95校網小學happy school - 小一選校 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 小一選校 › 95校網小學happy school

發新帖

查看: 17119\|回覆: 23	go 95校網小學happy school [複製鏈接]

Rank: 2


	99

1^#

發表於 17-7-9 08:14 |只看該作者 |倒序瀏覽 |打印

我對將軍澳區小學不太熟悉，知道有幾間大熱：將天、馮晴、黃永樹等，升英中派位亦不錯，不過據聞都是較谷的，即是多功課和程度較深（？如錯了請指正，謝謝）。

不過見標題都知我稍為怕谷的學校，小兒個性活潑，我估佢數理方面較強，喜歡睇圖書（最好我喺隔離陪佢睇⋯⋯），對科學有興趣，美術方面似乎興趣不大，你話佢唔專心咩？遇到佢鍾意的圖書又可以睇好耐，做功課都算自動自覺，但都要大人督促一下，我估太多功課和谷的學校未必適合小兒和本人。

其實區內有哪些學校（官津）除了成績以外，是比較重視學生個性發展？培養他們的興趣？我相信小學時期是一個很好的啟蒙時機，讓小朋友初步摸索一下自己喜歡什麼，想做什麼，然後再在中學逐步實踐自己的夢想。如果每天都要做數小時功課和溫習，我想什麼其他興趣都提不起勁去做了。所以我估happy school或者可能較適合。

離題一點，假如幸運，小兒能夠大學畢業，將來都可能是一半為機器人世界，或者非常倚賴人工智能的世界了。不少人都說將來可能有一半工種都被人工智能取代啦？所以我想從少培養孩子有獨立思考能力，不過知道現時小學及中學都以成績為競爭手段，以創意解難、培養獨立思考和個性發展的提及較少，我都茫無頭緒，期望各位家長指出意見和指點。還有品德方面的培育，都是我重視的。

謝謝各位諒解我說得有點東拉西扯的，不喜勿插。

Rank: 8 Rank: 8


	17847

2^#

發表於 17-7-9 10:20 |只看該作者

martharita 發表於 17-7-9 08:14
我對將軍澳區小學不太熟悉，知道有幾間大熱：將天、馮晴、黃永樹等，升英中派位亦不錯，不過據聞都是較谷的 ...

其實你小朋友都算谷得既,幾間熱門學校都達到你要求. 但現實一點講,你要知遊戲規則,除非間間你都有能力必入啦.否則你必須每間都親自去了解清楚先.作好準備. 咁多人爭學位,唔係話適合你果間你就會入到,

Rank: 2


	99

3^#

發表於 17-7-9 14:24 |只看該作者

HK-MAN 發表於 17-7-9 10:20
其實你小朋友都算谷得既,幾間熱門學校都達到你要求. 但現實一點講,你要知遊戲規則,除非間間你都有能力必入 ...

謝謝你的回覆呀：）
我都明白要了解學校有好多時都係要親身去了解，不過，我去親簡介會，佢哋呢都講到自己學校有好到冇人有咁，每次去完簡介會都令我好心動。上學校網頁睇返佢哋啲辦學宗旨，個個講嚟講去又係德智體群美啊，培育全人發展啊，其實我都睇唔到佢地嘅分別。有時去學校門口裝下佢哋放學，啲學生個個又差唔多，個個都好似好乖好純品咁，男仔咪百厭啲囉。所以呢，真係唔知道有啲咩方法可以了解學校多啲囉。

我就係諗，要培養小朋友創意呀，要了解佢哋個人興趣，再去配合發展，呢方面就好少學校有提及啦。係唔係官津學校就係冇呢啲野呢？唔通真係要報直至或者是少先至有？

或者轉過條問題啦。其實有乜嘢方法可以了解學校多一啲呢？睇網站去簡介會就一定架啦，之前爬文，見過有人提議去睇佢哋嘅視學報告，但亦唔係間間都有。同埋有一啲數據，亦唔係間間公開出嚟，同埋都係講啲唔講啲。好似好難有一個好全面嘅了解。

所以呢，選校方面真係令我好煩惱喎。都唔知點揀。

Rank: 7 Rank: 7 Rank: 7


	10937

4^#

發表於 17-7-9 15:17 |只看該作者

本帖最後由 apple~y 於 17-7-9 16:07 編輯

樓主有無宗教問題?
例如佛教係咪唔考慮
考慮完宗教問題
升中方面自己要求又是如何?
普教中,廣教中方面有無自己諗法或要求?
近唔近屋企會唔會係考慮之內?
小朋友學習能力如何?
諗完呢d問題,在選校方面會有大概方向
我想講如果小朋友適合應付到就算係一線谷學校
都可以係happy school

Rank: 7 Rank: 7 Rank: 7


	10937

5^#

發表於 17-7-9 15:25 |只看該作者

本帖最後由 apple~y 於 17-7-9 16:11 編輯

簡介會當然要去,可在答問時間問你想問題
你唔問,好多家長舉手問
睇下校長,主任點答,從中都可對學校多些了解我上年去馮晴簡介會答問時間都有家長講小朋友性格特質問是否適合入讀或問校長邊類型小朋友適合學校

Rank: 8 Rank: 8


	17847

6^#

發表於 17-7-9 18:07 |只看該作者

martharita 發表於 17-7-9 14:24
謝謝你的回覆呀：）
我都明白要了解學校有好多時都係要親身去了解，不過，我去親簡介會，佢哋呢都講到自 ...

同一間學校,兩個學生比你既意見都可能唔一樣. 只有自己用心去感受簡介.
沒有完全適合自己的,只能夠從中取捨! 問清楚自己就會決定到了!

遊戲規則話你知你只能選擇1間熱門學校..跟住既已經非你所願了..所以當前你亦要看看,怎麼的學校你是可以接受的更為重要. 這是聽簡介目的.

Rank: 5 Rank: 5


	1894

7^#

發表於 17-7-9 18:08 |只看該作者

martharita 發表於 17-7-9 14:24
謝謝你的回覆呀：）
我都明白要了解學校有好多時都係要親身去了解，不過，我去親簡介會，佢哋呢都講到自 ...

區內熱門學校中，課外活動種類較多和較受重視的，應該是黃永樹，之前聽過小一簡介會，校長都幾重視校外活動，學生經常參賽，最出名是游泳，還有自己的泳池。

次熱學校當中，田家炳亦很積極發展課外活動，會另外聘請專門教練訓練學生，有自己的冰球場（不是真冰）,不少學生用特異功能考入名津。

以上兩間學校，聽聞功課都頗多，一點也不輕鬆。

明道和宣基很早已經發展STEM，明道更會舉辦比賽，讓其他學校參加。宣基有人話谷，亦有人話唔谷，明道被認為係二線，要上位所以都係谷。

非熱門學校中，梁省德近年加強發展體育運動，也有幾個制服團隊。一年四測四考，也是上位中的學校，比較谷。

將循是區內大熱學校，著名Happy School, 唔靠死谷爛谷，對玩很重視，成績唔係最勁但也不錯，不過好多人爭，好難入。

Rank: 5 Rank: 5


	1894

8^#

發表於 17-7-9 18:22 |只看該作者

martharita 發表於 17-7-9 14:24
謝謝你的回覆呀：）
我都明白要了解學校有好多時都係要親身去了解，不過，我去親簡介會，佢哋呢都講到自 ...

好多間津小都話會拔尖補底，功課會有不同深淺程度的題目，資優同學可以做埋bonus 題目，學校亦會有功課輔導班。學校課外活動給學校自由參加，表現好的會入校隊，加強訓練。

好多間英文科用校本課程，上課時很互動，鼓勵學生多聽多講多讀多寫，有些用英語話劇訓練學生從活動中學英語。中文課很多有什麼課堂一分鐘之類，要學生在同學面前講話，訓練表達能力。

學校每年會有英語日，普通話日，科普/STEM/環保日之類，感覺上啲課程及活動數量比得上直資，仲要全部小班25-27人一班。

比不上直資的，就係英語語境，做唔到專科專教，NET 的數量通常全校2個。

Rank: 5 Rank: 5


	2029

9^#

發表於 17-7-10 08:43 |只看該作者

本帖最後由 carbeN_NG 於 17-7-10 08:46 編輯

其實香港讀書好難happy, 不竟教育制度令家長要推動孩子力爭上游. 我小朋友讀將循, 上課做功課也很Happy, 活動多表演機會多, 功課在學校已完成八九成, 評估也沒有考深. 但校內彌漫著一份爭鬥的氣氛, 你覺得進步已足夠, 但老師會說: 不單要進步, 要追求更高的分數. 所以, Happy不Happy好看家長的心態, 如何把壓力化成動力去推動小朋友, 家長的角色真是很重要.

Rank: 8 Rank: 8


	17847

10^#

發表於 17-7-10 09:23 |只看該作者

carbeN_NG 發表於 17-7-10 08:43
其實香港讀書好難happy, 不竟教育制度令家長要推動孩子力爭上游. 我小朋友讀將循, 上課做功課也很Happy, ...

根本就係冇可能HAPPY,除非學校唔競爭啦. 佢改為上午上課下午玩,課程咁多,上午真係教得晒嗎?來緊1,2若升中成績下跌,相信佢既政策私底下又會變了..

Rank: 7 Rank: 7 Rank: 7


	10937

11^#

發表於 17-7-10 09:41 |只看該作者

HK-MAN 發表於 17-7-10 09:23
根本就係冇可能HAPPY,除非學校唔競爭啦. 佢改為上午上課下午玩,課程咁多,上午真係教得晒嗎?來緊1,2若升中成 ...

明天升中派位,可看各學校派位情況

Rank: 4


	744

12^#

發表於 17-7-10 09:43 |只看該作者

carbeN_NG 發表於 17-7-10 08:43
其實香港讀書好難happy, 不竟教育制度令家長要推動孩子力爭上游. 我小朋友讀將循, 上課做功課也很Happy, ...

將循下午不上課，係咪只係唔上中英數常，會上音樂，視藝,體育果d ?

Rank: 8 Rank: 8


	17847

13^#

發表於 17-7-10 09:47 |只看該作者

apple~y 發表於 17-7-10 09:41
明天升中派位,可看各學校派位情況

未有咁快反影出黎...聽聞有3,4年班既家長不知點做好,以前谷既時候小朋友反而努力去跟..改政策後,小朋友HEA咗....

Rank: 3 Rank: 3


	313

14^#

發表於 17-7-10 10:04 |只看該作者

回覆樓主:

如 happy是否升中派位不一定一線？

我就選 happy不看派位

Rank: 8 Rank: 8


	17847

15^#

發表於 17-7-10 10:09 |只看該作者

babytt2 發表於 17-7-10 10:04
如 happy是否升中派位不一定一線？

我就選 happy不看派位

問題係唔係話係HAPPY佢就係HAPPY, 亦唔係你想HAPPY就HAPPY咁簡單..

Rank: 5 Rank: 5


	2029

16^#

發表於 17-7-10 10:57 |只看該作者

回覆 Paypaybear 的帖子

除了一星期一堂電腦課在下午外, 所有科目都是上午上課 (包括視藝, 體育及音樂), 下午是不同的活動及功課堂.

Rank: 5 Rank: 5


	1791

17^#

發表於 17-7-10 13:15 |只看該作者

回覆樓主:

樓主不妨都留意下港澳信義會，坑口果間。比熱門的明顯無咁谷，見啲學生幾開心的。

Rank: 4


	565

18^#

發表於 17-7-10 15:10 |只看該作者

本帖最後由 kinwlau 於 17-7-11 15:05 編輯

我真心覺得呢幾間係將軍澳區的 happy schools:
陳國威,劉德,西貢崇真,志蓮, 黃藻森, 陳耀星,
亦肯定如在自行或大抽獎選first choice一定入。
奈何她們都不是大部份家長的首選，原因係她們都不谷
及升中派位未及本區一線小學咁有競爭力。

Rank: 3 Rank: 3


	141

19^#

發表於 17-7-11 18:57 |只看該作者

martharita 發表於 17-7-9 14:24
謝謝你的回覆呀：）
我都明白要了解學校有好多時都係要親身去了解，不過，我去親簡介會，佢哋呢都講到自 ...

我都身同感受，準備9月聽多D簡介會再諗。

Rank: 5 Rank: 5


	1095

20^#

發表於 17-7-12 12:25 |只看該作者

martharita 發表於 17-7-9 08:14
我對將軍澳區小學不太熟悉，知道有幾間大熱：將天、馮晴、黃永樹等，升英中派位亦不錯，不過據聞都是較谷的 ...

樓主可能諗得比較理想化，國際學校、CKY或港同可能會滿足到你部分要求。如想免費，就要跟教育局課程。

‹ 上一主題|下一主題 ›

發新帖

熱門主題

最高瀏覽主題