 活動由香港中華基督教青年會、智權教育中心及香港微電影學會合辦，每屆都吸引不少同學仔參加。
港產片不時都有驚喜帶畀大家，有志於電影界發展嘅同學仔，就千祈唔好錯過有中學奧斯卡之稱嘅「全港中學微電影創作大賽」，今次比賽主題係「放鬆啲啦，香港人！」同「運動見友情」，希望同學仔以此為題為香港添加正能量，入圍隊伍可以同新晉導演黃進同曾國祥互相交流，真係機會難得，即日起開始報名，截止日期為本月14日，各位同學仔要起動啦！
公關好友仲話，今次比賽獎品總值超過港幣7萬蚊，仲有機會免費去台北參加4日3夜嘅電影交流團，得獎作品更可獲推薦參加國際電影節。冠軍隊伍仲會被邀請各拍攝一套以正能量為主題嘅微電影，得獎作品會登上UA Cinema旗下iSQUARE鳳凰影院大銀幕！好期待見到大家嘅作品。
撰文: 黛安 消息特靈八卦公關
欄名: 八卦名利場
| 
發表於 18-1-6 12:45
