分享我仔case, 佢係ADHD+非典型自閉+高智商, 我夠膽講, 仲煩過一般亞氏
我仔學校做緊D咩 (當有家長覺得其實無咩可以做, 其實呢d野, 唔用到既家長好多都唔知):
-assign左某一個老師專門同佢傾計, 學校有幾個老師專做consuelling, 有男有女, 有教高年班有教低年班, 負責同d有需要既學生傾計, 俾人蝦又好, 唔開心無自信又好, 我仔屬於做事衝動又唔置在, 所以社交差, 又唔識自己講, 要人慢慢"鑿"佢講心底話
-學校訓導組老師做配對, "撮合"d無咩朋友既學生, 我有問過老師, 無朋友既同學唔一定係因為亞氏自閉, 有d純粹係慢熱怕羞, 需要老師幫幫
-學校有社工, 安排in house既課程俾各款要幫助既小朋友, 包括親子寫字小組, 社交小組, 遊戲小組, 專注達人小組, 跟我做個friend小組, 中英數補底, 等等, 社工亦有得閒搵下小朋友傾計, 約下家長傾計
-學校有"買"教育心理學家服務, 我仔都有"幫襯"過, 我知學校仲有幫襯青蔥計劃, 心理服務, 等, 學校annual report入面, 有成版講呢樣, 佢地好認真有俾資源去做呢樣野, 亦唔會逃避話俾人知學校有收呢d學生
-我由小一知道邊個係班主任開始, 已經知會學校我仔需要特別跟進, 學校從來無俾過壓力我, 當然, 我仔做左咩"好事"時, 老師一定會聯絡我, 唸下計仔, 上星期至見完黎(因為我仔pat左個男同學個羅友一下), 老師都好盡力去唸法子點去教佢唔好, 包括專登介紹我仔認識黎講talk既警長, 話佢知非禮行為在校內都係被禁止, 雖然我仔係trouble maker, 我好感激老師focus在停止佢再做呢d野之餘, 亦好在乎我仔對自己信心, 知佢唔開心, 仲叫我要多d陪佢傾計, 理解佢係咪有咩想同大人講
-我仔仲有其實問題, which亞氏無的: 食飯慢, 心散, 上堂發夢等等, 但老師從無針對或睇低佢, 一樣俾機會佢, 班主任所謂捉佢上教員室食飯, 但事實就同大少傾住食, 班主任仲加埋我whatsapp, 方便傾我個仔d野
要做, 好多野都可以做, 套句bk話: 沒有最好, 只有更好 |