- 在線時間
- 800 小時
- 最後登錄
- 26-1-30
- 國民生產力
- 34531
- 附加生產力
- 20361
- 貢獻生產力
- 100
- 註冊時間
- 14-5-23
- 閱讀權限
- 10
- 帖子
- 8387
- 主題
- 278
- 精華
- 7
- 積分
- 63379
- UID
- 1539350
|
本帖最後由 小時了了 於 15-9-12 12:54 編輯
剛過去的星期六及星期日第一次帶小四的女兒參觀顏寶鈴及培基開放日. 我印象好深刻係小女參觀培基時(因為有之前一日參觀顏寶鈴經驗), 攞住張班房展覽圖, 第一句就話要去中國歷史班房參觀同埋玩遊戲, 佢玩中國歷史遊戲仲玩到上遊戲龍虎榜第九位, 佢超開心.
另一方面, 佢去參觀兩間學校的實驗室, 小女都好投入及好積極聽及玩, 事後問佢, 佢都覺得科學實驗好好玩, 佢依家對科學唔抗拒, 但佢依家未接觸過科學的英文專有名詞幾咁難背, 希望佢能夠用保持"科學好好玩"的心態去應付日後中學的科學科目.
經過剛過去的星期六及星期日帶同小四的小女去參觀中學開放日及玩不同科目的遊戲經驗, 我個人覺得小四及小五應該帶小孩去中學開放日參觀, 個人愚見小六有少少遲了, 以下純我個人愚見, 不喜勿插:
1) 可以預先俾佢開眼界中學課程係點, 如果係打算考及讀 band 1 英中 (因為小女依家係中文小學), 課本係英文, 教學及日常係學校溝通語言亦係英文, 俾小女知道及明白媽咪依家嘅苦心, 點解依家成日要佢睇多啲英文書, 聽及睇英文台的戲, 而我亦打蛇隨棍上話由依家開始, 慢慢每日俾少少啲小學課程的英文科學書俾佢睇, 等佢用兩三年時間學習及適應科學的專有名詞, 希望佢依家開始好好配合阿媽我嘅溫習大計, 若果唔係佢升中學就不敢想像了.
而尋晚開始同女重新再開始一齊睇星加坡出版的星加坡小學Science 課程的英文 Smarter Science Guide Books http://iworldsvcs.biz/preview/we ... tion/maths_sci.html (有 Primary 3&4 and Primary 5&6). 呢啲書我去年年尾灣仔天地圖書大減價已買, 今年暑假曾與小女一起研習, 但當時小女極不願意睇, 成日話唔想睇, 曾有一段小時間因為睇科學英文書而攪到大家關係唔好而無再睇. 呢兩日去完中學開放日後, 我猛向小女講妳依家用2-3年時間慢慢睇及學啲科學名詞, 我依家又唔洗妳背及串生字, 只係要妳認下啲生字咋, 到時升中學就唔洗學得咁吃力. 小女今次好似好明, 尋晚好合作及配合我為佢安排的溫習大計, 真心希望佢能持之而恆咁慢慢學習.
2) 可以俾佢有明確目標知道如果佢想讀XXX 中學, 要學業成績考到全級第XX名才可以考到及入到, 仲有兩三年俾佢自己追趕成績去達到自己嘅 dream school. 人嘅心理就係咁, 當自己好想去得到/達到某啲目標, 自己努力, 好過阿媽我日哦夜哦, 我緊張及勞氣過佢, 所以呢兩日我都不時同小女講, 妳想讀 XXX 中學, 您自己努力去爭取了.
3) 如果小六才去參觀, 呈分試成績已差不多完, 大局已定了, 參觀中學開放日的目的變為用已有的成績去睇中學, 已無時間去追求更好的成績去更理想的中學, 同小四小五去參觀策略不同了.
4) 仲有, 中學開放日高峰期必定係每年11-12月, 心儀中學的開放日好多時會撞晒期, 所以小四開始帶小朋友睇, 今年撞期可以睇住其中一間先, 下年仲有機會睇下一間. 如果小六時才睇而又撞期, 到時要有所取捨, 而最後有機會導致考慮不週詳而可能做錯升中選校決定呢
|
|
發表於 14-11-26 09:46
，開放日係出年1月下旬，不過我成日係佢面前講呢間學校點解我想佢讀)
