用戶登入
用戶名稱：
密      碼：
登記帳號忘記密碼

討論區

教育王國
教育講場
使用意見
幼兒教育
幼校討論
幼教雜談
小學教育
小一選校
小學雜談
中學教育
升中派位
中學交流
初中教育
專上教育
備戰大學
選科選校
國際教育
國際學校
海外留學
知識增值
課外活動
教材閱讀
公開考試
深造進修
特殊教育
特殊教育
資優教育
自閉寶寶
智能評估
徵求專區
二手市場
誠徵老師
組班專區
徵保母車

   聯絡管理員
搜索
教育王國 › 討論區 › 海外留學 › AFS國際文化交流-交流生
查看: 22282|回覆: 56
 go

AFS國際文化交流-交流生 [複製鏈接]

bero

Rank: 5Rank: 5


2181
1#
發表於 15-7-10 22:37 |只看該作者 |倒序瀏覽 |打印
請問有無家長聽過或俾仔女參加此組織, 一年際交流生, 俾D意見, 唔該!

http://cn.afs.hk/about-afs/about-hong-kong/
   16    0    0    0

返回頂部

Radiomama

Rank: 10Rank: 10Rank: 10


27471
2#
發表於 15-7-11 10:20 |只看該作者

回覆：bero 的帖子

歷史悠久，我讀書年代已有同學參加。



返回頂部

bero

Rank: 5Rank: 5


2181
3#
發表於 15-7-11 22:09 |只看該作者
Radiomama 發表於 15-7-11 10:20
歷史悠久，我讀書年代已有同學參加。

謝謝回覆, 因我女學校今年跟AFS聯繫咗, 我很想女兒能夠出外見識吓, 但身邊無咩人聽過此團體.

返回頂部

bplus

Rank: 5Rank: 5

醒目開學勳章


1186
4#
發表於 15-7-14 11:22 |只看該作者
回覆 bero 的帖子

如果仔女性格外向, 獨立, 係一次唔錯經驗, 不過係付上一年可以話係停學的代價, 所以玩完一年後點打算? 要考慮及準備, 當年有同學返哩香港去考 asso, 比人恥笑係讀書唔成走去玩 exchange, 其實 AFS 揀人唔係睇成績, 係考慮學生性格, 獨立能力, 一年 exchange 的確係學到書本以外的人生經驗, 不過, 並不是個個學生都係成功個案, 聽聞間唔中都有人要 early return

返回頂部

bero

Rank: 5Rank: 5


2181
5#
發表於 15-7-14 11:58 |只看該作者
本帖最後由 bero 於 15-7-14 12:29 編輯
bplus 發表於 15-7-14 11:22
回覆 bero 的帖子

如果仔女性格外向, 獨立, 係一次唔錯經驗, 不過係付上一年可以話係停學的代價, 所以玩完 ...

謝謝回覆.


唔好意思, 想問多少少問題: 以你所知AFS的支援OK嗎? 因我聽講座時, 話在當地有義工支援學生各方面, 例如生活上, 學校及同寄宿家庭相處問題等.

我女就係比較慢熱同不主動, 獨立能力同成績都係一般, 又未至於港孩, 係屋企都會做吓家務識煮飯煮麵咁. (中三升中四)
因為我有親人在當地, 我想如果我女喜歡, 而又能適應倒果邊校園生活, 同人溝通得倒古, 想俾佢繼續讀上去.



返回頂部

bplus

Rank: 5Rank: 5

醒目開學勳章


1186
6#
發表於 15-7-14 13:25 |只看該作者
bero 發表於 15-7-14 11:58
謝謝回覆.
支援是否ok 係睇 appoint 比你個 AFS 義工有幾投入, 不過做得義工, 佢地都係ex-AFS 學生 or host family, 應該幫到手, 好難一刀切好或者唔好! 如果遇上好唔負責任 host family, 可以通過義工要求換
唔知你講當地係那個國家, 不過好似係住 host family 期間, 唔准家人哩探, 而且 host family 通常唔係大城市

F3-F4 話細唔細, 大唔大, HKCEE 年代都係讀完 F5 先去exchange, 我覺得比較適合, 如果計劃留係當地升學, 個 exchange visa 應該 cover 唔到, 返哩香港再簽過?

其實個計劃最得著係人際關係, 如果主動, 投入, 一定識到好朋友, exchange 之後同 host family 仍然有聯絡大有人在, 有 d 仲哩香港見面

返回頂部

bero

Rank: 5Rank: 5


2181
7#
發表於 15-7-14 13:51 |只看該作者
bplus 發表於 15-7-14 13:25
支援是否ok 係睇 appoint 比你個 AFS 義工有幾投入, 不過做得義工, 佢地都係ex-AFS 學生 or host family,  ...
聽你分析完我又明白多了, 謝謝.


其實我都仲心大心細報唔報, 佢7/15-2/16接受報名, 係去就9/16開始, 到時我女應該升中五, 不過最緊要睇佢對學習上面有無改善, 佢而家就係D懶懶閒, HEA住返學嘅人!

返回頂部

vet

Rank: 5Rank: 5


1048
8#
發表於 15-7-14 23:27 |只看該作者

回覆：bero 的帖子

我二十年前去美國交換一年，AFS, 個人認為好值，尤其打算繼續留美升大學，呢個program係塊平靚正的踏腳石，去完一年英文一定流利好多，美國的public 中学唔收留学生，只有交换生，呢一年差不多冇機會講中文，當然亦係好好的磨練。如果要返來考D S E就可能分左心



返回頂部

vet

Rank: 5Rank: 5


1048
9#
發表於 15-7-14 23:39 |只看該作者

引用：+本帖最後由+bero+於+15-7-14+12:29+編輯+\

原帖由 bero 於 15-07-14 發表
本帖最後由 bero 於 15-7-14 12:29 編輯
20年前AFS 在美的支援非常好，host family唔係為賺錢，係為文化交流和體驗，我轉過一次host family
唔同area的交换生有定期活动聚會，約一年3～4次，有一次要坐domestic flight去另一State, 你個女內向可能難D適應。

呢一年唔可以返HK，父母唔會探，冇同聲同氣的同學，住和返學的地方在遍遠地區，和一般去英美留學的學生唔同的。



返回頂部

bero

Rank: 5Rank: 5


2181
10#
發表於 15-7-15 11:02 |只看該作者
vet 發表於 15-7-14 23:27
我二十年前去美國交換一年，AFS, 個人認為好值，尤其打算繼續留美升大學，呢個program係塊平靚正的踏腳石， ...
VET: 唔該晒, 你解釋得很詳盡.

睇完你回覆, 我又對AFS的信心大D了, 因為自己無出外留學經驗, 真係咩都一知半解, 唔想貿貿然同亞女報咗, 又無咩得著返來. 我想問吓你提及美國PUBLIC中學不收留學生是什麼意思? 即只有私校中學才收對嗎?

我有親人在美國, 佢地都有問過我會否安排亞女過去讀書, 因為而家AFS同我女學校聯繫咗, 係可以留返學位一年後可繼續升讀, 我就係怕我女如果一開始就過去讀(不是交流生)而又不適應再返港搵中學就好煩了.


返回頂部

vet

Rank: 5Rank: 5


1048
11#
發表於 15-7-16 02:02 |只看該作者

回覆：bero 的帖子

交換生入讀的學校唔會有普通外國留學生。



返回頂部

vet

Rank: 5Rank: 5


1048
12#
發表於 15-7-16 02:05 |只看該作者

回覆：bero 的帖子

你女去讀year12, 考SAT入美大學？SAT唔易考，最好用2年時間準備，她去讀一年，未必能取得好成绩入好的大學。



返回頂部

bero

Rank: 5Rank: 5


2181
13#
發表於 15-7-16 09:48 |只看該作者
vet 發表於 15-7-16 02:05
你女去讀year12, 考SAT入美大學？SAT唔易考，最好用2年時間準備，她去讀一年，未必能取得好成绩入好的大學 ...
我女如果係去, 就係在港讀埋中四去, 我估以佢英文程度, 去到可能只係讀YR9/YR10(即HK的中三/中四)吧.


其實我都唔知點安排好, SAT係香港考? 還是在當地考呢?

返回頂部

vet

Rank: 5Rank: 5


1048
14#
發表於 15-7-16 11:38 |只看該作者

引用：Quote:vet+發表於+15-7-16+02:05+你女去讀y

原帖由 bero 於 15-07-16 發表
我女如果係去, 就係在港讀埋中四去, 我估以佢英文程度, 去到可能只係讀YR9/YR10(即HK的中三/中四)吧.
讀那級係由AFS安排，唔係自己決定，讀書不是AFS program主要目的。如去讀year12, 通常喺美考SAT. 如你女打算喺HK考DSE就唔洗考SAT了。



返回頂部

vet

Rank: 5Rank: 5


1048
15#
發表於 15-7-16 11:41 |只看該作者

回覆：bero 的帖子

見到你話囡囡慢熱唔主動，請考慮吓她的性格適唔適合做交換生。



返回頂部

bero

Rank: 5Rank: 5


2181
16#
發表於 15-7-16 15:01 |只看該作者
vet 發表於 15-7-16 11:41
見到你話囡囡慢熱唔主動，請考慮吓她的性格適唔適合做交換生。
係, 我都煩緊報唔報好?! 但睇我女又好想出外試吓, 見識吓.

佢個性格, 不是活躍份子, 係學校都好少參與活動, 主要係懶, 唔係OUTGOING嘅人.

返回頂部

vet

Rank: 5Rank: 5


1048
17#
發表於 15-7-16 20:40 |只看該作者

回覆：bero 的帖子

如果她想出外見識可以apply, interview都會access她適合否。

如果她不夠主動開朗，喺學校可能會較難交朋友，會孤單要頗長時間去適應。



返回頂部

bero

Rank: 5Rank: 5


2181
18#
發表於 15-7-17 09:17 |只看該作者
本帖最後由 bero 於 15-7-17 09:17 編輯
vet 發表於 15-7-16 20:40
如果她想出外見識可以apply, interview都會access她適合否。

如果她不夠主動開朗，喺學校可能會較難交朋友 ...

多謝晒你的寶貴意見, 會同亞女講你的提議, 報不報睇佢自己決定, 當然報咗都未必一定收, 我會同佢講埋等佢有心理準備!

返回頂部

csy_ma

Rank: 7Rank: 7Rank: 7


13222
19#
發表於 16-1-23 04:19 |只看該作者
本帖最後由 csy_ma 於 16-1-23 04:38 編輯
bero 發表於 15-7-16 09:48
我女如果係去, 就係在港讀埋中四去, 我估以佢英文程度, 去到可能只係讀YR9/YR10(即HK的中三/中四)吧.

唔好意思！最近好少上EK，好遲至發現呢個POST
我囡去年參加咗AFS交流，去咗意大利。佢係S3升S4時去，因為香港一般既中學，S4-S6既一條龍教育，都係為DSE考試而設。

據知，去到當地入讀乜學校同乜班，都係當地AFS安排既。以我囡去年為例，有成20人到意大利交流，分布在全國南北意。北意係商業同文化中心，南部則多半陽光海灘，更有度假感覺？

當我囡去年年頭成功通過面試後，就要立即着手下一步，由佢自己、家長、學校以及最多三位長輩撰寫推薦/介紹信，學校仲要有按AFS的表格填寫既成績證明（統一格式，所以不用看成績表）。佢究竟搵到邊區乜學校，主要看當地AFS如何推銷佢既資料（其實不過係根據佢遞交既資料配對）。正如香港既AFS一樣，當地基本上都有一批已合作開既學校，成績好或不好的學校皆有，一般係大校先接受交流生，但也不一定。學制不嚴既偏遠地區，也一樣會接收交流生。

通常，學生有學校揀中，先至會替佢搵寄住家庭。寄住家庭好唔好，都幾講運，亦都睇去交流既學生有乜互動。意大利的AFS搞得不錯，所以好多人參加佢個交流計劃。通常，意大利家庭都係住屋仔既，地方大，假如佢屋企有子女參加過外地交流既話，就會較願意做接待家庭。我囡既接待家庭就係咁：

佢地先接待咗一位土耳其女孩寄住一年
然後家姐去咗瑞典半年
跟住又接待我個囡至今年暑假。

因為寄住家庭有經驗，因此阿囡寄住既日子非常愉快。香港孩子較直腸直肚既外國孩子「識做」，相處應該唔係太大問題。去之前我在網上搜集資料時，見過有大陸學生真係會被強行遣返，但香港學生未試過。我囡話，佢屋企果對姊弟，一如佢自己響香港屋企咁，都冇乜幫手做家務，但佢就會每晚幫手執枱，放入廚房洗碗機，所以佢媽咪都幾錫佢。佢阿爸仲錫，阿囡曾經講過，有次佢阿爸因工作時下屬唔聽話，回家時有情緒，聽到阿囡講句唔鹹唔淡既意大利文，就笑返晒。

AFS呢個交流計劃，重點不在學業，而在擴闊視野，促進文化交流。我囡在意大利，因為只上半日學，所學科目又可以自己揀，用意大利文上既學科老師，對佢既要求一般不高，而當地既英文程度普遍較香港差，所以學業對我囡沒有造成很大困擾，可謂十分「他條」。

（其實，這要看學生既自我要求。例如，香港中學既數學程度普遍較歐美高，但係，教既方法唔同。香港係填鴨式，教得好快，但不問情由，只要記。在意大利，一條公式會用唔同既角度反覆去教，主要教你點樣去思考，而唔係點樣盡快利用公式去答對答案。我囡話，意大利教既公式雖然已學過，但因唔同教法，加上用意大利文學，都係幾吃力既。不過，數學老師畀佢既分數就十分慷慨。而物理，意大利學既係角度計算，類似香港既幾何，對佢黎講都有方法跟到；但好似化學咁，佢就完全聽唔明，係放棄狀態，所以下學期會換科。
在意大利，中學分四種，一種係類似香港既理科，另一種係較注重藝術，尤其視藝（作為設計大國，佢地小學同初中係人人都要學素描既），其餘兩種，都係著重語言，一種係修現代通行既歐洲語言，英文係必修，另外揀法、德、西之類），另一種，除現代通行語言外，還要學古拉丁文，據聞都幾難。我囡讀果間係大校，包含除視藝外其他三項選科。不過交流生，除非你有其他外語基礎，否則都係修理科較易上手？）

要再強調一次，學業，唔係出去交流既重點。在九月至十二月，AFS規定佢必須一個星期有兩日要去附近既大城市，同其他來自各地既交流學生學基礎意大利文（AFS付學費和交通費，因為係買月票，佢去其他附近既城市玩亦變相不用付交通費），除此之外，佢仲學返在香港考完二級就冇繼續學落去既鋼琴（自費，請意大利媽媽代找老師），仲打算付月費去跟媽咪做gym，同考慮學跳舞（佢在港有學開）或畫畫（佢打算S4修視藝）。

除咗英文同意大利文，在香港佢成日唔合格既普通話亦流利咗好多，又學會少少日文同泰文。因為個意大利基礎班有來自山西、日本、泰國、巴西、葡萄牙等地既學生，因一個星期會見兩次，課後亦會相約繼續遊玩，反而係最熟（平日在學校，沒有午飯時間，放學同學就急急腳走，加上當地學生英文水平不高，不易建立友誼）。

響意大利，AFS既區會分得好細，佢果區就得果七個人，加埋鄰近區都係十幾個（佢係威尼斯附近，不過聽講米蘭就多好多人），所以每人都要在分享會中講野，亦都要響另一個show到介紹自己既文化……總之，有好多必須要出黎講野既機會，亦都要響地區聚合既三日兩夜宿營中同唔同國家既交流生溝通（類似既宿營至現時有兩次，一次剛到，在羅馬集中，另一次在山上）。我囡本身在香港都有好多出黎講野既機會，不過，假如係代表學校講野既，老師會叫佢寫咗講稿，同埋會同佢地練習好多次；響意大利，就任佢自己發揮。佢最初三個月唔夠就要參加分享會（幫當地AFS做宣傳，每個交流生都要出黎講，對象係當地人），意大利文不靈光，特別請佢媽咪幫佢翻譯咗篇英文講稿，佢標音照讀，自己都可能唔係好清楚講咗D乜，不過反應就好好。

響香港，因為太填鴨、太忙，中學生往往冇太多空間想自己係一個乜人，或者，想自己將來成為乜人。就算有時間（我囡鍾意響學校做功課，一放學就返屋企，又好少溫書，閒暇相對較多），亦都冇機會同渠道探索。在一個新地方，當你碰上陌生既事情時怎反應，會對乜特別感興趣，零用錢冇皇管後通常會花係邊……等，通通有助青少年了解同面對自己。當然，處於青春期，一個人在外，亦好大可能有拍拖機會？不過，因AFS規矩都幾嚴，且交流生圈子通常都集體活動，「出事」機會應唔高。既然咁空閒，來個異地初戀，然後無疾而終，都係一生中美好既回憶？

點評

MC1128  good share!  發表於 16-1-24 15:42

返回頂部

csy_ma

Rank: 7Rank: 7Rank: 7


13222
20#
發表於 16-1-23 04:42 |只看該作者
仲有一點想講既係：香港既李寶椿聯合國際書院，好鍾意收去過AFS交流既學生。如果讀完中四至出去，交流既同時不妨考李寶椿既兩年制IB課程？
李既IB成績向來不錯，好多名校既學生到升中五會投考過檔，升大既往績都唔錯？

返回頂部

‹ 上一主題|下一主題 ›
123下一頁
返回列表
發新帖