- 在線時間
- 312 小時
- 最後登錄
- 26-2-13
- 國民生產力
- 3710
- 附加生產力
- 46243
- 貢獻生產力
- 0
- 註冊時間
- 07-11-25
- 閱讀權限
- 10
- 帖子
- 27905
- 主題
- 12610
- 精華
- 0
- 積分
- 77858
- UID
- 168291
 
|
左丁山以前做過上市公司獨立非執行董事，英文所謂（INED），最初係老友嘅死黨嘅公司上市，老友力邀左丁山入局，話幫忙死黨填補INED空缺喎。香港財經界只係一個大村落，幾乎人人相識，正是山水有相逢，於是互相俾面，做吓董事，但一坐落去就要真係做嘢先至得，照顧小股東利益係真正中環價值，首先係盤數要盡量反映公司營運狀況（未必真係可以百分之一百反映得到），既然坐在董事局，又被選為核數委員會主席，於是每一季度都同財務總監開會，問問題，佢答唔出就問行政總裁，還是答唔出就寫備忘錄俾公司核數師（碧科其中一間）紀錄在案。點知後來收到老友電話：「喂，唔好咁認真噃，CEO、CFO都話你想micro-manage佢地，跡近臭檔！」哦，聽得明嘅，小時候，聽先父講公司啲鬼頭幾臭檔，就係奄尖腥悶，有時不近人情咁嘅意思，於是以私人事務繁忙理由，辭職而去，一年後，該公司亦俾對手收購咗，依家連名字都冇埋。
公司或組織晒士大咗，就要搞好公司管治，好佩服以前銀行一個大客，佢白手興家，由無到有，一個人在公司話晒事，但生意愈做愈大，經左丁山服務嘅投資公司安排在美國上市後，大老闆有一日突然話辭去行政總裁一職，只留低做非執行董事會主席，問佢點解，佢好坦白咁話：「馬上得天下，不能馬上治之，我管創業公司無妨，依家成為十億美元公司，生意太大咯，我管唔掂嘅！」此乃真正為小股東着想嘅大股東。一啲非牟利組織如學校，其實同樣要取用最佳公司管治原則，普通學校窮到燶，校監校長當然睇得住，但在若干直資學校、國際學校，校產豐厚，儲備近億元嘅話，校董會或學校管理委員會就要向上市公司學習，分配若干校董負責不同之委員會，如財務、校產管理委員會，校園建築維修委員會等等，校長須向各委員會提供資料及意見，唔可以一個人在校內話事算數。有人話，咁樣咪等同搵專業（商界）人士干預校政，micro-manage校長？當然唔係啦，校長幾乎個個係讀教育、做教師出身，老實講，對管錢管校產，佢哋唔多在行，如有專業校董如會計師、律師、建築師等人幫忙，校長自己專注於教師、教學管理，照顧學生，又有乜唔好？抗拒「公司管治」原則嘅校長，反而得人驚㖭！
左丁山
|
|
發表於 14-12-12 09:34
