又想變, 又唔想變, 請大家比D意見 - 幼校討論 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 幼校討論 › 又想變, 又唔想變, 請大家比D意見

發新帖

查看: 2633\|回覆: 22	go 又想變, 又唔想變, 請大家比D意見 [複製鏈接]

Rank: 4


	798

1^#

發表於 13-8-12 13:22 |只看該作者 |倒序瀏覽 |打印

小朋友暑假後升K2, 而家讀緊一間普通過普通嘅超級村校全日班, 照顧上都OK無問題, 但學術上當然無咁多資源, 應該有嘅都會有, 如英文每星期三堂, 每堂大概30MINS, 普通話就只係每星期一堂. 但係校舍細 (只有一層, 每班一個課室再加個天台), 而同學當中都有4-5個跨境. 整體上, 小朋友返學係開心的.

前兩日打電話到區內另一間比較出名嘅, 有位插下午班, 個間校舍有兩層, 大間D, 同埋上網見到間學校嘅小朋友好似成日攞獎.

問題就係如果轉校, 爺爺嫲嫲對多左佢, 驚佢地頂唔順 (因小朋友屬於活躍型, 但已問左佢地口講就話OK), 另作息方面要重新適應.

如果你地係我, 會唔會轉校呢 ? 唔該晒

Rank: 6 Rank: 6


	8661

2^#

發表於 13-8-12 15:02 |只看該作者

彈弓狗發表於 13-8-12 13:22
小朋友暑假後升K2, 而家讀緊一間普通過普通嘅超級村校全日班, 照顧上都OK無問題, 但學術上當然無咁多資源, ...

路過:

其實樓主要考慮你想要小朋友返邊類型學校?
想轉去果間係咪有D野真係咁吸引到你值得去轉?
例如英普班?(多D英文) (如KM SC 樂基 LH 英普班出名好)
有小學BACKUP? (龍校)
傳統名幼(如KV)
神校CCKG (K2 OFFER)

你話: "區內另一間比較出名嘅, 有位插下午班, 個間校舍有兩層, 大間D, 同埋上網見到間學校嘅小朋友好似成日攞獎"
小朋友好似成日攞獎~ 邊類獎?
自己要衡量呢D講係咪對你好重要?
又你小朋友轉過去之後係咪一定會攞獎?

如果係我呢D所謂怪獸家長.我會睇升小成績..英普班(學多D學好D英文)
另外樓主要考慮:
1.全日VS 半日(下午)
2. 距離遠近
3 小朋友可否適應新環境

如果係我...除非係好勁果類學校(KV/KM/SC) & CCKG (K2) & 全龍校(PC) (以上係九龍區ONLY) 俾OFFER我仔..先值得去搏轉校...如果唔係...要再考慮清楚值唔值得去做

以上只是我自己愚見....非喜勿插..謝謝

存感恩的心

Rank: 6 Rank: 6


	5878

3^#

發表於 13-8-12 15:08 |只看該作者

回復彈弓狗的帖子

我同你差唔多, 等到有位插班諗都唔諗即刻say yes, 又係全日轉半日, 我都驚奶奶唔like, 因為平時佢湊, 不過佢知我都係為個女好, 所以最終都唔反對我幫佢轉校, 個女已經返左2日新學校啦
同埋私校d資源點都俾有學劵學校好, 至於攞獎你就唔好祈望太大, 因為好多都係家長自己係出面谷, 攞到獎再通知學校, 未必係學校訓練出黎
只要你小朋友鐘意間新學校就唔好諗其他, 佢讀得開心最緊要

Rank: 4


	798

4^#

發表於 13-8-12 16:20 |只看該作者

回復晞晞爸b 的帖子

晞晞爸B, 幸會, 成日見到你D POST 或回复, 覺得你真係好勁, 好少爸爸會好似你咁熱心自己小朋友升學

其實個間出名少少都係講緊區內, 唔係英普班, 只係地方大d, 多d唔同種類嘅野玩, 小朋友可以睇多d野. 獎方面, 我見係d團體跳舞獎, 老實講, 攞到獎又唔一定曉飛, 但好似可以比小朋友有途徑去嘗試呢d野.

派位方面, 都係大抽獎, 唔係直資, 我諗無乜關係 ?

唉, 當然如果有好大轉變嘅, 唔使諗即刻轉 (如果kv waiting 收左, 唔使諗幾辛苦都即轉), 但而家就係, 我表面睇到呢一浸係咪真實而又係咪值得我咁做.

Rank: 5 Rank: 5


	1553

5^#

發表於 13-8-12 16:24 |只看該作者

回復彈弓狗的帖子

我都同意wingmanlam 所講, 特別係如果target直資/私小, 學券學校始終較有優勢.

另外我個人都幾著重校舍, 雖然校舍大你都未必每日用到盡, 但始終大少少, 走動空間點都多少少o既.

至於全日班轉為半日, 仲要係pm, 我諗如果小朋友適應力ok, 再加上照顧者願意, 其實唔係太大問題, 反正都有d幼稚園係一年am一年pm o架啦~ 個人認為k2至k3返半日都有好處, 如果小朋友仲要nap就nap, 唔需要nap的話又可以多d時間上下興趣班.

Rank: 4


	798

6^#

發表於 13-8-12 16:25 |只看該作者

回復 wingmanlam 的帖子

咁係插班 k2 ? 即係由有學卷轉無學卷? 我小朋友比較樂觀, 但相信好難令佢唔開心, 我就係擔心究竟個好d, 個一"d" 係咪足以要轉校, 而令到全世界要就我呢個決定

Rank: 6 Rank: 6


	5878

7^#

發表於 13-8-12 16:42 |只看該作者

回復彈弓狗的帖子

係呀, 由有學劵村校轉左去sn插班k2, 因為我好like佢地個環境, 我個女去到好鐘意
我個女適應力都好強而且自理好ok, 所以我唔太擔心
我都有唔捨得舊學校, 因為舊校有d興趣班好平好抵玩, 不過一分錢一分貨, 如果你想考私小or直資, 學校o既名氣唔多唔少都有d影響
你有無帶過你小朋友去新o個個間學校, 佢有咩反應? 如果佢好抗拒就無謂轉

Rank: 6 Rank: 6


	8661

8^#

發表於 13-8-12 17:31 |只看該作者

彈弓狗發表於 13-8-12 16:20
回復晞晞爸b 的帖子

晞晞爸B, 幸會, 成日見到你D POST 或回复, 覺得你真係好勁, 好少爸爸會好似你咁熱心 ...

呵呵..幸會

其實看完你的回覆及你回覆 wingmanlam 的帖子
似乎你已心有所屬..

我同意deniseL所說的...校舍大點走動空間點都多少少o既.所以我去年去IN又一村既時候..我真係迷戀上它的校舍..又大又寬敞...

話說回來...可能我自己TARGET直資...所以我會比較現實D...寧願俾錢(無學卷)搵有NET教英文既學校係我不二之選..始終日日班主任係NET..每一句說話都係用英文...小朋友日日浸係全英環境總好過一日只得15/30分鐘英文
(當然喇...無得同IS比...始終唔同級數)

一分錢一分貨..雖說回報不一定有guarantee..但係有時就係咁現實...有學卷但要放學出去補...我同我太太係全職返工又行唔開...不如讀無學卷英普(國際班)...如果你唔甘心(好似我咁)..我會今年再戰K1...
我地做父母既可以做既就係盡量俾最好既自己仔女..但有時要認命...就好似我等緊KM&LH call 都係無下文一樣..認命再來過..最少唔會後悔

既然樓主都已心有所屬..那就去做吧(最緊要係要得到你另一半同意...畢竟兩公婆一起去分擔一起去努力)..我相信你一定會為你小朋友找一間比較好的學校..我們都是這樣的...不是嗎?

加油!

存感恩的心

Rank: 4


	798

9^#

發表於 13-8-12 18:47 |只看該作者

回覆：deniseL 的帖子

我都認同你所講，校舍大d都多d地方走動。而且到k3都要nap , 升小一又nap 咩

Rank: 4


	798

10^#

發表於 13-8-12 18:52 |只看該作者

回覆：晞晞爸b 的帖子

你真係好明事理(尤其係要得另一半認同), 因為爸爸唔多理，一講佢就夠覺得，唔差得多就無謂轉，佢唔理，佢根本唔知而家考幼稚園，考小學係點樣，佢會覺得實有書讀嫁，每間學校都有第一名嫁啦，所以我更驚自己做錯決定

Rank: 6 Rank: 6


	5878

11^#

發表於 13-8-12 19:29 |只看該作者

回復彈弓狗的帖子

我老公都係咁，就係K1個時聽佢講，做錯決定，勁後悔，好彩插班成功，就算日後上普通小學都可以讀得輕鬆D

Rank: 4


	798

12^#

發表於 13-8-12 19:47 |只看該作者

回覆：wingmanlam 的帖子

我地都好似

咁我要把心一橫先得
請問Sn 學費幾多？

Rank: 6 Rank: 6


	7633

13^#

發表於 13-8-12 19:51 |只看該作者

引用：回復+彈弓狗+的帖子我老公都係咁，就係K1

原帖由 wingmanlam 於 13-08-12 發表
回復彈弓狗的帖子

我老公都係咁，就係K1個時聽佢講，做錯決定，勁後悔，好彩插班成功，就算日後上普通小 ...

yes, 幼稚園太hea, 小學好難跟。

Rank: 6 Rank: 6


	5878

14^#

發表於 13-8-12 20:06 |只看該作者

3650, 不過其他雜費都唔平

Rank: 6 Rank: 6


	8661

15^#

發表於 13-8-14 07:03 |只看該作者

彈弓狗發表於 13-8-12 18:52
你真係好明事理(尤其係要得另一半認同), 因為爸爸唔多理，一講佢就夠覺得，唔差得多就無謂轉，佢唔理，佢根 ...

其實兩公婆最緊要多d溝通，尤其揀學校（正式決定讀邊間或轉學）咁大件事，我覺得最低限度最少另一半都要知道及諒解，畢竟小朋友父母兩個都有份生及管教，最緊要有共識或諒解，唔好冒然行事，如果唔係你會好辛苦。
我太太跟你先生一樣，不太理讀書嘅事，經過呢半年我不停同佢溝通及分析，尤其佢開始留意升小及升中派位的新聞，佢開始明白我做緊嘅野係用意。你嘗試同你先生溝通，俾d新聞及數據佢睇，俾d時間佢，希望慢慢可能佢終於會明白你嘅用意及苦心。加油喇！

存感恩的心

Rank: 5 Rank: 5


	4321

16^#

發表於 13-8-15 16:14 |只看該作者

wingmanlam 發表於 13-8-12 20:06
3650, 不過其他雜費都唔平

請問大約有什麼雜費? 加埋約共多少$?

Rank: 5 Rank: 5


	4247

17^#

發表於 13-8-16 12:02 |只看該作者

晞晞爸b 發表於 13-8-14 07:03
其實兩公婆最緊要多d溝通，尤其揀學校（正式決定讀邊間或轉學）咁大件事，我覺得最低限度最少另一半都要知 ...

我都係路過，搭下訕。

晞晞爸b，你真係似足我地d 媽咪咁著緊仔女升學，我又係諗到頭爆，我老公就唔多理。
不過我同我老公有樣嘢大家都好同意，就係讀英普。我都好肉赤每月學費，但我好同意你所講，在職的爸媽真係無乜時間再去補呢樣果樣。每日都有NET咪仲好。

Rank: 3 Rank: 3


	439

18^#

發表於 13-8-16 16:15 |只看該作者

我都係路過, 講兩句...
我小朋友今年岩岩返K1, 都係讀SN, 我同老公一向都唔知道小朋友世界既事, 以前我冇諗住生, 更加唔會主動去問朋友關於小孩讀書既野, 直到有左小朋友, 我老公又係唔理既, 只有我不停上BK睇, 同朋友傾, 但好好彩佢唔主動理, 但佢會聽我講, 佢自己亦會分析, 我地唔係好富裕, 但由最初大家都諗住比小朋友讀有學劵既幼稚園, 到依家比左一間私校佢讀, 我覺得係正確既決定, 最初諗住除非龍校或且KV收, 如果唔係就讀有學劵既幼稚園, 我地考左十幾間幼稚園, 但全部龍校都只係WAITING, 小學我地都係諗住大抽獎的, 但依家既競爭真係好大, 我知九龍城區果邊唔夠位, 要分到過黎我哩邊既校網, 我驚我唔比一間好D既幼稚園佢讀, 萬一派唔到我地心宜既小學, 要叩門都要有好既BACKUP先可以同人爭, 所以我最後決定自己放棄一D野, 去比一個叫做好D既環境佢, 而且適應左比較谷既學習環境, 希望佢將來升小冇咁辛苦.......

點評

lingan 同你情況相似。要捱多3年.... 發表於 13-8-16 16:37

Rank: 5 Rank: 5


	1553

19^#

發表於 13-8-16 16:39 |只看該作者

回復 Mymelody33 的帖子

我同你情況都好相似, 不過我老公比我更加鍾意小朋友, 只係佢對讀書o既事冇我咁著緊. 我一路都希望幫阿仔搵冇學券o既學校, 雖然我地冇乜錢, 但亦都係希望盡量比小朋友多個選擇, 尤其是而家小學學位面對咁大壓力, 都希望阿仔第時考小學時競爭力大少少. 同lingan一樣, 我都鍾意英普班多d.

樓主, 你有最後答案未呀?

Rank: 4


	798

20^#

發表於 13-8-16 23:38 |只看該作者

回覆：deniseL 的帖子

已經In 左個間好少少嘅，但in 個陣自己好似都無咩heart. 仲要等兩個星期寄信通知，我都無太大反應。真係唔知，或者只好呢一年好好裝備小朋友，希望到時考到心儀小學

‹ 上一主題|下一主題 ›

發新帖

熱門主題

IB 適合那些小朋友?39

最高瀏覽主題