每次親戚問我讀乜都會覺得好煩 - 教育講場

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 教育講場 › 每次親戚問我讀乜都會覺得好煩

查看: 1078\|回覆: 9	go 每次親戚問我讀乜都會覺得好煩 [複製鏈接]

elbar

翡翠宮

Rank: 13


	77855

1^#

發表於 15-12-30 10:49 |只看該作者 |倒序瀏覽 |打印

撰文 : 哲學仔

每逢見到啲親戚，佢地都會問我一個問題：

明仔，你讀緊咩呀？

儘管佢地上一次見面都已經問過我，但係今次唔記得左嘛。問題係，佢地好似有腦退化咁，次次都問我。

雖然我好想問返佢：「咁你又讀咩呀？」但係出於禮貌同為左我阿爸阿媽嘅面，當然只好答：「哲學。」

佢跟住又問：

讀完哲學可以做啲咩？

哲學又讀咩架？

我好想講：「關你X事咩？」但係我忍住，答佢：「讀完哲學出嚟無話要打邊一份工架。」跟住我就睇到佢眼神中嘅睥睨，唯有喺心入面同自己講：

唔似架，喺美國讀哲學好吃香架，可以讀多個Law degree做律師，又可以做banker。

但我深知，呢到係香港呀！

Well……第二個問題睇起嚟好易，Introduction to Philosophy都會教啦，但係其實比第一個更難，因為我根本唔識點對一班喺我眼中同單細胞生物無分別嘅人，用短短十隻字講解哲學係咩。

「哲學其實係用理性思考問題嘅研究方法……」我都未講完，佢就講：

原來係咁……碰！明仔，可唔可以幫我拎杯水嚟？

好，佢已經幫我答埋第一個問題，原來讀哲學可以做waiter。

不過讀廢科都有讀廢科嘅好處，因為親戚問你讀咩科原來都分三個層次，第一個層次當然係我呢啲佢唔知你讀乜啦！

第二個層次，就係佢知你讀乜。

強仔，原來你讀電腦架！我部電腦呢，唔知點解呢排好慢呀，幫我睇下呀！

無錯呀，你用十幾萬讀個學位返嚟，就係幫你個都唔知有幾親嘅親戚免費整電腦，多謝都無句。

遭殃嘅當然唔只電腦啦！

偉仔，你讀中文/英文/數學架，啱啦，我個仔有啲嘢唔識，你教下佢啦！

呢個都未係最慘，最慘嘅係第三個層次，佢以為佢知你讀乜，其實佢識條X。

堅仔，你讀經濟咁叻仔呀！有問啲咩心水股票可以話我知先！

喺呢一刻你當然好想話佢知：

其實我讀嘅係經濟，唔係先知呀！我知要買咩股票，仲使喺到同你條廢柴吹水咩？

但你唔講得，你更加唔可以咁講：「其實我幾好340架！」340係乜？你都唔知，你只係知道你好想睇佢X街。

你只可以話：

你真係識講笑。

其實啲親戚真係咁關心你前途？大多數都話知你死呀！就算你死，佢地都只係關心要畀幾多帛金。咁點解佢地要問你讀咩？一來出於「禮貌」，二來就係睇下有無着數。

0 0 0 0

解憂店

世界著名大學

返回頂部

TEMPO123

大宅

Rank: 5 Rank: 5


	1481

2^#

發表於 15-12-30 11:14 |只看該作者

本帖最後由 TEMPO123 於 15-12-30 14:12 編輯

elbar 發表於 15-12-30 10:49
撰文 : 哲學仔

每逢見到啲親戚，佢地都會問我一個問題：

有時又真係幾煩！

可以笑笑口，唔答佢。又唔使講野咁刻薄 , 都係長輩 !

我以前剛結婚, 成日俾人問, 幾時大肚生仔 ? 有左未 ?

唯有Tempo，柔韌啱啱好，點都傍住你！

返回頂部

palmchristy

男爵府

Rank: 6 Rank: 6


	8001

3^#

發表於 15-12-30 11:21 |只看該作者

左一句"好似有腦退化咁" , 右一句 "喺我眼中同單細胞生物無分別嘅人", "同你條廢柴吹水", "親戚大多數都話知你死"...

感覺上睇到有人自視高, 睇低人, 敵意重, 以己度人, 同埋無乜互相溝通的意思.

其實人每日都會接觸唔同的人, 總有些人對事物一知半解. 係唔係因為咁緣故要睇低人, 同無心機同佢地講解呢? 感覺上, 呢類人好似活在自己世界咁. 將來遇到的老細同事, 更離奇的都有, 係咪又溝通唔到呢? 如果呢啲係而家普遍大學生的思維, 實在有點令人擔心佢地將來點同社會融合.