 發表


我咪就係好認同呢樣野，所以從來唔迫個仔，淨係比佢快快樂樂去學習，佢亦都好鍾意學習。佢日日都開開心心，嘻嘻哈哈。

但而家，我開始矛盾迷茫了，我係咪應該要全力吹谷佢？ ...

無氣同你講

原帖由 twobirds 於 11-11-4 04:20 發表
當一間學校的取錄信都寫得咁難明時,沒被取錄, 真係"塞翁失馬, 焉知非福"; 那天, 當我打電話去DBS查詢寄信情況, 換來三句電話錄意式的答覆, 我覺得沒被取錄, 也沒有什麼好遺憾. 凡事向好的方向睇....讓小孩經歷過普普 ...

終於有人安慰到我啦, 我個仔千萬唔好似梁振英.....曾蔭權....., 多謝!

開心曬, 唔駛食藥。

twobirds

當一間學校的取錄信都寫得咁難明時,沒被取錄, 真係"塞翁失馬, 焉知非福"; 那天, 當我打電話去DBS查詢寄信情況, 換來三句電話錄意式的答覆, 我覺得沒被取錄, 也沒有什麼好遺憾. 凡事向好的方向睇....讓小孩經歷過普普通通的學校, 俾佢地知道也有普普通通的人生, 學會接受, 多些包容, 其實也不是一件壞事. 沒有普普通通的人生而不知人間疾苦, 人板 - 疑似特首候選人, 你想我們的孩子像他嗎.

Derek_Mum

我本無聊看留言
俾我發現詩中怨
讚譽政府不復見
好似個個想走先
吳生文釆冇懷疑
廣闊思維真少見
得已在此永流傳

[ 本帖最後由 Derek_Mum 於 11-11-4 12:16 編輯 ]

palmchristy

我到今日都未有offer. 報三間, 全部未知結果.
等待固然難受. 但係觀察到這幾個月囡囡成長左好多. 學術上有進步, 識得心算個位進位加減數及連加連減法, 又識用直識計三個位加三個位, 可以睇較多字的英文書, 串多左好多英文字. 繼續鍾意自己睇中文書(不過最鍾意喜羊羊同老夫子). 對答較以前有分寸. 會自己做功課, 包括親子功課, 上網搵圖列印剪貼一手包辦. 呢D進步, 是她升K3時我們想像不到的. 如果繼續進步, 相信佢將來讀邊間學校都可應付得到.

相信大家的孩子也在不斷進步, 這些進步是值得我們停下來, 回顧一下, 欣賞一下, 也讚賞一下孩子.

其實, 當我們為考學校煩惱時, 孩子已經不知不覺長大了. 孩子還是"孩子"的時間, 已經越來越少, 很值得我們珍惜, 不是嗎?

Derek_Mum

好一個勇於挑戰制度嘅爸爸，比個like你

無氣同你講

原帖由 flyda 於 11-11-4 03:44 發表
大家應該對下面呢段說話耳熟能詳吧？在某名校簡介會聽到的：

         宮崎先生對童年的定義：
         「童年不是為了長大成人而存在的，它是為了童年本身、
         為了體會做孩子時才能體驗的事物而存在的。
         ...

我咪就係好認同呢樣野，所以從來唔迫個仔，淨係比佢快快樂樂去學習，佢亦都好鍾意學習。佢日日都開開心心，嘻嘻哈哈。

但而家，我開始矛盾迷茫了，我係咪應該要全力吹谷佢？

flyda

大家應該對下面呢段說話耳熟能詳吧？在某名校簡介會聽到的：

         宮崎先生對童年的定義：
         「童年不是為了長大成人而存在的，它是為了童年本身、
         為了體會做孩子時才能體驗的事物而存在的。
         童年時五分鐘的經歷，甚至勝過大人一整年的經歷。
         精神創傷也是在這個時期形成。站在這個角度想想，
         整個社會實在應該多用智慧去幫助孩子生存下去。」

如果呢句話冇錯，我真係唔知我哋培育緊乜嘢小孩；童年不斷競爭和失敗經歷會否
另佢地成為冇愛心及不顧及別人的人？即使成功，形成將來新一批嘅高官？無良顧
主？

無氣同你講

突然諗起都幾好笑。

１。阿仔係大仔；
２。中英普流利；識寫識講
３。畫畫數學作野樣樣精；
４。唔怕醜，勁鍾意講野（只嫌有時過於興奮）
５。讀間無學卷既幼稚園（都要幾仟銀個月）
６。興趣班無走雞。
７。幾型仔（唔係我講架，係周街ｄ人講）

以上可能只係現今既兒童基本標準。
我地做家長，既然要聽天由命，咁即係要小小運氣，咁我地係咪應該去求神？咁求咩神好？

記得英華個校長話有學生袋住道符去應考，果時仲覺得好好笑，而家係有ｄ後悔冇咁做。

但問題係，如果考既係一間基督教／天主教學校，咁道符仲有冇用？

[ 本帖最後由 無氣同你講 於 11-11-4 03:37 編輯 ]