梁家榮出名學生殺手　狠評功課垃圾寫廢話 - 教育講場

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 教育講場 › 梁家榮出名學生殺手　狠評功課垃圾寫廢話 ...

查看: 1585\|回覆: 7	go 梁家榮出名學生殺手　狠評功課垃圾寫廢話 [複製鏈接]

elbar

翡翠宮

Rank: 13


	77849

1^#

發表於 15-8-7 09:16 |只看該作者 |倒序瀏覽 |打印

唔少曾經畀梁家榮教過嘅中大舊生，噚日都話當年，更加搵返當年嘅功課出嚟，上面寫有榮總墨寶，部分經佢批改嘅功課，都寫有「廢話」兩字嘅評語。

【明報專訊】政府噚日出稿宣布，委任資深傳媒人梁家榮（榮總）擔任廣播處長，輿論唔算太負面，但Emily就見唔少當年做過榮總學生嘅中大新聞與傳播學院舊生，紛紛喺facebook話當年，講番當年榮總上堂經歷，似乎大家都覺得榮總教書都幾harsh，皆因佢毫不客氣，鍾意喺同學嘅功課寫上「垃圾」、「廢話」等評語，仲有人話畀佢嘅功課10分只拎到0.5分！

「如果你係我伙記早就炒咗你！」

榮總前幾年喺中大教廣播新聞同新聞翻譯兩課程，相信唔少讀新聞嘅學生都有上過。當年榮總出名係「殺手」，唔係點派好grade畀學生，而佢上翻譯堂，就不時講吓中東等國際新聞同背景，而學生每堂都要翻譯外電，但得番嚟嘅評論都幾狠。

有上過佢堂嘅學生話，10分滿分嘅功課試過拎2分，中間夾雜「廢話」同「舊聞」等評語，有同學更留言話，拎過榮總畀嘅0.5分或者1分。有人就話畀人評過功課係「怪中文」同「垃圾」。有做過佢學生嘅現職記者仲話，當年畀榮總狠批過，「如果你係我伙記，我早就炒咗你！」

學生電郵指其錯獲回覆道謝

另一個舊生就話，當年榮總曾經指正佢話台灣「蒜」字係指蠢，學生唔服氣，寫電郵同榮總解釋並唔係咁解，獲得榮總回覆道謝，仲話「所有在我人生中教導過我新知識的，都是我的老師」。

唔知榮總接管港台，又會唔會做魔鬼老細，用「垃圾」呢類評語回應下屬呢？