用戶登入
用戶名稱:
密      碼:
搜索
教育王國 討論區 課外活動 要求補習老師在私人時間為學生考試先行造句53句,合理嗎 ...
發新帖
查看: 2312|回覆: 11
go

要求補習老師在私人時間為學生考試先行造句53句,合理嗎? [複製鏈接]

Rank: 1


20
1#
發表於 17-5-13 23:19 |只看該作者 |倒序瀏覽 |打印
各位家長,你們好。這是我第一次在這個論壇發帖子。
本人是一名大學三年級學生,修讀中文系,這幾年來為過不少初、高中學生補習。
當中遇過頑皮、懶惰的學生,也遇過不少挑戰,但因自己對教學很有熱誠,將來也很希望執掌教鞭,
所以覺得平時自己辛苦一些,多花時間親自為學生準備練習也是值得的。
但是今天我卻遇到了一件讓我無言的事,也讓我不禁質疑某些家長對教育的看法是否真的合理、正確。

事情是這樣的:
今天如常為一名就讀傳統名校的中一學生補習後(當時已超時15分鐘),
他的母親給了我一張印了考試範圍的紙,當中包括考試需要溫習的重點詞語。
他的中文考試包括詞語造句的部分,會在重點詞語中隨機抽取一些,要求學生造句。
重點是,他母親要求我幫他兒子造句。
她的原話是這樣的:「想請問你可唔可以幫佢造定句?係呢幾行架姐,
最好簡單d易記d既,要15字以上。你做完email俾我啦!」
當時因為須趕至另一學生家中,所以未有看清,急急忙忙答應後便趕著離開了。

結果,我回到家中後仔細察看,數了一數,整整有53句。
當下我真的有點茫然。

記得上學期這位學生考試之前,他的母親也同樣要我幫忙。
不過那時是他(不知是學生還是母親作的)先寫好,然後讓我過目一次,不通順的再幫他修改。
我個人是非常樂意的,畢竟當中某些詞語的確不常見又難理解,
如果能幫助他學好中文,我沒有理由拒絕。

只是這一次,我真的覺得太不合理了。
明明考試考的是學生理解詞語、造句的能力,為什麼需要補習老師先行為他作好,再讓他背誦?
如果53個詞語中,有少部分真的完成不來,那也是可以接受的,至少學生本身有付出過努力。
但是作為母親,竟然不顧子女是否真的明白課本所教,讓他盲目背誦,
還把溫習、造句的責任全推在補習老師身上,
這樣的教育真的有意義嗎?這樣的學習態度真的可取嗎?

我越想越灰心,也不禁懷疑自己對教育、學習的看法是不是太「理想化」了。
畢竟最終有不少人學習都只是為了「求分數」啊!
但是,我覺得再怎樣功利,再怎樣「求分數」,也不應該違背學習的本意吧?
而且這位學生只是中一生,若然根基不牢固,將來面對高中課程時定必更為吃力。

故此,我希望在此問問各位家長,你們真的認為這種要求合理嗎?
如果你是我,你會怎樣做?
   1    0    0    0

Rank: 6Rank: 6


6140
2#
發表於 17-5-14 01:11 |只看該作者
回覆 cwykwan 的帖子

當然唔合理。我都試過唔係補習時間 whatsapp 幾條問題俾中文補習老師,我話係下一堂扣半個鐘。
你試吓照同家長講話你之前未睇清楚張紙,要做53個造句要花唔少時間,所以會收返一個定額價錢,睇吓佢有乜嘢反應。

Rank: 3Rank: 3


349
3#
發表於 17-5-14 05:36 |只看該作者
本帖最後由 Grandmamama 於 17-5-15 21:37 編輯

可能每一位導師嘅性格唔同呢。
我之前仔仔要考APA(鋼琴系), 其中一個部分,要做一個樂理模擬考試( 一共有八頁紙)
嗰陣時,仔仔都覺得啲題目好深,唔識做。我好記得嗰一日我打電話畀鋼琴老師,
問佢得唔得閒, 佢話佢行緊山, 但都叫我將模擬試題whatsapp畀佢。
結果,當晚嘅兩點幾, 老師將8頁嘅模擬試題全部做曬send黎, 而且仲會喺旁邊mark低注意事項同埋分析步驟。
我都覺得麻煩到老師唔好意思,我話畀返一堂錢佢, 但係佢都話唔使。
結果仔仔讀熟啲分析同埋參考,已好順利咁考入APA。我都要感激遇到啲位老師。可能在於你嘅立場係啱嘅,又或者可能我啲位老師太熱血啦。 仲連續攞三年傑出導師獎。




Rank: 5Rank: 5


3136
4#
發表於 17-5-14 08:02 |只看該作者

回覆樓主:

1) 從學習来說, 老師比d 詞語比學生, 係學生责任去造句, 而不是將此工作交比補習老師, 咁做如同比錢買功課。

2) 補習老師幇學生作定句子, 學生背好d句子然後用在考試, 有 “出貓” 成份。對其他冇外援幇的學生唔公平!

Rank: 5Rank: 5


3136
5#
發表於 17-5-14 08:19 |只看該作者
本帖最後由 birdbird 於 17-5-14 08:20 編輯
Grandmamama 發表於 17-5-14 05:36
可能每一位導師嘅性格唔同呢。
我之前仔仔要考APA(鋼琴系), 其中一個部分,要做一個樂理模擬考試( 一共有 ...

你呢個例子個性質唔同.

你仔係考 APA 鋼琴,

你仔本身有個鋼琴老師,
你搵番個鋼琴老師去解決番個學生應付外出的考試題目,
如同學校老師幫個學生去應付公開試一樣.

現在樓主個 case 係一個外援幫個學生去答校內老師出的考試題目.

Rank: 9Rank: 9Rank: 9


23029
6#
發表於 17-5-14 21:20 |只看該作者
我都做補習老師,但係有 limit。

我責任係教,唔係塞野比學生背誦。長遠,我辛苦做句,個學生都辛苦背。萬一 touch wood 補習老師臨考試前收山唔教,咁咪大鑊?

我教英文都冇造句,如果要造,我會畀一兩個例子學生睇,佢地明白之後先畀詞語/片語佢。Tip 題 ok,補多幾劑 ok,寫範文我都 ok,但係外援唔 ok,請願唔補佢,廢時到時候個阿媽要求更多,例如做作文等個學生第二日作文唔需要諗等等(有 d 學校作文唔同班有唔同日子作同一篇文)。

Rank: 14Rank: 14Rank: 14Rank: 14

醒目開學勳章 王國長老


59254
7#
發表於 17-5-14 21:31 |只看該作者
工作時間外準備資料,一次半次當唔計較,太老奉當然唔得啦
我仔補習,有時功課唔多會做補充,老師會話要買,我都話你俾名我啦我去買。無理由要老師在額外時間做額外工作。
直接同佢講大概需要幾多時間準備,要收返費用囉。

Rank: 5Rank: 5


3186
8#
發表於 17-5-15 11:57 |只看該作者

回覆樓主:

你答佢 , 下次你和個学生上堂時一起作果50+句, 個学生有份參與才可轉化成自己的知識.

Rank: 11Rank: 11Rank: 11Rank: 11


48936
9#
發表於 17-5-15 17:32 |只看該作者
家長唔應該用老師私人時間準備,比番一個鐘錢比老師,會合理d。

或者係上堂時,老師教小朋友一齊作都得。

Rank: 5Rank: 5


2090
10#
發表於 17-5-15 18:28 |只看該作者

回覆:要求補習老師在私人時間為學生考試先行造句53句,合理嗎?

四句五句都可以接受,但53 句,個阿媽都好意思叫人作。

我不接受,其實如果要作,一齊同學生查詞典,當一堂額外。

不如樓主,你或者可以幫佢寫三兩句,然後藉口話要一齊查字典,先可以解釋得好。加一堂,如果阿媽識做,會俾返$你。



Rank: 3Rank: 3


323
11#
發表於 17-5-16 22:08 |只看該作者
同呀媽講,上多堂,同佢個仔一齊諗掂啲句子。

Rank: 1


25
12#
發表於 17-6-29 19:21 |只看該作者
當年呢
有次教學生作文
拖左好耐
我都講明唔多收錢,一定要做完
個呀媽就叫我直接寫俾學生抄算啦,個仔唔會明架啦
‹ 上一主題|下一主題
返回列表
發新帖