分享火炭樂基PN interview - 幼校討論

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 幼校討論 › 分享火炭樂基PN interview

查看: 7666\|回覆: 10	go 分享火炭樂基PN interview [複製鏈接]

_alittlice

民房

Rank: 1


	15

1^#

發表於 24-11-9 21:26 |只看該作者 |倒序瀏覽 |打印

本帖最後由 _alittlice 於 24-11-18 22:37 編輯

第一次出po，利申只係我哋家庭今日的經驗，唔代表學校真係唔好。

仔22個月大，email 寫今朝11點 interview，亦有寫叫我哋預計整個面試流程約為1小時。

我地10:50到達，有廿幾個家庭同一時間interview，咁我地報到咗就喺一個大廳度，有個老師播歌跳舞跳咗十幾分鐘，跟住就全部人一齊入一個大課室。

入咗大課室之後，老師比印仔同個袋仔小朋友玩吸印仔，老師就開始嗌名，每次嗌7至8個家庭去另一個班房interview。我地等咗30分鐘，老師嗌咗3次，第四次至到我地。

入到去另一個細課室，有8個老師interview，但我地都未有得in，因為上一轉嗌名果啲仲未in完，老師就比啲圖書小朋友叫佢睇。然後8個家庭一齊喺個細班房度interview同喺茶樓無分別。

去到呢度小朋友已經無晒耐性，坐唔低，要奶嘴。終於有老師見我地，坐低，老師見小朋友食住奶嘴，即刻話咁樣會聽唔到佢講咩。我地搞咗兩分鐘至揾到野同佢換奶嘴，老師全程坐喺度望住。都唔緊要既，明白老師考核緊佢。跟住老師問小朋友叫咩名，小朋友答咗佢，但真係太嘈，老師聽唔到，我老公就同老師講佢答咗呀，叫xx，老師繼續話聽唔到，但亦都無坐前啲嘗試去聽佢，然後再問佢叫咩名。我老公再話佢答咗，老師先無再問。

之後老師問小朋友既野都同其他學校差不多，疊積木，砌動物手抓板 (兩塊)，兩個杯揾鴨，問公仔睇野用咩叫佢指 (眼睛)，拎蘋果香蕉叫佢揀一樣餵公仔食，揀左就問呢樣係咩，仲有入錢箱。

問問題全程老師in得都好匆忙，無乜比時間小朋友，亦等都唔等，兩秒見佢唔答就下一個item (小朋友正想郁)好似流程趕收工咁，亦都只係問咗父母一條問題 (邊個係主要照顧者)，我老公答咗媽媽，老師就無follow up問問題 (可能對係媽媽照顧好有信心?)

最後亦都無比機會大人問返老師問題，可惜我老公準備咗但無機會問。

總括來講，比起其他學校，呢間幼稚園我地覺得interview行政管理麻麻地 (就算係大b都唔會可以等待50分鐘至interview 10分鐘吧)，老師無乜耐性 (愛心唔知)。初初報依間學校係睇forum見comment唔錯，亦係區內其中一間有歷史既學校，諗住有保證。不過今日interview完真係有啲失望，老師如果唔滿意小朋友既表現可以唔比offer，但咁無耐性都係第一次見 (自問之前都in咗4間學校有卷幼有私幼)。可能學術OK，升小有保證，但如果放小朋友喺呢度上堂，我地會擔心小朋友返學唔開心，咁學術更叻都補唔返。

最後都係果句，呢個只係我哋今日嘅體驗，唔代表學校真係唔好。

0 0 0 0

回覆引用

返回頂部

yyf009

複式洋房

Rank: 3 Rank: 3


	194

2^#

發表於 24-11-12 10:05 |只看該作者

我個仔17個月大, 同你同一日interview, 大致同你一樣流程, 好在佢只有小扭沒有大扭
IN我地位老師還可以
1) 老師叫佢指自己張相出黎, 佢唔理老師
2) 老師叫佢俾積木爸媽, 佢無問題
3) 老師叫佢疊積木, 佢疊唔到(平時再細既佢都疊到)
4) 拎蘋果香蕉出黎問佢邊隻係香蕉邊隻係蘋果佢唔識(工人姐姐同佢講英文, 中文佢緊係唔識啦)
5) 入銀仔落錢箱, 佢研究左一陣就入到