70區 - 屯門家長請入黎傾吓啦 [複製鏈接]

Ding 寫道:
miumiu313

屯門"保良"系小學基本上都唔錯.. 始終"保良"係良好"後台" .. 資金充裕 .. 同埋佢地辦學經驗豐富 .. 私校我會報"蔡繼有" .. hehe .. 又係"保良"係 .. 我唔知佢地收分情況 ..

svcd .. "何日東"係有較多功課同測驗 .. 上次去 visit 時 .. 個校長話已經減少左 .. 大測同考試都係全年兩次(即係4次 !) ..      .. "梁周"都係一樣 .. 真係好煩架 .. 唔谷又怕個小朋友比唔上人 .. 谷咩 .. 又怕佢頂唔順 ..    

kit7266 寫道:
亞囡讀保良局小學, 唔覺壓力比其他小學大, 至於跟不上的學生, 學校有輔導班輔導功課和小班教學, 而屬band 3 的學生只有23人。 老實說, 學校唔會唔理學生, 眼見老師下了一番心機教導學生, 但給人抹黑, 真替他們不值

健朗媽咪 寫道:
我唔係要抹黑保良的小學, 而係我親身經歷, 我個仔在保良其中一間小學返緊課外普通話拼音班, 老師用全普通話上課, 可能我個仔唔係好明, 同埋學拼音對k2小朋友是比較深, 所以我個仔就有d跟唔到,個老師淨係掛住要教晒個課程同,完全唔理佢地進度, 我次次上完之後問返佢, 今日學咗乜, 佢除咗頭兩堂可以講到比我知之外, 其餘佢都話唔明, 我叫佢唔明舉手問老師, 佢話佢有舉手, 但個老師唔理佢, 開頭個老師仲話我個仔上堂ok, 之後佢上堂跟唔到就同我講, 話我個仔極之曳, 唔聴書, 我個仔平時無論幼稚園老師, 其他興趣班老師,親朋好友都覺得佢好乖,佢平時做功課同食飯仲唔駛我勞氣, 自己可以定定地做, 唔駛我理, 功課仲做得好好(佢幼稚園老師都係咁講), 我咪照直同個普通話老師咁講反映返(語氣良好,有禮),我都係想知個仔係邊度出咗問題,睇下點改善啫, 點知佢即刻比面色我睇, 仲好負氣講話你話點咪點囉,不過我教咗咁多年書, 未見過有咁嘅小朋友, 之後就立即轉身走, 我真係嬲爆, 咁唔負責的老師我都係第一次見, 跟唔到個課程就舉手都唔理, 仲話因為佢曳, 仲要擺出一庫高姿態樣, 真係比佢激死, 我個仔只不過係跟唔到個課程啫, 駛唔駛咁嚟話佢呀,你哋大家同我評下理, 我唔係要抹黑佢地, 而係親身經歷, 所以我話唔選保良, 就係怕佢地個課程太快, d老師咁對跟唔到的小朋, 如果跟唔上又屈佢地曳先會咁, 比着係你,你地話驚唔驚