屯門71校網"何日東"VS"鄭任安千禧", 各位如何抉擇???

Rank: 2


	37

1^#

發表於 06-9-18 17:54 |只看該作者

如題, 請問有冇家長同我一樣, 煩惱緊選邊一間?

歡迎加入討論...

囝囝2000

大宅

Rank: 5 Rank: 5


	1782

2^#

發表於 06-9-18 19:34 |只看該作者

Re: 屯門71校網"何日東"VS"鄭任安千禧", 各位如何抉擇???

當然係鄭任安千禧。

hfso

Rank: 2


	37

3^#

發表於 06-9-18 22:43 |只看該作者

Re: 屯門71校網"何日東"VS"鄭任安千禧", 各位如何抉擇???

囝囝2000 寫道:
當然係鄭任安千禧。

囝囝2000多謝妳回覆呀!

不過點解唔揀"何日東"呀, 果日聽佢個校長話, 佢地都係行活動教學喎, 唔知真唔真呢? 不過又聽人講話佢好多功課, 我好驚阿女要做功課做到好夜呀!
咁妳知唔知"鄭任安千禧"功課多唔多呢, 同埋學習程度會唔會差好遠呢? 我想上佢個網度查下佢D功課表, 但係又要用戶登入先睇到呀, 反而"何日東"就任你睇喎 (不過睇落真係幾多功課架!)

MT711

複式洋房

Rank: 3 Rank: 3


	133

4^#

發表於 06-9-19 00:24 |只看該作者

Re: 屯門71校網"何日東"VS"鄭任安千禧", 各位如何抉擇???

何日東功課較多, 課程較深, 校舍較舊, 有聯繫中學.
鄭任安千禧校舍較大, 設施較好, 課程較淺, band 1比率也較少(3x%),

選校要親乎小朋友能力!!

hfso

Rank: 2


	37

5^#

發表於 06-9-19 11:01 |只看該作者

Re: 屯門71校網"何日東"VS"鄭任安千禧", 各位如何抉擇???

MT711 寫道:
何日東功課較多, 課程較深, 校舍較舊, 有聯繫中學.
鄭任安千禧校舍較大, 設施較好, 課程較淺, band 1比率也較少(3x%),

選校要親乎小朋友能力!!

Hi, MT711, 好多謝你回應呀.
你分析得好簡單扼要喎, 我地都係覺得這兩間學校各有優點, 亦各有缺點. 不過我諗小朋友去千禧會比較開心D. 所以我地都差不多決定左啦. 不過, 都想聽多D意見, 反正下星期先交表.

kikimom

子爵府

Rank: 7 Rank: 7 Rank: 7


	10965

6^#

發表於 06-9-19 11:23 |只看該作者

Re: 屯門71校網"何日東"VS"鄭任安千禧", 各位如何抉擇???

雖然我囡囡兩間都冇入..不過當時千禧都係第3選擇..其實揀邊間學校都好睇小朋友平身ka..如果揀"何日東"本身小朋友一定係要文靜.喜歡睇書甘何日東一定岩晒小朋友..如果小朋友太過活潑就唔係甘適合la..甘千禧就適合d 啦..我識d小朋友係千禧書得好開心tim

p.s.最重要係小朋友讀得開心..

hfso

Rank: 2


	37

7^#

發表於 06-9-20 10:09 |只看該作者

Re: 屯門71校網"何日東"VS"鄭任安千禧", 各位如何抉擇???

Hi, kikimom,

多謝妳回應呀, 我個女就界乎文靜同好動之間, 佢平時係學校就好定下, 返到屋企就會百厭D. 不過我地都好大機會會填"千禧", 主要希望小朋友唔會有太大壓力, 因為我睇"何日東"都迫得好緊咁.

p.s.最重要係小朋友讀得開心..

十分讚同!!!

Rank: 2


	88

8^#

發表於 06-9-24 13:35 |只看該作者

Re: 屯門71校網"何日東"VS"鄭任安千禧", 各位如何抉擇???

我到煩惱選擇鄭任安千禧or 圓玄小學, 有無意見

;-) :-x

hfso

Rank: 2


	37

9^#

發表於 06-9-25 18:12 |只看該作者

Re: 屯門71校網"何日東"VS"鄭任安千禧", 各位如何抉擇???

Hi, fletcher,
你重未諗定呀, 要交表啦~~~

我之前都十五十六架, 其實間間都有好冇唔好啦.

鄭任安唔駛錢, 新校舍, 活動教學, 壓力無咁大, 不過升中個成績可能會比其他名校(有聯繫中學果D)差DD, 同埋就遠左D, 出入要靠校車.

圓玄要$8000/YR, 英普教學, 同埋小班都幾吸引, 師資都好似比鄭任安好D, 不過校舍半新半舊啦, 聽人講話新校行政有D混亂, 都無聯繫中學, 升中時會比何日東果D差D.

我就決定左啦, 聽日去鄭任安交表啦, 都係想個小朋友開開心心返學最重要啦! 同埋問左阿女, 佢自己都話鐘意鄭任安多D呀.

祝你都快D"渣"定主意啦, 或者好似我咁問埋個小朋友啦?!

Rank: 2


	88

10^#

發表於 06-9-25 18:38 |只看該作者

Re: 屯門71校網"何日東"VS"鄭任安千禧", 各位如何抉擇???

多謝你比意見我，我決定報鄭任安千禧，不過我都報讀圓小學雙重保險。

;-) :-x

Rank: 2


	88

11^#

發表於 06-9-25 19:00 |只看該作者

Re: 屯門71校網"何日東"VS"鄭任安千禧", 各位如何抉擇???

我有個朋友個女，佢文靜但好玩應該用怕羞來形容,一返屋企就玩，個朋友話要簡何日東唔簡鄭任安千禧，因為要佢先苦後甜，你話有沒有問題

;-) :-x

hfso

Rank: 2


	37

12^#

發表於 06-9-26 10:09 |只看該作者

Re: 屯門71校網"何日東"VS"鄭任安千禧", 各位如何抉擇???

Hi, fletcher,

我個女都好似咁架, 返幼稚園時就好定, 有D怕醜, 但係一返到屋企就會四圍走, 屋頭跑到屋尾咁.

我地同佢老師傾過, 佢就話阿女返何日東都好, 因為何日東始終係偏向"傳統教學"方式, 比較適合文靜D小朋友. 如果坐唔定, 好動o既小朋友就唔係咁啱. 我地聽完都覺得佢講得幾啱架.

不過, 我聽左兩次何日東個簡介會, 佢地校長好強調一樣野, 佢話教小朋友要比一個較佢地能力所及高少少o既目標, 咁先至可以推動佢地爭取好成績. 我聽完之後諗左好耐, 反而有D驚, 我覺得咁樣去迫一個咁細個小朋友去學習, 好似有D"揠苗助長"咁, 如果個小朋友唔受呢套, 好可能會嚴重打擊佢學習o既自信, 因為永遠有一個達唔到o既目標o係前面, 無論點努力都好似做唔到咁. 如果比著我, 我都會唔開心, 同埋可能會放棄去追(盤pair). 所以我就唔係好BUY佢呢個觀點. (不過, 何日東可能就係靠呢樣野, 做到咁好成績?!)

另外, 我亦有睇埋教統局同何日東做果個"校外評核報告", 佢就梗係先讚一大輪先啦, 不過最後佢批評何日東要加強對不同程度學生的支援. 咁即係話係何日東讀, 如果你小朋友係TOP果批就會受重視, 如果唔係就可能比人放埋一邊, 自生自滅. (咁樣講好似好嚴重咁, 情況應該唔會咁緊要, 不過始終會係TOP果批會得到多D關注同重視o羅) 佢地校長都知我地諗乜, 今年簡介會都有提到對程度低同學會開"輔導班", 不過我諗佢學校運作咁多年都係靠"拔尖"來提高校譽, 無咁容易一下子改變過來, 所以如果我個女入左去讀, 但係又上唔到TOP果批人, 咁咪好可憐?!

我用左好多口水, 先講服我太太比阿女選"鄭千"咋, 最主要個POINT係, 想阿女可以係無咁大壓力環境下學習, 開開心心過佢六年o既小學生活, 同埋希望佢培養自學能力, 而唔係日日做功課, 晚晚死背書o既書蟲.

至於你朋友提到"先苦後甜"個POINT, 我覺得都算係好多家長o既諗法, 覺得升中時就會無咁辛苦啦(包括揀學校同學習). 我就諗, 六年後都唔知乜野環境啦, 無人可以擔保入何日東就一定升到上"梁銶鋸", 佢地升BAND 1個比率都只係4成幾, 咁其它5成幾都係要選其它學校, 唔通上唔到"梁銶鋸"就唔讀書咩. 就算入到"梁銶鋸"亦可以肯定唔會讀得輕鬆, 同學間o既競爭亦好大, 因為大部份都係讀得書o既, 如果一個唔好彩, 亦可能會沉到去最底架.

總括黎講, "先苦後甜"個講法, 我覺得"先苦"就梗係架啦, 至於"後甜"就唔肯定喎?! 反正都唔知將來係點, 無理由要"先苦"左先架?

另外, 就算讀"鄭千"都唔會好輕鬆架, 只係功課壓力無咁重, 活動教學多D, 如果你想個小朋友學多D野, 而自己又有時間, 一樣可以o係屋企比佢自己做多D課外練習架, 只要個小朋友有動力去學野, 一樣可以睇返佢興趣去學習, 唔一定要跟學校交落D功課去學格? 我個女依家幼稚園係"活動教學", 功課好少, 通常放學前就會做晒, 但係佢返到屋企有時會自己要求練寫字, 睇圖畫書咁, 唔駛我地迫佢架, 我兩公婆都不知幾輕鬆, 只要陪住佢就得.

哈, 一寫就寫左咁多添, 希望無悶親你啦. 有興趣就交流下啦, 可能我個女同你個公子或者千金做埋同學都唔定呀!

祝大家都 ~~~ 心想事成 ~~~ 啦.

PS. 如果11月20日有結果, 我都會返來呢個POST公佈一下, 你都可以黎架.

Almaz

別墅

Rank: 4


	937

13^#

發表於 06-9-26 10:51 |只看該作者

Re: 屯門71校網"何日東"VS"鄭任安千禧", 各位如何抉擇???

hfso,

很同意你的說法.謝謝分享.

marinayiu

別墅

Rank: 4


	756

14^#

發表於 06-9-26 12:20 |只看該作者

Re: 屯門71校網"何日東"VS"鄭任安千禧", 各位如何抉擇???

Hi hfso,

hfso 寫道:
Hi, fletcher,

至於你朋友提到"先苦後甜"個POINT, 我覺得都算係好多家長o既諗法, 覺得升中時就會無咁辛苦啦(包括揀學校同學習). 我就諗, 六年後都唔知乜野環境啦, 無人可以擔保入何日東就一定升到上"梁銶鋸", 佢地升BAND 1個比率都只係4成幾, 咁其它5成幾都係要選其它學校, 唔通上唔到"梁銶鋸"就唔讀書咩. 就算入到"梁銶鋸"亦可以肯定唔會讀得輕鬆, 同學間o既競爭亦好大, 因為大部份都係讀得書o既, 如果一個唔好彩, 亦可能會沉到去最底架.

總括黎講, "先苦後甜"個講法, 我覺得"先苦"就梗係架啦, 至於"後甜"就唔肯定喎?! 反正都唔知將來係點, 無理由要"先苦"左先架?

hfso

Rank: 2


	37

15^#

發表於 06-9-26 12:55 |只看該作者

Re: 屯門71校網"何日東"VS"鄭任安千禧", 各位如何抉擇???

多謝你地o既認同呀, 我都係諗到乜講乜咋, 其實都未必啱架, 不過諗住"抛磚引玉", 大家有乜意見可以攞出黎討論下.

講真, 何日東都係一間好好o既學校, 亦都有無數家長想佢個小朋友入到去讀書, 唔係佢唔會收到爆棚啦. 不過我就覺得最終要睇小朋友適唔適合o羅, 同埋家長都要認同佢個教學理念, 因為家校一定要合作先係對個小朋友好架.