阿囡今朝唔夠瞓,Circle Time冇反應,啲歌熟到爛晒都冇投入過!再Individual In鬼仔Sir仲大獲!佢入去課室見個勢就係咁喊、攬住我!阿Sir提議我同C6帶阿B出去幾分鐘冷靜吓再In,阿囡出到走廊笑晒,我哋問佢Star佢仲識指牆上嘅星星,但再入課室見到阿Sir佢又再衰喊!我唯有唱佢平時最鐘意嘅歌氹佢,同批Circle Time In嘅人都走晒,得噃我哋仲留喺到糾纏!阿B見隔離啲靚鬼妹Miss就同佢哋揮手,又聽住我唱嘅歌喺度跳舞比Miss睇!Miss們都比佢氹得好開心,讚佢識聽歌做動作!但阿囡拎噃個頭見到阿Sir又再喊爆!阿Sir同阿囡零交流!阿Sir話同我哋傾吓計都冇問題!最後我見枱上有書,我叫阿囡睇書書,佢就冇喊自己打開本書睇,阿Sir就問我哋屋企係咪都有比書佢睇,我哋話佢好鍾意睇書,連出街食飯嘅manual都唔放過,阿Sir話唔錯!跟住阿Sir送貼紙比阿囡都唔敢貼落阿囡到,叫我幫佢貼就算!阿囡望到阿Sir個樣又再喊爆!我哋叫阿囡同阿Sir Say Goodbye都係咁喊!唔睬阿Sir!佢望噃鬼妹Miss又肯做bye bye手勢!離開課室去playground到玩又即刻開心噃!自己要踩單車同玩滑梯,玩到顛!點知阿Sir出咗嚟去廁所,見到我哋又再Say Hi,阿囡又即時喊噃!係咪激死你?都唔知阿囡有問題定阿Sir有問題?我諗如果係嗰啲靚鬼妹Miss In應完全唔同表現!不過阿囡係十月細B,而且仲係第一次Interview,喺咁人山人、海嘈雜嘅陌生地方好難投入到!我遇咗全軍覆沒!如果學校肯收阿囡嘅話好明顯只係睇父母表現咋!但今日真係好多人,所以我諗都係凍過水喇,唯有平常心!隨緣啦