有自閉症特徵，但社交好⋯ - 自閉寶寶 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 自閉寶寶 › 有自閉症特徵，但社交好⋯

發新帖

查看: 4581\|回覆: 15	go 有自閉症特徵，但社交好⋯ [複製鏈接]

Rank: 3 Rank: 3


	135

1^#

發表於 16-5-17 11:21 |只看該作者 |倒序瀏覽 |打印

請問，自閉係唔係一定社交差？我個仔21個月大，社交好好，成日撩人玩，識睇人眉頭眼額，鐘意人地讚。佢咩都未識講，但明我地講咩，唔鍾情玩具，只鍾情睇影，佢會成玩手指去造D影出黎自娛…鍾睇書，不論圖畫書丶地圖丶文字都可以睇得好專心丶鍾意睇水嘅流動等哩啲無形嘅嘢。
同治療師傾過，佢話哩D係自閉特徵，叫我地唔比佢咁做。而家排緊評估。
想問大家有沒有相同情況？擔心中⋯

Rank: 5 Rank: 5


	3338

2^#

發表於 16-5-17 14:27 |只看該作者

回覆 Tsubi 的帖子

只是21個月大咁快就話有自閉特徵, 就咁睇你所講, 最多小朋友未識講野呀, 但他聽得懂, 應該問題不大, 不要咁快就label 小朋友啦.

Rank: 3 Rank: 3


	397

3^#

發表於 16-5-17 15:49 |只看該作者

回覆：Tsubi 的帖子

我個仔都是21個月大，仍未識講嘢，也喜歡睇書，都喜歡同我地玩，會和我地一齊玩捉迷藏，但佢發脾氣會撞頭，有時會自轉(但幾日才一次)，仍排緊CAC, 佢聽得明我地講嘢，做到指令，我都擔心自閉，所以都排咗言語治療及今個星期六上自閉playgroup

Rank: 3 Rank: 3


	135

4^#

發表於 16-5-17 17:23 |只看該作者

回覆：mo515 的帖子

我都想知，好多人話有眼神接觸，肯同人交流就唔怕，但又話佢有自閉特徵⋯所以好迷惘⋯

Rank: 3 Rank: 3


	122

5^#

發表於 16-5-17 18:35 |只看該作者

回覆：Tsubi 的帖子

依呢個情況，就算自閉都係比較輕微的。不過隨年紀增長，小朋友之間的差距會越來越明顯，看定d先啦，別太焦慮。

Rank: 3 Rank: 3


	345

6^#

發表於 16-5-17 22:57 |只看該作者

回覆：Tsubi 的帖子

擔心嘅去揾評估中心，早知早安心!

Rank: 2


	36

7^#

發表於 16-5-17 23:37 |只看該作者

回覆：有自閉症特徵，但社交好⋯

我囡囡21個月先識講野，宜家係屋企好似開籠雀咁，又唱歌又跳舞，但唯獨佢岀街同陌生人只會做動作，除非要warm-up一陣先會講野

我都好擔心

Rank: 3 Rank: 3


	397

8^#

發表於 16-5-20 15:56 |只看該作者

引用：請問，自閉係唔係一定社交差？我個仔21個月

原帖由 Tsubi 於 16-05-17 發表
請問，自閉係唔係一定社交差？我個仔21個月大，社交好好，成日撩人玩，識睇人眉頭眼額，鐘意人地讚。佢咩都 ...

請問你小朋友去排邊度做評估?我排緊CAC, 因唔識講嘢

Rank: 5 Rank: 5


	1095

9^#

發表於 16-5-21 16:39 |只看該作者

回覆 Tsubi 的帖子

唔好咁擔心，小朋友發展有快有慢，21個月仲好細，好多嘢都係發展中，男仔又會比較慢，我個仔宜家差不多3歲半，3歲前—粒字都唔講，又坐唔定，返學又唔合作，學校有暗示佢有机會自閉，但身為媽媽，我嘅直覺話我知佢唔係，但語言方面真係差，同時亦覺得佢學校冇support ，於是下學期就停左學，然後每星期返2日密集，4個月後嘅今日，佢已經識講句子，社交亦好左好多，我俾佢入早期中心前係冇做過自閉評估，只做了語言評估，我唔敢話密集訓練冇用，但我非常相信之前timing 未到，所以個仔D語言同社交都差，時机到再加訓練，順水推舟，效果自然好。我身為過來人寄語做父母唔好太神經質，如果小朋友對指令有反應又冇—D怪異嘅行為，通常都唔會有大問題，仲有係宜家嘅學校好多時都唔會花時間去引導發展比較慢嘅小朋友去學習，淨係識同家長投訴話小朋友有問題！！

Rank: 4


	958

10^#

發表於 16-5-24 10:43 |只看該作者

bettylovingbb 發表於 16-5-21 16:39
回覆 Tsubi 的帖子

唔好咁擔心，小朋友發展有快有慢，21個月仲好細，好多嘢都係發展中，男仔又會比較慢， ...

哇！好有同感！我仔向嬰園比老師暗示左好多次去做評估, 話唔係專注力差咁簡單。後期做左協康評估, 心理學家話仔係整體遲緩加懷疑自閉傾向。

之前仔1歲左右返Playgroup. 好唔合作, 停左一排到妹妹出左世再返, 我同playgroup果到既註冊社工傾過仔既問題, 然後以佢觀察同理解。覺得仔既問題唔算大。仔再上返playgroup課堂時, 佢既表現好過之前好好多！肯聽指令, 投入去玩，亦無表現唔合作。

果到既註冊社工講過, 其實好睇評估果日小朋友既狀態, 評估人既角度(每個人觀感唔同), 評估既標準。所以仔向協康可能係懷疑自閉(我唔否認我仔有遲緩, 因為佢語言堅差, 理解力差(我覺佢無耐性去解決問題)), 但可能向cac可能評佢輕度或者無事都唔出奇。
對於指令方面, 我同你一樣非常相信係之前timing未到。到佢現在大d, 佢肯聽指令, 而現在我指住相中同學問仔, 仔原來認識同學叫咩名, 有留意身邊同組既同學。其實, 或者仔既冷淡反應或者係佢性格內儉、慢熱而未必係對身邊事物全無興趣。

協康心理學家建議仔排e位, 排到我會照比佢讀。畢竟, 我唔係天生就懂得做人父母, 生左佢出黎我教唔到佢我其實都氣餒的。但日子都係要過, 對佢有益的我都會去做/比佢去做！

Rank: 3 Rank: 3


	110

11^#

發表於 16-5-29 11:53 |只看該作者

回覆：Tsubi 的帖子

你小朋友情況有少少自閉症特徵，但至於是否自閉症又言之尚早。佢只是21個月，社交好唔好都好難講，自閉唔一定係無眼神交流唔撩人講野!有d自閉係不停撩人講野眼神交流都好好,只係講野只講自己有興趣話題。
與其執著佢係咪自閉症，不如看看佢有什麼弱項,再多作家居訓練！
如果說話方面真的困難，可先找私人ST作評估，另一方面去健康院寫信轉介去CAC評估。

Rank: 5 Rank: 5


	1243

12^#

發表於 16-5-29 14:03 |只看該作者

21個月仲係比較細，雖然有自閉特徵，但咁細係可以多D訓練改善。我仔21個月時自閉特徵更嚴重, 鍾意玩車, 鍾意睇書, 可以專心睇書, 睇文字, 加上情緒差, 社交差(去到PLAYROOM 都係自己玩)不過當時見佢同父母同工人等熟人有交流,有眼神接觸, 所以雖覺得有一點, 但又不至於要評估。上在N之後, 老師評佢情緒也差, 不過社交到學期尾好在, 指令大致也跟到。個D自閉特徵仍然存在, 愛排車, 愛玩車, 愛車牌號碼,架車行過都會係咁講車牌號碼。一直都發現佢有與別人不同, 自己比較肯定係佢有感統問題, 所以自閉個部份無理(可能都唔想面對)。到K老師評語也差, 叫我去做下評估, 自己的起心幹去做感統評估及TRAINING, 之後感統導師有懷疑佢有亞氏, 雖然我自己覺得應不至於, 但也於協康做左評估, CP話佢唔係, 見佢玩車係有內容, 同人有對答, 有交流。佢情感差D對人理解差D, 睇人眉頭眼額都差D, 不過CP話可以透過日常生活同父母教育去改善。
我仔而家差不多五歲, 社交由最初好差變為幾好, 上學表現漸漸變為穩定，情緒都進步, 係大肌肉差D。
當然我呢幾年都好努力幫佢, 不斷同佢傾偈, 同佢睇不同類別的書，睇多D故事, 生活上教佢同理心, 關心人等。社交方面, 真係日日帶佢去樓下同人玩, 平日多D同同齡朋友聚會, 比佢多D接觸其他人。雖然辛苦D, 但係的確有好大進步。
你也不用太擔心, 努力呀!

Rank: 3 Rank: 3


	135

13^#

發表於 16-6-10 11:02 |只看該作者

回覆：tenko 的帖子

好多謝大家嘅回覆及建議。
阿仔做左評估喇，但當日佢表現好差

平肯做的當日完全唔做，真係冇計，醫生話佢言語丶小肌肉及智力below 1歲⋯雖然有眼神接觸但其他行為有自閉徵狀…醫生話而家確定到係唔係因為仲细，半年後再返去。雖然有哂心理準備，但當時我真係好傷心⋯但我要收拾心情，我話比自己知，唔理佢係唔係自閉都好，應該因應小朋友嘅問題而作出支援！條路仲好長，可能有好多問題要面對，我同老公都有左共識，大家一齊為小朋友而努力！
而家排緊S位，政府都已經開始左OT同PT，新加排ST，另外一直做緊私人OT，其實我見到阿仔係有進步的，當然比起其他小朋友仲係慢一大節⋯但當見到作小進步已經好開心，好鼓舞！

Rank: 3 Rank: 3


	212

14^#

發表於 16-6-16 08:24 |只看該作者

回覆：bettylovingbb 的帖子

你好呀，想請教邊到有密集上？謝謝妳

Rank: 3 Rank: 3


	259

15^#

發表於 16-6-17 16:34 |只看該作者

引用：我個仔都是21個月大，仍未識講嘢，也喜歡睇

原帖由 mo515 於 16-05-17 發表
我個仔都是21個月大，仍未識講嘢，也喜歡睇書，都喜歡同我地玩，會和我地一齊玩捉迷藏，但佢發脾氣會撞頭， ...

jm你小朋友係咪都有感覺統合問題？

Rank: 3 Rank: 3


	397

16^#

發表於 16-6-18 20:35 |只看該作者

引用：Quote:原帖由+mo515+於+16-05-17+發表我個

原帖由 Shirleyloveyou 於 16-06-17 發表
jm你小朋友係咪都有感覺統合問題？

我覺得佢有感統問題，下個月去做評估

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2025 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢