沙田主風小學分享 - 小一選校

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 小一選校 › 沙田主風小學分享

查看: 1786\|回覆: 3	go 沙田主風小學分享 [複製鏈接]

christina0810

複式洋房

Rank: 3 Rank: 3


	153

1^#

發表於 13-8-6 18:12 |只看該作者 |倒序瀏覽 |打印

見到大家對主風既評價有好有壞，都忍唔住分享一下我個女既情況。但我又新加入，未識用回覆功能，試下係度講。

佢岩岩果年讀三年級，即下年升小四。佢升左三年級之後就成日同我講好唔開心，因為班主任同埋個英文老師好惡，成日鬧人。

佢同我講，話每日食飯前總會比班主任狂鬧。初初仲以為男老師會比較溫和，但原來仲惡過 D Miss。

食食下飯英文老師就上黎，要佢地即刻做改正。佢話好多同學都係要做完改正先食飯，一改錯就比英文老師鬧。真係連飯都冇得食。個細路食飯都食到咁有壓力，我真係好擔心。唉﹗

佢依家都好驚果個英文老師下年會教返佢，成日話唔鍾意上英文堂。猛話聽唔明佢講乜同埋會比佢鬧，一話學英文就耍手擰頭。佢話個英文老師仲會成日威脅學生，話:「你做唔好改正，我唔同你講野呀﹗」係當住全班同學面前講，幾個同學都話聽到。真係好似小學生唔同人玩。

初初我對囡囡講既野半信半疑，會唔會係佢抗拒 d 老師。但睇完你地話 d 老師成日鬧人，相信個女都受左唔少委屈。

依家打算睇埋佢下年就決定轉唔輚轉校，其實我都希望係因為一兩個老師唔好。當然唔係全部都差，至少我個女好鍾意佢既中文老師，話佢好好人。轉校，對個細路又未必係最好，我都諗緊。