- 在線時間
- 312 小時
- 最後登錄
- 26-2-13
- 國民生產力
- 3710
- 附加生產力
- 46243
- 貢獻生產力
- 0
- 註冊時間
- 07-11-25
- 閱讀權限
- 10
- 帖子
- 27905
- 主題
- 12610
- 精華
- 0
- 積分
- 77858
- UID
- 168291
 
|
本帖最後由 elbar 於 15-10-26 15:03 編輯
【短片】學生人人爭住補 日校老師唔葡萄
中文科補習天王林溢欣獲補習社登報以8,500萬年薪挖角，引起全城熱議。現職中學中文教師，執教鞭近9年的梁政民（梁sir），認為日校教育與補習非對立關係，因為日校針對考試都會製作「雞精教材」，又有補習無可取締的元素。縱然補習名師薪酬可觀，都未令他動心，「葡萄（羨慕）就其實都無乜點葡萄，天王有幾多個呢？能夠塑造到有幾多個呢？」
「日校教育趨勢不期然需要出好多『雞精』，至少畀學生考試前攞到一本嘢去讀。」梁sir坦言，送學生考試都希望他們取得佳績，教學逐漸考試導向，製作俗稱「雞精」的精讀教材，甚至邀請補習名師出席講座分享考試竅門。補習風潮熱烈，他認為學生程度不一，一套教學未必適合全班學生，個別學生覺得老師教得太深或太淺，尋求補習未必是日校老師教學不佳。即使有積極的學生拿補習社筆記詢問意見，他也不認為是「落我面」，而是一種學術交流。
為師者，不但要傳道、授業，更要解惑。教導中三及中六文憑試班，擔任班主任，加上帶領辯論隊，在梁sir眼中日校教育除了學業指導，更要向學生灌輸正確價值觀「教佢哋點樣去做人」，又反問「就算你補哂全科，係咪就代表你唔需要日校學習？」育人之餘亦建立自己，他直言與年輕人相處「自己都後生咗」。
補習天王也有代價，梁sir踏入教育界，初時都有想過做補習「搏一搏」，但發現補習「睇收嘅學生夠唔夠，時間上人哋放假先嚟開工」，壓力甚大，無法取得生活平衡。他認為天王講求的都是包裝，講求的都是口碑，「好似張欣欣咁包裝自己做一個好錫老婆嘅男人，加上文筆好，畀人感覺溫暖，令人覺得佢好勁」。文憑試「一試定生死」決定學生前路，而補習市場龐大，學生「有得揀先係老闆」。
「老闆」之一、今年入讀中大數學系一年級的周同學，自言在林溢欣指導下成績突飛猛進，由中文科校內考試僅得「十零廿分」，變成在文憑試取得等級5佳績。他尊重林，視對方為中文啟蒙老師，批評日校老師只懂叫他背答案不求甚解，相反林著重解釋答案背後的原因及邏輯，教導如何推敲答案，補習社「雞精書」亦有助溫習。他更稱補習後反而「冇咁功利主義」，本打算「操下考試卷就算」，但補習令他「明多咗中文嘅嘢」。
作為中文老師，被問到會否介意兒子長大後補習中文，梁sir毫不猶疑說「咪由佢出去補，由佢出去補！」，最重要達到好效果，成績進步。對於補習社被批評為「學店」，只為賺錢，他從日校老師角度說：「如果你話教育好高尚，你可唔可以唔收人工呀？可唔可以唔加人工仲收緊萬幾蚊都願意委身落去呢一行度？我覺得又唔可能」。
|
|
發表於 15-10-26 14:54
