真心想問大家..........言語治療有無用? - 特殊教育 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 特殊教育 › 真心想問大家..........言語治療有無用?

發新帖

查看: 4898\|回覆: 30	go [聽/語障] 真心想問大家..........言語治療有無用? [複製鏈接]

Rank: 3 Rank: 3


	119

1^#

發表於 13-6-20 11:16 |只看該作者 |倒序瀏覽 |打印

小兒4歲, 語言遲緩1年, 發音無問題, 表達同聽指令(理解)差, 上咗3個月ST, 有進步但只是少少, 講嘢成日次序倒轉, 一組一組詞咁吐出來 ....... 有時見佢同同年或大些的小朋友玩, 因為佢唔識表達, D小朋友唔同佢玩, 比佢細的小朋友反而會同佢玩, 同學仔又唔彩佢 ....... 見到有少少唔開心, 其實我只想我個小朋友正常咁同人溝通到, 一齊玩得開開心心 ..... 離黃金時間只有2年, 唔知可唔可以跟番上正常的軌道呢?

......有少少內疚, 自己之前無請工人(因為唔鐘意有外人係家), 有個一歲的妹妹, 每日做家務同照顧妹妹令我無咩時間係屋企同佢玩,3歲時覺得佢講嘢差, 諗住返學後會改善, 但現在見佢4歲仲係咁, 所以特登放棄名校區搬第二區住大些的屋可以請工人, 等工人可以照顧妹妹我自己訓練吓仔仔........

其實想問孩子有接受言語治療的媽媽, 其實治療有無效? 要治療幾耐? 謝謝

Rank: 4


	613

2^#

發表於 13-6-20 12:44 |只看該作者

我才剛開始給細仔做言語治療，有無用未知，但我相信會有進步。但是否可進步到與其他一般小孩就唔會諗住，因為佢有佢步伐，要給時間。反而我想同你講唔好責怪自己，我生2個，要返工，有工人，一樣會顧此失彼，總之盡力而為，整理好自己心情才有力量支持小孩。至於有時唔開心難免，但我唔開心對小朋友影響。所以加油吧，希望更多有經驗的父母陪你一齊行。努力

點評

kathysmk 大家一齊努力呀 !!!! 發表於 13-6-20 19:46

Rank: 5 Rank: 5


	3338

3^#

發表於 13-6-20 14:28 |只看該作者

回復 kathysmk 的帖子

佢有語障未必關你事的, 唔好咁內疚, 現在只可以做的, 就係跟st 的方法去幫他訓練, 唔好期待呢兩年一定會追得返. 上st 只係幫助佢有進步呀. 要慢慢來的.

加油呀.

點評

kathysmk THANKS AR...... 我最想佢可以同到小朋友溝通到, 可以一齊開心咁玩發表於 13-6-20 19:48

Rank: 6 Rank: 6


	5852

4^#

發表於 13-6-20 15:11 |只看該作者

十分體諒你嘅困惑！

請問你嘅囝囝做咗言語治療評估未？不是兒科醫生或心理學家做的評估，因為言語治療師是能清晰分辨語音問題及社交溝通障礙，從而針對問題處理。當然要搵口碑好同埋有經驗嘅，就能縮短訓練時間同埋慳錢。

其實，以我經驗及朋友囝囝(唐氏)用過嘅體會，必須要3方面一同合作：富經驗及有耐性嘅言語治療師(一個星期一次或兩次治療，視乎甚麼言語障礙)，加上囝囝治療期間嘅練習(唔好係佢精神唔好或午睡前未有精神做治療)，同埋爸爸媽媽聽言語治療師嘅方法後係平日同囝囝嘅訓練(唔好叫工人姐姐同囝囝做訓練)。三管齊下就能達至最理想嘅果效，咁就比較節省整體訓練時間同埋慳錢。

坊間有私營嘅言語治療服務，聽聞好口碑嘅治療師都要排差唔多兩個月。至於資助機構，仲耐，要排半年。後來認識有上門嘅言語治療服務，朋友囝囝同埋老人院老友記用過，口碑唔錯。時間配合得到，唔駛兩個禮拜就安排到上門做評估。依家仲跟進緊。有需要可介紹。

你不妨第一步先考慮盡快搵言語治療師做評估，通常1個鐘。跟著睇吓評估之後嘅結果，治療師會講埋大概之後嘅治療堂數。第二步才考慮做唔做跟進治療。不過，如果好似以上三管齊下，好多時做咗幾堂後再評估治療堂數會比原先第一次評估時減少。

Rank: 3 Rank: 3


	463

5^#

發表於 13-6-20 17:14 |只看該作者

回復 kathysmk 的帖子

一定有效！不過要時間，快則半年，慢則一至兩年，視乎問題嚴重性。上課最少一星期一次，我小朋友試過暑假一星期兩至三次，進步得好快，不過家長要喺屋企同小朋友練習。我言語治療師排期快，價錢合理，都係家長介紹的。搵唔到合適的可介紹給你。

Rank: 3 Rank: 3


	119

6^#

發表於 13-6-20 20:08 |只看該作者

其實佢2歲尾時都平估過, 都係DELAY 1年, 上過協康上過3個月, 係平日的上午上堂, 但不過之後因為我要生, 坐完月又要照顧細囡, 所以停咗, 幾個月前去私人度再上返ST可以就我星期六, 老公睇住囡囡, 個老師幾有愛心, 我仔仔仲超級鐘意佢添

........但上個月家長日, 老師話仔仔的程度只係到K1學期中, 問過好多人意見同埋自己覺得可以照升K2 ...... 其實如有需要留K1我都唔介意, 但我又唔覺佢太差, 係家好多嘢講, 可能仔仔係學校怕羞唔講嘢........其他老師又話, 如俾佢再留K1, 對住啱啱學講嘢的小朋友, 其實對佢無幫助, 所以諗咗好耐, 寧願暑假時同佢突訓多些, 希望佢追到........

所以希望知道做ST做1-2年後, 係咪真係可以跟到普通小朋友的進度, 因我唔想再浪費佢的黃金時期了

Rank: 5 Rank: 5


	2386

7^#

發表於 13-6-20 23:55 |只看該作者

回覆：真心想問大家..........言語治療有無用?

我囡現在3.5yr, 做了7個月，都係近排才暫有起色！佢連Ot 一齊做，姑娘話語言和感統有好大關係！感統得，言語發展會快。你也留意一下小朋友的平衡和大肌肉發展如何。

Rank: 5 Rank: 5


	2610

8^#

發表於 13-6-21 01:34 |只看該作者

回覆：fishchow 的帖子

我都想揾感統評估/訓練俾我女女，請問可否俾d資料我呢？

Rank: 5 Rank: 5


	1322

9^#

發表於 13-6-21 15:15 |只看該作者

小朋友是否能在接受言語治療後, 達至同齡兒童的水平呢?
主要視幾個因素: 1. 言語遲緩的原因(如單純的言語發展慢, 比有自閉症的孩子, 可能會快一點) 2. 言語遲緩的程度 (只有表達力弱, 還是表達理解發音亦慢??) 3. 家居訓練的跟進. 4. 言語治療師與孩子是否"夾".

我見過上了5-6堂已有明顯進步的孩子; 亦有孩子直至上小學仍需要上言語治療. 但可以肯定的是, 他們都有進步!!

所以各位爸爸媽媽加油呀!

Rank: 5 Rank: 5


	1336

10^#

發表於 13-6-21 23:00 |只看該作者

回覆：真心想問大家..........言語治療有無用?

本帖最後由 kartimmi 於 13-6-21 23:03 編輯

小兒上年2歲半被評為delay 1年，眼神，社交都弱，連單字都冇，只識＂呀呀＂叫。跟住就上ST 和OT,現在3歲已識講簡單句子：我要食／玩xxx. 唔該xx俾xx我，etc 詞語識多左好多，有中有英咁

雖然仲有delay,比正常小朋友差,但我覺得已進步好多啦! ST/OT都有幫助，除左train小朋友亦train埋我去幫小朋友呀

Rank: 5 Rank: 5


	1394

11^#

發表於 13-7-1 21:59 |只看該作者

成日聽你地咁講ST/OT係乜野來?

Rank: 6 Rank: 6


	5852

12^#

發表於 13-7-2 09:56 |只看該作者

ST = Speech Therapist (言語治療師)
OT = Occupational Therapist (職業治療師)

Rank: 2


	55

13^#

發表於 13-7-8 11:03 |只看該作者

深同感受, 我囝囝就快4歲, 獨子, 平時只有我同工人照顧佢, 爸爸外地工作, 工人仲要唔識中文, 年頭去政府check過話佢只是言語遲緩大約一年, 但到現在都未有任何治療安排, 直到最近老師suggest我囝囝repeat多一年K1 我先發覺唔可以坐以待斃, 決定出去找私營, 所以都好想知言論治療有無用

Rank: 6 Rank: 6


	5852

14^#

發表於 13-7-8 18:34 |只看該作者

如果細蚊仔已經被評估需要言語治療, 係咁嘅情況下, 言語治療訓練係會幫到手. 我甚至乎認識有唐氐細蚊仔經過針對性嘅言語治療, 加埋爸爸媽媽平時嘅訓練, 可以清晰表達諗法, 有好嘅句子結構. 大家做媽媽嘅要努力加油呀!

以下係政府教育局言語及聽覺服務組提供語言重要性:

語言運用是建構知識的先決條件。因此，我們必須為學生打好語言基礎，以便他們能學會學習並具備終身學習的能力。
語言能力與思維能力息息相關，無論是語文或其他學科，學生都必須在聆聽、說話、閱讀和寫作(聽、說、讀、寫)的四個學習範疇具備理解、說明、分析、歸納、推論等能力，才能培養學習興趣、發展高層次思維。
此外，語言也是重要的交際工具。良好的語言能力有助學生的社交發展，建立自信和正確的價值觀。
然而，部份學童由於在語言能力、發音準確度、說話流暢度及／或聲線運用上出現問題，因而影響了他們在溝通、學習和社交方面的表現。有任何上述問題的學生，均可被稱為有言語障礙的學生(語障學生)。有語言問題或發音問題的語障學生在語言或語音發展上較同齡的兒童緩慢或紊亂，因此出現不同程度的理解、表達或構音困難，例如：不明白課堂常規和教師指示、不懂作答、用詞不當、句子過短、說話和行文欠缺條理或不配合情景、說話時出現音節替代、刪減或扭曲等現象；說話流暢度及聲線運用出現問題的語障學生可能因說話節奏控制困難或聲音沙啞、失聲而引致不同程度的溝通障礙。
一些語障學生甚至還有其他特殊教育需要，假如得不到適時適切的支援，他們的成長勢必深受影響。因此，及早識別、評估和支援這些學生至為重要。

Rank: 2


	46

15^#

發表於 13-7-12 02:32 |只看該作者

lingling_mum 發表於 13-6-20 17:14
回復 kathysmk 的帖子

一定有效！不過要時間，快則半年，慢則一至兩年，視乎問題嚴重性。上課最少一星期一 ...

可否也給我你的治療師資料？謝謝！[email protected]

Rank: 5 Rank: 5


	1156

16^#

發表於 13-7-15 18:02 |只看該作者

回復 kathysmk 的帖子

可否也pm給我有關上門或其他資料. 謝


	44

17^#

發表於 13-7-17 03:13 |只看該作者

引用：十分體諒你嘅困惑！請問你嘅囝囝做咗言語治

提示: 作者被禁止或刪除內容自動屏蔽


	121

18^#

發表於 13-7-18 12:04 |只看該作者

提示: 作者被禁止或刪除內容自動屏蔽

Rank: 4


	730

19^#

發表於 13-8-18 18:30 |只看該作者

我個仔今年五歲,上年開始上言語治療5-6堂已有明顯進步...

Rank: 2


	35

20^#

發表於 13-8-19 10:48 |只看該作者

回覆：lingling_mum 的帖子

你好，可否pm言語治療師的資料給我？謝謝

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢