讀多年??呢個問題都好多人問過, 但都想問下大家既意見.. [複製鏈接]

cookie 寫道:
細囡係11月出世屬於細囡, 佢記性好好, 但專注方面就幾差, 同埋諗野唔係好識轉彎剩係死記. 本來我都諗住俾佢讀多一年k3打好個底先, 但尋日見過佢班主任佢地既反應係[吓, 讀多年??洗唔洗呀!!] 唉, 搞到我真係15/16, 老師覺得讀多年會浪費時間, 點解唔等上左小學睇下點先, 唔得先留班. 因為佢地睇到細囡係剩係係數學邏輯同大肌肉方面差外, 其餘都好好, 所以佢地都覺得可以上小學.
唉, 其實我係呢版都睇過唔少呢0的問題, 真係有人揀讀多年又有人揀照上, 但我驚揀錯就害左囡囡, 所以我想再問下有冇過來人好似我0甘有呢0的經歷, 最終既決定又係點??得出既結果又係點呢??又如果讀多年, 應該係而家K2讀多年定出年 K3讀多年呢??唔該哂     

ling338 寫道:
[quote]
cookie 寫道:
細囡係11月出世屬於細囡, 佢記性好好, 但專注方面就幾差, 同埋諗野唔係好識轉彎剩係死記. 本來我都諗住俾佢讀多一年k3打好個底先, 但尋日見過佢班主任佢地既反應係[吓, 讀多年??洗唔洗呀!!] 唉, 搞到我真係15/16, 老師覺得讀多年會浪費時間, 點解唔等上左小學睇下點先, 唔得先留班. 因為佢地睇到細囡係剩係係數學邏輯同大肌肉方面差外, 其餘都好好, 所以佢地都覺得可以上小學.
唉, 其實我係呢版都睇過唔少呢0的問題, 真係有人揀讀多年又有人揀照上, 但我驚揀錯就害左囡囡, 所以我想再問下有冇過來人好似我0甘有呢0的經歷, 最終既決定又係點??得出既結果又係點呢??又如果讀多年, 應該係而家K2讀多年定出年 K3讀多年呢??唔該哂     

meimeilam 寫道:
Cookie,

我個仔都係11月中出世, 現升讀小四, 回想起佢讀 K1 學期尾嘅時侯, 佢班主任同我講叫我考慮比佢重讀 K1, 佢同我解釋話唔係我個仔追唔上, 各方面發展暫時都 OK, 佢話試問同一班同學一人地1月出世, 而你個小朋友係11月中出世, 真係足足相差成年, 始終都會有分別, 同埋驚佢上到小學時比較辛苦吃力, 佢又話將來如果想搵 D 比較好嘅小學, 人地通常都會選擇大仔大女多 D, 貪佢地易教 D, 佢重話如果你想佢讀多一年, 就越早越好, 因為費時佢地自卑, 你知啦, 而家 D 小朋友好叻架。

我同我老公都考慮左好耐, 問左好多人意見, 結果都係比佢重讀 K1, 但係我冇後悔到, 而家佢嘅成績好好呀。如果我係你一定會比佢重讀 K2。

以上只係我個人嘅意見, 當然我亦都見過有 D 細仔細女讀書好叻 tim。

catcatmom 寫道:
cookie

我覺得好睇你比囡囡讀ＭＵＤ野小學，如果想普通派位小學，（當然５係名校果Ｄ）我想你可以聽下幼稚園老師的意見比佢讀上去。因亞女都係１１月出世，如果佢唔repeat就算比佢考到ＳＦＡ之類學校，都唔好比佢讀。
如果係普通派位既小學（就算讀地區出名既學校）Ｐ１課程係好淺，因佢係派位入去多，老師係Ｐ１第一學期都係重溫Ｋ３既野。
又如果你囡囡讀緊果間幼稚園程度５係太淺，上到去你會覺得repeat左係waste time,要好睇你自己的情況去處理。

catcatmom 寫道:
cookie
家姐入到仁紀，硬係比亞細入埋去，除非你覺得間學校唔好庶！仁紀係荃灣Ｃ奶既dream school,你唔讀佢地多謝你多左個位出來。如果囡囡係Ｋ２都追唔到，咪係Ｋ２repeat,如果追到，咪Ｋ３至算ＬＡＷ！
其實佢個老師觀察亞女，多個你觀察亞女，問老師係最好。救世軍Ｄ老師好ＨＥＬＰＦＵＬ＋！

sumheima 寫道:
Hi,cookie,

我之前也和妳一樣,為了repeat k2 與否想來想去,最後決定今年比個細仔repeat k2.一來因為我們搬家要轉新校,最初我是報了k3,但想想若k3追不上先repeat,同學們都升小學,我想他是知道的.但反正現在轉新校,給他重讀k2,他也不覺得有問題.最重要是我有朋友的小朋友是12月26日出生.他kinder時堅持不repeat,小一追不上時小朋友因自尊問題不願留班,但左補右補都追不上,今年小二也要留班.小朋友覺得自己比人差,無左自信,呢樣我覺得最可惜!另一方面,我想過,要仔仔留多一年最大的'損失'不過是一年時間(或者加一年學費),如果他大了時真是讀書材料他也可追回(e.g.唔駛repeat F.5, 上到大學讀少一年etc).但相反,若真是小學或者中學追不上,就算不用留班,但永遠都是中下個班,又有甚麼意思?
p.s. 當然有一些case 是細仔細女都好醒,不過相對比例應較少;若他們再多讀一年,可能更叻!