請問有冇保圓06未註冊家長係度？ - 小學雜談 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 小學雜談 › 請問有冇保圓06未註冊家長係度？

發新帖

查看: 2160\|回覆: 24	go 請問有冇保圓06未註冊家長係度？ [複製鏈接]

Rank: 1


	15

1^#

發表於 05-9-23 00:05 |只看該作者

請問有冇保圓06未註冊家長係度？

我想同人傾0下保圓呢間學校的前途, 有冇尚未註冊的家長係度？因為我見有人問都冇人覆, 所以我知05年已入讀的家長會很忙,找未入讀的家長分享心得。很奇怪已經截止多日, 但今日仍有家長交表格, 唔通佢地真係無準則---(1)跟本收不足學生, (2) 今日交表唔通係保良局或佢地聯校的幼稚園生？佢地交表是否一定收呢？本人亦有交表格, 亦用了好多心機去做個portfolio, 如果收生係咁無準則, 相信呢間學校的收生標準真係有問題。
另外, 校方一直避開升中問題, 以我所知政府根本無打算在區內開設直資中學, 會唔會入讀"蔡章國", "何福堂" 或 "陳金枝" 0架？因為圓玄小學的學生大部份派去以上學校, 有興趣請加入分享。

Rank: 4


	906

2^#

發表於 05-9-23 13:02 |只看該作者

Re: 請問有冇保圓06未註冊家長係度？

我一直都有留意呢間學校同李宗德,兩者比較,保圓新辨未有成績,所以就算收咗都要觀察佢今年嘅運作做成點至決定,而李宗德己運作了幾年,英,普成績及開心學習嘅較果相當唔錯,會是我首選,但路途遙遠....
另一方面,我對保良局教學法有所保留,不希望直資与津小一樣催谷學生成績,傳统保良津小係點,相信無需多講,最怕就是傳统保良+英,普學習+無愛心=

如入讀保圓後發覺勢色唔對要轉校,因英,普有一定根基,相信亦不會有困難叩門插班於較好的津小,而07後有更多新校建成,如何日東下午等,都會有新校和轉全日制,於小三前成功轉校亦唔難,當然...如果喺保圓讀得好,緊係唔轉啦!
我唔會喺大囡06小一博保圓嘅教學法,唸住睇到09細囡小一時,應該有一定嘅效果出咗嚟,個泳池又起好至唸,唔使一路讀一路有工程做緊咁污糟邋遢.到時轉番個大囡番嚟同細囡一齊讀又得.....

Rank: 1


	15

3^#

發表於 05-9-25 00:09 |只看該作者

Re: 請問有冇保圓06未註冊家長係度？

hivy,
你真係有計劃，但係我無你咁好彩，我得一個仔，所以時間上較為迫切，不過我已經用了三年時間準備我囝囝入讀小一的計劃，保圓兩次的簡介會我都有出席，我亦親身响每日留意學生上課時候的情況，（因為我住得好近）我發現每一個學生真係好開心

　唔知係唔係呢間學校學習情況令到學生輕鬆學習，定係佢地的門面功夫做得好，不過我朋友個仔响果到讀，返黎講返真係好開心，　有一日我朋友話唔洗返學，佢過仔反而悶悶不樂，

　不過我覺得過幾年，佢攪得好的時候都會好難入，因為直資响屯門區得佢一間，相反，辨得唔好你亦諗都唔洗諗，係唔係？
聽你講,擔心個泳池會嘈親你個仔上課,消息人士透露，佢個泳池要玄圓舊校學生走哂先至開始動工，所以五年後先至開始計劃，到時你０９細女都未開始起，所以唔洗驚喎。
　我個親戚佢响外國主修教育系，佢已經揀咗呢間直資，我問佢擔唔擔心個仔升中一事，佢話驚都未驚過，因為政府考試局政策改變，傳統中學都要轉形，不過直資帶頭先咁解，最後佢補充一句，讀直資一定要家長自我加強孩子功課，即係話自己安排購買補充練習比個小朋友做，如果唔係，上到中學，雖然佢地英文好，但對於傳統的功課非常之唔習慣

　　　　　　　所以你要好好考慮
　　　　　　　　　　　希望你兩個乖乖健康

Rank: 4


	751

4^#

發表於 05-9-25 01:32 |只看該作者

Re: 請問有冇保圓06未註冊家長係度？

hi some
你個日見到交表既人可能係我喎,因爲我15 16 報唔報,
咁打電話問佢收唔收表,點知佢話收,我就星期五至交,
個日我見到枱面有 6-7 張06小一list, 1 張有 35個名額,
咁都有2-3百人報名,點解已經截止還收表,I think 佢想
多D人裏面揀 D 叻 ge 學生

Rank: 5 Rank: 5


	2283

5^#

發表於 05-9-25 02:48 |只看該作者

Re: 請問有冇保圓06未註冊家長係度？

patee 寫道:
hi some
你個日見到交表既人可能係我喎,因爲我15 16 報唔報,
咁打電話問佢收唔收表,點知佢話收,我就星期五至交,
個日我見到枱面有 6-7 張06小一list, 1 張有 35個名額,
咁都有2-3百人報名,點解已經截止還收表,I think 佢想
多D人裏面揀 D 叻 ge 學生

遊戲圓規則係佢自己定既,應當跟隨. 如果佢想多D人裏面揀 D 叻 ge 學生,就唔好set deadline 啦~ 會令人大打折扣.

與其有時間去可惜~ 不如用時間去珍惜~ 珍惜眼前人 :-)

Rank: 4


	906

6^#

發表於 05-9-25 18:33 |只看該作者

Re: 請問有冇保圓06未註冊家長係度？

patee,

我留意到所有直資都係全年收生的,因為每間學校都會有學生流失,甚至有學校於開課前的8月,即考即收亦有可能,當然有可能個學生好掂啦....所以一定唔會唔收表,問題係仲有幾多張櫈仔未有人坐啫.

some,

如果問小朋友讀得開唔開心,我唸無論佢讀邊間都會答開心,因為有咁多同學一齊玩,佢地都無得比較,亦未識分式咁多問題,每個學生在小息,放學和課外活動時都會好開心架啦....而你個朋友話買多d補充練習俾信佢做,就好似傳统嘅保良局&官小催谷法,咁不如唔好讀保圓

我覺得買多d課外書就差不多啦.

Rank: 1


	15

7^#

發表於 05-9-25 22:46 |只看該作者

Re: 請問有冇保圓06未註冊家長係度？

patee,
　高興認識你，你交表時有冇連同交portfolio?　如收到通知interview，希望大家互相交流，keep in touch!

Rank: 4


	906

8^#

發表於 05-9-25 23:12 |只看該作者

Re: 請問有冇保圓06未註冊家長係度？

講開profile呢樣野,我上星期至幫我朋友個仔做咗個嚟考私小,我幫佢做完後就同我朋友講,叫佢唔好交,等個仔用臨塲表現嚟考....因為個profile無乜野睇,又無獎狀,又無表演,又無課外活動,佢間幼稚園連outing都好少,我問佢有無d睇嚟開心活潑d嘅校內活動照都話無,淨係得幾張麻麻地嘅畫用學校評估報告,唉...我覺得交個file可能仲蝕.

Rank: 4


	751

9^#

發表於 05-9-26 17:15 |只看該作者

Re: 請問有冇保圓06未註冊家長係度？

some,

我交表時有交portfolio, 不過好簡單,
只係黑白 print 左幾張奬狀,下學期成績表,
print 一張相,cover letter,加埋得 7張紙
都係臨急臨忙做,

Rank: 1


	15

10^#

發表於 05-9-26 22:03 |只看該作者

Re: 請問有冇保圓06未註冊家長係度？

hi hviy & patee 及各家長們：
　有冇收到消息點樣interview呀？因為我現在日日操我小朋友的普通話同英文對答，大致都係問姓名．年齡．地址．鍾意mug，在簡介會中佢講過會比遍英文故事個小朋友讀，　我真係好驚我個仔不能應付，
　

到時佢一舊雞咁，唔知自己做mug，有咩好方法可以分享 :idea:
　

Rank: 1


	15

11^#

發表於 05-9-26 22:12 |只看該作者

Re: 請問有冇保圓06未註冊家長係度？

hi patee,
　你真係好彩，上一年deadline果日，我親眼見到一個家長想入去交表，但被校工及老師拒絕，果時我真係覺得呢間學校好有原則，我諗佢地真係好想收啲有質素學生，所以策略有變，相信今年的遴選情況都會幾嚴緊

Rank: 4


	906

12^#

發表於 05-9-27 12:54 |只看該作者

Re: 請問有冇保圓06未註冊家長係度？

some,

我個囡成日都好想快d做小學生,e+成日同個囡傾計,話俾佢聽就快要考小學,仲話e d要考試嘅學校會好鐘意d好似佢咁可愛嘅學生嘅(可愛呢個形容詞個個b都受架),不過最緊要就係老師同佢傾計/問問題時要鬥快同鬥大聲,如果唔係就要由抽獎決定讀邊間架la,不過一定唔會係呢間,佢聽完好開心咁要我扮老師問問題,我咪又英文,又普通話咁問佢,有時英,普問,中文答,有時問番我點解,解釋完就識答,肯答都算佢ok啦,唔一定要迫佢講你心目中嘅正確答案嘅....
有時同佢讀英故事書,唔理佢明唔明,全英文....有d生字想用中文解釋俾佢聽,點知俾佢咥,話我做乜英文故事講錯咗中文

俾佢激c

唔使咁担心, take it easy la...

Rank: 4


	906

13^#

發表於 05-9-27 13:14 |只看該作者

Re: 請問有冇保圓06未註冊家長係度？

我問佢how o are u? I am five thank you....

激c

train 佢時多數問佢who is your best friend?鐘意乜野食物,顏色?daddy,mami同你放假去邊?住喺邊?鐘唔鐘意xx活動,叫佢表演吓...同佢去街不論見到看更又好,清潔阿嬏又好,返到學校見到老師,主任,同學仔媽咪,入

Rank: 1


	15

14^#

發表於 05-10-5 04:00 |只看該作者

Re: 請問有冇保圓06未註冊家長係度？

Hello 各準備面試的家長：

今日我個仔完成面試，原來要佢讀分別兩本英文故事書，

家長就同校長見面，我同校長傾咗大約半個鐘，佢好nice。可以同有各家長門分享。

Rank: 4


	503

15^#

發表於 05-10-5 12:19 |只看該作者

Re: 請問有冇保圓06未註冊家長係度？

Hi! some,

多謝妳的分享。我女19/10 考, 希望她到時唔好怕羞。我在04年第一個簡介會時已和這兩位校長閒談過, 陳校長是有經驗的, 他主張小朋友要學習也要開心。劉校長就好努力及nice, 保圓的嬸嬸說校長比她們早上班, 也比她們遲走, 她真是很想把學校辦好的。

Rank: 4


	546

16^#

發表於 05-10-5 13:22 |只看該作者

Re: 請問有冇保圓06未註冊家長係度？

some 寫道:
Hello 各準備面試的家長：

      今日我個仔完成面試，原來要佢讀分別兩本英文故事書，
   家長就同校長見面，我同校長傾咗大約半個鐘，佢好nice。可以同有各家長門分享。

Hi some,
請問兩本英文故事書是否由小朋友從多本書中自選？還是面試時指定要讀？Thanks!
Winma

Rank: 1


	15

17^#

發表於 05-10-6 01:55 |只看該作者

Re: 請問有冇保圓06未註冊家長係度？

Winma ,Vanessa MeMe：
首先希望你哋個interview成功先啦！！

兩本英文書係由大約8本書中老師擇出嚟，大致係簡單嘅story,內容:-The cat playing the ball......或 A monkey drives the car 等等，但我個Ｂ話一開始就聽唔明佢問乜，所以內容應該係乜名、喜歡乜嘢、住邊度，以外嘅問題，因為我同個仔操咗4個月，

佢好熟，同埋佢講番話story book識晒，不過英文對答唔掂，普通話就識小小，內容問吓乜名，數吓數目，反而無乜用廣東話問嘢！而家仲有時間你哋可以向著呢個方向train吓個B，我見前一個妹妹喊到飛起，個家長不斷say sorry,都幾

,
可以的話早D帶佢去適應吓，可能會好D。

Rank: 4


	546

18^#

發表於 05-10-6 11:26 |只看該作者

Re: 請問有冇保圓06未註冊家長係度？

Thanks Some!

Rank: 4


	503

19^#

發表於 05-10-6 11:56 |只看該作者

Re: 請問有冇保圓06未註冊家長係度？

Hi! some,

多謝妳講這些資料給我們知。我沒有特別操練女兒, 只是好像平常的晚上講些故事給聽。而我最擔心都是她怕羞而唔出聲, 我都唔知怎樣才能叫到她說話。

Rank: 4


	756

20^#

發表於 05-10-6 12:13 |只看該作者

Re: 請問有冇保圓06未註冊家長係度？

Hi VanessaMeMe,

你不用太過擔心, Interview的兩個老師都好nice, 你只要早些帶囡囡去到學校warm up一下, 放鬆個心情就得啦.

Hi some,

想問下你係點知道故事書的內容呢? 我個女昨日int. 是入了一間房, 不知道她在裡面做些甚麼? 出來問她, 又不能講得太清楚, 只是說她睇那本好簡單, This is a hat. this is a ...
還有一些簡單的加數.

‹ 上一主題|下一主題 ›

發新帖

熱門主題

功課，評測，考試⋯⋯14

最高瀏覽主題