K2, 學術可以但唔敢講野, 請教升小取態 - 小一選校 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 小一選校 › K2, 學術可以但唔敢講野, 請教升小取態

發新帖

查看: 19018\|回覆: 16	go K2, 學術可以但唔敢講野, 請教升小取態 [複製鏈接]

Rank: 3 Rank: 3


	192

1^#

發表於 22-1-26 16:00 |只看該作者 |倒序瀏覽 |打印

我好擔心, 時間無多就來下半年就開始升小面試了。我已不停安排她多接觸人, 什麼故事班, 演戲班, 動靜都俾佢多嘗試接觸, 都是一樣。怕生, 唔肯出聲, 講左人地都聽唔到。本身學術方面都可以, 只欠說話膽量。作為家長, 我升小的取態應該是怎樣 ? 明明識但唔講, 我仲可以點幫佢去面對? 虛心請教。

Rank: 3 Rank: 3


	123

2^#

發表於 22-2-7 08:47 |只看該作者

回覆樓主:

其實都有學校適合文靜的學生，不用擔心。我女兒同學也是文靜的學生，同樣有好直資的offer.

Rank: 3 Rank: 3


	123

3^#

發表於 22-2-7 08:48 |只看該作者

回覆樓主:

像福小就只考學術。

Rank: 6 Rank: 6


	5538

4^#

發表於 22-2-7 21:38 |只看該作者

SFA都係學術行先

Rank: 5 Rank: 5


	4681

5^#

發表於 22-2-8 01:43 |只看該作者

貌似你的小孩活動都是興趣班和其他大人進行溝通？

小朋友發展需要一個過程
第一步多去遊樂場和其他小朋友玩就是最好的訓練
當你同其他帶小朋友的家長聊天，你可以製造機會讓自己小朋友和其他家長對話，會獲益不少
同一時間，當你同其他小朋友對話，你的小朋友會醋意大發，搶著要發言呢

報名小學最重要大包圍，咩類型學校都報
面試過程就是最好的鍛煉
就算最後讀不讀直私，都會獲益良多

Rank: 5 Rank: 5


	2120

6^#

發表於 22-2-8 10:33 |只看該作者

20170101 發表於 22-1-26 16:00
我好擔心, 時間無多就來下半年就開始升小面試了。我已不停安排她多接觸人, 什麼故事班, 演戲班, 動靜都俾佢 ...

完全明白你感受。我女都係緊張型。o係屋企咩都識咩都講，見到外人緊張到硬晒鈦...

小朋友有得K2，其實聽得明你講咩。我女上年K2時，我同佢解釋我地點解要同其他人講嘢 : 去舖頭買嘢 (唔講人地唔知你想買咩SIZE，你件衫咪唔啱著囉)、去餐廳嗌嘢食(你唔講你想飲汽水，人地俾杯茶你ga 喇)、去小學面試 (如果你鍾意間學校，你要答老師問題，等佢知道你都鍾意間學校、READY去佢學校返學，咁佢先會邀請你去佢學校讀書ga)。

緊張型小朋友需要大量練習，你可以同佢解釋 "我明白你好緊張，見到陌生人心跳得好快 / 肚唔舒服 / 開唔到聲，我同你一齊面對困難，一齊努力練習克服"。好似消防員，佢去救火都好驚ga，但佢o既工作係救火，驚都要做，咁咪多啲訓練、練習，學識救火o既方法。驚同勇敢係可以並存。

點練習法? 除左要開口講嘢o既興趣班，仲有日常生活，買嘢 (簡單如自己去俾錢，同收銀員講 "唔該八達通俾"、點餐)、問路 (去商場客服務處問下廁所o係邊) etc.，一有機會要佢開口。初初你要輔助佢，可能你講答案，佢點頭; 之後就佢細細聲講，你大聲repeat 俾講嘢對象聽; 進階啲小朋友要大聲啲講了。

以前我會同我女俾啲 "level" 佢把聲。 whisper 係1號聲，室內正常講嘢係2號，o係街就3號，去遊樂場好多小朋友講嘢好嘈就4號，嗌救命就5號。佢熟左唔同細唔同level之後，咁有時佢太細聲，你可以提佢 "呢度好嘈，你要用4號聲我先聽到" / 一陣你去叫開心樂園餐，要用3號聲喎。

我唔知報幾多學校o既面試先夠，只知上年我女咁啱有3間學校連續4日內先後面試。第一日佢本身信心滿滿，但越等越緊張，緊張到喊，最後老師拖走佢我係要逃走，佢話自己入到課室仲有細細聲喊；第二日面試又係緊張到唔肯入去，我同佢講有啲嘢要做就要做... 佢鼓起勇氣，喊住跟老師入去，行左10步左右都未離開我視線範圍已經冇喊；第四日 (第3間)面試，佢冇喊過，入去前仲同我地揮手byebye。一個月後再有另一面試，因為事隔一個月，之前一鼓作氣、越戰越勇道氣都蝕左，佢拒絕再去面試

所以你可能要報多幾間當練習下...

Rank: 3 Rank: 3


	192

7^#

發表於 22-2-8 10:47 |只看該作者

同意

本帖最後由 jackeywesley 於 22-3-21 12:25 編輯

同意

Rank: 3 Rank: 3


	295

8^#

發表於 22-4-1 08:09 |只看該作者

拍片反而有著數，今年有學校2輪都係拍片就出offer

Rank: 5 Rank: 5


	3492

9^#

發表於 22-4-1 11:13 |只看該作者

蘇飛飛發表於 22-4-1 08:09
拍片反而有著數，今年有學校2輪都係拍片就出offer

可能我小朋友真的太文靜, 相比起面見, 拍片俾到佢更大壓力.

回應樓主, 性格難改, 建議給小朋友上面試班, 讓他熟習模式和面試需求, 在家也要配合練習, 好讓他盡所能去發揮.

Rank: 5 Rank: 5


	2116

10^#

發表於 22-4-1 12:23 |只看該作者

回覆 20170101 的帖子

我個仔今年K3，也是內向文靜型。
其實，性格本身真的很難改變，除非佢本身係好smart的小朋友，所以，你只可畀多啲自信心佢。不過以我經驗，就算佢有進步，點都唔會追得上嗰班好smart好outgoing的小朋友，所以只可追求唔好太left behind。

就算有啲學校考學術為主，除非做卷，佢都有機會怕羞或驚唔答。由於今年疫情，我睇住佢Zoom interview全考學術，佢就係喊住答或者唔答，其實，考啲內容佢係識晒嘅。

所以，你只可畀多啲自信心，盡力而為。平常心啲，因為以我經驗，大部分學校都係收interview時好smart，好outgoing的小朋友，不過，希望你小朋友係例外，畢竟，interview也有一點運氣成分。

我而家準備緊叩門階段，大家加油呀！

Rank: 5 Rank: 5


	2116

11^#

發表於 22-4-1 12:25 |只看該作者

回覆 hfnyd 的帖子

同意，我個仔拍片重差過面見。

Rank: 5 Rank: 5


	1269

12^#

發表於 22-4-1 12:58 |只看該作者

有關拍片, 其實平時可以訓練一下, 拍下佢地日常生活, 或叫小朋友就住一件物件或一些事做一些簡單分享介絡, 漸漸佢地就冇咁抗拒鏡頭, 到時拍面試片時就會自然一些

Rank: 3 Rank: 3


	455

13^#

發表於 22-4-1 14:35 |只看該作者

回覆樓主：

本帖最後由 haharachel 於 22-4-1 14:35 編輯

我仔都係內向仔，今年k3，又少返學日子。之前我都有你既擔心，但抱著試下無妨，打算主攻叩門。

岀奇地有6，7間學校收。其中5間係英文小學。今年開始多左移民，如果唔係心儀神校，其實都唔係想像甘難考。

Rank: 2


	59

14^#

發表於 22-4-1 15:57 |只看該作者

我女上年考小一，平常大聲說話又唔算怕同大人傾計，但去到面試時就細細聲說話。我女拍片可以呃到人，面見因為說話慢同細聲，呢啲真係冇得訓練，好明白你的擔心

你可以給女多啲鼓勵說話，等佢有自信，在家多講故事，你講一個女講一個。試下講啲面試時可能會發生情景讓她有心理準備。這些都是讓她有印象，臨場發揮都係靠女自己。

現在疫情，學校第一輪可能都係交片先，你可以同女預早練習定，你拍一片女拍一片，讓她感受媽媽同佢一齊考小一。上年我同女拍片時我係學返佢講一分鐘故事，女幫我拍片。過程都幾搞笑親子下，女重扮返我同佢拍片時情景，係咁學我做手勢提佢！

係真的，要報多幾間學校當練習當參觀見識下都好，我當時最初好天真只報了幾間心儀學校加2間較早面試熱身，結果當然沒取錄，個心開始驚同埋壓力加大了

一齊順其自然！重有合適學校！
加油加油！

Rank: 5 Rank: 5


	2063

15^#

發表於 22-4-1 17:38 |只看該作者

超能爸爸發表於 22-4-1 12:23
回覆 20170101 的帖子

我個仔今年K3，也是內向文靜型。

其實我二仔都係內向文靜型，唔多出聲唔主動，當年佢考小學我都冇乜期望諗住抽獎

完全冇外補，學術就靠學校但學校就有訓練佢哋interview，可能因為咁令佢明白呢一樣嘢係每人都要做嘅，咁之後就變得比較順其自然

訓練自信心都難，我都係做啲好簡單例如去麥當勞叫佢自己去拎下茄汁，去街市佢幫手講兩斤菜心

幫手俾下錢，主要等佢接觸下人

後來佢考小成績好理想，幼稚園校長有分析過可能佢係大仔，專注力比較高，比較 ready ，雖然唔太出聲，亦都唔會好主動去分享，但可能就明白適當嘅時候要做適當嘅嘢

同埋真係無乜催谷，反而好自然，好多答案冇話識唔識，係佢最直接反應，記得有次某校校長同佢傾，佢都冇頭冇尾㗎，但就講咗去街市買紅蘿蔔三蚊

佢嘅成績算係意外驚喜，內向小朋友都有佢地優點，通常比較觀察型亦都比較專注，加油

Rank: 5 Rank: 5


	2063

16^#

發表於 22-4-1 17:40 |只看該作者

20170101 發表於 22-1-26 16:00
我好擔心, 時間無多就來下半年就開始升小面試了。我已不停安排她多接觸人, 什麼故事班, 演戲班, 動靜都俾佢 ...

講多一樣，唔太清楚你小朋友性格係點，如果好似我二仔都係內向型，未必鍾意去好多學校interview

但係當佢明白重要性亦都有機會摸熟咗係越戰越勇，我個仔就係咁佢表現越來越好，但就要拿捏得好好，邊啲係放前頭practice ，去到最心儀嘅就係中間，要plan 一下

Rank: 5 Rank: 5


	2116

17^#

發表於 22-4-1 18:01 |只看該作者

回覆 Vana 的帖子

謝謝你鼓勵係佢的確係專注觀察型
我畀啲interview打擊得好緊要但而家睇開咗了希望有老師欣賞佢

‹ 上一主題|下一主題 ›

發新帖

熱門主題

最高瀏覽主題