優才, 真道, 播道邊間好呢 - 初中教育 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 初中教育 › 優才, 真道, 播道邊間好呢

12 3 4 下一頁

發新帖

查看: 10937\|回覆: 71	go 優才, 真道, 播道邊間好呢 [複製鏈接]

Rank: 3 Rank: 3


	269

1^#

發表於 06-10-14 00:05 |只看該作者

優才, 真道, 播道邊間好呢

各位:

1) 請問知唔知: 優才, 真道, 播道, 邊間好呢? OR仲有其他不參加派位的直資中學, 我想作"士啤", 抽獎唔中時用, 因女女怕背書。

2) 上述的中學, 中學畢業時是否大方向去外國昇學一條路, 若在本港讀大學, 機會大嗎? 夠其他傳統中學爭嗎?

3)Any other good choices if my daughter can only keep at rank 7-15 in the form? (She has no ability to reach rank 1-3 in the form, so I don't want to choice famous ones such as St'paul etc, )

Pls comment.
Thx..

謝謝!

Rank: 6 Rank: 6


	5718

2^#

發表於 06-10-14 01:15 |只看該作者

Re: 優才, 真道, 播道邊間好呢

Midagemum,

1)由於我是優才家長，所以我唔方便講這3間學校邊一間較好。我只可以肯定優才屬Band 1中學，其他兩間我不太清楚？

2)亦只清楚優才畢業生升讀本地大學絕對無問題。

3)sorry!不清楚。

優才11月12日會有一個中學生體驗日，歡迎所有小六學生參加。如你有興趣幫你女兒報名，可以由10月23日起往學校網址上登記。

另外，我有一份此校每一科的詳細資料(共23頁)，如你有興趣，我可以fax比你參考。

Rank: 3 Rank: 3


	145

3^#

發表於 06-10-14 01:37 |只看該作者

Re: 優才, 真道, 播道邊間好呢

dabbycheung

請問優才收生要求高嗎??如果band2係咪無機會呢???

我對此校好有興趣,希望小女有機會入讀啦!!
就你小朋友嘅校園生活,可否分享吓學校生活體驗,例如:有咩興趣班??功課多嗎???老師有愛心嗎???............想知多d,請問你可以分享吓嗎???謝謝

Rank: 6 Rank: 6


	5718

4^#

發表於 06-10-14 03:56 |只看該作者

Re: 優才, 真道, 播道邊間好呢

aunt-amie,

好高興能與你分享優才！

此校的收生要求會較其他同類型直資英中高，基本上只收Band 1學生。但學生如屬Band 2成績，而本身在某方面有突出表現(如體育)，校方亦會考慮，所以我建議你不妨一試。

優才是強調愉快學習，功課少，測驗少，考試少的學校，學生們很喜歡上學，學校的師生關係良好，老師亦非常關心學生，(班主任每星期也會寫學生表現在手冊上)。

此校本身已有小學部，中學部是05年才成立的，所以暫時只有G7和G8兩級。此兩級各有3班，因是小班教學，所以每班人數只有20-24人。我兒子那班只有18位學生，但卻有兩位班主任(其中一位是外籍老師)，所以師生比例是1:9.(但每級只有一班是由外籍老師做班主任)

此校課程基本上與一般中學沒有分別，只是每天會加一些獨有課程。它們的基本課程有：English, Chinese, Mathematics, I.S., Geography, Chi. History, History, Music, P.E., Visual Art.

而English則再分：1)General English & Grammar
                     2)G.T.English(Reading & English Literature)
                     3)Cambridge English
中文堂是用普通話教授。學生每天上午是上一般課程，下午則上另類課程。而另類課程則有：

星期一：Mentorship ─ 此計劃是將每班分成4組，每組會有一位固定導師帶領學生外出活動。去年我兒子曾去過某位同學家做家訪、APM書局、麥當奴食tea...今年主要是做義工。此計劃目的是希望值著外出活動，加強師生關係，亦希望學生如遇到煩惱時，他們會找老師傾訴。

星期二  ：功課堂

星期三  ：才華班 ─ 課程包括1.「視覺傳達設計」2.「時裝設計」3.「阿特蘭提斯最後的光」(音樂劇) 4.「體育舞蹈」 5.「文學私房菜」(主要是文學創作，但每月會教煮一道特色菜，學期尾會帶學生外出實地採訪，做飲食記者) 6.「羽毛球」 7.「戲劇特攻Run」 8.「圍棋」

星期三另有加速班，分I.S., Music, Mathematics及English.四種，以上每組只有十數人。此課程是將學生強項全級分組，目的是加強學生在該科的成績。如學生不屬以上四組，則被派去另一組各科補習。

星期四  ：Club & Interest Groups - 課程有1) Handicraft Club  2)Cookery Club  3)Film Club  4)Board Games Club  5)Photography Club  6)Collecting Club  7)Psychology Club  8)Magic Club

星期五  ：Elective Day - 課程有 1)Principles of Ecology and aspects of Aquatic Environment  2)Introduction to Animation  3)Health Science & First Aid  4)Basic Principle of Robot  5)Basic Astronomy  6)Introduction to Chinese Medicine

星期五另有Sport Friday, 課程在最後一堂上，而且是全中學部學生分組一起上。運動項目有：1)Tchoukball  2)Football  3)Ping-pong ball  4)Fit Ball  5)Badminton  6)Cross country training.

所以優才學生的生活是多姿多采的。

Rank: 5 Rank: 5


	1612

5^#

發表於 06-10-14 04:50 |只看該作者

Re: 優才, 真道, 播道邊間好呢

Dear dabbycheung,

另外，我有一份此校每一科既詳細內容(共22頁)，如果你有興趣，我可以fax比你參考。

我有興趣，please fax to me, my fax no. had already fax to you, thanks a lot.

Rank: 3 Rank: 3


	145

6^#

發表於 06-10-14 09:27 |只看該作者

Re: 優才, 真道, 播道邊間好呢

dabbycheung
充心多謝你的分享.

睇完你提供的資料,我好想俾囡囡試一試,我好希望佢可以好開心甘讀書,唔好太大壓力

:

:

:
但我又有以下憂慮,1)如果優才已有小學部,基本上都會直升中學部,甘所餘學位無幾,競爭會好劇烈,小女成績唔係太特出,機會更渺茫.

2)請恕我守舊,加上小囡成績心思都只屬一般,未見特別聰敏,雖然我讚成唔好太多功課,但如果唔使做功課,小朋友只靠課堂吸收,會否過眼雲煙,因為此終要參加公開試,會否減低了競爭力呢?

(我知道自己好矛盾,請唔好見怪,呢d係師nine專利,一方面想小朋友放咗學開開心心唔需要做功課,但又擔心會俾機會佢懶散咗)

請賜教!!!!

謝謝!!!!!

Rank: 6 Rank: 6


	5718

7^#

發表於 06-10-14 10:38 |只看該作者

Re: 優才, 真道, 播道邊間好呢

aunt-amie,

是的！因為收的外來生很少，所以成績如果不是太突出，真的比較難入。

但我建議你可以這樣，第一輛招生時你可以照樣申請(好像12月開始招生？)，說真的落選的機會會較大。但當放榜後優才會有第二輛招生，此時你可以再嘗試去優才叩門。過往經驗優才在第二輛招生時，因為不是太多家長知道它會有第二輛招生，所以反應比較冷淡。此時學校有機會會將收生的要求降低，所以學生的成績如屬Band 2, 也會有機會入選。而且校長很重視家長的誠意，如學校兩次招生時你也有申請，校長會覺得你誠意較其他家長大，所以入選的機會也會較大。

不用擔心，優才不是沒有功課，它只是較一般中學少而已，校方說每天做功課的時間大既是1-1.5小時。

此外，此校雖然強調愉快學習，但校方對學生的成績會有一定的要求，如每科的考試成績是包括學生平時做功課的分數，而且學生考試如英文主科不合格，或有兩科非主科不合格(不知有沒有記錯？)，學生是要留班的(考試合格的分數是60分，但有很多中學50分已合格)。

而且所有學生也要應考劍橋公開試，學校對這個公開試非常重視，所以好多時放長假期，學生也需要回校補課以應付這個公開試。另外暑假期間(8月中至8月尾，全校學生也要回校補課，內容是上午預備新學期的英文科及下午預備I.S.)

其實每天的另類課程，只是G7及G8級才有。當學生升上G9後另類課程將會大減，此時學校課程將會與一般中學一樣，亦會開始谷學生的各科成績。

還有想補充一點，今年G7學生已增加了一科主科：通識科。

Rank: 6 Rank: 6


	5152

8^#

發表於 06-10-14 12:11 |只看該作者

Re: 優才, 真道, 播道邊間好呢

請問有無知真道/播道邊間好呀? 我聽我同事講佢朋友個女係真道讀, 係全英喎係咪呀? 咁播道係咪一樣係全英架?

Rank: 3 Rank: 3


	136

9^#

發表於 06-10-14 12:42 |只看該作者

Re: 優才, 真道, 播道邊間好呢

請參考10月13日星島日報教育版

rclamlam 寫道:
請問有無知真道/播道邊間好呀? 我聽我同事講佢朋友個女係真道讀, 係全英喎係咪呀? 咁播道係咪一樣係全英架?

Rank: 6 Rank: 6


	5152

10^#

發表於 06-10-14 12:43 |只看該作者

Re: 優才, 真道, 播道邊間好呢

尋日星島有講呀? 我未看份報紙添, 今日番去看下.

唔該.

uki 寫道:
請參考10月13日星島日報教育版

[quote]
rclamlam 寫道:
請問有無知真道/播道邊間好呀? 我聽我同事講佢朋友個女係真道讀, 係全英喎係咪呀? 咁播道係咪一樣係全英架?

[/quote]

Rank: 3 Rank: 3


	145

11^#

發表於 06-10-14 17:14 |只看該作者

Re: 優才, 真道, 播道邊間好呢

dabbycheung

多謝你的回應及資料

睇完之後,更加希望小囡有機會入讀此校.

:

:

但請原諒我多心,我仲有2 間心儀嘅直資中學,當攞多個經驗又好或者多個機會又好,我諗會同時間申請2-3間直資中學,如果第一輛招生,優才已落選,而有另一間直資得咗,我係咪應該接受,(交留位費&簽放棄政府派位)然後再等優才第二輛招生,再申請呢???如果萬一好彩的話,第二輛優才得咗,我地放棄之前嘅直資,會唔會有問題呢???

仲想問吓優才會係放榜後有第二輛招生,係咪即係7月呢???

好多謝你嘅寶貴資料及意見!!!

Rank: 6 Rank: 6


	5718

12^#

發表於 06-10-14 18:48 |只看該作者

Re: 優才, 真道, 播道邊間好呢

aunt-amie,

是呀！你的做法非常正確！

如初步已被其他直資學校取錄，而你又願意放棄政府學位，便應先行往該直資學校簽紙及交留位費。

如你女兒在優才第二輪招生時被取錄，那麼你便要往之前被取錄的學校取回註冊証，然後再去優才註冊。

優才第二輪招生是在7月，但不記得是否在放榜後才開始？

該校在11月12日會舉辦一個中學生體驗日，你女兒有興趣參加嗎？

Rank: 3 Rank: 3


	269

13^#

發表於 06-10-14 20:32 |只看該作者

Re: 優才, 真道, 播道邊間好呢

Hello Debbycheung,

優才11月12日會有一個中學生體驗日，歡迎所以小六學生參加。如果你有興趣，我可以幫你問清楚詳細情形。

另外，我有一份此校每一科既詳細內容(共22頁)，如果你有興趣，我可以fax比你參考

我有興趣上述資料, 想麻煩妳幫我問些資料, 我會PM妳.

MANY THANKS.

Rank: 3 Rank: 3


	108

14^#

發表於 06-10-14 22:51 |只看該作者

Re: 優才, 真道, 播道邊間好呢

Hello Debbycheung,

I'm interested too, may I have the info? Pls check pm re my fax no.

Thanks a lot.

Rank: 3 Rank: 3


	145

15^#

發表於 06-10-14 23:42 |只看該作者

Re: 優才, 真道, 播道邊間好呢

dabbycheung 寫道:
aunt-amie,

是呀！你的做法非常正確！

如初步已被其他直資學校取錄，而你又願意放棄政府學位，便應先行往該直資學校簽紙及交留位費。

如你女兒在優才第二輪招生時被取錄，那麼你便要往之前被取錄的學校取回註冊証，然後再去優才註冊。

優才第二輪招生是在7月，但不記得是否在放榜後才開始？

該校在11月12日會舉辦一個中學生體驗日，你女兒有興趣參加嗎？

dabbycheung
原來已經註冊都可以取消,我真係唔知.甘我已知道我嘅方向.

好多謝你嘅意見,真係令我穫益良多,但有一點,希望你唔好見怪,或者,係我表現得太著急,.......其實小囡今年讀緊p.5,明年才雖需要選校,因為依家又係選校日子,比較多呢類討論,所以我想趁呢個機會,收集多d資料,未雨綢繆,唔使到時越急越亂,不過,大致上,我都有咗d決定,到時就可以鬆容不迫啦!

中學生體驗日，我地都有興趣參加,知多d關於學校的資料都幾好!!!另外想請問,你小朋友返學交通方便嗎????

Rank: 6 Rank: 6


	5718

16^#

發表於 06-10-15 00:55 |只看該作者

Re: 優才, 真道, 播道邊間好呢

aunt-amie,

原來你女兒只是小五生，叫她繼續努力，爭取Band 1成績吧！

中學生體驗日是給小六學生參加的，你女兒要明年才可以參加呀！

返學交通這個問題？你問得真好！

我們本身是住大埔的，交通這個問題確曾令我想過放棄報讀優才。只是因為我和兒子也很喜歡此校，於是決定給他報考，結果又幸運地給他考上(他後備入的)。

其後因為某些原因及交通問題，我曾考慮過不如放榜後試到其他政府英中叩門，如有學校收他便放棄優才。但兒子卻堅持要入讀此校，因為他在3月時已開始要返學校上銜接課程，他很享受這段日子的生活！所以最後便決定給他入讀。

其實我兒子返學的車程大既是一個鐘，所以我也可以接受。而且入讀優才的學生(中，小學部)，其實是來自四方八面的，像我兒子的同學，他們有住荃灣、沙田、元朗、天水圍、香港東區....幾乎18區也有。而且因為學校近MTR(調景嶺)，交通也算方便。

Rank: 3 Rank: 3


	145

17^#

發表於 06-10-15 17:48 |只看該作者

Re: 優才, 真道, 播道邊間好呢

dabbycheung

每個父母都希望小朋友會有好成績,但有時真係迫唔黎.

其實我都知道小女讀書未儘全力,有時都幾馬虎,已經不停提醒,奈何關鍵係佢自己,我又唔可以代為付出.唉..好多時聽到佢開朗同天真嘅笑聲,就會同自己講,甘咪幾好,做人應該開開心心,成績好固然好啦,但讀書唔係一切.

小女每天放學之後,大約用1.5hrs做功課,之後睇半小時電視,
就要補習,補習姐姐主要幫佢睇吓功課同溫番d佢唔明既英,數啦,補完習又到咗晚飯時間,一星期中我會有三晚,於晚飯後幫佢溫吓dictation.佢每日就係甘過啦!真係無咩輕鬆同玩嘅時間.我真係覺得依家d小朋友讀書好忙.我唔想又唔忍心要佢再花多d時間去溫習. 其實呢個就係我想幫佢報直資既原因.

好多謝你提供既資料,我們已選定方向,優才係我地既首選,如果唔得,我地都會搵其他直資,希望小朋友係一個愉快輕鬆既環境讀書.不過,我最擔心係校風.相信優才呢方面唔會有問題,
不過其他直資........我會用呢年既時間留意吓先...希望小女有機會同你囝囝同校啦!!!!
唔該哂!!!!

Rank: 3 Rank: 3


	128

18^#

發表於 06-10-16 00:30 |只看該作者

Re: 優才, 真道, 播道邊間好呢

Hi

想問下學費多少，有冇其他雜費？

Alice

Rank: 6 Rank: 6


	5718

19^#

發表於 06-10-16 11:20 |只看該作者

Re: 優才, 真道, 播道邊間好呢

dllau,

G7 : HK$2,600x11個月，無任何雜費。
G8-G9 : HK$2,800x11個月，無任何雜費。

學校設有減免學費計劃。

另學校每年會舉辦幾次海外交換生計劃，該計劃屬自由參加。如被挑選的學生，校方會津貼一半費用，另一半費用則由該學生負責。

Rank: 6 Rank: 6


	5718

20^#

發表於 06-10-16 11:26 |只看該作者

Re: 優才, 真道, 播道邊間好呢

aunt-amie 寫道:
dabbycheung

好多謝你提供既資料,我們已選定方向,優才係我地既首選,如果唔得,我地都會搵其他直資,希望小朋友係一個愉快輕鬆既環境讀書.不過,我最擔心係校風.相信優才呢方面唔會有問題,
不過其他直資........我會用呢年既時間留意吓先...希望小女有機會同你囝囝同校啦!!!!
唔該哂!!!!

aunt-amie,

大家努力！希望明年會聽到你女兒的好消息！

‹ 上一主題|下一主題 ›

12 3 4 下一頁

發新帖

熱門主題

最高瀏覽主題