學習假期補課

cpy0112

係咁樣嘅，阿仔下週開始放 ” 學習假期 ” , 但期間，學生必須出席學校安排的補課，一星期五日都要返，有時上午，有時下午，每次最少3個鐘，話計落出席率，若返唔夠，會唔比畢業証書，學校有權咁樣做？有冇人仔女學校有咁嘅安排？想攞啲意見，再决定點做

1998Ruby1998

我地學校講到明如果有人畢業典禮染深啡色頭髮、捲髮、裙長度不及膝等等，一定唔畀上台同攞 Portfolio 。我同學因為天生啡捲髮，平日因為校規所以要染黑燙直，DSE 後唔記得染黑燙直，所以畢業禮畀老師截胡唔畀上台攞證書，搞到我地好唔妥成級人同老師抗議，最後好彩老師肯低頭。

我地冇畢業證書，六年成績 summary 表就係我地畢業證書，連「畢業」呢隻字都冇，唔講我阿爸阿媽都唔知原來我學校咁慳，佢地唔信，打電話去學校先知。

所以既然我學校咁雞毛蒜皮的事情都要咁，咁唔返補課攞唔到畢業證書睇來都好正常。

我就唔知學校有冇權咁做，不過我覺得既然係假期，如果你冇寫通告話一定要返，學生就可以唔返。

話說我學校所有人有得返去補課一定去。我試過補星期一至六，9 －3，中間 1小時放飯。

TwinWong

cpy0112 發表於 17-2-28 22:30
係咁樣嘅，阿仔下週開始放 ” 學習假期 ” , 但期間，學生必須出席學校安排的補課，一星期五日都要返，有時 ...

我大女初時都覺得掂解要返 後來講返轉頭
好感恩老師日日車一大喼自製notes 返學
同佢地温習 唔係向學校補 可能佢自己未必
咁專心温習 又或者要出外邊補

sheepmydear

回覆 TwinWong 的帖子

好有心的學校

fion6406

sheepmydear 發表於 17-3-2 10:05
回覆 TwinWong 的帖子

好有心的學校

有心定好心做壞事，真係兩睇。每個學生強弱項、強弱科都唔同，學習步伐又唔一致，朝早定夜晚溫書入腦D 個個唔同，聽住歌溫，食住零食溫、瞓係度溫、幾時需要整個power nap ，個個都唔同。Study leave 本意就係自己安排適合自己嘅溫書方式，不是嗎？

TwinWong

fion6406 發表於 17-3-2 10:46
有心定好心做壞事，真係兩睇。每個學生強弱項、強弱科都唔同，學習步伐又唔一致，朝早定夜晚溫書入腦D 個 ...

有心又好 好心做壞事又好 最紧要有成效就係好

Yanamami

成曰係屋企未必真係讀……讀亦未必十个鈡不停讀，番去轉下环境亦唔錯嘅……有網友話呢排街上多左年青人，即係話有人放Study leave都唔係溫書啦。

ivantissue

仔學校今個星期已開始咗study leave，學校有安排post mock exam practice sessions for學生，但optional，仔選擇留家跟自己schedule溫習。

roybird

無疑老師好有心，但老實講如果仲有一個月就考，都要有人迫住先溫到，好似唔係長遠有效既方法喎，上到大學或出到社會你唔做就唔做啦，唔會再有人任何督促 :(