- 在線時間
- 312 小時
- 最後登錄
- 25-7-21
- 國民生產力
- 3584
- 附加生產力
- 45896
- 貢獻生產力
- 0
- 註冊時間
- 07-11-25
- 閱讀權限
- 10
- 帖子
- 27748
- 主題
- 12590
- 精華
- 0
- 積分
- 77228
- UID
- 168291
 
|
一月二十六日，「華爾街日報」有一篇哈佛大學商學院院長訪問，呢位院長係印度人，畢業於IIT（印度理工學院），麻省理工史隆管理學院博士。印度人不止在國際商界、金融界表現異常出色，例如麥肯錫、花旗、百事可樂都有過印裔CEO，現時德意志銀行有一位聯席CEO係印度裔，在學術界同樣標青，去年香港科技大學商學院院長鄭國漢教授去咗嶺南大學做校長，就從華頓學院搵咗一位知名教授來港接替，新院長又係印度人嚟㗎！
印度人Nitin Nohria係第一位亞洲人出任哈佛商學院院長，佢在一月尾到亞洲訪問，順便籌款，話希望搵齊一百名捐款人，每人捐一百萬美元俾哈佛商學院嚟支援國際活動，當然亦會宣傳吓。哈佛商學院都要宣傳？十個人申請，只收一個啫噃？要嘅，院長話依家競爭激烈，好多大公司、華爾街大行已經唔係一定要請MBA，有時請博士，其他學科學士、碩士，由大公司自行培訓，還有一樣，歐洲、亞洲二十年來紛紛成立商學院，印度就有一千間咁多，好多學生覺得既然亞洲經濟發展勢頭好，留在亞洲讀MBA，建立區內關係，會更加對未來升遷有裨益，故此少咗人申請美國大學商學院。以日本為例，在80年代，哈佛商學院一年級新生900人之中，每每有三四十人來自日本，但現在只有四至五個；來自大中華區學生，係四分三來自大陸，四分一來自香港。校長認為由1950至2000年，係商學院黃金時代，進入21世紀，商學院要諗計，開辦新課程先至可以維持目前地位。
哈佛都要爭取學生，爭取捐款，其他商學院更要加把勁，商界僱主好現實，願意交幾十萬港元一年去讀MBA嘅學生更現實（因為還要辭工，損失薪金呢），冇排名嘅商學院就冇競爭力。FT全球MBA排名又係在1月26日出版，睇完同日「華爾街日報」嘅訪問，細閱FT排名，更有啟發性，第一名係邊一間？咪又係哈佛囉，第100名呢，就係加拿大McGill，前十名就係熟口熟面嘅嘞，順次序就係哈佛，倫敦商學院，華頓，史丹福，INSEAD，哥倫比亞，IESE（西班牙），麻省理工，芝加哥與柏克萊。亞洲大學有邊幾間？中國區內有四間。第11名係Ceibs（中歐國際），第14名香港科技大學，第28名香港大學，第30名香港中文大學。亞洲還有間印度管理學院，排第26名，總括嚟講，香港地方細細，有3間商學院名列全球30大，算係幾好！
左丁山
|
|
發表於 15-2-2 09:21
