英國留學，你問我答（3） - 海外留學 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 海外留學 › 英國留學，你問我答（3）

發新帖

查看: 8684\|回覆: 16	go [英國] 英國留學，你問我答（3） [複製鏈接]

Rank: 3 Rank: 3


	451

1^#

發表於 20-12-16 04:52 |只看該作者 |倒序瀏覽 |打印

本帖最後由 anitelab 於 20-12-29 00:28 編輯

問問題之前可以參考被版主和諧咗既舊post ：英國Sixth Form 留學兩年，你問我答（1）
https://www.edu-kingdom.com/forum.php?mod=viewthread&tid=3763245
英國留學，你問我答（2）
https://www.edu-kingdom.com/forum.php?mod=viewthread&tid=3784160

個人中學背景
香港傳統名校form 5 轉到英國讀private boarding (Year 12)
Predict A*A*A*
有三大多個 offer （IBGM等等），英國3間UOL等等offer

有時間我可能會將其他post既問題擺喺度答吓，希望幫到大家
讀邊間唔答。學費問題儘量答，但係印象有限。
英國報邊科唔答（Not medicine/ engineering)。
另外機票野唔答，因為自己個買法比較特別，幫唔到大家，總之會自爆既都唔答

如果比較複雜，或者唔想開名既可以善用PM功能
學業問題可以問，但小弟唔算出眾，大約3A*/A
有需要例如私人想問問PS意見都可以PM問

近況
現時就讀英國G5大學（BSc），持有多家英國及香港投資銀行offer（小弟工作範疇與外匯無關，唔好問我英鎊睇升定跌）而家應該比較擅長回答大學生活，就業/實習（顧問公司及投資/商業銀行），移民，租樓及前途問題，中學問題盡量答，可能我已經太outdate

Econ評卷
另外開放免費alevel econ評卷，小弟當年Alevel Econ全校第二，部分分卷達98%，純粹為興趣俾吓意見

最近比較忙，可能聖誕前開始答問題，歡迎大家自行討論

餐肉香腸，時菜夾麵
吉烈豬扒，唔易肚餓
3239，0246
我哋真係好______中意香港

Rank: 5 Rank: 5


	4996

2^#

發表於 20-12-16 12:04 |只看該作者

回覆樓主:

你好可愛呀！

predict A*A*A*, 又話現時就讀英國G5大學，又話「小弟唔算出眾，大約3A*/A」，讀緊大學啦，有成績啦，點解話大約3A*/A 又話predict ? 奇奇怪怪！

Rank: 3 Rank: 3


	451

3^#

發表於 20-12-16 18:50 |只看該作者

本帖最後由 anitelab 於 20-12-17 07:34 編輯

TTEE1819 發表於 20-12-16 12:04
你好可愛呀！

predict A*A*A*, 又話現時就讀英國G5大學，又話「小弟唔算出眾，大約3A*/A」，讀緊大學啦， ...

copy返當年舊post，方便大家睇咁解。做靚predict grade同考好alevel係兩回事，預備上有分別
當然，你問我疫情之下alevel安排我就答唔到了。

但係如果問19-20年大學入學既影響我可以答吓

餐肉香腸，時菜夾麵
吉烈豬扒，唔易肚餓
3239，0246
我哋真係好______中意香港

Rank: 3 Rank: 3


	451

4^#

發表於 20-12-16 18:53 |只看該作者

暫時收到十幾個PM，稍後會陸續喺度唔開名回覆
趕緊assignment

餐肉香腸，時菜夾麵
吉烈豬扒，唔易肚餓
3239，0246
我哋真係好______中意香港

Rank: 3 Rank: 3


	451

5^#

發表於 20-12-16 19:10 |只看該作者

本帖最後由 anitelab 於 20-12-16 19:19 編輯

2021 會讀UK Y12, 請問將來在UK 和香港報大學時，大學會不會睇番他今年中四的成績表作參考呢？因為小朋友知道會外國讀書今年便hea讀了. 成績跌 watt. 我有D担心大學會睇番今年中四的成績表。

英國報大學按UCAS System要求只需要交 Personal Statement，同埋就讀中學既Reference同Predict Grade報告，以及部分科目要求既apt test成績，所以報英國大學的確唔會受中四成績（表）所影響

而英國返香港報大學就每間都唔同。據我記憶HKU同UST都要求盡量提供相關資料，但個人認為大學並不會非常重視相關成績。我自己香港中學成績當時都係平平，但英國PG有3A*，配合reference同PS，所以依然收到IBGM 等offer，三大最後總共收到6個offer。

但係講到hea讀既問題，呢方面就值得講一講。

第一，香港高中制度相比英國只有3年，時間倉促，所以學習進度比起英國快。如果可以，應該珍惜呢段時間，研究清楚邊啲DSE知識可以搬去英國用，咁會對將來Alevel成績大有幫助。

以熱門科目數學為例，第一年好多課程已經同香港重疊，如果學生喺香港預備得好，就可以及早預備後面較難既內容，例如Mechanics以及Statistics，呢啲香港唔會教，需要多啲預備功夫。同時，Core部分就會有比較好既基礎。當然最好了解吓試題考法喺香港預備吓先，因為英國考法比較直白，題目變化較少，預備過程唔需要好似香港練咁多刁鑽題型。

第二，hea讀問題在於學生自己會製造一個相當長既蜜月期。以現時時間點為例，距離alevel開學仍然有九個月到十個月既時間，假如抱住過海就係神仙既信念，過到去好可能學習能力會生疏，退步，最終影響Alevel發揮。好似買車咁，就算平時長期唔用車都應該時不時著吓車去入油，擺太耐唔郁會壞。

口痕忍唔住答吓問題，遲啲再補充。

餐肉香腸，時菜夾麵
吉烈豬扒，唔易肚餓
3239，0246
我哋真係好______中意香港

meimei小朋友


	4497

6^#

發表於 20-12-27 17:31 |只看該作者

提示: 作者被禁止或刪除內容自動屏蔽

Rank: 3 Rank: 3


	451

7^#

發表於 20-12-28 23:46 |只看該作者

本帖最後由 anitelab 於 20-12-28 23:47 編輯

meimei小朋友發表於 20-12-27 17:31
請問如想自修 Further Maths, 在哪裡可找資料？書局好似唔見有？

如果想自修FM，首先要視乎學生學校背景，如果係香港本地學校想考IAL，喺香港搵書都唔算非常難，一般都係CIE同Edexcel，通常都係同TOFEL/其他專業考試既書放埋一齊。但係呢啲書通常唔平。
如果係英國本地中學，可以問校方提供Study Guide （幾乎每一科都有出既所謂“溫習天書”，例如CGP），textbook學校而家通常有電子版，香港都有機會可以同書局訂，題型會比較update，但係價錢唔平，實用性個人認為不高，而且現時物流情況比較麻煩。

個人建議自修further maths都係直接操卷，如果由零開始，首先應該睇清楚考試範圍-即係Specification，然後喺考試局網站搵翻歷年試卷。未必每間考試局都會提供免費舊卷，學生可以去physicsandmathstutor.com睇睇，基本上所有試卷都會齊全。

另外由於Alevel改制時間唔算好長，建議學生預備既時候可以參考舊制試卷做練習，題型一般不會再次於新制試卷出現，但係有助釐清concept，最方便既話可以使用by-topic past paper做練習。

當然，英國普通數學範圍本身已經比DSE Core廣闊，FM自然更困難，建議閣下量力而為，以免顧此失彼。

點評

meimei小朋友

發表於 20-12-30 12:49

餐肉香腸，時菜夾麵
吉烈豬扒，唔易肚餓
3239，0246
我哋真係好______中意香港

Rank: 3 Rank: 3


	451

8^#

發表於 20-12-29 00:26 |只看該作者

本帖最後由 anitelab 於 20-12-29 00:34 編輯

背景：香港 band 1尾學校（英文中學）F5，中等成續剛剛申請到2021 Ipswich school year 12大學plan讀Business 有關科目。A level 打算讀maths, econ, and Business 3 科。

英文能力對於AL Econ及Business的重要性，兩科太相似不建議一起讀？
我本身冇讀AL Business，所以不能對科目內容作太多評價。但係值得留意係香港及英國兩地都有大學不承認Business為獨立一科，所以當時我都未有考慮報讀Business，個人同意“兩科太相似，加上Business是soft subject有好多大學會視爲non preferred subject。”一說，就算Standalone 睇Business 呢一科，個人認為報讀價值不大。

關於英文能力對Econ的影響，我可以講少少自己背景，我自己IELTS Overall 8/9，最弱係寫作，你可以當我英文寫作能力屬於香港中上游。但係如果閣下本身英中出身，假設英文水平不屬下游，應該問題不大。經濟科目雖然九成都係文字，但係內容非常technical。如果閣下本身香港有讀Econ，基本上Micro卷可以無縫銜接；Macro卷除咗AD/AS模型，主要專注於歐美地區既經濟知識，英國金融系統等等，就要從零開始讀。

Econ Essay作答其實都有固定既推論模式，不需要非常廣闊，花巧既詞彙，主要都係Technical term。其實使用香港DSE LS作答模式： Topic Sentence - Proof of Evidence - Elaboration - Conclusion一般都可以應付。事實上歐美地區都係視英文為溝通工具，只要能夠清晰傳達內容即可，不需要曬自己Vocab有幾豐富，Sentence Structure有幾複雜。

大學心儀商科，Alevel選科應該如何部署？
最重要當然係普通數學，冇數學基本上倫敦G5，Warwick都免談。香港本地大學對數學重視程度就更加重要。所以唔單止要報，更加要考得好。數學不單只係一門學科，更加係俾大學睇到你基本邏輯思維能力。

商科最重要係大學個名，金融及諮詢行業喺recruitment既時候都係當Business/Management一門介乎於BBA到IBGM之間既學科，比起Finance，CS，Econ，基本上冇咩專業性質可言，所以要做靚份CV喺香港搵工，大學本身個reputation非常重要。

Econ都係一個穩陣既配搭，一般商科都會需要基本中學Econ知識，反而報Econ唔一定要讀Econ，因為英國大學Econ主力係計數。

個人會建議報多一課Science，例如Chem同Physics，唔建議Bio因為考試範圍極闊。
如果報埋Physics可以報香港容易入既course，例如UST Engine做保險。

假如讀書能力真係太弱，建議報中文。唔係講笑，有唔少好大學都會接受中文作為Conditional Offer既一部分，例如Durham，據了解部分英國G5大學都會接受中文科，但係建議閣下直接向大學Dept查詢。

Further maths 是否很難
就算而家我有資格喺投資銀行FO部門工作，我都唔想再讀過FM，自己數學能力大約屬中上游，但係真係幾難。加上香港都唔當FM獨立一科，所以唔太值得報。如果香港讀Core都係普普通通，建議放棄FM。

明年九月前在香港這段時間有什麼可以準備，如補習Econ數學？參考#5解答

餐肉香腸，時菜夾麵
吉烈豬扒，唔易肚餓
3239，0246
我哋真係好______中意香港

Rank: 3 Rank: 3


	451

9^#

發表於 20-12-29 00:53 |只看該作者

本帖最後由 anitelab 於 20-12-29 00:55 編輯

背景：兒子現讀F.5，9/2021 到英國讀Y12。將來打算報英國及香港醫科，亦希望能入英國名U。
1. 請問他需要今年在香港自行報考IGCSE嗎？有些英國大學或部份學系好像需要GCSE成績？

既然呀仔都已經有好既Sixth Form學校取錄，我睇唔到有必要去報考IGCSE，通常考IGCSE都係為咗提供一個proven track record俾英國中學收生時作參考，既然已經過咗呢個階段，考IGCSE比較雞肋。

有GCSE成績將來提供俾大學係好事，尤其而家AL改制後大家都係亂吹PG，賭白頭片一樣。但係留意按規矩要求，申請大學時不可就過去成績作出隱瞞，如果一個唔小心滑鐵盧考個B/C翻嚟，就真係捉蟲玩自己，自製Unproven Track Record。所以一定要有十足信心先好考，如果報咗後悔寧願你abs都唔好整花個底。

其實GCSE真係唔重要，香港本地學生都係攞住DSE PG走去報 Oxbridge，G5，被取錄既同學大有人在，所以GCSE唔係一個非常重要既Track Record。我自己香港中學成績普通，手痕考過IGCSE Maths/ FM （A*/A），好似都冇交俾香港本地大學，最後都有三大IBGM/Econ等offer，所以真係唔重要。

假如你係希望考預備GCSE嚟製造一個學習基礎俾GCE，呢個想法可以果斷放棄，考試內容極少重複，題型都完全唔同，倒不如快啲揀好去邊間中學，問清楚每一科exam board然後開始預習GCE，操卷，開學前做到盡量多既優勢。

2. 如果係要考，有冇話最少考幾科呢？ 有名你叫自修，你鍾意報一科又得，十科都得。

3. ...兒子打算自修。他成績不俗，考5間英圃比較top的sixth form...以這能力，自學IGCSE 可以取A*嗎？遝是安排補習老師比較妥當？

唔清楚閣下話兒子成績不俗既定義。我假設大概係平均每科DSE為5/5*，如果係咁，自學IGCSE基本上A*無問題，睇清楚Specification確保已經認識所有考試內容，考之前睇吓舊試題及官方答案就ok。我冇考過GCSE文科，但理科，Econ基本上都係咁。冇記錯英文就比較難考，好似有範文。有DSE朋友試過裸考歷史課，佢本人DSE5**，最後考到A*。所以自修都夠應付。但係事前請參閱（1）衡量風險。

餐肉香腸，時菜夾麵
吉烈豬扒，唔易肚餓
3239，0246
我哋真係好______中意香港

Rank: 3 Rank: 3


	451

10^#

發表於 20-12-29 01:02 |只看該作者

本帖最後由 anitelab 於 20-12-29 01:06 編輯

關於英國倫敦近況
可能好多家長都好擔心，金主最近都不時Facetime打嚟，大家可以隨便問吓。
其實冇咩特別，太陽如常升起，超市貨源充足，社交距離政策下超市不時需要控制流量而要分隔排隊，基本上只係餐廳冇開，其他野冇特別影響。交通正常，商業活動繼續維持WFH，鬼佬繼續唔守規矩。市面係靜咗少少既，不過主要應該係假期關係。

每年英國年尾都係咁靜，個個放聖誕同New Year‘s Eve，打鑼都冇人開工。所以大家唔好俾CCTVB啲新聞嚇親，明明一向都係咁。

餐肉香腸，時菜夾麵
吉烈豬扒，唔易肚餓
3239，0246
我哋真係好______中意香港

Rank: 3 Rank: 3


	451

11^#

發表於 20-12-29 01:04 |只看該作者

本帖最後由 anitelab 於 20-12-29 01:08 編輯

遲啲想寫一篇英國大學入面既香港人眾生相，同埋名校生搵工血淚史。大家有冇咩特別想聽？

另外留意返，所有PM問題都會公開匿名回應，唔會私下答，我唔係做緊收費私人顧問。所有要求私下回應既問題唔會回覆。

餐肉香腸，時菜夾麵
吉烈豬扒，唔易肚餓
3239，0246
我哋真係好______中意香港

Rank: 3 Rank: 3


	451

12^#

發表於 20-12-29 01:17 |只看該作者

Bromsgrove vs Warwick Y9

個人比較建議前者，year 9 就過去讀我會比較建議讀coed，因為咁樣會比較識得同人相處。另外學校Nationality比較廣，所以接觸面都比較好。但係Bromsgrove好似係Public School，出PG比較手緊，通病嚟，根據入大學後既經驗，我都見唔少人係呢間畢業。

Warwick Boarding據講啲Boarding都係得香港同大陸人。但我都有朋友讀warwick入到oxbridge同G5

不過都係嗰句啦，入到好學校唔代表你就會考得好，最後都係睇自己造化。個人覺得中學排名對入大學影響不大。

餐肉香腸，時菜夾麵
吉烈豬扒，唔易肚餓
3239，0246
我哋真係好______中意香港

Rank: 5 Rank: 5


	2508

13^#

發表於 20-12-29 14:18 |只看該作者

anitelab, 你提供的資料和意見非常詳盡，很有心機解答，我之前有曾經問過你有關 A level Maths 嘅考試範圍，很有用。

記憶中你當時剛完成 A level 入 Year one, 冇記錯的話你現在 Year two 看完你詳細的資料，很讚賞你一聲

Rank: 3 Rank: 3


	451

14^#

發表於 20-12-29 21:01 |只看該作者

本帖最後由 anitelab 於 20-12-29 21:10 編輯

回覆 anitelab 的帖子

跟進問題 (方便閱讀字眼上有修改）
1) Would 3 AL subjects be sufficient to apply for Russell group universities in practice?

三科AL基本上可以應付絕大多數英國大學要求，但係要睇你報咩科，部分課程會要求四科，或指定科目。例如LSE Econ會要求FM合格，但係好似唔計落Conditional offer 入面（A*AA），意思就係就算FM攞A*/A都唔會計算落A*AA入面，所以要報三科加FM。冇記錯LSE Econ係咁。另外IC部分科目有特別要求，例如要求數學除FM以外需要加考指定Exam Board，例如MEI/STEP。

下游大學好似都會接受兩科AL，甚至開uncon都有。

老實講大家唔需要點理會Russell Group呢個名銜，入面都有麻麻地既大學，DSE十幾分駁Foundation入既大有人在。一間大學個名好就係好，唔需要理有冇呢啲虛名。到第日搵工街外人根本唔會care呢啲野。得罪講句唔通Liverpool同Cam因為係Russell Group就有可比性咩。

2) 問FM是否很難嘅原因之一就是聽講過 business is considered as a soft subject by many if not all universities...further maths is not his preferred choice but was thinking which would be easier 3rd subject to pick up if biz is not considered as a wise choice. What u suggested like Chem or physics would that be very difficult as well as ? he took both in F4 but dropped all science subjects this year F5.

如果報商科，首先LSE已經未必睇FM作為獨立一科，香港本地大學都唔當FM獨立一科，吃力不討好。如果本身香港DSE數學Core都係普通，FM挑戰性非常大。如果本身M1/2底唔錯就可以考慮。

AL Business 正如之前所講冇咩用，香港同英國大學都唔太認受呢一科，如果已經決定讀AL Econ基本上可以直接略過Business。

Chem同Phy如果F4讀過應該會好過從零開始讀FM，我自己冇讀過DSE Phy，但係AL同DSE都有讀過Chem。

DSE Chem個範圍其實都比較尷尬，往往都係每個topic有cover，但係實際教學內容斷斷續續，好多理論喺DSE課程並冇Cover過。個人睇法，香港Chem教育既Philosophy就係 “有得你背就背啦，唔好問點解，係咁架啦”

所以F5讀埋Chem都唔會對學生考AL有太多優勢，主要係睇英國中學俾唔俾你讀。

如果真係數底唔得，Science又唔得都會建議報返Science，因為傳統Science科香港英國兩地都一定會視為獨立一科，報大學比較穩陣。假設考個B翻嚟，都仲有機會入到Durham/UoM Business。G5就唔使考慮。同時如果最後A*AB/ABB/AAB 香港三大Science/Engine都仲有機會做到保險。

呢個情況最穩陣都係加多科中文，有個A喺手好有幫助，KCL/Durham好似都睇中文。但係唔好以為唔使讀，有範文，又有背誦部分。年中大把人輕視AL中文求其考，結果考個B/C返嚟失禮街坊。

餐肉香腸，時菜夾麵
吉烈豬扒，唔易肚餓
3239，0246
我哋真係好______中意香港

Rank: 5 Rank: 5


	2312

15^#

發表於 20-12-29 21:15 |只看該作者

anitelab 發表於 20-12-29 21:01
回覆 anitelab 的帖子

請問唔考FM，係咪唔洗說LSE Econ?
Oxbridge or UCL 種有無機會？

Rank: 3 Rank: 3


	451

16^#

發表於 20-12-29 21:23 |只看該作者

If I don't have a UK bank account, is that any other cheaper way to send money to my son. He is 14 years old next year. If no debit card, any other card he can use as I heard that cash is not convenient to use in the UK.

最簡單，Cash is King，每次返英國既時候俾返200/300鎊Cash，等個小朋友返去入銀行ATM就，又唔需要電匯手續費。始終一個人喺外國獨立生活，有個銀行戶口一定比較好，就算係住喺學校，學校都冇可能完全Cater到小朋友既一切需要。有時買書，文具，Amazon日用品，超市買吓零食，外賣，出街（例如Book的士出去考IELTS）呢啲好多時候都要小朋友自己處理，每次打電話返香港問金主救命就好麻煩。但係Cash放係自己房真係有機會俾人偷，所以都唔太建議。其實開個英國戶口加張Visa Debit，到時候個個月問佢攞返bank statement睇就ok。唔需要俾太多錢入去。

長遠如果都打算係英國讀大學既話，家長最好都開個離岸戶口方便大額轉帳啦。嗰啲咩野HSBC Jade/Premium呀，Citi PB呀，BEA Gold呀好似好多都免手續費，你自己周轉又方便，過零用俾小朋友又方便。

餐肉香腸，時菜夾麵
吉烈豬扒，唔易肚餓
3239，0246
我哋真係好______中意香港

Rank: 3 Rank: 3


	451

17^#

發表於 20-12-29 21:29 |只看該作者

本帖最後由 anitelab 於 20-12-29 21:49 編輯

kct18 發表於 20-12-29 21:15
請問唔考FM，係咪唔洗說LSE Econ?
Oxbridge or UCL 種有無機會？

唔係冇機會，但係明顯缺乏優勢。
想像吓，報得LSE Econ，好多人都會報埋Oxbridge，UCL幾乎係一個指定Bundle，最後個Applicant Pool大部分都係有讀FM。英國大學Econ好專注讀數，專注到俾啲學者批評佢地離曬地，同社會越來越脫節，可見Econ數學成分之高。如果冇讀FM既能力，喺一線英國大學Econ想畢業都難。

可以睇返我Post 2 #9回覆做補充：

呢個問題值得講，冇further math千萬千萬千萬唔好報 economics！！！
英國econ雖然報course可以調整，但主要讀數多，尤其係LSE，如果冇FM對admission極度不利。
點解咁講？有英國local朋友gcse 10A*， predict 3A* （Physics, Maths, Econ)，報cambridge, LSE, st Andrew, Durham, Nottingham, 結果只有durham俾offer，所以冇數底唔該唔好報econ呀，考慮比較冷門既program例如econ and 其他配搭嗰啲就勝算會高啲。

事實上英國Econ係數一數二非專業而多人報既科，所以唔好掉以輕心

餐肉香腸，時菜夾麵
吉烈豬扒，唔易肚餓
3239，0246
我哋真係好______中意香港

‹ 上一主題|下一主題 ›

發新帖

熱門主題

最高瀏覽主題