請各位資優媽咪幫忙！好煩惱 - 資優教育 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 資優教育 › 請各位資優媽咪幫忙！好煩惱

發新帖

查看: 2773\|回覆: 18	go 請各位資優媽咪幫忙！好煩惱 [複製鏈接]

Rank: 4


	936

1^#

發表於 13-5-11 12:08 |只看該作者 |倒序瀏覽 |打印

我仔七歲，一直唔覺佢有乜特別，係知佢有啲小聰明，好記性，成績一年級一般，升上二年級後兩測一考名次都係全級十名內，但班主任（一，二年級都係）最近話佢係資優生，因為佢從來唔會專心上堂，成日自己玩文具，把口唔停，但主科老師都話問佢又識答又知老師講乜，俾嘢佢做又識喎！初時懷疑有專注力不足，但身體檢查姑娘話唔係，佢係屋企直情失控，我叫佢唔好再講，佢一係就細細聲講埋去，一係就叫我唔好理佢由佢自言自語，最近仲開始好有主見，我唔順從佢就發脾氣，大力將啲書拍落枱，尋晚仲踢櫈，我就上網搵相關資料，打去資優教育學院同中大，初步電話結果係我仔有資優特徵，中大話佢連埋焦慮，因為佢間唔中會諗埋啲生死問題，有時會擔心到喊，要我開解，各位有經驗媽咪，因為做一份評估要幾千元，唔係負擔唔到，係擔心check到唔係好似好浪費咁！大家點睇！煩請俾啲意見！

Rank: 3 Rank: 3


	475

2^#

發表於 13-5-11 13:17 |只看該作者

回覆：浩霆豬豬的帖子

去Check 下啦。起碼知係乜原因都好。

Rank: 4


	936

3^#

發表於 13-5-11 13:45 |只看該作者

boyboy2006 發表於 13-5-11 13:17
去Check 下啦。起碼知係乜原因都好。

多數都會同佢check嘅丨但佢唔發脾氣唔諗無謂嘢時又無乜嘢！所以擔心會浪費金錢！

Rank: 3 Rank: 3


	475

4^#

發表於 13-5-11 13:57 |只看該作者

回覆：浩霆豬豬的帖子

我家中嗰個都係咁。但如果一觸動了佢哋的內心深處就一發不可收拾。Check 咗之後，起碼知道佢哋真是內心比較復雜反而多了一份諒解。在此祝各位母親節快樂，各位小朋友開開心心

Rank: 4


	936

5^#

發表於 13-5-11 14:08 |只看該作者

boyboy2006 發表於 13-5-11 13:57
我家中嗰個都係咁。但如果一觸動了佢哋的內心深處就一發不可收拾。Check 咗之後，起碼知道佢哋真是內心比較 ...

咁你係邊度check！你小朋友係咪資優呀？我仔啱啱送咗支花同心意咭俾我，哈哈！大家母親節快樂！

Rank: 6 Rank: 6


	5974

6^#

發表於 13-5-11 15:24 |只看該作者

我反而覺得check唔check係資優根本不是關鍵，而是你要學識處理仔仔的情緒問題，難道check完發覺他不是資優，便可以不理他的問題嗎？資優test我相信可以幫你了解仔仔更多，從而找到方法處理他的情緒。

Rank: 3 Rank: 3


	475

7^#

發表於 13-5-11 16:33 |只看該作者

回覆：請各位資優媽咪幫忙！好煩惱

我在中大check 的，不過我知道出面都有好多地方可以check , 但好不好就要請教其他媽咪或Daddy 了。

Rank: 4


	936

8^#

發表於 13-5-11 17:24 |只看該作者

mother904 發表於 13-5-11 15:24
我反而覺得check唔check係資優根本不是關鍵，而是你要學識處理仔仔的情緒問題，難道check完發覺他不是資優 ...

呢樣都係我擔心嘅其中一樣，如果唔check資優，可能會見中大心理學家，佢哋$1100見45分鐘

Rank: 4


	936

9^#

發表於 13-5-11 17:26 |只看該作者

boyboy2006 發表於 13-5-11 16:33
我在中大check 的，不過我知道出面都有好多地方可以check , 但好不好就要請教其他媽咪或Daddy 了。

...

如果我check都係揾中大或資優教育學院，出面個啲我驚俾人呃

Rank: 10


	27897

10^#

發表於 13-5-11 22:09 |只看該作者

回覆：浩霆豬豬的帖子

Check咗係資優之後，你又會點做？
孩子在情緒或表現上有焦慮、心急、失控與是否資優，你都要去面對。
奉勸大家，不要逼得太緊。孩子需要空間成長。

Rank: 4


	812

11^#

發表於 13-5-12 00:51 |只看該作者

其實如果學校唔幫你報資優班的話, 你check來都無咩用, 不如諗下點樣引導佢宣洩情緒好過, 佢抒發到情緒, 就無咁易要生要死的

Rank: 4


	936

12^#

發表於 13-5-12 01:03 |只看該作者

shareholder 發表於 13-5-12 00:51
其實如果學校唔幫你報資優班的話, 你check來都無咩用, 不如諗下點樣引導佢宣洩情緒好過, 佢抒發到情緒, 就 ...

我個仔無要生要死，佢係成日諗人死咗會去邊，上咗天堂我仲認唔認得佢，投過胎做唔做番一家人，睇災難片會驚發生係自己身上咁啫！然後情緒會不安，佢無好激動，只係要做個樣嘢如果我制止佢就發脾氣！而學校亦只係俾咗一疊資料我，暫時無提報課程啲嘢。我比較擔心佢成日胡思亂想。

Rank: 4


	936

13^#

發表於 13-5-12 01:10 |只看該作者

Radiomama 發表於 13-5-11 22:09
Check咗係資優之後，你又會點做？
孩子在情緒或表現上有焦慮、心急、失控與是否資優，你都要去面對。
奉勸 ...

我打算如果係資優會俾佢上一啲佢鍾意嘅課程，暫時佢對人體構造同天文啲嘢好有興趣，至於焦慮係我比較擔心，我怕自己處理得唔好，因為佢問我人死後啲嘢，答到我驚驚哋，驚佢唔知諗緊啲咩，已經成日同佢傾，但佢每隔一排又問。

Rank: 7 Rank: 7 Rank: 7


	11133

14^#

發表於 13-5-12 01:31 |只看該作者

浩霆豬豬發表於 13-5-12 01:10
我打算如果係資優會俾佢上一啲佢鍾意嘅課程，暫時佢對人體構造同天文啲嘢好有興趣，至於焦慮係我比較擔心， ...

中大課程冇規定要有評估報告的。

Rank: 5 Rank: 5


	1365

15^#

發表於 13-5-12 08:43 |只看該作者

引用：Quote:Radiomama+發表於+13-5-11+22:09+Che

原帖由 浩霆豬豬 於 13-05-12 發表
我打算如果係資優會俾佢上一啲佢鍾意嘅課程，暫時佢對人體構造同天文啲嘢好有興趣，至於焦慮係我比較擔心， ...

我前年11月亦選擇正確帶仔仔到中大做了評估，他在家是非常乖巧的，但發起脾氣亦是同你仔仔差不多，班主任用精神病形容我仔，當時作為母親的聽到實在心痛得難以形容，離開學校一個人在街上眼淚一直流了個多小時。
老公叫我立即約心理學家，當時同仔仔講父母很想了解他多些亦想他多些了解父母，所以帶他玩遊戲，見了2堂心理學家說仔仔沒有情緒病、精神病等等，反而是一個非常乖巧的男孩子，要多見幾堂才能進入他內心深處！
於是立即打電話到中大約，我告知情況，非常心急要向學校交代，說若有人取消我可以立即帶仔仔來！
知道仔仔不是很高分但很平均13o+，即時當面講解是：
因為學習動機及理解相當高，適合精應班；若沒有精應班要同學校商量或給他可以看書找知識，才不會容易引發情緒，不停忍耐及等待要大些才可以做到的。中大心理學家亦稱讚仔仔是乖巧的孩子，只因為學校可能不太認識資優生，引起一些情緒所以誤會他精神病！
當我知道後確實幫了忙，起碼我知道走什麽方向找正確處理方法，要看那些資料書籍了解孩子，應該上那一些資優家長學堂，知道多一點知道是那裡引發問題確實沒有那麼心慌，知道如何教導孩子正確人生及價值觀！
仔仔現在三年級了，上學期仍然未穩定，但下學期突然大個仔，其實他們很有思想，但父母的確比較辛苦去了解及引導！各位資優兒的父母，加油呀!！！！！

Rank: 4


	812

16^#

發表於 13-5-12 11:59 |只看該作者

一般細路你還可以 hea 過佢, 但資優你就一定要俾個滿意答案佢啦
佢係成日諗人死咗會去邊: 死左可以去任何靈魂想要去的地方, 靈魂是不受時空限制的
上咗天堂我仲認唔認得佢: 一定認得,
投過胎做唔做番一家人:如果靈魂選擇再投胎返來, 咁樣當然做唔返一家人啦, 靈魂要選擇在一個新的家庭有一個全新的體驗, 也是很好的事
睇災難片會驚發生係自己身上咁啫: 咁叫佢唔好再睇災難片啦
我比較擔心佢成日胡思亂想: 教佢表達情緒

Rank: 4


	936

17^#

發表於 13-5-12 18:53 |只看該作者

shareholder 發表於 13-5-12 11:59
一般細路你還可以 hea 過佢, 但資優你就一定要俾個滿意答案佢啦
佢係成日諗人死咗會去邊: 死左可以去任何靈 ...

多謝你教路！佢每隔一段時間就問，我初初淨係閙佢，直到最近班主任話佢係資優我先開始擔心，好驚自己唔識開解佢。

Rank: 4


	936

18^#

發表於 13-5-12 18:58 |只看該作者

zngo 發表於 13-5-12 08:43
我前年11月亦選擇正確帶仔仔到中大做了評估，他在家是非常乖巧的，但發起脾氣亦是同你仔仔差不多，班主任用 ...

咁我仔班主任又好好喎！無投訴過佢，反而叫我留意佢有無專注力不足，仲成日係我面前讚佢，佢暫時唔算成日發脾氣，起碼係學校或興趣班表現都好正常，係屋企有時唔順佢意就發囉！佢eq係零！


	1031

19^#

發表於 13-5-12 21:37 |只看該作者

提示: 作者被禁止或刪除內容自動屏蔽

‹ 上一主題|下一主題 ›

發新帖

熱門主題

最高瀏覽主題