上午返私人S位，下午返主流幼稚園，大家點睇？ - 自閉寶寶 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 自閉寶寶 › 上午返私人S位，下午返主流幼稚園，大家點睇？ ...

發新帖

查看: 4611\|回覆: 19	go 上午返私人S位，下午返主流幼稚園，大家點睇？ [複製鏈接]

Rank: 6 Rank: 6


	5302

1^#

發表於 11-11-8 09:36 |只看該作者 |倒序瀏覽 |打印

早前我出過這個POST，現在想跟大家分享一下。

今年8月囝囝3yr，讀第二年私人S位，下午安排了他返K1。

返了三個月，我就替他退學了。

最主要原因係因為囝囝好抗佢。只要一提幼稚園，他就好唔開心。有時只係攞本手冊出來，他已經說"唔要返幼稚園"。有一次我跟他說下午要返幼稚園，他就立刻哭了出來，好不容易才替他換上校服，再用零食氹他上路，他邊吃邊忍住哭，可是到了幼稚園門口還是忍不住失聲大哭。我好心痛。

自那天後我就再沒有帶他返幼稚園了。

我好多謝幼稚園老師的教導，對佢有耐心又冇投訴。老師說他在學校唔講野，唔同同學玩，同埋做野好慢，雖然全班只有6個同學，但都不能次次等他。而且常常見他好累。不過，就好乖仔。

回顧他3個月的幼稚園生活。於社交、自理及語言都沒有明顯改善。但發現了他背書叻，3/4行中英文好快就背上口。

由於他太累，放學常發脾氣，說話都少了，其他練習更加唔肯做。

現在退了學，他又重拾午睡習慣。精神好了脾氣都好了。開始多返說話，自己又多了時間跟他玩。開心好多。之前令佢咁大壓力，諗返都心痛。

不過，每個小朋友的case都唔同，相信有人係manage到，我囝囝就唔得la...

Rank: 5 Rank: 5

醒目開學勳章貢獻勳章


	3407

2^#

發表於 11-11-8 13:02 |只看該作者

不是每個小朋友都可以這樣應付返二間

你能明智地幫自己小朋友退學唔返下午主流都係好事

原帖由 Olympian 於 11-11-8 09:36 發表
早前我出過這個POST，現在想跟大家分享一下。

今年8月囝囝3yr，讀第二年私人S位，下午安排了他返K1。

返了三個月，我就替他退學了。

最主要原因係因為囝囝好抗佢。只要一提幼稚園，他就好唔開心。有時只係攞本手冊出來，他已 ...

節錄: 將進酒~李白
人生得意須盡歡，莫使金樽空對月，
天生我材必有用，千金散盡還復來。
烹羊宰牛且為樂，會須一飲三百杯。
岑夫子，丹丘生，將進酒，杯莫停。
與君歌一曲，請君為我傾耳聽。
鐘鼓饌玉不足貴，但願長醉不復醒。
古來聖賢皆寂寞，惟有飲者留其名。

Rank: 5 Rank: 5


	1502

3^#

發表於 11-11-8 14:41 |只看該作者

我個都係三歲，上午返私人S，下午返普通幼稚園N班 (K1唔收)。返了三個月幼稚園無返啦...

唔返一來見佢好倦，影響學習；二來學校無資源handle 佢(佢坐唔定)勸我退學，咁唯有退....

下午將會加其它訓練...

我個喜歡返學，上下午兩間都喜歡，仲成日囉幼稚園d書出黎睇，書上d圖晝名稱好多都識...佢無得返我都好心痛，奈何太倦只好有所取捨...

我個未識用言語表達，未識對話，只有單字...

努力中.....

Rank: 5 Rank: 5


	1787

4^#

發表於 11-11-9 00:08 |只看該作者

大家加油呀!


	50

5^#

發表於 11-11-14 15:49 |只看該作者

提示: 作者被禁止或刪除內容自動屏蔽


	50

6^#

發表於 11-11-14 22:25 |只看該作者

提示: 作者被禁止或刪除內容自動屏蔽

Rank: 3 Rank: 3


	327

7^#

發表於 11-11-15 12:22 |只看該作者

如果佢三四歲, 上午又返學下午又返學, 佢會好累, 加上一般幼稚園未必幫到佢, (以前幼稚園老師俾個特別位我亞仔, 然後找一個校工伴佢), 不如讓佢下午去遊樂場, 活動下對身體, S位老師都話佢活動好左, 協調好左.

Rank: 5 Rank: 5


	2371

8^#

發表於 11-11-15 21:33 |只看該作者

原帖由 Hello101 於 11-11-8 14:41 發表
我個都係三歲，上午返私人S，下午返普通幼稚園N班 (K1唔收)。返了三個月幼稚園無返啦...

唔返一來見佢好倦，影響學習；二來學校無資源handle 佢(佢坐唔定)勸我退學，咁唯有退....

下午將會加其它訓練...

我個喜歡返學，上下午 ...

坐唔定就勸退學 ?! 學校無資源handle 佢是借口:;pppp: 現時的很多幼稚園(就算不是名校,就算有位)都不想教啲稍有問題的小朋友。小小事就勁投訴。啲老師不想增加自已的工作量，就算學校想增加收入，但老師不想教，都會小事化大向學校報告，所以學校向家長施壓力，還口口聲聲說為小朋友好。這樣的幼兒教育工作者教給我們的下一代是怎樣的價值觀......昨天又聽到有小男孩輕生，很是心痛。

當然還有很多熱誠及愛心老師。向他們致敬。

Letter_lalaland

Rank: 7 Rank: 7 Rank: 7


	10556

9^#

發表於 12-6-23 15:04 |只看該作者

當一個成年人長期處於要疲於奔命、攰、唔精神嘅情況下，
可以預見會有情緒波動、工作效率降低、出現失誤、難以集中精神。

更何況是小朋友？！

訓練安排得太密，對大部分小朋友來說會太攰；
休息不足，則影響學習成效。

多並不代表好，
質與量同樣重要，
平日家中的訓練重要亦不亞於去中心的訓練

以上屬個人經驗之談，並不代表所有人的意見。

點評

發表於 12-7-4 20:07

Rank: 5 Rank: 5


	2193

10^#

發表於 12-6-23 20:43 |只看該作者

我個仔由上年返私人S位，至今已一年多。由本年2月開始，我安排佢上午返S位，下午返主流N班，都算幾成功，雖然佢個人係攰D(每晚九時便睡覺)，但返咗N班後，社交及語言發展明顯進步好多。我準備會安排佢喺九月開始返全日制主流K1班，導師及醫院D專家都好贊成呢！

Rank: 6 Rank: 6


	6785

11^#

發表於 12-6-23 21:34 |只看該作者

之前我都有朋友安排小朋友上午返私人s, 下午返普通n班 (因interview無發脾氣, 所以收左), 點知都係讀左2個月就走了.
過左一星期適應週後, 老師已懷疑小朋友係自閉症, 朋友話小朋友講野慢, 所以表達唔到時會忟一d. 已同老師講有安排小朋友上st. 但學校繼續比說話比朋友聽, 話小朋友唔合群, 叫佢收野唔即刻收, 一發脾氣就坐地同大哭大叫, 老師好難handle. 後來我朋友當聽唔到, 唔退學, 之後小朋友就任意流放在課堂, 如果唔肯坐低聽故事or 玩, 就由得佢自己想點就點. 朋友在窗見過幾次小朋友伏在枱上, 又或者自己唱歌, 玩手... (學唔到野, 所以退學, 寧願自費出去上其他班仲學到野)

遇到好的學校同老師固然係好, 真係可遇不可永. 朋友都覺得自己選擇無錯, 因為叫做比多機會小朋友讀一般幼兒園, 不過試左真係唔適合.

Rank: 5 Rank: 5


	2193

12^#

發表於 12-6-23 22:25 |只看該作者

若小朋友正在上私人S位，而又恐讓他們試讀主流幼稚園，父母應先考慮下列因素：
1. 小朋友的現況是否ok，例如能否聽從一般指示？能否處身於陌生環境？能否坐定定？(如情況是不樂觀，便不要強迫小朋友，讓他們有不愉快的經歷；相反，就要堅持讓他們作嘗試。在不同學校面試N班過程中，我也有一些不愉快的經歷：其中有一間幼稚園，在面試前已知道囝囝情況，到面試時，因開始時老師不肯讓囝囝玩園內的遊樂場，故他十分不合作，既不肯回答問題，又不段大哭，最後老師給了「很多說話」我聽；另一間幼稚園，面試時囝囝非常合作，跟足指示，做到老師的要求，並得到高度讚賞，但最後都因為見他只懂說單字而未獲取錄。但我不氣餒，繼續尋找，終於成功找到一間)
2. 先徵詢私人S位導師的意見，他們每天與小朋友相處，定能給予你中肯的見解？
3. 要清楚讓小朋友到主流幼稚園的目的：知識？社交？(例如我只要求讓囝囝學習與人溝通，聽從指示；至於知識學習則不是重點，來日方長，只要能改善基本學習能力，那怕日後追不上嗎？)
4. 有心理準備小朋友是會較攰的？(但詢問過一些兒科醫生，認為若小朋友能支持，是不會有礙發展的。Anyway，每天完成上午S位訓練後，工人都會讓他在車上小睡片刻，然後才上下午N班)
5. 若小朋友正在排政府S位，也要考慮日後會否轉讀I位或E位，避免日後小朋友要不斷轉換新環境。

點評

Capricorn2521 agree. 發表於 12-6-26 09:24

Letter_lalaland

Rank: 7 Rank: 7 Rank: 7


	10556

13^#

發表於 12-6-23 22:42 |只看該作者

fandd 發表於 12-6-23 22:25
若小朋友正在上私人S位，而又恐讓他們試讀主流幼稚園，父母應先考慮下列因素：
1. 小朋友的現況是否ok，例如能否聽從一般指示？能否處身於陌生環境？能否坐定定？(如情況是不樂觀，便不要強迫小朋友，讓他們有不愉快的經歷；相反，就要堅持讓他們作嘗試。在不同學校面試N班過程中，我也有一些不愉快的經歷：其中有一間幼稚園，在面試前已知道囝囝情況，到面試時，因開始時老師不肯讓囝囝玩園內的遊樂場，故他十分不合作，既不肯回答問題，又不段大哭，最後老師給了「很多說話」我聽；另一間幼稚園，面試時囝囝非常合作，跟足指示，做到老師的要求，並得到高度讚賞，但最後都因為見他只懂說單字而未獲取錄。但我不氣餒，繼續尋找，終於成功找到一間)
2. 先徵詢私人S位導師的意見，他們每天與小朋友相處，定能給予你中肯的見解？
3. 要清楚讓小朋友到主流幼稚園的目的：知識？社交？(例如我只要求讓囝囝學習與人溝通，聽從指示；至於知識學習則不是重點，來日方長，只要能改善基本學習能力，那怕日後追不上嗎？)
4. 有心理準備小朋友是會較攰的？(但詢問過一些兒科醫生，認為若小朋友能支持，是不會有礙發展的。Anyway，每天完成上午S位訓練後，工人都會讓他在車上小睡片刻，然後才上下午N班)
5. 若小朋友正在排政府S位，也要考慮日後會否轉讀I位或E位，避免日後小朋友要不斷轉換新環境。

同意。

Rank: 5 Rank: 5


	1215

14^#

發表於 12-6-23 23:20 |只看該作者

本帖最後由 YingYin 於 12-6-23 23:23 編輯

我個女是這樣做的,其實並不是我提議, 是s位姑娘叫我這樣做的
我當初都好無信心,因對自己女兒無信心,對姑娘講,好難有幼稚園收wor, 姑娘叫我試下,話我個女唔係咁差,於是就實行了差不多1年了
她是累的,但她讀幼稚園,明顯進步好多,有些野在s位很難學到,例如同小朋友互動,社交方面,同說話能力...問她2間學校,她是較喜歡幼稚園的,她有時回家吃飯後由6時瞓到第二日6時,真的不是人人可以,我現在早上讀的不是s位(之前讀了13個月s位),女兒升了班,在讀這間學校(s位)辦的補習班,繼續train佢專注+小肌+表達...target 9月可停,到時不用咁辛苦了

Rank: 5 Rank: 5


	1193

15^#

發表於 12-6-25 15:49 |只看該作者

YingYin 發表於 12-6-23 23:20
我個女是這樣做的,其實並不是我提議, 是s位姑娘叫我這樣做的
我當初都好無信心,因對自己女兒無信心,對姑娘 ...

請問你囡囡讀了多少年S位才轉出主流？讀主流時是多少歲呢？我仔現在還是不會玩集體遊氣，當小朋友們都集中在遊戲中時，我個仔就走開，一係就企住在人群中但唔係集中在遊戲裏，係游雲咁，咁樣俾佢入主流係咪未READY?

點評

YingYin 小朋友是否READY入主流,真的要問問專業人士發表於 12-6-26 09:58

YingYin 2.2 歲讀私人S位,3歲下午讀幼稚園, 3.3歲私人S位畢業,之後上午讀S位辦的幼稚園補習課程發表於 12-6-26 09:56

Rank: 5 Rank: 5


	2193

16^#

發表於 12-6-25 23:17 |只看該作者

「……我仔現在還是不會玩集體遊氣，當小朋友們都集中在遊戲中時，我個仔就走開，一係就企住在人群中但唔係集中在遊戲裏，係游雲咁……」聽你咁講，就真係唔好製，以免囝囝唔開心，又可能俾主流幼稚園老師投訴。
回想我囝囝喺1-2歲期間參加playgroup時，除咗有你囝囝的表現外，每次都唔肯聽導師既指示。在兩歲時知道佢有自閉，雖然當時已有多間主流幼稚園收咗讀N班，但我哋都無比佢返，只集中返私人S位。本年諗住等佢K1才嘗試返主流，不過經1年私人S位訓練後，除我哋覺得佢有顯著進步外，S位的導師也支持囝囝提前嘗試返主流，所以佢先會喺今年2月開始返主流N班。
因此，如你有疑問，應主動向你囝囝就讀學校既老師查詢囝囝既現況，睇吓同你「客觀」既睇法係咪相同，並且可以向佢哋攞D適切性建議。

Rank: 5 Rank: 5


	1193

17^#

發表於 12-6-27 07:54 |只看該作者

回覆：上午返私人S位，下午返主流幼稚園，大家點睇？

多謝你的建議，咁你仔返左几個月n班，表現如何？老師又知他有特殊需要嗎？

Rank: 5 Rank: 5


	2193

18^#

發表於 12-6-27 21:17 |只看該作者

由於我不想幼稚園老師對囝囝有「先入為主」的感覺，故我事先未有通知他們有關囝囝的自閉問題。過去幾個月，我同老婆曾經擔心會否收到學校既投訴電話(以前由工人帶佢上playgroup時經常收到這類電話)，但好彩沒有。後來我直接向班主任查詢囝囝的學習情況，她表示囝囝很乖，又聽指示，能與其他們同學融洽相處，只是語言表達不太流利。近日因某些原因我需向學校透露囝囝的自閉問題，她們也感到有些驚訝，不太相信囝囝會有自閉問題。(1年半前醫生曾表示囝囝是中度自閉)。
回顧過去1.5年，我覺得囝囝得以改善，原因有：
1. 囝囝的病情可能不是醫生描述那麼嚴重
2. 隨著年歲增長，囝囝的身心發展得到自然改善(2-3歲間)
3. 私立密集式S位的幫助：囝囝經由一群專業的幼兒導師、語言治療師、職業治療師及心理學家的訓練，我認為是最重要的因素
4. 我倆公婆每天與囝囝寓遊戲於學習(每天至少1.5小時，假日則全天候)

Rank: 5 Rank: 5


	1215

19^#

發表於 12-6-27 23:07 |只看該作者

本帖最後由 YingYin 於 12-6-27 23:17 編輯

有媽媽問我,那一間s位好,我話最緊要找到個好姑娘,我之前係呢間
s位上了5個多月,但都見唔到明顯進步,之後因升班(之前是能力最低的小組),轉了個姑娘,明顯進步很多,她很叻,很快知道我女強項,她問我,你女強項是甚麼,我說唔知(好似無乜),佢話係記憶強(我係唔覺),佢比好強信心給我,叫我唔好選i位,指我選的不合我個女,(因自閉兒不適合活動教學),叫我選e位,再加normal 幼稚園,如無人收,下午暫託normal幼稚園,有幼稚園收,她又扮家長幫我問課程,真係無得彈....她一步一步給我正確方向,我女叻左,我真係好感激她

Rank: 5 Rank: 5


	2193

20^#

發表於 12-6-30 11:58 |只看該作者

YingYin:你講緊既梗係「中環STEP」,highly RECOMMENDED!

‹ 上一主題|下一主題 ›

發新帖

熱門主題

高主教小學 VS 將軍澳天主教小學點選？11

最高瀏覽主題