同校長老友鬼鬼　讀遙距課程扮浸鹹水　Tree根friend住攞碩士 - 教育講場

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 教育講場 › 同校長老友鬼鬼　讀遙距課程扮浸鹹水　Tree根friend住攞 ...

查看: 1201\|回覆: 0	go 同校長老友鬼鬼　讀遙距課程扮浸鹹水　Tree根friend住攞碩士 [複製鏈接]

elbar

翡翠宮

Rank: 13


	77849

1^#

發表於 14-6-6 09:50 |只看該作者 |倒序瀏覽 |打印

本帖最後由 elbar 於 14-6-6 09:52 編輯

以「You are dreaming on your office」同「I don't think so囉」震懾港鐵行政總裁韋達誠嘅Tree根，雖然認為自己嘅英文水平只係「雞毛鴨蒜」嘅問題，但係佢嘅碩士學歷就再俾人翻舊賬。八方發現，原來佢喺香港讀遙距課程嘅學店，唔單止創辦人同建制派關係密切，仲幫中聯辦搞埋統戰，而且Tree根就幫學店做番代言人，認真互惠互利。

Tree根喺立法會申報自己嘅學歷係英國格拉斯哥克里多利亞大學理碩士（電子商貿）同英國威爾斯大學工商管理碩士，其實一早已經有傳媒報道佢嘅碩士係喺香港嘅國際專業管理研究中心（IAM）遙距修讀，嚴格嚟講唔算「浸過鹹水」；佢𠵱家讀緊嘅倫敦南岸大學工商管理博士（DBA）同樣喺IAM讀。

■鍾樹根嘅碩士學位係喺同建制派關係密切嘅周致標（右）嘅IAM攞返嚟。

做學校「生招牌」

呢間IAM由香港電腦學校校長周致標喺2000年創立，專門同英國三線大學合作搞課程。周同建制派關係密切，做過梁振英牽頭嘅香港專業人士協會秘書長；佢間IAM仲做埋統戰工具，去年就拉攏到Tree根間母校威爾斯（紐波特）大學同中聯辦合辦「前海發展區參訪活動」，搭個台畀中聯辦代表做「詳細分析」，向學員硬銷前海發展。

本身係香港電腦學會會員、做咗30年IT嘅Tree根，同周致標份屬行家；喺IAM攞咗兩張沙紙之後，仲做埋學校嘅「生招牌」，無論學校網頁、各大報章、廣告傳單，都見到樹根以校友身份出現大讚課程。而佢又做埋IAM嘅威爾斯（紐波特）大學校友聯會榮譽顧問，成日以嘉賓身份出席聯會活動，唔知佢有個學位，同IAM嗰friend有冇關係？