(長文) 考小的迷思 - 幼教雜談 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 幼教雜談 › (長文) 考小的迷思

發新帖

查看: 54899\|回覆: 26	go (長文) 考小的迷思 [複製鏈接]

Rank: 3 Rank: 3


	124

1^#

發表於 22-6-22 19:30 |只看該作者 |倒序瀏覽 |打印

本帖最後由 Jsjsyg 於 22-6-23 21:19 編輯

不經不覺係EK已有多年的時間，十分慚愧，一路以來都係CD-ROM。一直睇左多位前輩無私的分享，令我獲益良多，不勝感激。呢2日係不同版面見到好多前輩無私地分享及總結自己考小的經驗，令到我都好想試下回顧同分享一下自己的經歷。希望可以幫到大家!

回想最初，我係一個好迷茫的家長，身為N無，由學習甚麼是好學校開始，到2位小朋友入PN再到入神幼(BK 家長心目中)。直到小學有幸入到神校 (BK 家長心目中的)，可以一讀12年，總算免卻了升中的擔憂。亦算係完成左一個重要的階段。

但係，一路走來，其實真係唔容易，係唔同時期 (放榜/ call waiting/ 寫求位信等等) 瘋狂search 有關心儀學校的keyword (e.g. XX 某校call waiting)，睇過所有有關心儀學校的EK帖，不停refresh 學校個website 睇下幾時有result release /application的資料， (多年前) 鬥快F5禁所有直資私小的;小一分享會的網上申請，等電話，等SMS，等夠鐘上網check result 等等等等…

多年來發現每年大家係考小期間其實都有差不多的問題，我想就著這些問題分享自己少少的睇法。但在進一步分享之前，我想講，因為隱私的問題，有些地方不會具體地介紹，請見諒。另外，分享全屬個人經驗，現實中總會有例外的, believe it ornot， take it or not請自行決定。

(字體好奇怪...唔識點整..)

版主留言：代為處理字體問題

點評

發表於 22-6-23 16:43

miriam 版主留言：代為處理字體問題發表於 22-6-23 15:55

Rank: 3 Rank: 3


	124

2^#

發表於 22-6-22 19:32 |只看該作者

考小係咪一定要有好多cert? Cambridge mover/ GAPSK 高級/ 樂器有無用?

因為疫情，有好多學校改左用portfolio 去shortlist candidate，我相信有cert 係一定有幫助。就好似fresh grad 去in 大公司甘，你有first hon / dean list 一定比較亮眼，進入下一輪的機會一定更大。

不過就算你portfolio 好靚，過到第一關，去到第2/3關面試 (zoom 及face to face) 的時候，一試已經知小朋友的語文能力，俾你再叻再多cert，啞口無言，詞不達意照樣reject。況且現在的小朋友真係好多人係好細個已經考到flyer 滿盾 + GAPSK 高級。所以我真心覺得一張不是極超班的cert 唔會太有用，充其量只能顯示小朋友有一定的語文能力。

當然，係考cert 的過程中小朋友總會學習到語文等知識。但個人認為，學術程度足夠應付考小就夠。反而其他soft skills training，例如表達能力，應對，溝通技巧，抗壓能力，自信等更為重要。呢方面有時間我想另外再講.

樂器cert 同一道理。

現在的小朋友真心好叻，只可以話天外有天，人外有人。神小小一開學和新同學家長閒聊間發現(小一入學前已考取) 樂器5級的同學竟然一班已有好幾個。學緊2種之上樂器的同學亦有唔少。學樂器需要大量時間練習， 5歲幾6歲可以考到5級的一定用左好多心血，時間，及一定對音樂好有天份。但我相信有天份/音樂天才型的小朋友只係極少數。大部分只用所有時間去操練4首考試歌 (譜都未必識睇)。為考而考值唔值得呢? 我自己好有保留。

如果真係要以樂器取勝，加分的一定係學校缺人的樂器。5級嗩吶的機會一定比5級小提琴大。如果有5/6歲的小朋友學到5級嗩吶，我真心佩服佢!

Rank: 3 Rank: 3


	124

3^#

發表於 22-6-22 19:40 |只看該作者

洗唔洗上面試班? 有無用?

我覺得面試班係重要的。面試班主要用作操題。  考任何試，了解題目無疑係有幫助的。就好似我地考公開試前要操past papers 一樣。要熟習考試的模式。(但記住，上面試班係有用，但唔係只上面試班，還要有其他配合，之後另外再講)

考小之前幾年，我做左好多功課，明查暗訪shortlist 左數間城中出名/ 朋友介紹/ 私人老師的面試班。之後遂一去試我地亦參加過數間大型面試中心舉辦的大型mock interviews (疫情前)。透過同老師課堂或mock interview 後的debrief，我了解到個老師是否可以係短時間內了解到我小朋友的性格和需要，及提出一些自己的見解/ 辦法去幫到小朋友。

有時大型的面試中心 D 老師好green，有D看似剛大學畢業，甚至乎都未生小朋友，未親身經歷過考小同老師的面談。有D老師評語係好general，有D好惡，淨係指出小朋友的不是，沒有具體的意見點樣去改正小朋友的問題。  有D一開始就要填資料揀人的面試班，我自己好有保留。

我接觸過的面試班/私人老師的教材都係大同小異，我覺得一個叻的老師，除左熟悉各校題目外 (疲情轉zoom in 的時候真係見真章) ，係應該因材施教，引導及教導唔同性格和特質的小朋友。

所以我覺得老師係要試，要夾。有朋友介紹話好的，我地試完覺得一般，學左一個學期quit 左。有一D自己偶然遇到的 (完全唔出名)，我又覺得OK，一直讀到最後。

家庭教育絕對重要。禮貌，平時學術和生活知識 (例如點用8達通) 係日積月異咁學番來。如果你覺得小朋友讀個面試班，  一星期一堂就中英數常禮貌咩都可以學到番來的話，我就只能話你太天真了。

(原來打字極花時間... 待續)

Rank: 5 Rank: 5


	2150

4^#

發表於 22-6-23 10:10 |只看該作者

我地都係今年考小謝謝你的分享如果樂器無考級神校是否不會收？

Rank: 3 Rank: 3


	124

5^#

發表於 22-6-23 21:13 |只看該作者

回覆 Jsjsyg 的帖子

感謝版主代為處理字體問題!

Rank: 3 Rank: 3


	124

6^#

發表於 22-6-23 21:16 |只看該作者

回覆 HK-CR7 的帖子

好多同學都無係考小前考級, 放心.
之前有提到, 個人認為, 當好多人5級的時候, 一張2-3級樂器的cert有同無真係唔係太多分別, 除非係好特別的樂器...

點評

發表於 22-6-24 09:43

Rank: 3 Rank: 3


	124

7^#

發表於 22-6-23 21:18 |只看該作者

(續)

神校收咩類型的學生/ 家長?

可以好general 咁講，神校裡大部分的同學都係乖巧 (聽話)，活潑 (outgoing)，頭腦靈活，有好少數係好文靜。 10個9 個都書不離手。同家長 (我) 傾偈時完全唔怕羞，有問有答，呢樣我好欣賞。神校的小朋友，以我所見及接觸的，如一路以來大家所講的，收放自如。雖然都有文靜 (唔出風頭，唔多野講) 的小朋友，但亦淡定，斯文有禮…

神私/ 神小d家長會唔會好白鴿眼?

以前爬文的時候，真係好多人話神幼，神小專收一D有家境，住私樓( 豪宅)，專業人士，有關係者。我只可以話，呢類型的家長，的確真係比較願意花錢係小朋友身上，栽培佢哋，上好多唔同的興趣班及面試班。相比一D冇操練過的小朋友，佢地的機會係真係去其他人多。所以大家就會以為學校專收呢D家庭。事實上，肯用心和有資源(時間及金錢)栽培小朋友的家庭一定會比放任式教養的家庭優勝好多。呢D資源亦係學校所謂 '家校合作' 的根基。

家境卓越 (有司機，有不同會籍) 的同學實在比比皆是，明星/名人/名門後人亦有好多。但佢地大多數都係十分十分低調的，亦從來不show off。佢地亦會同我地D '平民' 家庭出來玩。唔會高高在上，亦無互相比較家境的情況。放心，你有實力入到去，成績好，大把人爭住同你玩。

Rank: 5 Rank: 5


	3883

8^#

發表於 22-6-23 21:23 |只看該作者

本帖最後由 littlecat123 於 22-6-23 21:27 編輯

睇完好有共鳴考小學其中一個最大嘅challenge 係 past paper 資訊唔透明
好多時心儀學校geh 詳細面試題目, 考核marking scheme 唔係咁易搵到
就算上面試班亦唔係即刻俾你(始終要做生意), 好多時又要供會又要上專班/ 私人堂
資料 piece by piece 自己整合先有d 概念

講白左, 大家考小學其中比較geh 一樣就係 information transparency,
越早擁有越多past paper 資料, 就越容易亦越多時間準備

除此之外, 同意樓主家庭配合非常之重要, 因為就算有曬past paper
但如果無spend quality family time 教導小朋友亦係徒然

欣賞樓主無私分享

Rank: 5 Rank: 5


	4679

9^#

發表於 22-6-24 12:06 |只看該作者

同意最後幾段
係成績勁嘅學校，要成為受矚目嘅人，比較嘅最高標準一定係成績本身
其他（會籍，財富，名氣）等等不值一提

但是成績領先也不會炫耀，因為勁人太多，難保被其他人追上

Rank: 3 Rank: 3


	124

10^#

發表於 22-6-24 18:40 |只看該作者

回覆 littlecat123 的帖子

謝謝分享.
多謝ek大家無私的分享, 過往的題目其實都可以搵到. 但marking scheme (各樣面試項目如何比分, 比重等) 我想除了insider 之外, 應該無可能有人會知.. 雖然越早有paper paper 越好, 但我覺得小朋友的自信, 溝通 (唔怕陌生人), presentation skills 同樣重要. 如果唔係, 識哂答案唔肯/ 唔敢答應該都無機會.

十分同意家庭配合同quality family time.. 希望有少少時間分享一下我對家庭教育的少少睇法.

Rank: 3 Rank: 3


	124

11^#

發表於 22-6-24 18:47 |只看該作者

回覆 Azzurro 的帖子

完全同意! 係名校/神校/ 甚至任何學校都係, 成績叻都絕對不能太高調.

一來高人實在太多太多, 做top 的實在太大壓力啦!

Rank: 3 Rank: 3


	124

12^#

發表於 22-6-25 17:21 |只看該作者

本帖最後由 miriam 於 22-6-25 20:56 編輯

(續)

如何培育子女增加入讀神校機會?

個人認為，入讀神校有3個重要的原素。

(為免篇幅過長，大家瞓著，我好片面咁寫少少)。

1: 學術 - 即中/英/數

中文

學校成日都話喜歡愛閱讀的孩子。  考過公開試的家長都知道語文能力係好重要。閱讀就係發展語文能力的根本。以我2位的小朋友考過超過20間學校的經驗，面試其中一個重要環節就係朗讀中英文文字/文章。呢D朗讀問題，識讀就有分，唔識讀就無分。

所以家庭伴讀真係好重要。家庭伴讀真係好重要。家庭伴讀真係好重要。 (重要事情講3次!) 我地2位都係從K1 一本一本，每晚都堅持伴讀。亦會買一D小朋友有興趣的書，例如恐龍，公主一齊讀。亦有玩中文字咭。中文真係唔容易，拼又無得拼音，真係要慢慢學，慢慢浸。一定要從小開始。

我地有朋友佢真係好忙，好夜番屋企，佢會俾小朋友出去上中文班。  我地無上過。但如果家長無時間，有出面學習一定好過無。不過，自己教的好處係，閱讀可以增進親子感情，面試的時候問到都可以講 ‘我地一家鍾意一齊睇書’- 真係間間學校都會加分。

英文   相對上容易太多了。英文同中文唔同，英文只要識Phonics 就可以讀出個字 (基本分一定攞到)。我地幼稚園有教Phonics，不過都係太慢了，因為我地唔識Phonics，教唔到佢地.所以我地早早去學。  我地英文親子閱讀的時間相對俾中文少 (中文真係好花時間)…我地買左一整套ORT，呢套書學校都有用，真係好有趣，小朋友都好鐘意讀。有時我地會扮唔識，要小朋友讀俾我地聽，佢地K2的時候，基本上都讀到出黎。佢地考學校的時候，基本上已經自己識讀。 2位小朋友考小的時候英文完全無問題  (上年zoom in 我都有睇住佢考)。現在2位係英文科成續都ok。

數學   有好多人話，考小會考到雙位加減，甚至考乘數/除數… 幾年前我地上BK的時候都俾呢D‘題目’嚇左一跳。我地係各方面衡量之下，決定自己教 (幼稚園數學我地2個大人無可能教唔到)。方法好簡單，(亦係EK同前輩學) – 我地買一大包M&M，由數數，然後到加數/減數，最後到grouping(即乘數/除數的基本理念)。識答就可以食。哈哈，我地屋企真係唔係成日食糖果，所以一出M&M，小朋友立即坐定定，好快學識。之後學得深D，雙位數的時候，我地用有大粒有nuts 的M&M代表10，細粒的代表1。咁就唔會食到蛀牙啦.

至於其他數學，我地參考過以前的題目，時鐘同圖形比較多。圖形幼稚園有教。時鐘我地只係買左個cheap cheap $12店的時鐘教。其他logic 等，去買本幼稚園數學補充已經好足夠。  

(唔好意思,  字體又好奇怪....)

版主留言：代為處理字體問題

點評

miriam 版主留言：代為處理字體問題發表於 22-6-25 20:56

Rank: 3 Rank: 3


	124

13^#

發表於 22-6-30 17:50 |只看該作者

回覆 Jsjsyg 的帖子

感謝版主代為處理字體問題!

Rank: 3 Rank: 3


	124

14^#

發表於 22-6-30 17:55 |只看該作者

(續)

2: 小朋友個人特質: 說話 + 氣質 + 自信

小朋友的說話，氣質，自信，好大部份都係反映家教，及同屋企人的關係。有人話怕羞的小朋友係天生的，唯有考一D唔係活動教學的學校。無錯，怕羞 (慢熱) 的小朋友的確係輸蝕。但絕對唔係 ‘無得醫’。我的小朋友都好慢熱，細的時候怕怕羞羞。所以我地會經常俾佢參加義工服務，賣旗等。亦有參加一D比賽，開始的時候可能是超細型的比賽 (唔出名唔洗出場的 e.g.畫畫比賽)，基本上有參加就有獎的。拿到獎後大大讚賞小朋友的努力。等佢大少少，有多D自信ready to go的時候，就開始參加朗誦比賽。一步一步來，等佢學習面對人群，表現自己。

小朋友的行為，係父母的一面鏡子。你想小朋友面試鬆容淡定，父母就不要異常緊張。成日都以小朋友成績去衡量小朋友乖唔乖 - 例如: 你考100分喎，你真係好乖! 你今日唔合格，你咁曳㗎! 你考試識唔識？咁都唔識？! 會令小朋友更加有壓力。我地家庭好正面去對待面試，亦經常俾好多肯定同讚賞俾小朋友。咁樣小朋友先會更有自信，更努力去嘗試。

說話，氣質亦反映家庭教育。如果你想小朋友書卷味濃，書不離手 – 請大人先放下手機，遠離whatsapp/ IG / Fb/ youtube/ game，多D陪讀。斯文有禮，談吐得體的小朋友，家長一定唔會粗口爛舌，說話粗俗。

3。家庭教育

面試的時候，有好多問題都係圍繞著生活。如果要小朋友 ‘識’答，如期要小朋友背誦答案 (e.g。背誦mtr 車站)，不如身體力行，邊體驗邊教學。如果要小朋友答 ‘我放假同屋企人去圖書館’，一定要真係有去。因為小朋友唔識講大話，老師一問就知。我地過去的數年的weekend 就係係科學館，圖書館，太空館，郊外，等等過。生活的知識係最難學，因為佢係最廣泛，最能反映家庭生活的狀況。就算疫情之下，每一個看似平凡的地方，超市，樓下公園，家中廚房等都係一個學習的好地方。係好花時間，亦好花心血。一週工作下來，好想靜一靜， weekend 咩都唔做休息一下。我想，生活知識反映家庭教育。亦D分係肯花時間/心機/用功的家長陪伴和教導小朋友應得的。

Rank: 3 Rank: 3


	124

15^#

發表於 22-6-30 18:11 |只看該作者

最後寄語大家，小朋友每個都係獨立個體，唔可以一式一樣用同一個方法去教。凡事無絕對，考小無一定的formula，亦好講運氣，老師走漏眼，小朋友臨時失場亦有可能。切勿非君不嫁。考到好的小學亦只是一剎那的光輝，往後仍有漫漫長路.。養兒100歲，長憂99。

共勉之。

(全文完)

歡迎大家一齊分享發問.

點評

zaba

發表於 22-7-6 08:50

發表於 22-7-4 16:00

Rank: 4


	945

16^#

發表於 22-7-1 20:54 |只看該作者

同意, 考得唔理想的家長不要灰心, 目前情況也不一定決定小朋友的水平, 想自己當初都係普通學校, 但最終公開試勝過超過九成神校學生, 待人處事及工作發展也不落於同期神校學生, 神校當然有其光環, 但亦不是絶對, 見到唔少父母入唔到神校呼天搶地, 其實是否真有必要? 心理如此脆弱, 又如何能作為子女日後的榜樣?

Rank: 3 Rank: 3


	148

17^#

發表於 22-7-5 23:30 |只看該作者

多謝分享

Rank: 3 Rank: 3


	301

18^#

發表於 22-7-10 01:32 |只看該作者

多謝你那麼用心的分享！

Rank: 3 Rank: 3


	111

19^#

發表於 22-7-11 15:38 |只看該作者

如我係 no 1 小學老師揀收生，只會睇小朋友臨場表現，有冇臭脾氣，反應係咪 smart，名校學校大把資源栽培，傻既老師先會信D把鬼證書，幼童咁多證書有用咩?　
自己小朋友係咪聰明自己心知，各家長咪自己揾自己笨啦

同樣地我都會睇下Ｄ名校老師係咪肥豬，最討厭Ｄ名校要小朋友體育好，教個班得把口個個坐係到肥到隻豬咁

Rank: 2


	32

20^#

發表於 22-7-13 03:13 |只看該作者

多謝你詳細分享，小朋友讀書大家真係花唔少心力

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2025 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢