第一天返學 - 幼校討論 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 幼校討論 › 第一天返學

發新帖

查看: 3215\|回覆: 19	go 第一天返學 [複製鏈接]

Rank: 2


	90

1^#

發表於 05-7-27 10:33 |只看該作者

第一天返學

想請問各位媽媽,
你地既小朋友第一日返學,你或家人有無陪呢?
小女下個月將會返n1(尚未滿兩歲),學校可以容許家人陪同三數天.不過我怕,如果夠女兒上學,她會以為我可以天天陪她.
我們未曾參加過任何play-group,只是上教會的主日學;不過就一直陪伴在側.
雖然由上兩個月開始,已經告訴她要自己上堂,父母不會陪.但是每次提及"媽咪唔會陪你上堂",小女就扭計.
現在我真的開始擔心了.
一個煩惱的媽媽

至愛巧沛B既 Blog : http://hk.myblog.yahoo.com/kitqinghypy-happyhome

Rank: 5 Rank: 5


	2650

2^#

發表於 05-7-27 11:29 |只看該作者

Re: 第一天返學

點解未足兩歲可以讀N1? 唔係話一定要足歲先收架咩?

Rank: 2


	90

3^#

發表於 05-7-27 13:27 |只看該作者

Re: 第一天返學

因為尚有5日先至足兩歲,學校都照收.

至愛巧沛B既 Blog : http://hk.myblog.yahoo.com/kitqinghypy-happyhome

Rank: 4


	937

4^#

發表於 05-7-27 13:46 |只看該作者

Re: 第一天返學

Qing,

7月初,我囡囡(2歲3個月)開始返N1.我請假陪了她足足7天.我囡囡勁"痴"身.我在學校離開半步她也會拉著我,就是我去洗手間,她都要跟著我,否則大哭.第8天,我只是帶她上學便離去,惡夢便開始了.在學校哭幾個鐘,由入門口開始至放學都由老師抱著.如是者維持了一個星期,回到家裡更加不能想像."失常"要我抱著,不讓我坐,睡覺也要抱著.扭計,發脾氣,什麼都齊.但只扭我一個,任何人都不要.因為她驚我一放低佢就走咗去.到今天,差不多返了一個月,好了很多,起碼在學校沒有哭了.可以落地下玩,不用老師抱了.但早上起床仍會說不要返學.

其實我覺得陪3數天都好,起碼你可以陪囡囡一起去面對及適應陌生環境.但如果好像我陪咁多日,囡囡可能會以為你每日都陪佢返學.

Rank: 2


	90

5^#

發表於 05-7-28 13:39 |只看該作者

Re: 第一天返學

Almaz,
多謝你的經驗分享.
我真的是心大心細,同時也沒有那麼多假期.在起初的兩三天,我很想陪阿女;不過老爺同奶奶都唔贊成,而老公又偏向佢地.
你囡囡的經驗正正係我既擔憂.

至愛巧沛B既 Blog : http://hk.myblog.yahoo.com/kitqinghypy-happyhome

Rank: 5 Rank: 5


	3835

6^#

發表於 05-7-28 14:03 |只看該作者

Re: 第一天返學

Almaz & Qing,
出年我都會比個仔返N1, 我依家都好擔心佢會唔肯, 因為佢不嬲都好怕生保, 我都唔知應唔應該陪佢返學, 定係等daddy陪佢, 等佢唔好咁扭計, 因為佢會黐我多d, 我驚到時佢會唔比我走, 真係好煩! :-|

Rank: 4


	769

7^#

發表於 05-7-28 16:00 |只看該作者

Re: 第一天返學

唔怕啦！船到橋頭自然直，我大仔k1在半天幼稚園，k2我幫他轉了全日的幼兒園，其他小朋友無問題，因為由k1升上來，有d什至由n班上來，只有他天天都哭，其他小朋友都嚾他有什麼好哭，上學又有得玩又有得食仲有得

Rank: 4


	937

8^#

發表於 05-7-28 17:16 |只看該作者

Re: 第一天返學

Qing,

其實你老爺同奶奶都唔贊成你陪囡囡,點解呢?做媽媽的肯定不放心.不過你要有心理準備,囡囡會哭很久,真係好肉赤.佢真係抓著我件衫唔放手架.不停說:去媽咪到,去媽咪到.我當時聽見都哭了.不用太担心,你始終都要放手.

Rank: 2


	71

9^#

發表於 05-7-28 17:16 |只看該作者

Re: 第一天返學

各位媽咪,

好開心可以分享你地ge 經驗, 但都仍然好擔心好擔心. 因為好似Almaz咁, 我個囡都係勁"痴"身個隻! 同埋呢幾個月屋企人都有好大變動 - helper 下個月會走轉另一個, 一路湊開囡囡ge 婆婆因為我弟婦12月生, 所以10月左右都會走.. 加上開學, 好擔心囡囡性恪會有變! 好擔心!
唔好意思, 有幾個想問問大家, 囡囡痾bat bat d 時間通常都係am, 咁岩就係佢返學ge 時間,我好擔心佢會"up"住好耐都冇人知, 會唔會咁架?
唔知點解, 由囡囡懂事(開似有自己意見), 佢就唔肯著裙, 因為佢覺得冇著褲, 就算著底褲仔都唔算係, 請問大家有冇呢個經驗. 仲有, 依家屋企幾對鞋, 佢只肯著一對, 因為學校要著白鞋, 但每次同佢入鞋舖佢就開始喊,唔肯試著, 每次去親食野ge 地方, 係車裏面, 總之可以有得坐ge 地方, 佢都要除鞋, 唔比呢, 大喊! 喊到你除為止, 曾經試過由得佢喊, 好左兩個月唔再除, 近呢個月又黎過, 就係連買鞋試鞋都唔得, 請問大家有冇方法可以教

Rank: 4


	937

10^#

發表於 05-7-28 17:18 |只看該作者

Re: 第一天返學

fungyee,

爸爸陪應該會冇咁嗲.現在囡囡由我工人帶,情況比我好得多.最初由我帶,與囡囡分離,她會哭起碼兩小時,如由工人帶,只是哭20分鐘.分別很大.(因當初我工人剛放假返印尼,所以由我帶.)

Rank: 5 Rank: 5


	3835

11^#

發表於 05-7-28 17:30 |只看該作者

Re: 第一天返學

Almaz 寫道:
fungyee,

爸爸陪應該會冇咁嗲.現在囡囡由我工人帶,情況比我好得多.最初由我帶,與囡囡分離,她會哭起碼兩小時,如由工人帶,只是哭20分鐘.分別很大.(因當初我工人剛放假返印尼,所以由我帶.)

Almaz,
我都係咁諗, 爸爸陪佢返學應該無咁扭計, 同埋我都唔忍心見倒佢喊, 我會心軟, 到時可能自己都喊埋一份!

Rank: 4


	937

12^#

發表於 05-7-28 17:32 |只看該作者

Re: 第一天返學

AhMe,

你囡囡都幾奇怪架喎!唔肯著第二對鞋.呢樣我真係沒有心得.我唸不停同佢講解返學要著白色鞋架,唔可以再係咁架啦!個個小朋友都著白鞋架喎.試試咁得唔得?亦可以試下唔好迫得咁厲害,等佢第時返學,見到個個小朋友都係咁,可能佢會肯做.因為朋輩之間的影響力很大.最初我囡囡午餐都要老師餵食,現在都肯自己食晒碗飯,唔使老師餵.因為佢見到個個同學仔都係咁囉.仲有呀,佢係屋企唔肯飲水,有時氹好耐先飲兩啖.在學校飲水時間,佢可以成杯飲晒.這是我始料不及的.所以你不用太担心.

至於你話囡囡上午大便,恐怕在學校沒有人知.不會的,學校老師會定時帶小朋友去廁所的.同時,你可以在這段時間試下同囡囡戒片囉.另外,可唔可以著裙時加條短褲仔係入面呀?

Rank: 1


	4

13^#

發表於 05-7-28 22:02 |只看該作者

Re: 第一天返學

咁你走果時有冇同佢講拜拜?以前我個小朋友都係咁,D老師話無論點都唔可以靜雞雞走,一定要講拜拜,如果唔係佢會冇哂安感,唔再信你,以後仲喊得勁D. 另外仲有個辦法,係親身經驗,就係不斷帶佢去學唔同嘅嘢,等佢見多Ｄ人,真係work嫁,我個小朋友經歷多年訓練,由一個膽小鬼(人哋望多眼都喊)變成一個去任何地方學嘢都唔怕嘅人!仲好多主見添.

Rank: 4


	769

14^#

發表於 05-7-29 13:56 |只看該作者

Re: 第一天返學

咁不如你試下同學校講，女女唔肯穿對白鞋，帶對白鞋上學，睇下D老師有無辦法令佢換鞋。唔怕

Rank: 2


	90

15^#

發表於 05-7-29 14:45 |只看該作者

Re: 第一天返學

睇見有咁多媽媽既分享,自己都放小小,原來真係有好多人同我一樣係咁擔心.
Almaz,老爺奶奶同先生都話"你陪得幾多日0者?"我個女勁跟我,如果俾佢覺得"媽媽會陪巧兒返學",咁就大劑啦.見唔到我時,尼個大喊十就一定唔會收聲.
宜家,我叫左老公請一日假,睇下點先.原來頭一個禮拜,只返個半鐘,到第二個禮拜既星期三先返正常時間.
其實,同其他小朋友一樣,我阿女都仲有好多類似大家既問題,如戒片,食野(唔肯食野)等. 不過最緊要係返左學先,其他問題可以慢慢應付既.

至愛巧沛B既 Blog : http://hk.myblog.yahoo.com/kitqinghypy-happyhome

Rank: 4


	769

16^#

發表於 05-7-29 16:01 |只看該作者

Re: 第一天返學

就算番N1班應該都唔可以帶尿片番學，學校應該有講。我知各位太太都好膽心D仔女第一次番學，但係TAKE IT EASY！真係好快無事而又有很多習慣自己教來教去都唔得，D老師一教就得，因為見到其他BB都自己做的話，會比下去，所以大部份BB（全日際）上學一個月就學會照顧自己如自己吃飯、自己排隊去便便、自己洗手洗面、自己穿鞋。真係好好！

Rank: 3 Rank: 3


	153

17^#

發表於 05-7-30 02:55 |只看該作者

Re: 第一天返學

BB2WONG,
我囝囝10月就返n1了, 我到而家都未幫佢戒片, 同仲o係喂佢食飯的, 由於我要返工, 是婆婆湊的, 戒片方面, 婆婆好難時常帶佢去廁所, 一旦癩濕左, 又要抹地, 又要換衫, 婆婆在家已有很多家務要做, 年紀大都會好辛苦的, 所以諗住等囝囝返學先學戒片, 會唔會太遲呢? 真係第一天返學就不可以有片片穿住架, 連學習褲都不可以?
至於食飯, 婆婆話佢仲細, 等到返學, 佢見到其他小朋友食, 佢就會自己學架啦, 因為現在佢都有意識想自己去 "不" 飯, 但好快佢就會同碗飯玩, 唔食

Rank: 4


	937

18^#

發表於 05-7-30 09:21 |只看該作者

Re: 第一天返學

曉晴:

我囡囡間學校救世軍可以著片片的,嬸嬸會幫忙替小朋友換片的.不知你囝囝那間學校可不可以.據知,一般幼兒園都可以讓小朋友著片,同時都樂意幫小朋友戒片的.放心.

Rank: 2


	90

19^#

發表於 05-7-30 14:57 |只看該作者

Re: 第一天返學

係呀,聽講啲嬸嬸會幫小朋友換片架.我都希望返學後,阿女會容易啲戒片.

至愛巧沛B既 Blog : http://hk.myblog.yahoo.com/kitqinghypy-happyhome

Rank: 3 Rank: 3


	274

20^#

發表於 05-8-1 23:15 |只看該作者

Re: 第一天返學

Today is the first day my son go to nursury. I go with him and he seems not afraid at all. He didn't want me to stay close to him. Hope he will not cry without my companies.

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2025 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢