- 在線時間
- 57 小時
- 最後登錄
- 24-3-27
- 國民生產力
- 0
- 附加生產力
- 879
- 貢獻生產力
- 0
- 註冊時間
- 06-5-18
- 閱讀權限
- 10
- 帖子
- 159
- 主題
- 2
- 精華
- 0
- 積分
- 1038
- UID
- 83745
|
本帖最後由 丁丁aunty 於 14-8-19 17:42 編輯
我個仔係龍年細仔, 真係好大鑊, 本來自己一心係想就近入學, 最後都要攪到報到出荃灣區(點解唔報葵芳而出荃灣係因為另外有家人住果區, 萬一有病有盛都仲有人手幫忙接送), 睇到o的資訊真係愈o黎愈唔對路, 好怕n班無書讀到k1個個都揾時先同大仔爭仲大鑊, 所以都好想揾到n理馬位個直升k1o既位先, 希望自己到揾k1時可以心理上輕鬆一o的.
我報o左o既青衣學校有:
宏福國際部
呢間學校其實唔多心儀, 因為我本身都唔太好國際呢條路, 但只有國際部先收細仔表, 不過果刻個人都好迷茫, 唯有咩都殺殺殺…面試佢要求要兩個家屬出現, 一個陪小朋友去玩玩具, 旁邊有幾位老師觀察同間唔中行埋o黎問下你問題, 都係好general o既o野, 例如佢咩名, 係咪好鐘意車之類…另一位家長就1:1問問題, 我o地係外國人見要英文interview, 都係問點解你揀呢間之類o既o野, 最後係: 無offer……
康傑
呢間風評好似唔錯, 不過無學劵(我講緊直上), 報o左名後要再參加兩次活動, 一次參觀學校, 另一次係簡介會, 但因為撞o左我另一場有把握o既interview我放棄o左面試機會…我先生覺得間學校比較舊同細, 但老師都ok…..
信義會靈工
係全日制村校, 係我小朋友第一個interview, 諗住去試下咁降, 面試時呀仔一歲都未夠, 要做好多task, 俾食物玩具扮飲水食o野, 疊下積木咁, 再問下父母對小朋友有咩期望同點解揀呢間學校, 最後係: waiting完後有offer…..
啟思
細仔係安排收晒大仔後先有份見, 即係收霉收剩我o地先有份, 好遲先call我o地interview, 因為已有offer所以無去到, 不過佢勝在online apply唔洗俾報名費, 面試當日先俾, 無蝕到….大部份人comment係happy school
卓思
面試時講到明細仔係唔會有位收n班, 因為只有42個位, 有都留晒俾現讀同畢業生細佬妹先, 但報o左n又面o左試o既, 下年就唔洗再apply過k1, 同埋會優先考慮, 所以最後都係無offer….之前有殺校潮, 呢間o野個位係佢自己o既, 除非佢做做下唔想做, 否則讀落去應該都唔怕無書讀….
女青年會長青幼兒學校
都係全日制邨校, 係社區中心最上層, 校舍唔會太大, 但接待o既姨姨同老師都好好, 不過又係撞面試放棄了….佢個面試好攪笑, 要你當天聽完一個talk再見, 攪好多個鐘, 想像到等得o黎小朋友已經無晒耐性了….
世佛文殊 / 路德會
因為一歲半先可以報, 我個仔都係無行, 而且已經有想要o既offer了, 所以無報....
學之園
細仔….死心吧~~~~~
最後我小朋友都係要出到荃灣先有學番, 不過都會再戰k1, 今次一定會堅守只報本區, 因為實在唔想俾小朋友太辛苦, 但有個n位在手, 始終無咁大壓力, 點都有後路….但報完賽後檢討, 都會發現自己花o左唔少時間係一o的自己根本唔想要o既學校身上, 例如: 全日制, 自覺自己o既資源係可以support小朋友番半日, 根本有offer都唔會take, 不過明白o左自己o既須要後, 下年就會醒目o的…..所以大家都真係要自問一下自己真係想要o的咩, 全日半日, 返學接送有無校車配套, 呢o的都係好重要o既因素….
如果仲有咩想問都歡迎o架…..
|
|