- 在線時間
- 312 小時
- 最後登錄
- 25-8-18
- 國民生產力
- 3602
- 附加生產力
- 46007
- 貢獻生產力
- 0
- 註冊時間
- 07-11-25
- 閱讀權限
- 10
- 帖子
- 27794
- 主題
- 12603
- 精華
- 0
- 積分
- 77403
- UID
- 168291
 
|
千呼萬喚始出來，特區政府卒之在2015年最後一日刊憲，任命李國章為香港大學校務委員會主席。打從去年7月李國章開始入港大校委會，全港都估到李國章會接替梁智鴻嘅啦，賠率熱到要封盤㖭，真係估中冇獎。奇怪之處反而係港大校監梁特首做乜鬼扭扭擰擰，唔一早委任，竟然一拖再拖，搞到港大弄出等埋首副之大笑話，直至局面一發不可收拾，可謂累人累己，既賠上港大聲譽，亦陷李國章於不名譽。乜唔係啫，港大校友議會有四千餘人投票，98%反對李國章做校委會主席，令李教授顏面何存，有此歷史紀錄，上場登台亦唔馨香也。
難得有位梁粉專欄作家竟然講得出：「請尊重十六萬不投票的校友」，意思係區區四千人係乜事，有沉默的大多數共16萬名港大校友冇投票呀，你地有何代表性？梁粉之俾人睇低一皮，就係因為不少梁粉說話全無邏輯，例如呢位女士。左丁山讀書時，已受老師訓斥：「有選票，唔去投票，抵你以後俾人蝦！」老師有感而發，就因為佢痛心世界各地華人對政治冷感，常常覺得事不關己，唔去投票，結果華人全無政治勢力，任由其他族裔話事。活生生例子，如加拿大杜魯多總理新內閣就冇一個華人，但有同性戀同志、阿富汗人、印度錫克教徒等等，左丁山問一位多倫多中文報紙編輯：「點解杜魯多歧視華人？」佢嘅答案：「華人唔興投票，多數政治冷感，冇政治影響力。政客睇選票嘅啫，華人唔投票，人家白人為乜要尊重不投票的華人。」係囉，16萬港大校友唔參加校友議會投票，好難講佢地支持或者反對李國章，但唔投票就毋須理會，講尊重根本就係偏離主題。
講番李國章，論學位（劍橋，中大外科講座教授），豐富教育經驗（中大校長、教統局局長），豐富人脈關係（出身名門），都係超晒標，遠勝科大主席廖長城，城大主席胡曉明，中大前主席鄭海泉，簡直係好少好少人能夠與佢相比。梁特揀佢做港大校委會主席，直情明益港大，就好似董建華明益港大，搵一位與中大關係深厚嘅馮國經去做港大主席一樣。馬斐森校長係英國人，香港冇乜富豪會俾面佢，有咗李國章就唔同，由佢出面籌款，有邊個唔識呀，徐詠璇以後工作更加輕鬆啦，政府仲委派上任馬會主席施文信入港大校委會，更加在籌款方面如虎添翼──假如李國章能令港大上下同心嘅話！
左丁山
|
|
發表於 16-1-5 09:20
