用戶登入
用戶名稱:
密      碼:
搜索
教育王國 討論區 升中派位 集思廣益, 細囡升中選校要跟隨家姊? 還是選另一間? ...
發新帖
查看: 4942|回覆: 14
go

集思廣益, 細囡升中選校要跟隨家姊? 還是選另一間? [複製鏈接]

Rank: 4


691
1#
發表於 24-6-19 21:14 |只看該作者 |倒序瀏覽 |打印
大囡讀緊B2中學準備升中三, 但係因為英文較弱, 亦唔鐘意英文, 學校科學係用英文教, 發現大囡依科跟唔上, 仲有逃避/放棄既情況, 每次考試其他科會溫, 但科學就唔願意溫書, 等同放棄. 中四數延/bafs/phy/chem/bio都係英文教, 變相估計到選科時, 選擇亦會少好多.

大囡中四時揀返中文教學既科目, 其實會唔會最終對考dse無咩大影響 (只係無得揀讀理科同bafs)? 多唔多高中突然開竅, 會發力追成績?

細囡下年呈分, 暫時都睇到同家姊一樣, 英文較弱, 依家開始擔心細囡如果選讀家姊間學校, 依個問題會重蹈覆轍, 如果幫細囡選另一間B2中中(除英文科外, 其他科全部用中文教), 會唔會好一點? 起碼唔會因為英文問題, 令其他科都跟唔上?

家姊間學校, 讀落其實唔差, 成績跟唔上係佢個人問題(懶散), 但起碼無學壞亦無咩反叛問題, 放學都返屋企唔會周街走. 如果細妹去另一間, 未讀過, 唔知校風又如何呢?

兩姊妹感情好, 每次問妹妹都話要同家姊讀同一間, 即使有解釋俾佢聽家姊依家遇到既學業問題, 佢都係想同家姊一間 (但其實細囡中一時, 大囡已中五, 一齊返學時間只有1.5年左右).

唔好意思咁多問題, 有無過來人可以分享下, 感激不盡
   1    0    0    0

Rank: 6Rank: 6


8275
2#
發表於 24-6-19 23:53 |只看該作者
AC100209 發表於 24-6-19 21:14
大囡讀緊B2中學準備升中三, 但係因為英文較弱, 亦唔鐘意英文, 學校科學係用英文教, 發現大囡依科跟唔上, 仲 ...
簡單少少
搵人由頭跟返D英文
你中學唔用大學都要用
大學唔用做o野都要用
除非做藍領...

Rank: 6Rank: 6


7564
3#
發表於 24-6-20 00:18 |只看該作者
AC100209 發表於 24-6-19 21:14
大囡讀緊B2中學準備升中三, 但係因為英文較弱, 亦唔鐘意英文, 學校科學係用英文教, 發現大囡依科跟唔上, 仲 ...

你既大囡适合英書中教,搵人(家長或補習)用中文講一次,然後英文專有名詞背一下。恐怕靠小朋友一己之力搞唔掂。

如果只是科學科跟唔上,可以趁暑假搵人教下學期課程,提前學咗先,關鍵是小朋友肯配合就有辦法。

細囡要開始睇英文書,漫畫都好。冇必要咁快放棄英中。

另外據聞福建中學有俾學生用中文考DSE,亦值得報名。

Rank: 4


691
4#
發表於 24-6-20 07:49 |只看該作者
多謝兩位意見。英文兩姊妹都有私補跟開,係有比以前進步,但未係去到好好成績。福建中學距離屋企太遠,唔會考慮,但都感謝你意見。

Rank: 6Rank: 6


7564
5#
發表於 24-6-20 09:11 |只看該作者
其实唔是只有你既小朋友有伊個問題,而是香港好多學生都有。中小學教學唔銜接,導致唔適應中學英文教學,(甚至普通小學級前幾名去到好既中學搞到英文唔合格),小學本來應該加強英文語境(例如有直資高小常識科半中半英教學),但小學旣畢業生又唔是主力入英中,如果將叻或唔叻既學生分開教學,呈分又唔公平。
所以一是學校已經安排銜接,三私一直或其他有中學既小學,另一就只能靠家長早作安排,呈分取得好成績時同時加強英文。

Rank: 7Rank: 7Rank: 7


14768
6#
發表於 24-6-20 10:24 |只看該作者
AC100209 發表於 24-6-19 21:14
大囡讀緊B2中學準備升中三, 但係因為英文較弱, 亦唔鐘意英文, 學校科學係用英文教, 發現大囡依科跟唔上, 仲 ...
"因為英文較弱, 亦唔鐘意英文"

如果目标放在国内大学,会不会更适合?

Rank: 6Rank: 6


8275
7#
發表於 24-6-20 10:58 |只看該作者
AC100209 發表於 24-6-20 07:49
多謝兩位意見。英文兩姊妹都有私補跟開,係有比以前進步,但未係去到好好成績。福建中學距離屋企太遠,唔會 ...
私補可能都係英書中教只適合教操卷
盡量睇多D外語劇
Youtube多看英語Channel
上網搵Native英語人聊計
1年已可有好大進步

Rank: 4


691
8#
發表於 24-6-20 13:43 |只看該作者
現階段都係希望細囡呈分發揮好啲,國內大學暫時未有依個打算,會鼓勵小朋友睇多啲英文書,讀書真係長期作戰

Rank: 6Rank: 6


8275
9#
發表於 24-6-20 15:14 |只看該作者
本帖最後由 TAIOU4 於 24-6-20 15:14 編輯
AC100209 發表於 24-6-20 13:43
現階段都係希望細囡呈分發揮好啲,國內大學暫時未有依個打算,會鼓勵小朋友睇多啲英文書,讀書真係長期作戰 ...

睇英文書其實幫助冇咁大
花時間最多疲勞度最高
要用娛樂令佢對英文有興趣

Rank: 5Rank: 5


4255
10#
發表於 24-6-20 15:26 |只看該作者
如果亞妹有能力上一個band 嘅中學,就應該鼓勵佢試試。但如果同band或只係好小小嘅中學,就可考慮同家姐同校,首先,照樓主觀察,學校校風唔錯,又是亞妹喜愛,家姐亞妹有照應,更有說不完的校園話題,籍此維撃妹妹感情,亞妹如遇困難,家姐也可以用學長身份幫助或提供實際意見,真可考慮。面前問題是攪好英文,選校之後再睇。

Rank: 5Rank: 5


1906
11#
發表於 24-6-20 20:04 |只看該作者
你細囡由今日開始要學好英文,入band 1英中。未開始呈分,唔好咁快認輸。

Rank: 5Rank: 5


1020
12#
發表於 24-6-21 08:04 |只看該作者
作為中華兒女,我們自然應當以精通母語為榮。然而,在這個日新月異的全球化時代,英語能力的培養對孩子們的未來發展同樣舉足輕重。

我就是一個活生生的例證 - 在中學時代長期接受英書中教,卻始終無法掌握這門語言的精髓,最終淪為一個名副其實的英語「失地者」。中文說不好,英語也說不好,陷入了兩難的窘境。

然而,我並不認為英語教育本身存在根本性的缺陷。問題的關鍵在於教育方式和起步時機的選擇。對於準備踏入國際舞台的年輕人來說,英語無疑是一項舉足輕重的技能。但如果在打造扎實語言基礎的關鍵期,卻只是單純依賴填鴨式的應試訓練,那顯然是遠遠不夠的。

我建議,不妨從基礎的phonics入手,循序漸進地培養孩子的英語能力。家長即便需要另行安排更多專業的外語輔導(如英國文化協會的課程),也是可以考慮的可行之選。學英文,必定選學native English, 不建議採用中國人教英文。但更關鍵的是要為孩子營造一個真正的英語沉浸環境,多接觸優質的英文書籍和影視作品 (YouTube 是免費)。從淺而深地培養語感。這需要家長付出一定的經濟成本,但從長遠來看,必將換來孩子出色的英語運用能力。

只有在紮實的語言基礎之上,孩子們才能在未來的學習和事業中遊刃有餘。這需要耐心和毅力,但只要家長用心經營,定能見證孩子們長足的進步。急攻近利的填鴨式教育, 很大可能無法培養出一個優秀的孩子,最終只會令孩子一個憂愁的成長經歷。

Rank: 10Rank: 10Rank: 10


29556
13#
發表於 24-6-21 08:38 |只看該作者
lot888 發表於 24-6-20 15:26
如果亞妹有能力上一個band 嘅中學,就應該鼓勵佢試試。但如果同band或只係好小小嘅中學,就可考慮同家姐同 ...


同意,自一可以banding 較高的學校,自二和統一派位就家姐學校

入唔到較好的學校,都應該入到一間爸爸媽媽都滿意校風的學校

不過當務之急係英文補底

Rank: 3Rank: 3


103
14#
發表於 24-6-21 10:40 |只看該作者
TAIOU4 發表於 24-6-20 10:58
私補可能都係英書中教只適合教操卷
盡量睇多D外語劇
Youtube多看英語Channel
(上網搵Native英語人聊計) ... 請教是否網站? 因為都想小朋友加強....英文對答技巧...

Rank: 6Rank: 6


8275
15#
發表於 24-6-21 13:55 |只看該作者
本帖最後由 TAIOU4 於 24-6-22 17:16 編輯
computer12 發表於 24-6-21 10:40
(上網搵Native英語人聊計) ... 請教是否網站? 因為都想小朋友加強....英文對答技巧...
...

好多平台
尼期比較興上2年出o既Amazing Talker
因為有好多專教基礎o既老師
不過我之前用Cheap Cheap大人o野Cambly
要學生有一定底子及家長要勤力先可搵o岩老師

基本上小朋友唔害羞
對面有個英美口音就會好快進步

‹ 上一主題|下一主題
返回列表
發新帖