本帖最後由 Catherinelok 於 24-11-17 23:05 編輯
想請教下各位意見
又一村學校
環境大、校舍靚，但係地點較偏，而且好似話老師流失率高。
有冇又一村學校嘅用家講下就讀情況？因為我見設施都好新好靚，其實設施嘅使用率高唔高？
老師、嬸嬸有冇愛心？
當日面試都好多人，同埋我覺得幾忙下。⼀入去登記完之後，就上左1樓，入到班房就一位家長陪小朋友玩玩具，而另一個家長又要急住填問卷，都未填好又話要去隔離房做小組面試
個過程好急，小組total有4個家庭⼀齊面試，⼀個家長負責陪小朋友in，而另一個家長就單對單同老師面試。老師問左我起碼10條問題⋯⋯好吃力！！！完咗面試之後小朋友可以落去地下個層嘅公園玩，但係整個過程都太急，所以都冇乜機會問到老師太多嘢。
基督教挪威差會主辦信義中英文幼稚園
獨立校舍但校舍唔大、環境算唔錯、每星期有兩個半日net 但就好似冇乜名氣咁，擔心將來升直資，唔知有冇影響？
面試當日過程順暢又舒服，小朋友願意同老師交流，老師冇問家長問題，反而專注睇小朋友性格個啲 玩積木、配對、夾波波、串珠仔，問叫咩名、幾多歲、今日邊個陪你黎嫁。
完左面試後，仲好多活動參與（試著民族服飾影相、用麵粉搓熊貓、整糖蔥餅）
基督教中心幼稚園（九龍塘）
曾經停辦過，近幾年開辦返，好小人討論呢間學校，唔知學術方面好唔好？ 但校舍真係好細，不過感受到學校好有愛，全程都面帶笑容，好親切。
面試方面都係問小朋友係咩性格、點解揀呢間學校。 小朋友方面都係積木、串珠。問咩名、幾多歲，之後攞住牙刷問咩黎，牙刷用黎做咩。 面試都輕鬆，但當日面試好小人，得4個家庭左右
有冇用家分享下以上3間幼稚園？又或者有冇人都in左以上呢3間，大家⼀齊討論下。
**琴日有in創價，感覺似衰左，我女女完全唔理人，冇反應。可能等面試等得太耐，雖然禮堂有嘢玩，但玩太長時間個女唔耐煩 | 
發表於 24-11-17 22:54
