本帖最後由 elbar 於 14-5-19 09:12 編輯
■Prima不甘活於框框：「我只係破格！」
「大學生走去整餅？其實我係一個老細嚟㗎！」不甘平凡，總被定義為另類，這位甜品工作坊創辦人Prima，更應是異類。中學時代已是搞事分子，卻於A-Level考獲兩條A入讀中大心理學系，畢業後卻跑去整甜品，日做12小時，「過程唔享受㗎，但真係好有滿足感」。
■Prima製作平安包形macaron擺檔。
「本身想訪問前染綠色，但係無時間！」其實她的一頭粉紅色秀髮，已經足夠吸引記者視線。Prima取自Prima Donna，意謂「歌劇第一女主角」，小妮子於中六開始，兼讀演藝學院聲樂課程，大學開放日，參觀的是音樂系，無奈家境清貧，深知沒有本錢發音樂夢，誤打誤撞入讀中文大學心理學系，她認為是人生一大憾事，「入學頭一個sem（學期），已經覺得oh my god！我錯晒！好鬼悶呀！」
自小父母離異，Prima隨母親生活，中四開始便替名校生補習，「佢（媽媽）已經好辛苦，日頭返一份，夜晚返一份，唔expect（預期）你養佢，但你要搞掂你自己！」大學一年級開始，一切開支皆自理，「大學有開支，要錢㗎，佢哋（同學）唔使撈，仲有人開車送返學」。同學仔享受校園生活，她卻滿腦子賺錢大計，開始經營網絡、格仔舖生意，售賣閃石素材，最多曾月入六萬，結果做生意為主，讀書變成副業，「我覺得人生仲有好多嘢，唔係話讀書唔好，但manage（管理）下格仔櫃，玩下eBay，仲學到多啲嘢！」
最愛歷史科，賺到的錢也花於周遊列國，兩年前一次巴黎之行，讓Prima迷上馬卡龍，瘋狂得上網鑽研食譜再改良，甜度減輕，「我想改變人哋嘅睇法，macaron唔一定係過甜！」
月光族變身慳妹
人生，充滿做不完的選擇題，當同學仔畢業後，選擇平坦的康莊大道，Prima則選擇跟隨感覺走，人生第一次見工也落跑收場，「入到去呢個唔係我想要嘅地方，填張form交都無交到，就拍籮柚走咗」。其後，到女星陳文媛（BoBo）的店舖工作兩個月，因多次請假替人補習被炒，「我真係唔適合打工」。自此她專注網上生意，去年9月以$60,000開設工作室，製作馬卡龍、立體蛋糕，又開班授徒，旺季月入兩、三萬，淡季只有幾千，資金有限，裝潢自家設計，就連地板也是網購回來，再自己逐塊鋪砌。
生活的壓力，總會把人的菱角磨平。才剛滿25歲的Prima，外觀依舊反叛如昔，但從前的月光族，卻已變身慳妹；曾經是脫韁的野馬，如今每天困於工作坊12小時以上，最後，她吐出一句肺腑之言，「態度決定一切！」
| 
發表於 14-5-19 09:08
